வால்மீகிராமாயணே ஆதி³காவ்யே அயோத்⁴யாகாண்டே³ த்³விஸப்ததிதம꞉ ஸர்க³꞉
அபஷ்²யம்ஸ் து தத꞉ தத்ர பிதரம் பிதுர் ஆலயே |
ஜகா³ம ப⁴ரத꞉ த்³ரஷ்டும் மாதரம் மாதுர் ஆலயே || 2-72-1
அநுப்ராப்தம் து தம் த்³ருஷ்ட்வா கைகேயீ ப்ரோஷிதம் ஸுதம் |
உத்பபாத ததா³ ஹ்ருஷ்டா த்யக்த்வா ஸௌவர்ண மாநஸம் || 2-72-2
ஸ ப்ரவிஷ்²ய ஏவ த⁴ர்ம ஆத்மா ஸ்வ க்³ருஹம் ஷ்²ரீ விவர்ஜிதம் |
ப⁴ரத꞉ ப்ரேக்ஷ்ய ஜக்³ராஹ ஜநந்யா꞉ சரணௌ ஷு²பௌ⁴ || 2-72-3
ஸா தம் மூர்த்⁴நி ஸமுபாக்⁴ராய பரிஷ்வஜ்ய யஷ²ஸ்விநம் |
அங்கே ப⁴ரதம் ஆரோப்ய ப்ரஷ்டும் ஸமுபசக்ரமே || 2-72-4
அத்³ய தே கதிசித் ராத்ர்ய꞉ ச்யுதஸ்ய ஆர்யக வேஷ்²மந꞉ |
அபி ந அத்⁴வ ஷ்²ரம꞉ ஷீ²க்⁴ரம் ரதே²ந ஆபதத꞉ தவ || 2-72-5
ஆர்யக꞉ தே ஸுகுஷ²லோ யுதா⁴ ஜின் மாதுல꞉ தவ |
ப்ரவாஸாச் ச ஸுக²ம் புத்ர ஸர்வம் மே வக்தும் அர்ஹஸி || 2-72-6
ஏவம் ப்ருஷ்ட²꞉ து கைகேய்யா ப்ரியம் பார்தி²வ நந்த³ந꞉ |
ஆசஷ்ட ப⁴ரத꞉ ஸர்வம் மாத்ரே ராஜீவ லோசந꞉ || 2-72-7
அத்³ய மே ஸப்தமீ ராத்ரி꞉ ச்யுதஸ்ய ஆர்யக வேஷ்²மந꞉ |
அம்பா³யா꞉ குஷ²லீ தாத꞉ யுதா⁴ஜின் மாதுல꞉ ச மே || 2-72-8
யன் மே த⁴நம் ச ரத்நம் ச த³தௌ³ ராஜா பரம் தப꞉ |
பரிஷ்²ராந்தம் பதி² அப⁴வத் தத꞉ அஹம் பூர்வம் ஆக³த꞉ || 2-72-9
ராஜ வால்ய ஹரை꞉ தூ³தைஅ꞉ த்வர்யமாணோ அஹம் ஆக³த꞉ |
யத்³ அஹம் ப்ரஷ்டும் இச்சாமி தத் அம்பா³ வக்தும் அர்ஹஸி || 2-72-10
ஷூ²ந்யோ அயம் ஷ²யநீய꞉ தே பர்யந்கோ ஹேம பூ⁴ஷித꞉ |
ந ச அயம் இக்ஷ்வாகு ஜந꞉ ப்ரஹ்ருஷ்ட꞉ ப்ரதிபா⁴தி மே || 2-72-11
ராஜா ப⁴வதி பூ⁴யிஷ்ட்²க³ம் இஹ அம்பா³யா நிவேஷ²நே |
தம் அஹம் ந அத்³ய பஷ்²யாமி த்³ரஷ்டும் இச்சந்ன் இஹ ஆக³த꞉ || 2-72-12
பிதுர் க்³ரஹீஷ்யே சரணௌ தம் மம ஆக்²யாஹி ப்ருச்சத꞉ |
ஆஹோஸ்வித்³ அம்ப³ ஜ்யேஷ்டா²யா꞉ கௌஸல்யாயா நிவேஷ²நே || 2-72-13
தம் ப்ரத்யுவாச கைகேயீ ப்ரியவத்³ கோ⁴ரம் அப்ரியம் |
அஜாநந்தம் ப்ரஜாநந்தீ ராஜ்ய லோபே⁴ந மோஹிதா || 2-72-14
யா க³தி꞉ ஸர்வ பூ⁴தாநாம் தாம் க³திம் தே பிதா க³த꞉ |
ராஜா மஹாத்மா தேஜஸ்வீ யாயஜூக꞉ ஸதாம் க³தி꞉ || 2-72-15
தத் ஷ்²ருத்வா ப⁴ரத꞉ வாக்யம் த⁴ர்ம அபி⁴ஜநவான் ஷு²சி꞉ |
பபாத ஸஹஸா பூ⁴மௌ பித்ரு ஷோ²க ப³ல அர்தி³த꞉ || 2-72-16
ஹா ஹாதோ(அ)ஸ்மீதி க்ருபணாம் தீ³நாம் வாசமுதீ³ரயன் |
நிபபாத மஹாபா³ஹுர்பா³ஹு விக்ஷிப்ய வீர்யவான் || 2-72-17
தத꞉ ஷோ²கேந ஸம்வீத꞉ பிதுர் மரண து³ஹ்கி²த꞉ |
விலலாப மஹா தேஜா ப்⁴ராந்த ஆகுலித சேதந꞉ || 2-72-18
ஏதத் ஸுருசிரம் பா⁴தி பிதுர் மே ஷ²யநம் புரா |
ஷ²ஷி²நேவாமலம் ராத்ரௌ க³க³நம் தோயதா³த்யயே || 2-72-19
தத் இத³ம் ந விபா⁴தி அத்³ய விஹீநம் தேந தீ⁴மதா |
வ்யோமேவ ஷ்²ஷி²நா ஹீநமப்பு⁴ஷ்க இவ ஸாக³ர꞉ || 2-72-20
பா³ஷ்பமுத்ஸ்ருஜ்ய கண்டே² ஸ்வாத்மநா பரிபீடி³த꞉ |
ஆச்சாத்³ய வத³நம் ஷ்²ரீமத்³வஸ்த்ரேண ஜயதாம் வர꞉ || 2-72-21
தம் ஆர்தம் தே³வ ஸம்காஷ²ம் ஸமீக்ஷ்ய பதிதம் பு⁴வி |
நிக்ருத்தமிவ ஸாலஸ்ய ஸ்கந்த⁴ம் பரஷு²நா வநே || 2-72-22
மத்தமாதங்க³ஸம்காஷ²ம் சந்த்³ரார்கஸத்³ருஷ²ம் பு⁴வ꞉ |
உத்தா²பயித்வா ஷோ²க ஆர்தம் வசநம் ச இத³ம் அப்³ரவீத் || 2-72-23
உத்திஷ்ட² உத்திஷ்ட² கிம் ஷே²ஷே ராஜ புத்ர மஹா யஷ²꞉ |
த்வத்³ விதா⁴ ந ஹி ஷோ²சந்தி ஸந்த꞉ ஸத³ஸி ஸம்மதா꞉ || 2-72-24
தா³நயஜ்ஞாதி⁴காரா ஹி ஷீ²லஷ்²ருதிவசோநுகா³ |
பு³த்³தி⁴ஸ்தே பு³த்³தி⁴ஸம்பந்ந ப்ரபே⁴வார்கஸ்ய மந்தி³ரே || 2-72-25
ஸ ருத³த்யா சிரம் காலம் பூ⁴மௌ விபரிவ்ருத்ய ச |
ஜநநீம் ப்ரத்யுவாச இத³ம் ஷோ²கை꞉ ப³ஹுபி⁴ர் ஆவ்ருத꞉ || 2-72-26
அபி⁴ஷேக்ஷ்யதி ராமம் து ராஜா யஜ்ஞம் நு யக்ஷ்யதி |
இதி அஹம் க்ருத ஸம்கல்போ ஹ்ருஷ்ட꞉ யாத்ராம் அயாஸிஷம் || 2-72-27
தத் இத³ம் ஹி அந்யதா² பூ⁴தம் வ்யவதீ³ர்ணம் மநோ மம |
பிதரம் யோ ந பஷ்²யாமி நித்யம் ப்ரிய ஹிதே ரதம் || 2-72-28
அம்ப³ கேந அத்யகா³த் ராஜா வ்யாதி⁴நா மய்ய் அநாக³தே |
த⁴ந்யா ராம ஆத³ய꞉ ஸர்வே யை꞉ பிதா ஸம்ஸ்க்ருத꞉ ஸ்வயம் || 2-72-29
ந நூநம் மாம் மஹா ராஜ꞉ ப்ராப்தம் ஜாநாதி கீர்திமான் |
உபஜிக்⁴ரேத்³த்³ ஹி மாம் மூர்த்⁴நி தாத꞉ ஸம்நம்ய ஸத்வரம் || 2-72-30
க்வ ஸ பாணி꞉ ஸுக² ஸ்பர்ஷ²꞉ தாதஸ்ய அக்லிஷ்ட கர்மண꞉ |
யேந மாம் ரஜஸா த்⁴வஸ்தம் அபீ⁴க்ஷ்ணம் பரிமார்ஜதி || 2-72-31
யோ மே ப்⁴ராதா பிதா ப³ந்து⁴ர் யஸ்ய தா³ஸோ அஸ்மி தீ⁴மத꞉ |
தஸ்ய மாம் ஷீ²க்⁴ரம் ஆக்²யாஹி ராமஸ்ய அக்லிஷ்ட கர்மண꞉ || 2-72-32
பிதா ஹி ப⁴வதி ஜ்யேஷ்டோ² த⁴ர்மம் ஆர்யஸ்ய ஜாநத꞉ |
தஸ்ய பாதௌ³ க்³ரஹீஷ்யாமி ஸ ஹி இதா³நீம் க³திர் மம || 2-72-33
த⁴ர்மவித்³த⁴ர்மநித்யஷ்²ச ஸத்யஸந்தோ⁴ த்³ருட⁴வ்ரத꞉ |
ஆர்யே கிம் அப்³ரவீத்³ ராஜா பிதா மே ஸத்ய விக்ரம꞉ || 2-72-34
பஷ்²சிமம் ஸாது⁴ ஸந்தே³ஷ²ம் இச்சாமி ஷ்²ரோதும் ஆத்மந꞉ |
இதி ப்ருஷ்டா யதா² தத்த்வம் கைகேயீ வாக்யம் அப்³ரவீத் || 2-72-35
ராம இதி ராஜா விலபன் ஹா ஸீதே லக்ஷ்மண இதி ச |
ஸ மஹாத்மா பரம் லோகம் க³த꞉ க³திமதாம் வர꞉ || 2-72-36
இமாம் து பஷ்²சிமாம் வாசம் வ்யாஜஹார பிதா தவ |
கால த⁴ர்ம பரிக்ஷிப்த꞉ பாஷை²꞉ இவ மஹா க³ஜ꞉ || 2-72-37
ஸித்³த⁴ அர்தா²꞉ து நரா ராமம் ஆக³தம் ஸீதயா ஸஹ |
லக்ஷ்மணம் ச மஹா பா³ஹும் த்³ரக்ஷ்யந்தி புநர் ஆக³தம் || 2-72-38
தத் ஷ்²ருத்வா விஷஸாத³ ஏவ த்³விதீயா ப்ரிய ஷ²ம்ஸநாத் |
விஷண்ண வத³நோ பூ⁴த்வா பூ⁴ய꞉ பப்ரச்ச மாதரம் || 2-72-39
க்வ ச இதா³நீம் ஸ த⁴ர்ம ஆத்மா கௌஸல்ய ஆநந்த³ வர்த⁴ந꞉ |
லக்ஷ்மணேந ஸஹ ப்⁴ராத்ரா ஸீதயா ச ஸமம் க³த꞉ || 2-72-40
ததா² ப்ருஷ்டா யதா² தத்த்வம் ஆக்²யாதும் உபசக்ரமே |
மாதா அஸ்ய யுக³பத்³ வாக்யம் விப்ரியம் ப்ரிய ஷ²ந்கயா || 2-72-41
ஸ ஹி ராஜ ஸுத꞉ புத்ர சீர வாஸா மஹா வநம் |
த³ண்ட³கான் ஸஹ வைதே³ஹ்யா லக்ஷ்மண அநுசர꞉ க³த꞉ || 2-72-42
தத் ஷ்²ருத்வா ப⁴ரத꞉ த்ரஸ்த꞉ ப்⁴ராது꞉ சாரித்ர ஷ²ந்கயா |
ஸ்வஸ்ய வம்ஷ²ஸ்ய மாஹாத்ம்யாத் ப்ரஷ்டும் ஸமுபசக்ரமே || 2-72-43
கச்சின் ந ப்³ராஹ்மண வத⁴ம் ஹ்ருதம் ராமேண கஸ்யசித் |
கச்சின் ந ஆட்⁴யோ த³ரித்³ர꞉ வா தேந அபாபோ விஹிம்ஸித꞉ || 2-72-44
கச்சின் ந பர தா³ரான் வா ராஜ புத்ர꞉ அபி⁴மந்யதே |
கஸ்மாத் ஸ த³ண்ட³க அரண்யே ப்⁴ரூணஹா இவ விவாஸித꞉ || 2-72-45
அத² அஸ்ய சபலா மாதா தத் ஸ்வ கர்ம யதா² தத²ம் |
தேந ஏவ ஸ்த்ரீ ஸ்வபா⁴வேந வ்யாஹர்தும் உபசக்ரமே || 2-72-46
ஏவமுக்தா து கைகேயீ ப⁴ரதேந மஹாத்மநா |
உவாச வசநம் ஹ்ருஷ்டா மூடா⁴ பண்டி³தமாநிநீ || 2-72-47
ந ப்³ராஹ்மண த⁴நம் கிஞ்சித்³த்³ ஹ்ருதம் ராமேண கஸ்யசித் |
கஷ்²சின் ந ஆட்⁴யோ த³ரித்³ர꞉ வா தேந அபாபோ விஹிம்ஸித꞉ || 2-72-48
ந ராம꞉ பர தா³ராம꞉ ச சக்ஷுர்ப்⁴யாம் அபி பஷ்²யதி |
மயா து புத்ர ஷ்²ருத்வா ஏவ ராமஸ்ய ஏவ அபி⁴ஷேசநம் || 2-72-49
யாசித꞉ தே பிதா ராஜ்யம் ராமஸ்ய ச விவாஸநம் |
ஸ ஸ்வ வ்ருத்திம் ஸமாஸ்தா²ய பிதா தே தத் ததா² அகரோத் || 2-72-50
ராம꞉ ச ஸஹ ஸௌமித்ரி꞉ ப்ரேஷித꞉ ஸஹ ஸீதயா |
தம் அபஷ்²யன் ப்ரியம் புத்ரம் மஹீ பாலோ மஹா யஷா²꞉ || 2-72-51
புத்ர ஷோ²க பரித்³யூந꞉ பந்சத்வம் உபபேதி³வான் |
த்வயா து இதா³நீம் த⁴ர்மஜ்ஞ ராஜத்வம் அவலம்ப்³யதாம் || 2-72-52
த்வத் க்ருதே ஹி மயா ஸர்வம் இத³ம் ஏவம் வித⁴ம் க்ருதம் |
மா ஷோ²கம் மா ச ஸம்தாபம் தை⁴ர்யமாஷ்²ரய புத்ரக || 2-72-53
த்வத³தீ⁴நா ஹி நக³ரீ ராஜ்யம் சைதத³நாமயம் |
தத் புத்ர ஷீ²க்⁴ரம் விதி⁴நா விதி⁴ஜ்ஞை꞉ |
வஸிஷ்ட² முக்²யை꞉ ஸஹித꞉ த்³விஜ இந்த்³ரை꞉ |
ஸம்கால்ய ராஜாநம் அதீ³ந ஸத்த்வம் |
ஆத்மாநம் உர்வ்யாம் அபி⁴ஷேசயஸ்வ || 2-72-54
இத்யார்ஷே ஷ்²ரீமத்³ராமாயணே ஆதி³காவ்யே அயோத்⁴யாகாண்டே³ த்³விஸப்ததிதம꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
