வால்மீகிராமாயணே ஆதி³காவ்யே அயோத்⁴யாகாண்டே³ சது꞉ஷஷ்டிதம꞉ ஸர்க³꞉
தம் அக்³நிம் இவ ஸம்ஷா²ந்தம் அம்பு³ ஹீநம் இவ அர்ணவம் |
ஹதப்ரப⁴ம் இவ ஆதி³த்யம் ஸ்வர்க³த²ம் ப்ரேக்ஷ்ய பூ⁴மிபம் || 2-66-1
கௌஸல்யா பா³ஷ்ப பூர்ண அக்ஷீ விவித⁴ம் ஷோ²க கர்ஷி²தா |
உபக்³ருஹ்ய ஷி²ர꞉ ராஜ்ஞ꞉ கைகேயீம் ப்ரத்யபா⁴ஷத || 2-66-2
ஸகாமா ப⁴வ கைகேயி பு⁴ந்க்ஷ்வ ராஜ்யம் அகண்டகம் |
த்யக்த்வா ராஜாநம் ஏக அக்³ரா ந்ருஷ²ம்ஸே து³ஷ்ட சாரிணி || 2-66-3
விஹாய மாம் க³த꞉ ராம꞉ ப⁴ர்தா ச ஸ்வர் க³த꞉ மம |
விபதே² ஸார்த² ஹீநா இவ ந அஹம் ஜீவிதும் உத்ஸஹே || 2-66-4
ப⁴ர்தாரம் தம் பரித்யஜ்ய கா ஸ்த்ரீ தை³வதம் ஆத்மந꞉ |
இச்சேஜ் ஜீவிதும் அந்யத்ர கைகேய்யா꞉ த்யக்த த⁴ர்மண꞉ || 2-66-5
ந லுப்³தோ⁴ பு³த்⁴யதே தோ³ஷான் கிம் பாகம் இவ ப⁴க்ஷயன் |
குப்³ஜா நிமித்தம் கைகேய்யா ராக⁴வாணான் குலம் ஹதம் || 2-66-6
அநியோகே³ நியுக்தேந ராஜ்ஞா ராமம் விவாஸிதம் |
ஸபா⁴ர்யம் ஜநக꞉ ஷ்²ருத்வா பதிதப்ஸ்யதி அஹம் யதா² || 2-66-7
ஸ மாமநாதா²ம் வித⁴வாம் நாத்³ய ஜாநாதி தா⁴ர்மிக꞉ |
ராம꞉ கமல பத்ர அக்ஷோ ஜீவ நாஷ²ம் இத꞉ க³த꞉ || 2-66-8
விதே³ஹ ராஜஸ்ய ஸுதா தஹா ஸீதா தபஸ்விநீ |
து³ஹ்க²ஸ்ய அநுசிதா து³ஹ்க²ம் வநே பர்யுத்³விஜிஷ்யதி || 2-66-9
நத³தாம் பீ⁴ம கோ⁴ஷாணாம் நிஷா²ஸு ம்ருக³ பக்ஷிணாம் |
நிஷ²ம்ய நூநம் ஸம்ஸ்த்ரஸ்தா ராக⁴வம் ஸம்ஷ்²ரயிஷ்யதி || 2-66-10
வ்ருத்³த⁴꞉ சைவ அல்ப புத்ர꞉ ச வைதே³ஹீம் அநிசிந்தயன் |
ஸோ அபி ஷோ²க ஸமாவிஷ்ட꞉ நநு த்யக்ஷ்யதி ஜீவிதம் || 2-66-11
ஸாஹமத்³யைவ தி³ஷ்டாந்தம் க³மிஷ்யாமி பதிவ்ரதா |
இத³ம் ஷ²ரீரமாலிங்க்³ய ப்ரவேக்ஷ்யாமி ஹுதாஷ²நம் || 2-66-12
தாம் தத꞉ ஸம்பரிஷ்வஜ்ய விலபந்தீம் தபஸ்விநீம் |
வ்யபநிந்யு꞉ ஸுது³ஹ்க² ஆர்தாம் கௌஸல்யாம் வ்யாவஹாரிகா꞉ || 2-66-13
தைல த்³ரோண்யாம் அத² அமாத்யா꞉ ஸம்வேஷ்²ய ஜக³தீ பதிம் |
ராஜ்ஞ꞉ ஸர்வாணி அத² ஆதி³ஷ்டா꞉ சக்ரு꞉ கர்மாணி அநந்தரம் || 2-66-14
ந து ஸம்கலநம் ராஜ்ஞோ விநா புத்ரேண மந்த்ரிண꞉ |
ஸர்வஜ்ஞா꞉ கர்தும் ஈஷுஸ் தே தத꞉ ரக்ஷந்தி பூ⁴மிபம் || 2-66-15
தைல த்³ரோண்யாம் து ஸசிவை꞉ ஷா²யிதம் தம் நர அதி⁴பம் |
ஹா ம்ருத꞉ அயம் இதி ஜ்ஞாத்வா ஸ்த்ரிய꞉ தா꞉ பர்யதே³வயன் || 2-66-16
பா³ஹூன் உத்³யம்ய க்ருபணா நேத்ர ப்ரஸ்ரவணை꞉ முகை²꞉ |
ருத³ந்த்ய꞉ ஷோ²க ஸம்தப்தா꞉ க்ருபணம் பர்யதே³வயன் || 2-66-17
ஹா மஹாராஜ ராமேண ஸததம் ப்ரியவாதி³நா |
விஹீநா꞉ ஸத்யஸந்தே⁴ந கிமர்த²ம் விஜஹாஸி ந꞉ || 2-66-18
கைகேய்யா து³ஷ்டபா⁴வாயா ராக⁴வேண வியோஜிதா꞉ |
கத²ம் பதிக்⁴ந்யா வத்ஸ்யாம꞉ ஸமீபே வித⁴வா வயம் || 2-66-19
ஸ ஹி நாத²꞉ ஸதா³ஸ்மாகம் தவ ச ப்ரபு⁴ராத்மவான் |
வநம் ராமோ க³த꞉ ஷ்²ரீமான் விஹாய ந்ருபதிஷ்²ரியம் || 2-66-20
த்வயா தேந ச வீரேண விநா வ்யஸநமோஹிதா꞉ |
கத²ம் வயம் நிவத்ஸ்யாம꞉ கைகேய்யா ச விதூ³ஷிதா꞉ || 2-66-21
யயா து ராஜா ராமஷ்²ச லக்ஷ்மணஷ்²ச மஹாப³ல꞉ |
ஸீதயா ஸஹ ஸம்த்ய்க்தா꞉ ஸா கமந்யம் ந ஹாஸ்யதி || 2-66-22
தா பா³ஷ்பேண ச ஸம்வீதா꞉ ஷோ²கேந விபுலேந ச |
வ்யவேஷ்டந்த நிராநந்தா³ ராக⁴வஸ்ய வரஸ்த்ரீய꞉ || 2-66-23
நிஷா² நக்ஷத்ர ஹீநா இவ ஸ்த்ரீ இவ ப⁴ர்த்ரு விவர்ஜிதா |
புரீ ந அராஜத அயோத்⁴யா ஹீநா ராஜ்ஞா மஹாத்மநா || 2-66-24
பா³ஷ்ப பர்யாகுல ஜநா ஹாஹா பூ⁴த குல அந்க³நா |
ஷூ²ந்ய சத்வர வேஷ்²ம அந்தா ந ப³ப்⁴ராஜ யதா² புரம் || 2-66-25
க³த ப்ரபா⁴ த்³யௌர் இவ பா⁴ஸ்கரம் விநா |
வ்யபேத நக்ஷத்ர க³ணா இவ ஷ²ர்வரீ |
நிவ்ருத்தசார꞉ ஸஹஸா க³தோ ரவி꞉ |
ப்ரவ்ருத்தசாரா ராஜநீ ஹ்யுபஸ்தி²தா || 2-66-26
ருதே து புத்ராத்³த³ஹநம் மஹீபதே |
ர்நரோசயந்தே ஸுஹ்ருத³꞉ ஸமாக³தா꞉ |
இதீவ தஸ்மின் ஷ²யநே ந்யவேஷ²ய |
ந்விசிந்த்ய ராஜாநமசிந்த்ய த³ர்ஷ²நம் || 2-66-27
க³தப்ரபா⁴ த்³யௌரிவ பா⁴ஸ்கரம் விநா |
வ்யபேதநக்ஷத்ரக³ணேவ ஷ²ர்வரீ |
புரீ ப³பா⁴ஸே ரஹிதா மஹ ஆத்மநா |
ந ச அஸ்ர கண்ட² ஆகுல மார்க³ சத்வரா || 2-66-28
நரா꞉ ச நார்ய꞉ ச ஸமேத்ய ஸம்க⁴ஷோ² |
விக³ர்ஹமாணா ப⁴ரதஸ்ய மாதரம் |
ததா³ நக³ர்யாம் நர தே³வ ஸம்க்ஷயே |
ப³பூ⁴வுர் ஆர்தா ந ச ஷ²ர்ம லேபி⁴ரே || 2-66-29
இத்யார்ஷே ஷ்²ரீமத்³ராமாயணே ஆதி³காவ்யே அயோத்⁴யாகாண்டே³ ஷ்ட்ஷ்ஷ்டிதம ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
