வால்மீகிராமாயணே ஆதி³காவ்யே அயோத்⁴யாகாண்டே³ ஏகபஞ்சாஷ²꞉ ஸர்க³꞉
தம் ஜாக்³ரதம் அத³ம்பே⁴ந ப்⁴ராதுர் அர்தா²ய லக்ஷ்மணம் |
கு³ஹ꞉ ஸம்தாப ஸம்தப்த꞉ ராக⁴வம் வாக்யம் அப்³ரவீத் || 2-51-1
இயம் தாத ஸுகா² ஷ²ய்யா த்வத்³ அர்த²ம் உபகல்பிதா |
ப்ரத்யாஷ்²வஸிஹி ஸாத்⁴வ் அஸ்யாம் ராஜ புத்ர யதா² ஸுக²ம் || 2-51-2
உசித꞉ அயம் ஜந꞉ ஸர்வ꞉ க்லேஷா²நாம் த்வம் ஸுக² உசித꞉ |
கு³ப்தி அர்த²ம் ஜாக³ரிஷ்யாம꞉ காகுத்ஸ்த²ஸ்ய வயம் நிஷா²ம் || 2-51-3
ந ஹி ராமாத் ப்ரியதர꞉ மம அஸ்தி பு⁴வி கஷ்²சந |
ப்³ரவீம்ய் ஏதத் அஹம் ஸத்யம் ஸத்யேந ஏவ ச தே ஷ²பே || 2-51-4
அஸ்ய ப்ரஸாதா³த் ஆஷ²ம்ஸே லோகே அஸ்மின் ஸுமஹத்³ யஷ²꞉ |
த⁴ர்ம அவாப்திம் ச விபுலாம் அர்த² அவாப்திம் ச கேவலாம் || 2-51-5
ஸோ அஹம் ப்ரிய ஸக²ம் ராமம் ஷ²யாநம் ஸஹ ஸீதயா |
ரக்ஷிஷ்யாமி த⁴நுஷ் பாணி꞉ ஸர்வத꞉ ஜ்ஞாதிபி⁴꞉ ஸஹ || 2-51-6
ந ஹி மே அவிதி³தம் கிஞ்சித் வநே அஸ்மிம꞉ சரத꞉ ஸதா³ |
சதுர் அந்க³ம் ஹி அபி ப³லம் ஸுமஹத் ப்ரஸஹேமஹி || 2-51-7
லக்ஷ்மண꞉ தம் ததா³ உவாச ரக்ஷ்யமாணா꞉ த்வயா அநக⁴ |
ந அத்ர பீ⁴தா வயம் ஸர்வே த⁴ர்மம் ஏவ அநுபஷ்²யதா || 2-51-8
கத²ம் தா³ஷ²ரதௌ² பூ⁴மௌ ஷ²யாநே ஸஹ ஸீதயா |
ஷ²க்யா நித்³ரா மயா லப்³து⁴ம் ஜீவிதம் வா ஸுகா²நி வா || 2-51-9
யோ ந தே³வ அஸுரை꞉ ஸர்வை꞉ ஷ²க்ய꞉ ப்ரஸஹிதும் யுதி⁴ |
தம் பஷ்²ய ஸுக² ஸம்விஷ்டம் த்ருணேஷு ஸஹ ஸீதயா || 2-51-10
யோ மந்த்ர தபஸா லப்³தோ⁴ விவிதை⁴꞉ ச பரிஷ்²ரமை꞉ |
ஏகோ த³ஷ²ரத²ஸ்ய ஏஷ புத்ர꞉ ஸத்³ருஷ² லக்ஷண꞉ || 2-51-11
அஸ்மின் ப்ரவ்ரஜித꞉ ராஜா ந சிரம் வர்தயிஷ்யதி |
வித⁴வா மேதி³நீ நூநம் க்ஷிப்ரம் ஏவ ப⁴விஷ்யதி || 2-51-12
விநத்³ய ஸுமஹா நாத³ம் ஷ்²ரமேண உபரதா꞉ ஸ்த்ரிய꞉ |
நிர்கோ⁴ஷ உபரதம் தாத மந்யே ராஜ நிவேஷ²நம் || 2-51-13
கௌஸல்யா சைவ ராஜா ச ததை²வ ஜநநீ மம |
ந ஆஷ²ம்ஸே யதி³ ஜீவந்தி ஸர்வே தே ஷ²ர்வரீம் இமாம் || 2-51-14
ஜீவேத்³ அபி ஹி மே மாதா ஷ²த்ருக்⁴நஸ்ய அந்வவேக்ஷயா |
தத் து³ஹ்க²ம் யத் து கௌஸல்யா வீரஸூர் விநஷி²ஷ்யதி || 2-51-15
அநுரக்த ஜந ஆகீர்ணா ஸுக² ஆலோக ப்ரிய ஆவஹா |
ராஜ வ்யஸந ஸம்ஸ்ருஷ்டா ஸா புரீ விநஷி²ஷ்யதி || 2-51-16
கத²ம் புத்ரம் மஹாத்மாநம் ஜ்யேஷ்ட²ம் ப்ரியமபஸ்யத꞉ |
ஷ²ரீரம் தா⁴ரயுஷ்யாந்தி ப்ராணா ராஜ்ஞோ மஹாத்மந꞉ || 2-51-17
விநஷ்டே ந்ருபதௌ பஷ்²சாத்கௌஸல்யா விநஷி²ஷ்யதி |
அநந்தரம் ச மாதா(அ)பி மம நாஷ²முபைஷ்யதி || 2-51-18
அதிக்ராந்தம் அதிக்ராந்தம் அநவாப்ய மநோரத²ம் |
ராஜ்யே ராமம் அநிக்ஷிப்ய பிதா மே விநஷி²ஷ்யதி || 2-51-19
ஸித்³த⁴ அர்தா²꞉ பிதரம் வ்ருத்தம் தஸ்மின் காலே ஹி உபஸ்தி²தே |
ப்ரேத கார்யேஷு ஸர்வேஷு ஸம்ஸ்கரிஷ்யந்தி பூ⁴மிபம் || 2-51-20
ரம்ய சத்வர ஸம்ஸ்தா²நாம் ஸுவிப⁴க்த மஹா பதா²ம் |
ஹர்ம்ய ப்ரஸாத³ ஸம்பந்நாம் க³ணிகா வர ஷோ²பி⁴தாம் || 2-51-21
ரத² அஷ்²வ க³ஜ ஸம்பா³தா⁴ம் தூர்ய நாத³ விநாதி³தாம் |
ஸர்வ கல்யாண ஸம்பூர்ணாம் ஹ்ருஷ்ட புஷ்ட ஜந ஆகுலாம் || 2-51-22
ஆராம உத்³யாந ஸம்பந்நாம் ஸமாஜ உத்ஸவ ஷா²லிநீம் |
ஸுகி²தா விசரிஷ்யந்தி ராஜ தா⁴நீம் பிதுர் மம || 2-51-23
அபி ஜீவேத்³த⁴ஷ²ரதோ² வநவாஸாத்புநர்வயம் |
ப்ரத்யாக³ம்ய மஹாத்மாநமபி பஷ்²யேம ஸுவ்ரதம் || 2-51-24
அபி ஸத்ய ப்ரதிஜ்ஞேந ஸார்த⁴ம் குஷ²லிநா வயம் |
நிவ்ருத்தே வந வாஸே அஸ்மிந்ன் அயோத்⁴யாம் ப்ரவிஷே²மஹி || 2-51-25
பரிதே³வயமாநஸ்ய து³ஹ்க² ஆர்தஸ்ய மஹாத்மந꞉ |
திஷ்ட²த꞉ ராஜ புத்ரஸ்ய ஷ²ர்வரீ ஸா அத்யவர்தத || 2-51-26
ததா² ஹி ஸத்யம் ப்³ருவதி ப்ரஜா ஹிதே |
நர இந்த்³ர புத்ரே கு³ரு ஸௌஹ்ருதா³த் கு³ஹ꞉ |
முமோச பா³ஷ்பம் வ்யஸந அபி⁴பீடி³த꞉ |
ஜ்வரா ஆதுர꞉ நாகை³வ வ்யதா² ஆதுர꞉ || 2-51-27
இதி வால்மீகி ராமாயணே ஆதி³ காவ்யே அயோத்⁴ய காண்டே³ ஏகபஞ்சாஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
