வால்மீகிராமாயணே ஆதி³காவ்யே அயோத்⁴யாகாண்டே³ த்ரய꞉ த்ரிம்ஷ²꞉ ஸர்க³꞉
Shlokas in audio recited by Mrs.Ranganayaki, Chennai.
த³த்த்வா து ஸஹ வைதே³ஹ்யா ப்³ராஹ்மணேப்⁴யோ த⁴நம் ப³ஹு |
ஜக்³மது꞉ பிதரம் த்³ரஷ்டும் ஸீதயா ஸஹ ராக⁴வௌ || 2-33-1
ததோ க்³ருஹீதே து³ஷ்ப்ரேக்ஷ்யேஅஷோ²பே⁴தாம் ததா³ ஆயுதே⁴ |
மாலா தா³மபி⁴ர் ஆஸக்தே ஸீதயா ஸமலம்க்ருதே || 2-33-2
தத꞉ ப்ராஸாத³ ஹர்ம்யாணி விமாந ஷி²க²ராணி ச |
அதி⁴ருஹ்ய ஜந꞉ ஷ்²ரீமான் உதா³ஸீநோ வ்யலோகயத் || 2-33-3
ந ஹி ரத்²யா꞉ ஸ்ம ஷ²க்யந்தே க³ந்தும் ப³ஹு ஜந ஆகுலா꞉ |
ஆருஹ்ய தஸ்மாத் ப்ராஸாதா³ன் தீ³நா꞉ பஷ்²யந்தி ராக⁴வம் || 2-33-4
பதா³திம் வர்ஜிதச் சத்ரம் ராமம் த்³ருஷ்ட்வா ததா³ ஜநா꞉ |
ஊசுர் ப³ஹு விதா⁴ வாச꞉ ஷோ²க உபஹத சேதஸ꞉ || 2-33-5
யம் யாந்தம் அநுயாதி ஸ்ம சதுர் அந்க³ ப³லம் மஹத் |
தம் ஏகம் ஸீதயா ஸார்த⁴ம் அநுயாதி ஸ்ம லக்ஷ்மண꞉ || 2-33-6
ஐஷ்²வர்யஸ்ய ரஸஜ்ஞ꞉ ஸன் காமிநாம் சைவ காமத³꞉ |
ந இச்சதி ஏவ அந்ருதம் கர்தும் பிதரம் த⁴ர்ம கௌ³ரவாத் || 2-33-7
யா ந ஷ²க்யா புரா த்³ரஷ்டும் பூ⁴தை꞉ ஆகாஷ²கை³꞉ அபி |
தாம் அத்³ய ஸீதாம் பஷ்²யந்தி ராஜ மார்க³ க³தா ஜநா꞉ || 2-33-8
அங்க³ ராக³ உசிதாம் ஸீதாம் ரக்த சந்த³ந ஸேவிநீம் |
வர்ஷம் உஷ்ணம் ச ஷீ²தம் ச நேஷ்யதி ஆஷு² விவர்ணதாம் || 2-33-9
அத்³ய நூநம் த³ஷ²ரத²꞉ ஸத்த்வம் ஆவிஷ்²ய பா⁴ஷதே |
ந ஹி ராஜா ப்ரியம் புத்ரம் விவாஸயிதும் அர்ஹதி || 2-33-10
நிர்கு³ணஸ்ய அபி புத்ரஸ்யா காத²ம் ஸ்யாத் விப்ரவாஸநம் |
கிம் புநர் யஸ்ய லோகோ அயம் ஜித꞉ வ்ருத்தேந கேவலம் || 2-33-11
ஆந்ருஷ²ம்ஸ்யம் அநுக்ரோஷ²꞉ ஷ்²ருதம் ஷீ²லம் த³ம꞉ ஷ²ம꞉ |
ராக⁴வம் ஷோ²ப⁴யந்தி ஏதே ஷட்³ கு³ணா꞉ புருஷ உத்தமம் || 2-33-12
தஸ்மாத் தஸ்ய உபகா⁴தேந ப்ரஜா꞉ பரம பீடி³தா꞉ |
ஔத³காநி இவ ஸத்த்வாநி க்³ரீஷ்மே ஸலில ஸம்க்ஷயாத் || 2-33-13
பீட³யா பீடி³தம் ஸர்வம் ஜக³த்³ அஸ்ய ஜக³த் பதே꞉ |
மூலஸ்ய இவ உபகா⁴தேந வ்ருக்ஷ꞉ புஷ்ப ப²ல உபக³꞉ || 2-33-14
மூலம் ஹ்யேஷ மநுஷ்யாணாம் த⁴ர்மஸாரோ மஹாத்³யுதி꞉ |
புஷ்பம் ப²லம் ச பத்ரம் ச ஷா²கா²ஷ்²சா ஸ்யேதரே ஜநா꞉ || 2-33-15
தே லக்ஷ்மணைவ க்ஷிப்ரம் ஸபத்ந்ய꞉ ஸஹ பா³ந்த⁴வா꞉ |
க³ச்சந்தம் அநுக³ச்சாம꞉ யேந க³ச்சதி ராக⁴வ꞉ || 2-33-16
உத்³யாநாநி பரித்யஜ்ய க்ஷேத்ராணி ச க்³ருஹாணி ச |
ஏக து³ஹ்க² ஸுகா² ராமம் அநுக³ச்சாம தா⁴ர்மிகம் || 2-33-17
ஸமுத்³த்⁴ருத நிதா⁴நாநி பரித்⁴வஸ்த அஜிராணி ச |
உபாத்த த⁴ந தா⁴ந்யாநி ஹ்ருத ஸாராணி ஸர்வஷ²꞉ || 2-33-18
ரஜஸா அப்⁴யவகீர்ணாநி பரித்யக்தாநி தை³வதை꞉ |
மூஷகை꞉ பரிதா⁴வத்³பி⁴ருத்³பி³லைராவ்ருதாநி ச || 2-33-19
அபேதோத³கதூ⁴மாநி ஹீநஸம்மார்ஜநாநி ச |
ப்ரநஷ்டப³லிகர்மேஜ்யமந்த்ரஹோமஜபாநி ச || 2-33-20
து³ஷ்காலேநேவ ப⁴க்³நாநி பி⁴பா⁴ஜநவந்தி ச |
அஸ்மத் த்யக்தாநி வேஷ்²மாநி கைகேயீ ப்ரதிபத்³யதாம் || 2-33-21
வநம் நக³ரம் ஏவ அஸ்து யேந க³ச்சதி ராக⁴வ꞉ |
அஸ்மாபி⁴꞉ ச பரித்யக்தம் புரம் ஸம்பத்³யதாம் வநம் || 2-33-22
பி³லாநி த³ம்ஷ்ட்ரிண꞉ ஸர்வே ஸாநூநி ம்ருக³ பக்ஷிண꞉ |
அஸ்மத் த்யக்தம் ப்ரபத்³யந்தாம் ஸேவ்யமாநம் த்யஜந்து ச || 2-33-23
இதி ஏவம் விவிதா⁴ வாசோ நாநா ஜந ஸமீரிதா꞉ |
த்ருணமாம்ஸப²லாதா³நாம் தே³ஷ²ம் வ்யாலம்ருக³த்³விஜம் || 2-33-24
ப்ரபத்³யதாம் ஹி கைகேயீ ஸபுத்ரா ஸஹபா³ந்த⁴வை꞉ |
ராகா⁴வேண வநே ஸர்வே ஸஹ வத்ஸ்யாம நிர்வ்ருதா꞉ || 2-33-25
இத்யேவம் விவிதா⁴ வாசோ நாநாஜநஸமீரிதா꞉|
ஷு²ஷ்²ராவ ராம꞉ ஷ்²ருத்வா ச ந விசக்ரே அஸ்ய மாநஸம் || 2-33-26
ஸ து வேஷ்²ம பிதுர்தூ³ரா த்கைலாஸஷி²க²ரப்ரப⁴ம் |
அபி⁴சக்ராம த⁴ர்மாத்மா மத்தமாதங்க³விக்ரம꞉ || 2-33-27
விநீதவீரபுருஷம் ப்ரவிஷ்²ய து ந்ருபாலயம் |
த³த³ர்ஷ²வஸ்தி²தம் தீ³நம் ஸுமந்த்ரமவிதூ³ரத꞉ || 2-33-28
ப்ரதீக்ஷமாணோ அபி⁴ஜநம் ததா³ ஆர்தம் |
அநார்த ரூப꞉ ப்ரஹஸந்ன் இவ அத²|
ஜகா³ம ராம꞉ பிதரம் தி³த்³ருக்ஷு꞉ |
பிதுர் நிதே³ஷ²ம் விதி⁴வச் சிகீர்ஷு꞉ || 2-33-29
தத் பூர்வம் ஐக்ஷ்வாக ஸுத꞉ மஹாத்மா |
ராம꞉ க³மிஷ்யன் வநம் ஆர்த ரூபம் |
வ்யதிஷ்ட²த ப்ரேக்ஷ்ய ததா³ ஸுமந்த்ரம் |
பிதுர் மஹாத்மா ப்ரதிஹாரண அர்த²ம் || 2-33-30
பிதுர்நிதே³ஷே²ந து த⁴ர்மவத்ஸலோ |
வந ப்ரவேஷே² க்ருத பு³த்³தி⁴ நிஷ்²சய꞉ |
ஸ ராக⁴வ꞉ ப்ரேக்ஷ்ய ஸுமந்த்ரம் அப்³ரவீன் |
நிவேத³யஸ்வ ஆக³மநம் ந்ருபாய மே || 2-33-31
இதி வால்மீகி ராமாயணே ஆதி³ காவ்யே அயோத்⁴ய காண்டே³ த்ரய꞉ த்ரிம்ஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
