வால்மீகிராமாயணே ஆதி³காவ்யே அயோத்⁴யாகாண்டே³ த்³வா த்ரய꞉ த்ரிம்ஷ²꞉ ஸர்க³꞉
Shlokas in audio recited by Mrs.Ranganayaki, Chennai.
தத꞉ ஷா²ஸநம் ஆஜ்ஞாய ப்⁴ராது꞉ ஷு²ப⁴தரம் ப்ரியம் |
க³த்வா ஸ ப்ரவிவேஷ² ஆஷு² ஸுயஜ்ஞஸ்ய நிவேஷ²நம் || 2-32-1
தம் விப்ரம் அக்³நி அகா³ரஸ்த²ம் வந்தி³த்வா லக்ஷ்மணோ அப்³ரவீத் |
ஸகே² அப்⁴யாக³ச்ச பஷ்²ய த்வம் வேஷ்²ம து³ஷ்கர காரிண꞉ || 2-32-2
தத꞉ ஸந்த்⁴யாம் உபாஸ்ய ஆஷு² க³த்வா ஸௌமித்ரிணா ஸஹ |
ஜுஷ்டம் தத் ப்ராவிஷ²ல் லக்ஷ்ம்யா ரம்யம் ராம நிவேஷ²நம் || 2-32-3
தம் ஆக³தம் வேத³வித³ம் ப்ராந்ஜலி꞉ ஸீதயா ஸஹ |
ஸுயஜ்ஞம் அபி⁴சக்ராம ராக⁴வோ அக்³நிம் இவ அர்சிதம் || 2-32-4
ஜாத ரூபமயை꞉ முக்²யை꞉ அந்க³தை³꞉ குண்ட³லை꞉ ஷு²பை⁴꞉ |
ஸஹேம ஸூத்ரை꞉ மணிபி⁴꞉ கேயூரை꞉ வலயை꞉ அபி || 2-32-5
அந்யை꞉ ச ரத்நை꞉ ப³ஹுபி⁴꞉ காகுத்ஸ்த²꞉ ப்ரத்யபூஜயத் |
ஸுயஜ்ஞம் ஸ ததா³ உவாச ராம꞉ ஸீதா ப்ரசோதி³த꞉ || 2-32-6
ஹாரம் ச ஹேம ஸூத்ரம் ச பா⁴ர்யாயை ஸௌம்ய ஹாரய |
ரஷ²நாம் ச அது⁴நா ஸீதா தா³தும் இச்சதி தே ஸகே² || 2-32-7
அங்க³தா³நி விசித்ராணி கேயூராணி ஷு²பா⁴நி ச |
பர்யந்கம் அக்³ர்ய ஆஸ்தரணம் நாநா ரத்ந விபூ⁴ஷிதம் || 2-32-8
பர்யங்கமக்³ர்யாஸ்தரணம் நாநாரத்நவிபூ⁴ஷிதம் |
தம் அபி இச்சதி வைதே³ஹீ ப்ரதிஷ்டா²பயிதும் த்வயி || 2-32-9
நாக³꞉ ஷ²த்ரும் ஜயோ நாம மாதுலோ யம் த³தௌ³ மம |
தம் தே க³ஜ ஸஹஸ்ரேண த³தா³மி த்³விஜ பும்க³வ || 2-32-10
இதி உக்த꞉ ஸ ஹி ராமேண ஸுயஜ்ஞ꞉ ப்ரதிக்³ருஹ்ய தத் |
ராம லக்ஷ்மண ஸீதாநாம் ப்ரயுயோஜ ஆஷி²ஷ꞉ ஷி²வா꞉ || 2-32-11
அத² ப்⁴ராதரம் அவ்யக்³ரம் ப்ரியம் ராம꞉ ப்ரியம் வத³꞉ |
ஸௌமித்ரிம் தம் உவாச இத³ம் ப்³ரஹ்மா இவ த்ரித³ஷ² ஈஷ்²வரம் || 2-32-12
அக³ஸ்த்யம் கௌஷி²கம் சைவ தாவ் உபௌ⁴ ப்³ராஹ்மண உத்தமௌ |
அர்சய ஆஹூய ஸௌமித்ரே ரத்நை꞉ ஸஸ்யம் இவ அம்பு³பி⁴꞉ || 2-32-13
தர்பயஸ்வ மஹாபா³ஹோ கோ³ஸஹஸரைஷ்²ச மாநத³ |
ஸுவர்ணை ரஜதைஷ்²சைவ மணிபி⁴ஷ்²ச மஹாத⁴நை꞉ || 2-32-14
கௌஸல்யாம் ச யாஅஷீ²ர்பி⁴ர் ப⁴க்த꞉ பர்யுபதிஷ்ட²தி |
ஆசார்ய꞉ தைத்திரீயாணாம் அபி⁴ரூப꞉ ச வேத³வித் || 2-32-15
தஸ்ய யாநம் ச தா³ஸீ꞉ ச ஸௌமித்ரே ஸம்ப்ரதா³பய |
கௌஷே²யாநி ச வஸ்த்ராணி யாவத் துஷ்யதி ஸ த்³விஜ꞉ || 2-32-16
ஸூத꞉ சித்ர ரத²꞉ ச ஆர்ய꞉ ஸசிவ꞉ ஸுசிர உஷித꞉ |
தோஷய ஏநம் மஹா அர்ஹை꞉ ச ரத்நை꞉ வஸ்த்ரை꞉ த⁴நைஅ꞉ ததா² || 2-32-17
பஷு²காபி⁴கச² ஸர்வாபி⁴ர்க³வாம் த³ஷ²ஷ²தேந ச |
யே சேமே கத²காலாபா ப³ஹவோ த³ண்ட³மாணவா꞉ || 2-32-18
நித்யஸ்வாத்⁴யாயஷீ²லத்வாந்நாந்யத்குர்வந்தி கிஞ்சந |
அலஸா꞉ ஸ்வாது³காமாஷ்²ச மஹதாம் சாபி ஸம்மதா꞉ || 2-32-19
ஷா²லி வாஹ ஸஹஸ்ரம் ச த்³வே ஷ²தே ப⁴த்³ரகாம்ஸ் ததா² |
வ்யந்ஜந அர்த²ம் ச ஸௌமித்ரே கோ³ ஸஹஸ்ரம் உபாகுரு || 2-32-20
மேக²லீநாம் மஹாஸக⁴꞉ கௌஸல்யாம் ஸமுபஸ்தி²த꞉ |
தேஷாம் ஸஹஸ்ரம் ஸௌமித்ரே ப்ரத்யேகம் ஸம்ப்ரதா³பய || 2-32-21
அம்பா³ யதா² ச ஸா நந்தே³த்கௌஸல்யா மம த³க்ஷிணாம் |
ததா² த்³விஜாதீம் ஸ்தாந்ஸர்வான் லக்ஷ்மணார்ச || 2-32-22
தத꞉ ஸ புருஷ வ்யாக்⁴ர꞉ தத் த⁴நம் லக்ஷ்மண꞉ ஸ்வயம் |
யதா² உக்தம் ப்³ராஹ்மண இந்த்³ராணாம் அத³தா³த் த⁴நதோ³ யதா² || 2-32-23
அத² அப்³ரவீத்³ பா³ஷ்ப கலாம்ஸ் திஷ்ட²த꞉ ச உபஜீவிந꞉ |
ஸம்ப்ரதா³ய ப³ஹு த்³ரவ்யம் ஏகைகஸ்ய உபஜீவிந꞉ || 2-32-24
லக்ஷ்மணஸ்ய ச யத்³ வேஷ்²ம க்³ருஹம் ச யத்³ இத³ம் மம |
அஷூ²ந்யம் கார்யம் ஏகைகம் யாவத்³ ஆக³மநம் மம || 2-32-25
இதி உக்த்வா து³ஹ்கி²தம் ஸர்வம் ஜநம் தம் உபஜீவிநம் |
உவாச இத³ம் த⁴ந த்⁴யக்ஷம் த⁴நம் ஆநீயதாம் இதி || 2-32-26
தத꞉ அஸ்ய த⁴நம் ஆஜஹ்ரு꞉ ஸர்வம் ஏவ உபஜீவிந꞉ |
ஸ ராஷி²꞉ ஸுமஹாம்ஸ்தத்ர த³ர்ஷ²நீயோ ஹ்யத்³ருஷ்²யத || 2-32-27
தத꞉ ஸ புருஷ வ்யாக்⁴ர꞉ தத் த⁴நம் ஸஹ லக்ஷ்மண꞉ |
த்³விஜேப்⁴யோ பா³ல வ்ருத்³தே⁴ப்⁴ய꞉ க்ருபணேப்⁴யோ அப்⁴யதா³பயத் || 2-32-28
தத்ர ஆஸீத் பிந்க³லோ கா³ர்க்³ய꞉ த்ரிஜட꞉ நாம வை த்³விஜ꞉ |
க்ஷதவ்ருத்திர்வநே நித்யம் பா²லகுத்³தா³லலாங்க³லீ || 2-32-29
தம் வ்ருத்³த⁴ம் தருணீ பா⁴ர்யா பா³லாநாதா³ய தா³ரகான் |
அப்³ரவீத்³பா³ஹ்மணம் வாக்யம் தா³ரித்³ர்யேணாபி⁴பீடி³தா || 2-32-30
அபாஸ்ய பா²லம் குத்³தா³லம் குருஷ்வ வசநம் மமம் |
ராமம் த³ர்ஷ²ய த⁴ர்மஜ்ஃஜ்நம் யதி³ கிஞ்சித³வாப்ஸ்யஸி || 2-32-31
ஸ பா⁴ர்யாவசநம் ஷ்²ருத்வா ஷா²டீமாச்சா²த்³ய து³ஷ்²ச²தா³ம் |
ஸ ப்ரதிஷ்ட²த பந்தா²நம் யத்ர ராமநிவேஷ²நம் || 2-32-32
ப்⁴ருக்³வங்கி³ரஸமம் தீ³ப்த்யா த்ரிஜடம் ஜநஸம்ஸதி³ |
ஆ பந்சமாயா꞉ கக்ஷ்யாயா ந ஏநம் கஷ்²சித் அவாரயத் || 2-32-33
ஸ ராஜ புத்ரம் ஆஸாத்³ய த்ரிஜட꞉ வாக்யம் அப்³ரவீத் |
நிர்த⁴நோ ப³ஹு புத்ர꞉ அஸ்மி ராஜ புத்ர மஹா யஷ²꞉ |
க்ஷதவ்ருத்திர்வநே நித்யம் ப்ரத்யவேக்ஷஸ்வ மாமிதி || 2-32-34
தமுவாச ததோ ராம꞉ பரிஹாஸஸமந்விதம் |
க³வாம் ஸஹஸ்ரமப்யேகம் ந ச விஷ்²ராணிதம் மயா |
பரிக்ஷிபஸி த³ண்டே³ந யாவத்தாவத³வாப்ய்ஸஸி || 2-32-35
ஸ ஷா²டீம் த்வரித꞉ கட்யாம் ஸம்ப்³ராந்த꞉ பரிவேஷ்ட்ய தாம் |
ஆவித்³த்⁴ய த³ண்ட³ம் சிக்ஷேப ஸர்வப்ராணேந வேகி³த꞉ || 2-32-36
ஸ தீர்த்வா ஸரயூபாரம் த³ண்ட³ஸ்தஸ்ய கராச்ச்யுத꞉ |
கோ³வ்ரஜே ப³ஹுஸாஹாஸ்ரே பபாதோக்ஷணஸந்நிதௌ⁴ || 2-32-37
தம் பரிஷ்வஜ்ய த⁴ர்மாத்மா ஆதஸ்மாத்ஸரயூதடாத் |
ஆநயாமாஸ தா கோ³பைஸ்த்ரிஜடாயாஷ்²ரமம் ப்ரதி || 2-32-38
உவாச ச ததோ ராமஸ்தம் கா³ர்க்³யமபி⁴ஸாந்த்வயன் |
மந்யுர்ந க²லு கர்தவ்ய꞉ பரிஹாஸோ ஹ்யயம் மம || 2-32-39
இத³ம் ஹி தேஜஸ்தவ யத்³து⁴ரத்யயம் |
ததே³வ ஜிஜ்ஞாஸிது மிச்ச²தா மயா |
இமம் ப⁴வாநர்த²மபி⁴ப்ரசோதி³தோ |
வ்ருணீஷ்வ கிஞ்சேத³பரம் வ்யவஸ்யதி || 2-32-40
ப்³ரவீமி ஸத்யேந ந தே(அ)ஸ்தி யந்த்ரணா |
த⁴நம் ஹி யத்³யந்மம விப்ரகாரணாத் |
ப⁴வத்ஸு ஸம்யக்ர்பதிபாத³நேந த |
ந்மயார்ஜிதம் ப்ரீதியஷ்²ஸ்கரம் ப⁴வேத் || 2-32-41
தத ஸ்ஸபா⁴ர்ய ஸ்த்ரிஜடோ மஹாமுநி |
ர்க³வாமநீகம் ப்ரதிக்³ருஹ்ய மோதி³த꞉ |
யஷோ²ப³லப்ரீதிஸுகோ²பப்³ரும்ஹணீ |
ஸ்ததா³ஷி²ஷ꞉ ப்ரத்யவத³ந்மஹாத்மந꞉ || 2-32-42
ஸ சாபி ராம꞉ ப்ரதிபூர்ணமாநஸோ |
மஹத்³த⁴நம் த⁴ர்மப³லைருபார்ஜிதம் |
நியோஜயாமாஸ ஸுஹ்ருஜ்ஜநே(அ)சிரா |
த்³யதா²ர்ஹஸம்மாநவச꞉ப்ரசோதி³த꞉ || 2-32-43
த்³விஜ꞉ ஸுஹ்ருத்³ப்⁴ருத்யஜநோ(அ)த²வா ததா³ |
த³ரித்³ரபி⁴க்ஷாசரணஷ்²ச யோ(அ)ப⁴வத் |
ந தத்ர கஷ்²சிந்ந ப³பூ⁴வ தர்பிதோ |
யதா²ர்ஹ ஸம்மாநந தா³ந ஸம்ப்³ரமை꞉ || 2-32-44
இதி வால்மீகி ராமாயணே ஆதி³ காவ்யே அயோத்⁴ய காண்டே³ த்³வா த்ரய꞉ த்ரிம்ஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
