வால்மீகிராமாயணே ஆதி³காவ்யே அயோத்⁴யாகாண்டே³ ஏக த்ரிம்ஷ²꞉ ஸர்க³꞉
Shlokas in audio recited by Mrs.Ranganayaki, Chennai.
ஏவம் ஷ்²ருத்வா து ஸம்வாத³ம் லக்ஷ்மண꞉ பூர்வமாக³த꞉ |
பா³ஷ்பபர்யாகுலமுக²꞉ ஷோ²கம் ஸோடு⁴மஷ²க்நுவன் || 2-31-1
ஸ ப்⁴ராதுஷ்²சரணௌ கா³ட⁴ம் நிபீட்³ய ரகு⁴நந்த³ந꞉ |
ஸீதாமுவாசாதியஷா²ம் ராக⁴வம் ச மஹாவ்ரதம் || 2-31-2
யதி³ க³ந்தும் க்ருதா பு³த்³தி⁴ர்வநம் ம்ருக³க³ஜாயுதம் |
அஹம் த்வாநுக³மிஷ்யாமி வநமத்³ரே த⁴நுர்த⁴ர꞉ || 2-31-3
மயா ஸமேதோ(அ)ரண்யாநி ப³ஹூநி விசரிஷ்யஸி |
பக்ஷிபி⁴ர்ம்ருக³யூதை²ஷ்²ச ஸம்கு⁴ஷ்டாநி ஸமந்தத꞉ || 2-31-4
ந தே³வலோகாக்ரமணம் நாமரத்வமஹம் வ்ருணே |
ஐஷ்²வர்யம் வாபி லோகாநாம் காமயே ந த்வயா விநா || 2-31-5
ஏவம் ப்³ருவாண꞉ ஸௌமித்ரிர்விநவாஸாய நிஷ்²சித꞉ |
ராமேண ப³ஹுபி⁴꞉ ஸாந்வைர்நிஷித்³த⁴꞉ புநரப்³ரவீத் || 2-31-6
அநுஜ்ஞாதஷ்²ச ப⁴வதா பூர்வமேவ யத³ஸ்ம்யஹம் |
கிமிதா³நீம் புநரித³ம் க்ரியதே மே நிவாரணம் || 2-31-7
யத³ர்த²ம் ப்ரதிஷேதோ⁴ மே க்ரியதே க³ந்துமிச்ச²த꞉ |
ஏததி³ச்சா²மி விஜ்ஞாதும் ஸம்ஷ²யோ ஹி மமாநக⁴ || 2-31-8
தத꞉ அப்³ரவீன் மஹா தேஜா ராம꞉ லக்ஷ்மணம் அக்³ரத꞉ |
ஸ்தி²தம் ப்ராக்³ கா³மிநம் வீரம் யாசமாநம் க்ருத அந்ஜலிம் || 2-31-9
ஸ்நிக்³தோ⁴ த⁴ர்மரதோ வீரஸ்ஸததம் ஸத்பதே² ஸ்தி²த꞉ |
ப்ரிய꞉ ப்ராணஸமோ வஷோ² ப்⁴ராதா சாபி ஸகா² ச மே || 2-31-10
மயா அத்³ய ஸஹ ஸௌமித்ரே த்வயி க³ச்சதி தத் வநம் |
கோ ப⁴ரிஷ்யதி கௌஸல்யாம் ஸுமித்ராம் வா யஷ²ஸ்விநீம் || 2-31-11
அபி⁴வர்ஷதி காமை꞉ ய꞉ பர்ஜந்ய꞉ ப்ருதி²வீம் இவ |
ஸ காம பாஷ² பர்யஸ்த꞉ மஹா தேஜா மஹீ பதி꞉ || 2-31-12
ஸா ஹி ராஜ்யம் இத³ம் ப்ராப்ய ந்ருபஸ்ய அஷ்²வ பதே꞉ ஸுதா |
து³ஹ்கி²தாநாம் ஸபத்நீநாம் ந கரிஷ்யதி ஷோ²ப⁴நம் || 2-31-13
ந ஸ்மரிஷ்யதி கௌஸல்யாம் ஸுமித்ராம் ச ஸுது³꞉கி²தாம் |
ப⁴ரதோ ராஜ்யமாஸாத்³ய கைகேய்யாம் பர்யவஸ்தி²த꞉ || 2-31-14
தாமார்யாம் ஸ்வயமேவேஹ ராஜா(அ)நுக்³ரஹணேந வா |
ஸௌமித்ரே ப⁴ர கௌஸல்யா முக்தமர்த²மிமம் சர || 2-31-15
ஏவம் மம ச தே ப⁴க்திர்ப⁴விஷ்யதி ஸுத³ர்ஷி²தா |
த⁴ர்மஜ்ஞ கு³ருபூஜாயாம் த⁴ர்மஷ்²சாப்யதுலோ மஹான் || 2-31-16
ஏவம் குருஷ்வ ஸௌமித்ரே மத்க்ற்^தே ரகு⁴நந்த³ந |
அஸ்மாபி⁴ர்விப்ரஹீநாயா மாதுர்நோ ந ப⁴வேத்ஸுக²ம் || 2-31-17
ஏவம் உக்த꞉ து ராமேண லக்ஷ்மண꞉ ஷ்²லக்ஷ்ணயா கி³ரா |
ப்ரத்யுவாச ததா³ ராமம் வாக்யஜ்ஞோ வாக்ய கோவித³ம் || 2-31-18
தவ ஏவ தேஜஸா வீர ப⁴ரத꞉ பூஜயிஷ்யதி |
கௌஸல்யாம் ச ஸுமித்ராம் ச ப்ரயத꞉ ந அத்ர ஸம்ஷ²ய꞉ || 2-31-19
கௌஸல்யா பி³ப்⁴ருயாத் ஆர்யா ஸஹஸ்ரம் அபி மத்³ விதா⁴ன் |
யஸ்யா꞉ ஸஹஸ்ரம் க்³ராமாணாம் ஸம்ப்ராப்தம் உபஜீவநம் || 2-31-20
ததா³த்மப⁴ரணே சைவ மம மாதுஸ்ததை²வ ச |
பர்யாப்தா மத்³விதா⁴நாம் ச ப⁴ரணாய யஷ²ஸ்விநீ || 2-31-21
குருஷ்வ மாமநுசரம் வைத⁴ர்ம்யம் நேஹ வித்³யதே |
க்ருதார்தோ²(அ)ஹம் ப⁴விஷ்யாமி தவ சார்த²꞉ ப்ரகல்பதே || 2-31-22
த⁴நுர் ஆதா³ய ஸஷ²ரம் க²நித்ர பிடகா த⁴ர꞉ |
அக்³ரத꞉ தே க³மிஷ்யாமி பந்தா²நம் அநுத³ர்ஷ²யன் || 2-31-23
ஆஹரிஷ்யாமி தே நித்யம் மூலாநி ச ப²லாநி ச |
வந்யாநி யாநி ச அந்யாநி ஸ்வாஹாராணி தபஸ்விநாம் || 2-31-24
ப⁴வாம்ஸ் து ஸஹ வைதே³ஹ்யா கி³ரி ஸாநுஷு ரம்ஸ்யதே |
அஹம் ஸர்வம் கரிஷ்யாமி ஜாக்³ரத꞉ ஸ்வபத꞉ ச தே || 2-31-25
ராம꞉ து அநேந வாக்யேந ஸுப்ரீத꞉ ப்ரத்யுவாச தம் |
வ்ரஜ ஆப்ருச்சஸ்வ ஸௌமித்ரே ஸர்வம் ஏவ ஸுஹ்ருஜ் ஜநம் || 2-31-26
யே ச ராஜ்ஞோ த³தௌ³ தி³வ்யே மஹாத்மா வருண꞉ ஸ்வயம் |
ஜநகஸ்ய மஹா யஜ்ஞே த⁴நுஷீ ரௌத்³ர த³ர்ஷ²நே || 2-31-27
அபே⁴த்³ய கவசே தி³வ்யே தூணீ ச அக்ஷய ஸாயகௌ |
ஆதி³த்ய விமலௌ ச உபௌ⁴ க²ட்³கௌ³ ஹேம பரிஷ்க்ருதௌ || 2-31-28
ஸத்க்ருத்ய நிஹிதம் ஸர்வம் ஏதத் ஆசார்ய ஸத்³மநி |
ஸ த்வம் ஆயுத⁴ம் ஆதா³ய க்ஷிப்ரம் ஆவ்ரஜ லக்ஷ்மண || 2-31-29
ஸ ஸுஹ்ருஜ் ஜநம் ஆமந்த்ர்ய வந வாஸாய நிஷ்²சித꞉ |
இஷ்க்வாகு கு³ரும் ஆமந்த்ர்ய ஜக்³ராஹ ஆயுத⁴ம் உத்தமம் || 2-31-30
தத் தி³வ்யம் ராஜ ஷா²ர்தூ³ல꞉ ஸத்க்ருதம் மால்ய பூ⁴ஷிதம் |
ராமாய த³ர்ஷ²யாம் ஆஸ ஸௌமித்ரி꞉ ஸர்வம் ஆயுத⁴ம் || 2-31-31
தம் உவாச ஆத்மவான் ராம꞉ ப்ரீத்யா லக்ஷ்மணம் ஆக³தம் |
காலே த்வம் ஆக³த꞉ ஸௌம்ய காந்க்ஷிதே மம லக்ஷ்மண || 2-31-32
அஹம் ப்ரதா³தும் இச்சாமி யத்³ இத³ம் மாமகம் த⁴நம் |
ப்³ராஹ்மணேப்⁴ய꞉ தபஸ்விப்⁴ய꞉ த்வயா ஸஹ பரம்தப || 2-31-33
வஸந்தி இஹ த்³ருட⁴ம் ப⁴க்த்யா கு³ருஷு த்³விஜ ஸத்தமா꞉ |
தேஷாம் அபி ச மே பூ⁴ய꞉ ஸர்வேஷாம் ச உபஜீவிநாம் || 2-31-34
வஸிஷ்ட² புத்ரம் து ஸுயஜ்ஞம் ஆர்யம் |
த்வம் ஆநய ஆஷு² ப்ரவரம் த்³விஜாநாம் |
அபி⁴ப்ரயாஸ்யாமி வநம் ஸமஸ்தான் |
அப்⁴யர்ச்ய ஷி²ஷ்டான் அபரான் த்³விஜாதீன் || 2-31-35
இதி வால்மீகி ராமாயணே ஆதி³ காவ்யே அயோத்⁴ய காண்டே³ ஏக த்ரிம்ஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
