வால்மீகிராமாயணே ஆதி³காவ்யே அயோத்⁴யாகாண்டே³ ஏகாதஷஸ் ஸர்க³꞉
Shlokas in audio recited by Mrs.Ranganayaki, Chennai.
தம் மந்மத²ஷ²ரைர்வித்³த⁴ம் காமவேக³வஷா²நுக³ம் |
உவாச ப்ருதி²வீபாலம் கைகேயீ தா³ருணம் வச꞉ || 2-11-1
நாஸ்மி விப்ரக்ருதா தே³வ கேந சிந்நாவமாநிதா |
அபி⁴ப்ராயஸ்து மே கஷ்²சித்தமிச்சா²மி த்வயா க்ருதம் || 2-11-2
ப்ரதிஜ்ஞாம் ப்ரதிஜாநீஷ்வ யதி³ த்வம் கர்து மிச்ச²ஸி |
அத² தத்³வ்யாஹரிஷ்யாமி யத³பி⁴ப்ரார்தி²தம் மயா || 2-11-3
தாமுவாச மஹாதேஜா꞉ கைகேயீமீஷது³த்ஸ்மைத꞉ |
காமீ ஹஸ்தேந ஸங்க்³ருஹ்ய மூர்த⁴ஜேஷு ஷு²சிஸ்மிதாம் || 2-11-4
அவலிப்தே ந ஜாநாஸி த்வத்த꞉ ப்ரியதரோ மம |
மநுஜோ மநுஜவ்யாக்⁴ராத்³ராமாத³ந்யோ ந வித்³யதே || 2-11-5
தேநாஜய்யேந முக்²யேந ராக⁴வேண மஹாத்மநா |
ஷ²பே தே ஜீவநார்ஹேண ப்³ரூஹி யந்மநஸேச்ச²ஸி || 2-11-6
யம் முஹூர்தமபஷ்²யம்ஸ்து ந ஜீவேயமஹம் த்⁴ருவம் |
தேந ராமேண கைகேயி ஷ²பே தே வசநக்ரியாம் || 2-11-7
ஆத்மநா வாத்மஜைஷ்²சாந்யைர்வ்ருணே யம் மநுஜர்ஷப⁴ம் |
தேந ராமேண கைகேயி ஷ²பே தே வசநக்ரியாம் || 2-11-8
ப⁴த்³ரே ஹ்ருத³யமப்யேதத³ந்நும்ருஷ்²யோத்³த⁴ரஸ்வ மே |
ஏதத்ஸமீக்ஷ்ய கைகேயி ப்³ரூஹி யத்ஸாது⁴ மந்யஸே || 2-11-9
ப³லமாத்மநி ஜாநந்தீ ந மாம் ஷ²ங்கிதுமர்ஹஸி |
கரிஷ்யாமி தவ ப்ரீதிம் ஸுக்ருதேநாபி தே ஷ²பே || 2-11-10
ஸா தத³ர்த²மநா தே³வீ தமபி⁴ப்ராயமாக³தம் |
நிர்மாத்⁴யஸ்த்²யாச்ச ஹர்ஷாச்ச ப³பா⁴ஷே து³ர்வசம் வச꞉ || 2-11-11
தேந வாக்யேந ஸம்ஹ்ருஷ்டா தமபி⁴ப்ராயமாக³தம் |
வ்யாஜஹார மஹாகோ⁴ரமப்⁴யாக³தமிவாந்தகம் || 2-11-12
யதா² க்ரமேண ஷ²பஸி வரம் மம த³தா³ஸி ச |
தச்ச்²ருண்வந்து த்ரயஸ்த்ரீம்ஷ²த்³தே³வா꞉ ஸாக்³நிபுரோக³மா꞉ || 2-11-13
சந்த்³ராதி³த்யௌ நப⁴ஷை²வ க்³ரஹா ராத்ர்யஹநீ தி³ஷ²꞉ |
ஜக³ச்ச ப்ருதி²வீ சேயம் ஸக³ந்த⁴ர்வா ஸராக்ஷஸா || 2-11-14
நிஷா²சராணி பூ⁴தாநி க்³ருஹேஷு க்³ருஹதே³வதா꞉ |
யாநி சாந்யாநி பூ⁴தாநி ஜாநீயுர்பா⁴ஷிதம் தவ || 2-11-15
ஸத்ய்ஸந்தோ⁴ மஹாதேஜாத⁴ர்மஜ்ஞ꞉ ஸுஸமாஹித꞉ |
வரம் மம த³தா³த்யேஷ தந்மே ஷ்²ருண்வந்து தே³வதாஅ꞉ || 2-11-16
இதி தே³வீ மஹேஷ்வாஸம் பரிக்³ருஹ்யபி⁴ஷ²ஸ்ய ச |
தத꞉ பரமுவாசேத³ம் வரத³ம் காமமோஹிதம் || 2-11-17
ஸ்மர ராஜ்ன் புரா வ்ருத்தம் தஸ்மின் தை³வாஸுரே ரணே |
தத்ர சாச்யாவயச்ச²த்ருஸ்தவ ஜீவதமந்தரா || 2-11-18
தத்ர சாபி மயா தே³வ யத்த்வம் ஸமபி⁴ரக்ஷித꞉ |
ஜாக்³ரத்யா யதமாநாயாஸ்ததோ மே ப்ராத³தா³ வரௌ || 2-11-19
தௌ து த³த்தௌ வரௌ தே³வ நிக்ஷேபௌ ம்ருக³யாம்யஹம் |
ததை²வ ப்ருதி²வீபால ஸகாஷே² ஸத்யஸங்க³ர || 2-11-20
தத்ப்ரதிஷ்²ருத்ய த⁴ர்மேண ந சேத்³தா³ஸ்யஸி மே வரம் |
அத்³யைவ ஹி ப்ரஹாஸ்யாமி ஜீவிதம் த்வத்³விமாநிதா || 2-11-21
வாங்மாத்ரேண ததா³ ராஜா கைகேய்யா ஸ்வவஷே² க்ருத꞉ |
ப்ரச்ஸ்கந்த³ விநாஷா²ய பாஷ²ம் வ்ருக³ இவாத்மந꞉ || 2-11-22
தத꞉ பரமுவாசேத³ம் வரத³ம் காமமோஹிதம் |
வரௌ யௌ மே த்வயா தே³வ ததா³ த³த்தௌ மஹீபதே || 2-11-23
தௌ தாவத³ஹந்த்³யைவ வக்ஷ்யாமி ஷ்²ருணு மே வச꞉ |
அபி⁴ஷேகஸமாரம்ப⁴ஓ ராக⁴வஸ்யோபகல்பித꞉ || 2-11-24
அநேநைவாபி⁴ஷே கேண ப⁴ரதோ மே(அ)பி⁴ஷிச்யதாம் |
யோ த்³விதீயோ வரோ தே³வ த³த்த꞉ ப்ரீதேந மே த்வயா || 2-11-25
ததா³ தை³வாஸுரே யுத்³தே⁴ தஸ்ய காலோ(அ)ய மாக³த꞉ |
நவ பஞ்ச ச வர்ஷாணி த³ண்ட³காரண்யமாஷ்²ரித꞉ || 2-11-26
சீராஜிநஜடாதா⁴ரீ ராமோ ப⁴வது தாபஸ꞉ |
ப⁴ரதோ ப⁴ஜதாமத்³ய யௌவராஜ்யமகண்டகம் || 2-11-27
ஏஷ மே பரம꞉ காமோ த³த்தமேவ வரம் வ்ருணே |
அத்³யசைவ ஹி பஷ்²யேயம் ப்ரயாந்தம் ராக⁴வம் வந்ம் || 2-11-28
ஸ ராஜராஜோ ப⁴வ ஸ்த்யஸங்க³ர꞉ |
குலம் ச ஷீ²லம் ச ஹி ரக்ஷ ஜந்ம ச |
பரத்ர வாஸே ஹி வத்³ந்த்யநுத்தமம் |
தபோத⁴நா꞉ ஸத்யவசோ ஹிதம் ந்ருணாம் || 2-11-29
|| இதி வால்மீகி ராமாயணே ஆதி³ காவ்யே அயோத்⁴ய காண்டே³ ஏகாதஷஸ் ஸர்க³꞉ ||
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
