வால்மீகிராமாயணே ஆதி³காவ்யே அயோத்⁴யாகாண்டே³ த்³விதீய ஸர்க³꞉
Shlokas in audio recited by Mrs.Ranganayaki, Chennai.
தத꞉ பரிஷத³ம் ஸர்வாமாமந்த்ர்ய வஸுதா⁴தி⁴ப꞉ |
ஹிதமுத்³த⁴ர்ஷணம் சைவமுவாச ப்ரதி²தம் வச꞉ || 2-2-1
து³ந்து⁴பி⁴ஸ்வநகல்பேந க³ம்பீ⁴ரேணாநுநாதி³நா |
ஸ்வரேண மஹதா ராஜா ஜீமூத இவ நாத³யன் || 2-2-2
ராஜலக்ஷணயுக்தேந காந்தேநாநுபமேந ச |
உவாச ரஸயுக்தேந ஸ்வரேண ந்ருபதிர்ந்ருபான் || 2-2-3
விதி³தம் ப⁴வதாமேதத்³யதா² மே ராஜ்யமுத்தமம் |
பூர்வகைர்மம ராஜேந்த்³ரைஸ்ஸுதவத் பரிபாலிதம் || 2-2-4
ஸோ(அ)ஹமிக்ஷ்ஹ்வாகுபி⁴꞉ ஸர்வைர்நரேந்த்³ரை꞉ பரிபாலிதம் |
ஷ்²ரேயஸா யோக்துகாமோ(அ)ஸ்மி ஸுகா²ர்ஹமகி²லம் ஜக³த் || 2-2-5
மயாப்யாசரிதம் பூர்வை꞉ பந்தா²நமநுக³ச்ச²தா |
ப்ரஜா நித்யமநித்³ரேண யதா²ஷ²க்த்யபி⁴ரக்ஷிதா꞉ || 2-2-6
இத³ம் ஷ²ரீரம் க்ருத்ஸ்நஸ்ய லோகஸ்ய சரதா ஹிதம் |
பாண்டு³ரஸ்யாதபத்ரஸ்ய ச்சா²யாயாம் ஜரிதம் மயா || 2-2-7
ப்ராப்ய வர்ஷஸஹஸ்ராணி ப³ஹூ ந்யாயூம்ஷி ஜீவத꞉ |
ஜீர்ணஸ்யாஸ்ய ஷ²ரீரஸ்ய விஷ்²ராந்தி மபி⁴ரோசயே || 2-2-8
ராஜப்ரபா⁴வஜுஷ்டாம் ஹி து³ர்வஹாமஜிதேந்த்³ரியை꞉ |
பரிஷ்²ராந்தோ(அ)ஸ்மி லோகஸ்ய கு³ர்வீம் த⁴ர்மது⁴ரம் வஹன் || 2-2-9
ஸோ(அ)ஹம் விஷ்²ரமமிச்சா²மி புத்ரம் க்ருத்வா ப்ரஜாஹிதே |
ஸந்நிக்ருஷ்டாநிமான் ஸர்வாநநுமாந்ய த்³விஜர்ஷபா⁴ன் || 2-2-10
அநுஜாதோ ஹி மாம் ஸர்வைர்கு³ணைர்ஜ்யேஷ்டோ² மமாத்மஜ꞉ |
புரந்த³ரஸமோ வீர்யே ராம꞉ பரபுரஞ்ஜய꞉ || 2-2-11
தம் சந்த்³ரமிவ புஷ்யேண யுக்தம் த⁴ர்மப்⁴ருதாம் வரம் |
யௌவராஜ்யே நியோக்தாஸ்மி ப்ரீத꞉ புருஷபுங்க³வம் || 2-2-12
அநுரூப꞉ ஸ வை நாதோ² லக்ஷ்மீவான் லக்ஷ்மணாக்³ரஜ꞉ |
த்ரைலோக்யமபி நாதே²ந யேந ஸ்யாந்நாத²வத்தரம் || 2-2-13
அநேந ஷ்²ரேயஸா ஸத்³ய꞉ ஸம்யோக்ஷ்யே(அ)ஹமிமாம் மஹீம் |
க³தக்லேஷோ² ப⁴விஷ்யாமி ஸுதே தஸ்மிந்நிவேஷ்²ய வை || 2-2-14
யதீ³த³ம் மே(அ)நுருபார்த²ம் மயா ஸாது⁴ ஸுமந்த்ரிதம் |
ப⁴வந்தோ மே(அ)நுமந்யந்தாம் கத²ம் வா கரவாண்யஹம் || 2-2-15
யத்³யப்யேஷா மம ப்ரீதிர்ஹிதமந்யத்³விசிந்த்யதாம் |
அந்யா மத்³யஸ்த²சிந்தா ஹி விமர்தா³ப்⁴யதி⁴கோத³யா || 2-2-16
இதி ப்³ருவந்தம் முதி³தா꞉ ப்ரத்யநந்த³ன் ந்ருபா ந்ருபம் |
வ்ருஷ்டிமந்தம் மஹாமேக⁴ம் நர்த³ந்த இவ ப³ர்ஹிண꞉ || 2-2-17
ஸ்நிக்³தோ⁴(அ)நுநாதீ³ ஸஞ்ஜஜ்ஞே தத்ர ஹர்ஷஸமீரித꞉ |
ஜநௌகோ⁴த்³கு⁴ஷ்டஸந்நாதோ³ விமாநம் கம்பயந்நிவ || 2-2-18
தஸ்ய த⁴ர்மார்த²விது³ஷோ பா⁴வமாஜ்ஞாய ஸர்வஷ²꞉ |
ப்³ராஹ்மணா ஜநமுக்²யாஷ்²ச பௌரஜாநபதை³꞉ ஸஹ || 2-2-19
ஸமேத்ய மந்த்ரயித்வா து ஸமதாக³தபு³த்³த⁴ய꞉ |
ஊசுஷ்²ச மநஸா ஜ்ஞாத்வா வ்ருத்³த⁴ம் த³ஷ²ரத²ம் ந்ருபம் || 2-2-20
அநேகவர்ஷஸாஹஸ்ரோ வ்ருத்³த⁴ஸ்த்த்வமஸி பார்தி²வ |
ஸ ராமம் யுவராஜாநமபி⁴ஷிஞ்சஸ்வ பார்தி²வம் || 2-2-21
இச்சா²மோ ஹி மஹாபா³ஹும் ரகு⁴வீரம் மஹாப³லம் |
க³ஜேந மஹதா யாந்தம் ராமம் ச²த்ராவ்ருதாநநம் || 2-2-22
இதி தத்³வசநம் ஷ்²ருத்வா ராஜா தேஷாம் மந꞉ப்ரியம் |
அஜாநந்நிவ ஜிஜ்ஞாஸுரித³ம் வசநமப்³ரவீத் || 2-2-23
ஷ்²ருத்வைவ வசநம் யந்மே ராக⁴வம் பதிமிச்ச²த² |
ராஜாந꞉ ஸம்ஷ²யோ(அ)யம் மே ததி³த³ம் ப்³ரூத தத்த்வத꞉ || 2-2-24
கத²ம் நு மயி த⁴ர்மேண ப்ருதி²வீமநுஷா²ஸதி |
ப⁴வந்தோ த்³ரஷ்டுமிச்ச²ந்தி யுவராஜம் மமாத்மஜம் || 2-2-25
தே தமூசுர்மஹாத்மாநம் பௌரஜாநபதை³꞉ ஸஹ |
ப³ஹவோ ந்ருப கல்யாணா கு³ணா꞉ புத்ரஸ்ய ஸந்தி தே || 2-2-26
கு³ணான் கு³ணவதோ தே³வ தே³வகல்பஸ்ய தீ⁴மத꞉ |
ப்ரியாநாநந்த³தா³ன் க்ருத்ஸ்நான் ப்ரவக்ஷ்யாமோ(அ)த்³யதான் ஷ்²ருணு || 2-2-27
தி³வ்யைர்கு³ணை꞉ ஷ²க்ரஸமோ ராம꞉ ஸத்யபராக்ரம꞉ |
இக்ஷ்வாகுப்⁴யோ(அ)பி ஸர்வேப்⁴யோ ஹ்யதிரிக்தோ விஷா²ம்பதே || 2-2-28
ராம꞉ ஸத்புருஷோ லோகே ஸத்யத⁴ர்மபராயண꞉ |
ஸாக்ஷாத்³ராமாத்³விநிர்வ்ருத்தோ த⁴ர்மஷ்²சாபி ஷ்²ரியா ஸஹ || 2-2-29
ப்ரஜாஸுக²த்வே சந்த்³ரஸ்ய வஸுதா⁴யா꞉ க்ஷ்ஹமாகு³ணை꞉ |
பு³த்⁴யா ப்³ருஹஸ்பதேஸ்துல்யோ வீர்யே ஸாக்ஷாச்ச²சீபதே꞉ || 2-2-30
த⁴ர்மஜ்ஞ꞉ ஸத்யஸந்த⁴ஷ்²ச ஷீ²லவாநநஸூயக꞉ |
க்ஷாந்த꞉ ஸாந்த்வயிதா ஷ்²லக்ஷ்ஹ்ண꞉ க்ருதஜ்ஞோ விஜிதேந்த்³ரிய꞉ || 2-2-31
ம்ருது³ஷ்²ச ஸ்தி²ரசித்தஷ்²ச ஸதா³ ப⁴வ்யோ(அ)நஸூயக꞉ |
ப்ரியவாதீ³ ச பூ⁴தாநாம் ஸத்யவாதீ³ ச ராக⁴வ꞉ || 2-2-32
ப³ஹுஷ்²ருதாநாம் வ்ருத்³தா⁴நாம் ப்³ராஹ்மணாநாமுபாஸிதா |
தேநா ஸ்யேஹாதுலா கீர்திர்யஷ²ஸ்தேஜஷ்²ச வர்த⁴தே || 2-2-33
தே³வாஸுரமநுஷ்யாணாம் ஸர்வாஸ்த்ரேஷு விஷா²ரத³꞉ |
ஸம்யக்³வித்³யாவ்ரதஸ்நாதோ யதா²வத்ஸாங்கே³வேத³வித் || 2-2-34
கா³ந்த⁴ர்வே ச பு⁴வி ஷ்²ரேஷ்டோ² ப³பூ⁴வ ப⁴ரதாக்³ரஜ꞉ |
கல்யாணாபி⁴ஜந꞉ ஸாது⁴ரதீ³நாத்மா மஹாமதி꞉ || 2-2-35
த்³விஜைரபி⁴விநீதஷ்²ச ஷ்²ரேஷ்டை²ர்த⁴ர்மார்த²நைபுணை꞉ |
யதா³ வ்ரஜதி ஸங்க்³ராமம் க்³ராமார்தே² நக³ரஸ்ய வா || 2-2-36
க³த்வா ஸௌமித்ரிஸஹிதோ நாவிஜித்ய நிவர்ததே |
ஸங்க்³ராமாத்புநராக³ம்ய குஞ்ஜரேண ரதே²ந வா || 2-2-37
பௌரான் ஸ்வஜநவந்நித்யம் குஷ²லம் பரிப்ருச்ச²தி |
புத்ரேஷ்வக்³நிஷு தா³ரேஷு ப்ரேஷ்யஷி²ஷ்யக³ணேஷு ச || 2-2-38
நிகி²லேநாநுபூர்வ்யாச்ச பிதா புத்ராநிவௌரஸான் |
ஷு²ஷ்²ரூஷந்தே ச வ꞉ ஷி²ஷ்யா꞉ கச்சித்கர்மஸு த³ம்ஷி²தா꞉ || 2-2-39
இதி ந꞉ புருஷவ்யாக்⁴ர꞉ ஸதா³ ராமோ(அ)பி⁴பா⁴ஷதே |
வ்யஸநேஷு மநுஷ்யாணாம் ப்⁴ருஷ²ம் ப⁴வதி து³꞉கி²த꞉ || 2-2-40
உத்ஸவேஷு ச ஸர்வேஷு பிதேவ பரிதுஷ்யதி |
ஸத்யவாதீ³ மஹேஷ்வாஸோ வ்ருத்³த⁴ஸேவீ ஜிதேந்த்³ரிய꞉ || 2-2-41
ஸ்மிதபூர்வாபி⁴பா⁴ஷீ ச த⁴ர்மம் ஸர்வாத்மநா ஷ்²ரித꞉ |
ஸம்யக்³யோக்தா ஷ்²ரேயஸாம் ச ந விக்³ருஹ்ய கதா²ருசி꞉ || 2-2-42
உத்தரோத்தரயுக்தௌ ச வக்தா வாசஸ்பதிர்யதா² |
ஸுப்⁴ரூராயததாம்ராக்ஷ꞉ ஸாக்ஷாத்³ விஷ்ணுரிவ ஸ்வயம் || 2-2-43
ராமோ லோகாபி⁴ராமோ(அ)யம் ஷௌ²ர்யவீர்யபராக்ரமை꞉ |
ப்ரஜாபாலநதத்த்வஜ்ஞோ ந ராகோ³பஹதேந்த்³ரிய꞉ || 2-2-44
ஷ²க்தஸ்த்ரைலோக்யமப்யேகோ போ⁴க்தும் கிம் நு மஹீமிமாம் |
நா(அ)ஸ்ய க்ரோத⁴꞉ ப்ரஸாத³ஷ்²ச நிரர்தோ²(அ)ஸ்தி கதா³சந || 2-2-45
ஹந்த்யேவ நியமாத்³வத்⁴யாநவத்⁴யே ச ந குப்யதி |
யுநக்த்யர்தை²꞉ ப்ரஹ்ருஷ்டஷ்²ச தமஸௌ யத்ர துஷ்யதி || 2-2-46
ஷா²ந்தை꞉ ஸர்வப்ரஜாகாந்தை꞉ ப்ரீதிஸஞ்ஜநநைர்ந்ருணாம் |
கு³ணைர்விருருசே ராமோ தீ³ப்த꞉ ஸூர்ய இவாம்ஷு²பி⁴꞉ || 2-2-47
தமேவங்கு³ணஸம்பந்நம் ராமம் ஸத்யபராக்ரமம் |
லோகபாலோபமம் நாத²மகாமயத மேதி³நீ || 2-2-48
வத்ஸ꞉ ஷ்²ரேயஸி ஜாதஸ்தே தி³ஷ்ட்யாஸௌ தவ ராக⁴வ |
தி³ஷ்ட்யா புத்ரகு³ணைர்யுக்தோ மாரீச இவ காஷ்²யப꞉ || 2-2-49
ப³லமாரோக்³யமாயுஷ்²ச ராமஸ்ய விதி³தாத்மந꞉ |
தே³வாஸுரமநுஷ்யேஷு ஸக³ந்த⁴ர்வோரகே³ஷு ச || 2-2-50
ஆஷ²ம்ஸதே ஜந꞉ ஸர்வோ ராஷ்ட்ரே புரவரே ததா² |
ஆப்⁴யந்தரஷ்²ச பா³ஹ்யஷ்²ச பௌரஜாநபதோ³ ஜந꞉ || 2-2-51
ஸ்த்ரியோ வ்ருத்³தா⁴ஸ்தருண்யஷ்²ச ஸாயம் ப்ராத꞉ ஸமாஹிதா꞉ |
ஸர்வான் தே³வான் நமஸ்யந்தி ராமஸ்யார்தே² யஷ²ஸ்விந꞉ || 2-2-52
தேஷாமாயாசிதம் தே³வ த்வத்ப்ரஸாதா³ த்ஸம்ருத்³த்⁴யதாம் |
ராமமிந்தீ³வரஷ்²யாமம் ஸர்வஷ²த்ருநிப³ர்ஹணம் || 2-2-53
பஷ்²யாமோ யௌவராஜ்யஸ்த²ம் தவ ராஜோத்தமா(அ)அத்மஜம் |
தம் தே³வதே³வோபமமாத்மஜம் தே |
ஸர்வஸ்ய லோகஸ்ய ஹிதே நிவிஷ்டம் |
ஹிதாய ந꞉ க்ஷ்ஹிப்ரமுதா³ரஜுஷ்டம் |
முதா³பி⁴ஷேக்தும் வரத³ த்வ மர்ஹஸி || 2-2-54
|| இதி ஷ்²ரீமத்³ராமாயணே அயோத்⁴யகாண்டே³ த்³விதீய ஸர்க³꞉ ||
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
