வால்மீகி ராமாயணே ஆதி³ காவ்யே ஸுந்த³ரகாண்டே³ சது꞉பஞ்சாஷ²꞉ ஸர்க³꞉
வீக்ஷமாண꞉ ததோ லந்காம் கபி꞉ க்ருத மநோ ரத²꞉ |
வர்த⁴மாந ஸமுத்ஸாஹ꞉ கார்ய ஷே²ஷம் அசிந்தயத் || 5-54-1
கிம் நு க²ல்வ் அவிஷி²ஷ்டம் மே கர்தவ்யம் இஹ ஸாம்ப்ரதம் |
யத் ஏஷாம் ரக்ஷஸாம் பூ⁴ய꞉ ஸம்தாப ஜநநம் ப⁴வேத் || 5-54-2
வநம் தாவத் ப்ரமதி²தம் ப்ரக்ருஷ்டா ராக்ஷஸா ஹதா꞉ |
ப³ல ஏக தே³ஷ²꞉ க்ஷபித꞉ ஷே²ஷம் து³ர்க³ விநாஷ²நம் || 5-54-3
து³ர்கே³ விநாஷி²தே கர்ம ப⁴வேத் ஸுக² பரிஷ்²ரமம் |
அல்ப யத்நேந கார்யே அஸ்மின் மம ஸ்யாத் ஸப²ல꞉ ஷ்²ரம꞉ || 5-54-4
யோ ஹி அயம் மம லாந்கூ³லே தீ³ப்யதே ஹவ்ய வாஹந꞉ |
அஸ்ய ஸம்தர்பணம் ந்யாய்யம் கர்தும் ஏபி⁴꞉ க்³ருஹ உத்தமை꞉ || 5-54-5
தத꞉ ப்ரதீ³ப்த லாந்கூ³ல꞉ ஸவித்³யுத் இவ தோயத³꞉ |
ப⁴வந அக்³ரேஷு லந்காயா விசசார மஹாகபி꞉ || 5-54-6
க்³ருஹாத்³க்³ருஹம் ராக்ஷஸாநாமுத்³யாநாநி ச வாநர꞉ |
வீக்ஷமாணோ ஹ்யஸம்த்ரஸ்த꞉ ப்ராஸாதா³ம்ஷ்²ச சசார ஸ꞉ || 5-54-7
அவப்லுத்ய மஹாவேக³꞉ ப்ரஹஸ்தஸ்ய நிவேஷ²நம் |
அக்³நிம் தத்ர ஸ நிக்ஷிப்ய ஷ்²வஸநேந ஸமோ ப³லீ || 5-54-8
ததோ(அ)ந்யத்புப்லுவே வேஷ்²ம மஹாபார்ஷ்²வஸ்ய வீர்யவான் |
முமோச ஹநுமான் அக்³நிம் கால அநல ஷி²கா² உபமம் || 5-54-9
வஜ்ரத³ம்ஷ்ட்ர ஸ்ய ச ததா³ புப்லுவே ஸ மஹாகபி꞉ |
ஷு²கஸ்ய ச மஹாதேஜா꞉ ஸாரணஸ்ய ச தீ⁴மத꞉ || 5-54-10
ததா² சேந்த்³ரஜிதோ வேஷ்²ம த³தா³ஹ ஹரியூத²ப꞉ |
ஜம்பு³மாலே꞉ ஸுமாலேஷ்²ச த³தா³ஹ ப⁴வநம் தத꞉ || 5-54-11
ரஷ்²மிகேதோஷ்²ச ப⁴வநம் ஸூர்யஷ²த்ரோஸ்ததை²வ ச |
ஹ்ரஸ்வகர்ணஸ்ய த³ம்ஷ்ட்ரஸ்ய ரோமஷ²ஸ்ய ச ரக்ஷஸ꞉ || 5-54-12
யுத்³தோ⁴ந்மத்தஸ்ய மத்தஸ்ய த்⁴வஜக்³ரீவஸ்ய ரக்ஷஸ꞉ |
வித்³யுஜ்ஜிஹ்வஸ்ய கோ⁴ரஸ்ய ததா² ஹஸ்திமுக²ஸ்ய ச || 5-54-13
கராளஸ்ய பிஷா²சஸ்ய ஷோ²ணிதாக்ஷஸ்ய சைவ ஹி |
கும்ப⁴கர்ணஸ்ய ப⁴வநம் மகராக்ஷஸ்ய சைவ ஹி || 5-54-14
யஜ்ஞஷ²த்ரோஷ்²ச ப⁴வநம் ப்³ரஹ்மஷ²த்ரோஸ்ததை²வ ச|
நராந்தகஸ்ய கும்ப⁴ஸ்ய நிகும்ப⁴ஸ்ய து³ராத்மந꞉ || 5-54-15
வர்ஜயித்வா மஹாதேஜா விபீ⁴ஷணக்³ருஹம் ப்ரதி |
க்ரமமாண꞉ க்ரமேணைவ த³தா³ஹ ஹரிபுங்க³வ꞉ || 5-54-16
தேஷு தேஷு மஹார்ஹேஷு ப⁴வநேஷு மஹாயஷா²꞉ |
க்³ருஹேஷ்வ்ருத்³தி⁴மதாம்ருத்³தி⁴ம் த³தா³ஹ ஸ மஹாகபி꞉ || 5-54-17
ஸர்வேஷாம் ஸமதிக்ரம்ய ராக்ஷஸேந்த்³ரஸ்ய வீர்யவான் |
ஆஸஸாதா³த² லக்ஷ்மீவான் ராவணஸ்ய நிவேஷ²நம் || 5-54-18
ததஸ்தஸ்மின் க்³ருஹே முக்²யே நாநாரத்நவிபூ⁴ஷிதே |
மேருமந்த³ரஸங்காஷே² ஸர்வமங்க³ளஷோ²பி⁴தே || 5-54-19
ப்ரதீ³ப்தமக்³நிமுத்ஸ்ருஜ்ய லாங்கூ³லாக்³ரே ப்ரதிஷ்டி²தம் |
நநாத³ ஹநுமான் வீரோ யுகா³ந்தஜலதோ³ யதா² || 5-54-20
ஷ்²வஸநேந ச ஸம்யோகா³த் அதிவேகோ³ மஹாப³ல꞉ |
கால அக்³நி꞉ இவ ஜஜ்வால ப்ராவர்த⁴த ஹுத அஷ²ந꞉ || 5-54-21
ப்ரதீ³ப்தம் அக்³நிம் பவந꞉ தேஷு வேஷ்²மஸு சாரயத் |
அபூ⁴ச்ச்²வஸநஸம்யோகா³த³திவேகோ³ ஹுதாஷ²ந꞉ || 5-54-22
தாநி காந்சந ஜாலாநி முக்தா மணிமயாநி ச |
ப⁴வநாநி அவஷீ²ர்யந்த ரத்நவந்தி மஹாந்தி ச || 5-54-23
ஸம்ஜஜ்ஞே துமுல꞉ ஷ²ப்³தோ³ ராக்ஷஸாநாம் ப்ரதா⁴வதாம் |
ஸ்வக்³றிஹஸ்ய பரித்ராணே ப⁴க்³நோத்ஸாஹோர்ஜிஅஷ்²ரியாம் || 5-54-24
நூநேமேஷா(அ)க்³நிராயாத꞉ கபிரூபேண ஹா இதி |
க்ரந்த³ந்த்ய꞉ ஸஹஸா பேது꞉ ஸ்தநந்த⁴யத⁴ரா꞉ ஸ்த்ரிய꞉ || 5-54-25
காஷ்²சிரக்³நிபரீதேப்⁴யோ ஹர்ம்யேப்⁴யோ முக்தமூர்த⁴ஜா꞉ |
பதந்த்யோ ரேஜிரே(அ)ப்⁴ரேப்⁴ய꞉ ஸௌதா³மிந்ய இவாம்ப³ராத் || 5-54-26
வஜ்ர வித்³ரும வைதூ³ர்ய முக்தா ரஜத ஸம்ஹிதான் |
விசித்ரான் ப⁴வநாத் தா⁴தூன் ஸ்யந்த³மாநான் த³த³ர்ஷ² ஸ꞉ || 5-54-27
ந அக்³நி꞉ த்ருப்யதி காஷ்டா²நாம் த்ருணாநாம் ச யதா² ததா² |
ஹநூமான் ராக்ஷஸ இந்த்³ராணாம் வதே⁴ கிஞ்சின் ந த்ருப்யதி || 5-54-28
ந ஹநூமத்³விஷ²ஸ்தாநாம் ராக்ஷஸாநாம் வஸுந்த⁴ரா |
க்வசித்கிம்ஷு²கஸம்காஷா²꞉ க்வசிச்சா²ல்மலிஸந்நிபா⁴꞉ || 5-54-29
க்வசித்குங்குமஸம்காஷா²꞉ ஷி²கா² வஹ்நேஷ்²சகாஷி²ரே |
ஹநூமதா வேக³வதா வாநரேண மஹாத்மநா |
லங்காபுரம் ப்ரத³க்³த⁴ம் தத்³ருத்³ரேண த்ரிபுரம் யதா² || 5-54-30
ததஸ்து லங்காபுரபர்வதாக்³ரே |
ஸ்முத்தி²தோ பீ⁴மபராக்ரமோ(அ)க்³நி꞉ |
ப்ரஸார்ய சூடா³வலயம் ப்ரதீ³ப்தோ |
ஹநூமதா வேக³வதா விஸ்ருஷ்ட꞉ || 5-54-31
யுகா³ந்தகாலாநலதுல்யவேக³꞉ |
ஸமாருதோ(அ)க்³நிர்வவ்ருதே⁴ தி³வஸ்ப்ருக் |
விதூ⁴மரஷ்²மிர்ப⁴வநேஷு ஸக்தோ |
ரக்ஷ꞉ ஷ²ரீராஜ்யஸமர்பிதார்சி꞉ || 5-54-32
ஆதி³த்யகோடீஸத்³ருஷ²꞉ ஸுதேஜா |
லங்காம் ஸமஸ்தாம் பரிவார்ய திஷ்ட²ன் |
ஷ²ப்³தை³ரநேகைரஷ²நிப்ரரூடை³ |
ர்பி⁴ந்த³ந்நிவாண்ட³ம் ப்ரப³பௌ⁴ மஹாக்³நி꞉ || 5-54-33
தத்ராம்ப³ராத³க்³நிரதிப்ரவ்ருத்³தோ⁴ |
ரூக்ஷப்ரப⁴꞉ கிம்ஷு²கபுஷ்பசூடா³꞉ |
நிர்வாணதூ⁴மாகுலராஜயஷ்²ச |
நீலோத்பலாபா⁴꞉ ப்ரசகாஷி²ரே(அ)ப்⁴ரா꞉ || 5-54-34
வஜ்ரீ மஹேந்த்³ரஸ்த்ரித³ஷே²ஷ்²வரோ வா |
ஸாக்ஷாத்³யமோ வா வருணோ(அ)நிலோ வா |
ருத்³ரோக்³நிரர்கோ த⁴நத³ஷ்²ச ஸோமோ |
ந வாநரோ(அ)யம் ஸ்வயமேவ கால꞉ | 5-54-35
கிம் ப்³ரஹ்மண ஸர்வபிதாமஹஸ்ய |
ஸர்வஸ்ய தா⁴துஷ்²சதுராநநஸ்ய |
இஹாக³தோ வாநரரூபதா⁴ரீ |
ரக்ஷோபஸம்ஹாரகர꞉ ப்ரதாப꞉ 5-54-36
கிம் வைஷ்ணவம் வா கபிரூபமேத்ய |
ரக்ஷோவிநாஷா²ய பரம் ஸுதேஜ꞉ |
அநந்தமவ்யக்தமசிந்த்யமேகம் |
ஸ்வமாயயா ஸாம்ப்ரதமாக³தம் வா 5-54-37
இத்யேவமூசுர்ப³ஹவோ விஷி²ஷ்டா |
ரக்ஷோக³ணாஸ்தத்ர ஸமேத்ய ஸர்வே |
ஸப்ராணிஸம்கா⁴ம் ஸக்³ருஹாம் ஸவ்ருக்ஷாம் |
த³க்³தா⁴ம் புரீம் தாம் ஸஹஸா ஸமீக்ஷ்ய || 5-54-38
ததஸ்து லங்கா ஸஹஸா ப்ரத³க்³தா⁴ |
ஸராக்ஷஸா ஸாஷ்²வரதா² ஸநாகா³ |
ஸபக்ஷிஸம்கா⁴ ஸம்ருகா³ ஸவ்ருக்ஷா |
ருரோத³ தீ³நா துமுலம் ஸஷ²ப்³த³ம் || 5-54-39
ஹா தாத ஹா புத்ரக காந்த மித்ர |
ஹா ஜீவிதம் போ⁴க³யுதம் ஸுபுண்யம் |
ரக்ஷோபி⁴ரேவம் ப³ஹுதா⁴ ப்³ருவத்³பி⁴꞉ |
ஷ²ப்³த³꞉ க்ருதோ கோ⁴ரரவ꞉ ஸுபீ⁴ம꞉ || 5-54-40
ஹுதாஷ²நஜ்வாலஸமாவ்ருதா ஸா |
ஹதப்ரவீரா பரிவ்ருத்தயோதா⁴ |
ஹநூமத꞉ க்ரோத⁴ப³லாபி⁴பூ⁴தா |
ப³பூ⁴வ ஷா²போபஹதேஅ லங்கா || 5-54-41
ஸ ஸம்ப்⁴ராமத்ரஸ்தவிஷண்ணராக்ஷஸாம் |
ஸமுஜ்ஜ்வலஜ்ஜ்வாலஹுதாஷ²நாங்கிதாம் |
த³த³ர்ஷ² லங்காம் ஹநுமான் மஹாமாநா꞉ |
ஸ்வயம்பூ⁴கோபோபஹதாமிவாவநிம் || 5-54-42
ப⁴ம்க்த்வா வநம் பாத³பரத்நஸம்குலம் |
ஹத்வா து ரக்ஷாம்ஸி மஹாந்தி ஸம்யுகே³ |
த³க்³த்⁴வா புரீம் தாம் க்³ருஹரத்நமாலிநீம் |
தஸ்தௌ² ஹநூமான் பவநாத்மஜ꞉ கபி꞉ || 5-54-43
த்ரிகூடஷ்²ருங்கா³க்³ரதலே விசித்ரே |
ப்ரதிஷ்டி²தோ வாநரராஜஸிம்ஹ꞉ |
ப்ரதீ³ப்தலாங்கூ³லக்ருதார்சிமாலீ |
வ்யராஜதாதி³த்ய இவாம்ஷு²மாலீ || 5-54-44
ஸ ராக்ஷஸாம்ஸ்தான் ஸுப³ஹூம்ஷ்²ச ஹத்வா |
வநம் ச ப⁴ம்க்த்வா ப³ஹூபாத³பம் தத் |
விஸ்ருஜ்ய ரக்ஷோப⁴வநேஷு சாக்³நிம் |
ஜகா³ம ராமம் மநஸா மஹாத்மா || 5-54-45
ததஸ்து தம் வாநவீரமுக்²யம் |
மஹாப³லம் மாருததுல்யவேக³ம் |
மஹாமதிம் வாயுஸுதம் வரிஷ்ட²ம் |
ப்ரதுஷ்டவுர்தே³வக³ணாஷ்²ச ஸர்வே || 5-54-46
ப⁴ம்க்த்வா வநம் மஹாதேஜா ஹத்வா ரக்ஷாம்ஸி ஸம்யுகே³ |
த³க்³த்⁴வா லங்காபுரீம் ரம்யாம் ரராஜ ஸ மஹாகபி꞉ || 5-54-47
தத்ர தே³வா꞉ ஸக³ந்த⁴ர்வா꞉ ஸித்³தா⁴ஷ்²ச பரமர்ஷ்ய꞉ |
த்³ருஷ்ட்வா லங்காம் ப்ரத்³க்³தா⁴ம் தாம் விஸ்மயம் பரமம் க³தா꞉ || 5-54-48
தம் த்³ருஷ்ட்வா வாநரஷ்²ரேஷ்ட²ம் ஹநுமந்தம் மஹாகபிம் |
காலாக்³நிரிதி ஸஞ்சிந்த்ய ஸர்வபூ⁴தாநி தத்ரஸு꞉ || 5-54-49
தே³வாஷ்²ச ஸர்வே முநிபுங்க³வாஷ்²ச |
க³ந்த⁴ர்வவித்³யாத⁴ரநாக³யக்ஷா꞉ |
பூ⁴தாநி ஸர்வாணி மஹாந்தி தத்ர |
ஜக்³மு꞉ பராம் ப்ரீதிமதுல்யரூபாம் || 5-54-50
இத்யார்ஷே ஶ்ரீமத்³ராமாயணே ஆதி³காவ்யே ஸுந்த³ரகாண்டே³ சது꞉பஞ்சாஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
