வால்மீகி ராமாயணே ஆதி³ காவ்யே ஸுந்த³ரகாண்டே³ ஷட்த்ரிம்ʼஷ²꞉ ஸர்க³꞉
பூ⁴ய ஏவ மஹாதேஜா ஹனூமான் மாருத ஆத்மஜ꞉ |
அப்³ரவீத் ப்ரஷ்²ரிதம் வாக்யம் ஸீதா ப்ரத்யய காரணாத் || 5-36-1
வானரோ அஹம் மஹாபா⁴கே³ தூ³தோ ராமஸ்ய தீ⁴மத꞉ |
ராம நாம அன்கிதம் ச இத³ம் பஷ்²ய தே³வி அன்கு³ளீயகம் || 5-36-2
ப்ரத்யயார்த²ம் தவானீதம் தேன த³த்தம் மஹாத்மனா |
ஸமாஷ்²வஸிஹி ப⁴த்³ரம் தே க்ஷீண து³ஹ்க² ப²லா ஹி அஸி || 5-36-3
க்³ருʼஹீத்வா ப்ரேக்ஷமாணா ஸா ப⁴ர்து꞉ கர விபூ⁴ஷணம் |
ப⁴ர்தாரம் இவ ஸம்ப்ராப்தா ஜானகீ முதி³தா அப⁴வத் || 5-36-4
சாரு தத் வத³னம் தஸ்யா꞉ தாம்ர ஷு²க்ல ஆயத ஈக்ஷணம் |
அஷோ²ப⁴த விஷா²லாக்ஷ்யா ராஹு முக்த இவ உடு³ ராட் || 5-36-5
தத꞉ ஸா ஹ்ரீமதீ பா³லா ப⁴ர்து꞉ ஸந்தே³ஷ² ஹர்ஷிதா |
பரிதுட்ஷா ப்ரியம் ஷ்²ருத்வா ப்ராஷ²ம்ʼஸத மஹாகபிம் || 5-36-6
விக்ராந்த꞉ த்வம் ஸமர்த²꞉ த்வம் ப்ராஜ்ஞ꞉ த்வம் வானர உத்தம |
யேன இத³ம் ராக்ஷஸ பத³ம் த்வயா ஏகேன ப்ரத⁴ர்ஷிதம் || 5-36-7
ஷ²த யோஜன விஸ்தீர்ண꞉ ஸாக³ரோ மகர ஆலய꞉ |
விக்ரம ஷ்²லாக⁴னீயேன க்ரமதா கோ³ஷ்பதீ³ க்ருʼத꞉ || 5-36-8
ந ஹி த்வாம் ப்ராக்ருʼதம் மன்யே வனரம் வனர ருʼஷப⁴ |
யஸ்ய தே ந அஸ்தி ஸம்த்ராஸோ ராவணான் ந அபி ஸம்ப்⁴ரம꞉ || 5-36-9
அர்ஹஸே ச கபி ஷ்²ரேஷ்ட² மயா ஸமபி⁴பா⁴ஷிதும் |
யதி³ அஸி ப்ரேஷித꞉ தேன ராமேண விதி³த ஆத்மனா || 5-36-10
ப்ரேஷயிஷ்யதி து³ர்த⁴ர்ஷோ ராமோ ந ஹி அபரீக்ஷிதம் |
பராக்ரமம் அவிஜ்ஞாய மத் ஸகாஷ²ம் விஷே²ஷத꞉ || 5-36-11
தி³ஷ்ட்யா ச குஷ²லீ ராமோ த⁴ர்ம ஆத்மா த⁴ர்ம வத்ஸல꞉ |
லக்ஷ்மண꞉ ச மஹாதேஜா꞉ ஸுமித்ர ஆனந்த³ வர்த⁴ன꞉ || 5-36-12
குஷ²லீ யதி³ காகுத்ஸ்த²꞉ கிம் நு ஸாக³ர மேக²லாம் |
மஹீம் த³ஹதி கோபேன யுக³ அந்த அக்³னி꞉ இவ உத்தி²த꞉ || 5-36-13
அத²வா ஷ²க்திமந்தௌ தௌ ஸுராணாம் அபி நிக்³ரஹே |
மம ஏவ து ந து³ஹ்கா²னாம் அஸ்தி மன்யே விபர்யய꞉ || 5-36-14
கச்சிச் ச வ்யத²தே ராம꞉ கச்சின் ந பரிபத்யதே |
உத்தராணி ச கார்யாணி குருதே புருஷ உத்தம꞉ || 5-36-15
கச்சின் ந தீ³ன꞉ ஸம்ப்⁴ராந்த꞉ கார்யேஷு ச ந முஹ்யதி |
கச்சின் புருஷ கார்யாணி குருதே ந்ருʼபதே꞉ ஸுத꞉ || 5-36-16
த்³விவித⁴ம் த்ரிவித⁴ உபாயம் உபாயம் அபி ஸேவதே |
விஜிகீ³ஷு꞉ ஸுஹ்ருʼத் கச்சின் மித்ரேஷு ச பரம் தப꞉ || 5-36-17
கச்சின் மித்ராணி லப⁴தே மித்ரை꞉ ச அபி அபி⁴க³ம்யதே |
கச்சித் கல்யாண மித்ர꞉ ச மித்ரை꞉ ச அபி புர꞉ க்ருʼத꞉ || 5-36-18
கச்சித் ஆஷா²ஸ்தி தே³வானாம் ப்ரஸாத³ம் பார்தி²வ ஆத்மஜ꞉ |
கச்சித் புருஷ காரம் ச தை³வம் ச ப்ரதிபத்³யதே || 5-36-19
கச்சின் ந விக³த ஸ்னேஹோ விவாஸான் மயி ராக⁴வ꞉ |
கச்சின் மாம் வ்யஸனாத் அஸ்மான் மோக்ஷயிஷ்யதி வானர꞉ || 5-36-20
ஸுகா²னாம் உசிதோ நித்யம் அஸுகா²னாம் அனூசித꞉ |
து³ஹ்க²ம் உத்தரம் ஆஸாத்³ய கச்சித் ராமோ ந ஸீத³தி || 5-36-21
கௌஸல்யாயா꞉ ததா² கச்சித் ஸுமித்ராயா꞉ ததை²வ ச |
அபீ⁴க்ஷ்ணம் ஷ்²ரூயதே கச்சித் குஷ²லம் ப⁴ரதஸ்ய ச || 5-36-22
மன் நிமித்தேன மான அர்ஹ꞉ கச்சித் ஷோ²கேன ராக⁴வ꞉ |
கச்சின் ந அன்ய மனா ராம꞉ கச்சின் மாம் தாரயிஷ்யதி || 5-36-23
கச்சித் அக்ஷாஉஹிணீம் பீ⁴மாம் ப⁴ரதோ ப்⁴ராத்ருʼ வத்ஸல꞉ |
த்⁴வஜினீம் மந்த்ரிபி⁴꞉ கு³ப்தாம் ப்ரேஷயிஷ்யதி மத் க்ருʼதே || 5-36-24
வானர அதி⁴பதி꞉ ஷ்²ரீமான் ஸுக்³ரீவ꞉ கச்சித் ஏஷ்யதி |
மத் க்ருʼதே ஹரிபி⁴꞉ வீரை꞉ வ்ருʼதோ த³ந்த நக² ஆயுதை⁴꞉ || 5-36-25
கச்சிச் ச லக்ஷ்மண꞉ ஷூ²ர꞉ ஸுமித்ரா ஆனந்த³ வர்த⁴ன꞉ |
அஸ்த்ரவித் ஷ²ர ஜாலேன ராக்ஷஸான் வித⁴மிஷ்யதி || 5-36-26
ரௌத்³ரேண கச்சித் அஸ்த்ரேண ராமேண நிஹதம் ரணே |
த்³ரக்ஷ்யாமி அல்பேன காலேன ராவணம் ஸஸுஹ்ருʼஜ் ஜனம் || 5-36-27
கச்சின் ந தத்³த் ஹேம ஸமான வர்ணம் |
தஸ்ய ஆனனம் பத்³ம ஸமான க³ந்தி⁴ |
மயா வினா ஷு²ஷ்யதி ஷோ²க தீ³னம் |
ஜல க்ஷயே பத்³மம் இவ ஆதபேன || 5-36-28
த⁴ர்ம அபதே³ஷா²த் த்யஜத꞉ ச ராஜ்யாம் |
மாம் ச அபி அரண்யம் நயத꞉ பதா³திம் |
ந ஆஸீத் வ்யதா² யஸ்ய ந பீ⁴꞉ ந ஷோ²க꞉ |
கச்சித் ஸ தை⁴ர்யம் ஹ்ருʼத³யே கரோதி || 5-36-29
ந ச அஸ்ய மாதா ந பிதா ந ச அன்ய꞉ ந |
ஸ்னேஹாத் விஷி²ஷ்டோ அஸ்தி மயா ஸமோ வா |
தாவத்³த் ஹி அஹம் தூ³த ஜிஜீவிஷேயம் |
யாவத் ப்ரவ்ருʼத்திம் ஷ்²ருʼணுயாம் ப்ரியஸ்ய || 5-36-30
இதி இவ தே³வீ வசனம் மஹாஅர்த²ம் |
தம் வானர இந்த்³ரம் மது⁴ர அர்த²ம் உக்த்வா |
ஷ்²ரோதும் புன꞉ தஸ்ய வசோ அபி⁴ராமம் |
ராம அர்த² யுக்தம் விரராம ராமா || 5-36-31
ஸீதாயா வசனம் ஷ்²ருத்வா மாருதி꞉ பீ⁴ம விக்ரம꞉ |
ஷி²ரஸி அஞ்ஜலிம் ஆதா⁴ய வாக்யம் உத்தரம் அப்³ரவீத் || 5-36-32
ந த்வாம் இஹஸ்தா²ம் ஜானீதே ராம꞉ கமல லோசன꞉ |
தேன த்வாம்ʼ நானயத்யாஷு² ஷ²சீமிவ புரந்த³ர꞉ || 5-36-33
ஷ்²ருத்வா ஏவ து வசோ மஹ்யம் க்ஷிப்ரம் ஏஷ்யதி ராக⁴வ꞉ |
சமூம் ப்ரகர்ஷன் மஹதீம் ஹரி ருʼஷ்க க³ண ஸம்குலாம் || 5-36-34
விஷ்டம்ப⁴யித்வா பா³ண ஓகை⁴꞉ அக்ஷோப்⁴யம் வருண ஆலயம் |
கரிஷ்யதி புரீம் லன்காம் காகுத்ஸ்த²꞉ ஷா²ந்த ராக்ஷஸாம் || 5-36-35
தத்ர யதி³ அந்தரா ம்ருʼத்யு꞉ யதி³ தே³வா꞉ ஸஹ அஸுரா꞉ |
ஸ்தா²ஸ்யந்தி பதி² ராமஸ்ய ஸ தான் அபி வதி⁴ஷ்யதி || 5-36-36
தவ அத³ர்ஷ²னஜேன ஆர்யே ஷோ²கேன ஸ பரிப்லுத꞉ |
ந ஷ²ர்ம லப⁴தே ராம꞉ ஸிம்ஹ அர்தி³த இவ த்³விப꞉ || 5-36-37
த³ர்த³ரேண ச தே தே³வி ஷ²பே மூல ப²லேன ச |
மலயேன ச விந்த்⁴யேன மேருணா மந்த³ரேண ச || 5-36-38
யதா² ஸுநயனம்ʼ வல்கு³ பி³ம்பௌ³ஷ்ட²ம்ʼ சாருகுண்ட³லம் |
முக²ம்ʼ த்³ரக்ஷ்யஸி ராமஸ்ய பூர்ணசந்த்³ரமிவோதி³தம் || 5-36-39
க்ஷிப்ரம்ʼ த்³ரக்ஷ்யஸி வைதே³ஹி ராமம்ʼ ப்ரஸ்ரவணே கி³ரௌ |
ஷ²தக்ரதுமிவாஸீனம்ʼ நாகப்ருʼஷ்ட²ஸ்ய மூர்த⁴னி || 5-36-40
ந மாம்ʼஸம்ʼ ராக⁴வோ பு⁴ங்க்தே ந சாபி மது⁴ஸேவதே |
வன்யம்ʼ ஸுவிஹிதம்ʼ நித்யம்ʼ ப⁴க்தமஷ்²னாதி பஞ்சமம் || 5-36-41
ந ஏவ த³ம்ʼஷா²ன் ந மஷ²கான் ந கீடான் ந ஸரீ ஸ்ருʼபான் |
ராக⁴வோ அபனயேத் க³த்ராத் த்வத் க³தேன அந்த꞉ ஆத்மனா || 5-36-42
நித்யம் த்⁴யான பரோ ராமோ நித்யம் ஷோ²க பராயண꞉ |
ந அன்யச் சிந்தயதே கிஞ்சித் ஸ து காம வஷ²ம் க³த꞉ || 5-36-43
அநித்³ர꞉ ஸததம் ராம꞉ ஸுப்தோ அபி ச நர உத்தம꞉ |
ஸீதேதி மது⁴ராம் வாணீம் வ்யாஹரன் ப்ரதிபு³த்⁴யதே || 5-36-44
த்³ருʼஷ்ட்வா ப²லம் வா புஷ்பம் வா யச் ச அன்யத் ஸ்த்ரீ மனோ ஹரம் |
ப³ஹுஷோ² ஹா ப்ரியேதி ஏவம் ஷ்²வஸன் த்வாம் அபி⁴பா⁴ஷதே || 5-36-45
ஸ தே³வி நித்யம் பரிதப்யமான꞉ |
த்வாம் ஏவ ஸீதேதி அபி⁴பா⁴ஷமாண꞉ |
த்⁴ருʼத வ்ரதோ ராஜ ஸுதோ மஹாத்மா |
தவ ஏவ லாபா⁴ய க்ருʼத ப்ரயத்ன꞉ || 5-36-46
ஸா ராம ஸம்கீர்தன வீத ஷோ²கா |
ராமஸ்ய ஷோ²கேன ஸமான ஷோ²கா |
ஷ²ரன் முகே²ன அம்பு³த³ ஷே²ஷ |
நிஷா² இவ வைதே³ஹ ஸுதா ப³பூ⁴வ || 5-36-47
இத்யார்ஷே ஷ்²ரீமத்³ராமாயணே ஆதி³காவ்யே ஸுந்த³ரகாண்டே³ ஷட்த்ரிம்ʼஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
