வால்மீகி ராமாயணே ஆதி³ காவ்யே ஸுந்த³ரகாண்டே³ ஸப்தவிம்ʼஷ²꞉ ஸர்க³꞉
இத்யுக்தாஹ் ஸீதயா கோ⁴ரம்ʼ ராக்ஷஸ்ய꞉ க்ரோத⁴மூர்சி²தா꞉ |
காஷ்²சிஜ்ஜக்³முஸ்ததா³க்²யாதும்ʼ ராவணஸ்ய து³ராத்மன꞉ || 5-27-1
தத꞉ ஸீதாமுபாக³ம்ய ராக்ஷஸ்யோ கோ⁴ரத³ர்ஷ²னா꞉ |
புன꞉ புருஷமேகார்த²மனர்தா²ர்த²மதா²ப்³ருவன் || 5-27-2
அத்³யேதா³னீம்ʼ தவானார்யே ஸீதே பாபவிநிஷ்²சயே |
ராக்ஷஸ்யோ ப⁴க்ஷயிஷ்யந்தி மாம்ʼஸமேதத்³யதா²ஸுக²ம் || 5-27-3
ஸீதாம்ʼ தாபி⁴ரனார்யாபி⁴ர்த்³ருʼஷ்ட்வா ஸந்தர்ஜிதாம்ʼ ததா³ |
ராக்ஷஸீ த்ரிஜடா வ்ருʼத்³தா⁴ ஷ²யானா வாக்யமப்³ரவீத் || 5-27-4
ஆத்மானம்ʼ கா²த³தானார்யா ந ஸீதாம்ʼ ப⁴க்ஷயிஷ்யத² |
ஜனகஸ்ய ஸுதாமிஷ்டாம்ʼ ஸுன்னஷாம்ʼ த³ஷ²ரத²ஸ்ய ச || 5-27-5
ஸ்வப்னோ ஹ்யத்³ய மயா த்³ருʼஷ்டோ தா³ருனோ ரோமஹர்ஷண꞉ |
ராக்ஷஸாநாமபா⁴வாய ப⁴ர்துரஸ்யா ப⁴வாய ச || 5-27-6
ஏவமுக்டாஸ்த்ரிஜடயா ராக்ஷஸ்ய꞉ க்ரோத⁴மூர்சி²தா꞉ |
ஸர்வா ஏவாப்³ருவன்பீ⁴தாஸ்த்ரிஜடாம்ʼ தாமித³ம்ʼ வச꞉ || 5-27-7
கத²யஸ்வ த்வயா த்³ருʼஷ்ட꞉ ஸ்வப்னோ(அ)யம்ʼ கீத்³ருʼஷோ² நிஷி² |
தாஸாம்ʼ ஷ்²ருத்வா து வசனம்ʼ ராக்ஷஸீனாம்ʼ முகா²ச்ய்சுதம் || 5-27-8
உவாச வசனம்ʼ காலே த்ரிஜடா ஸ்வப்னஸம்ʼஷ்²ரிதம் |
க³ஜத³ந்தமயீம்ʼ தி³வ்யாம்ʼ ஷி²பி³காமந்தரிக்ஷகா³ம் || 5-27-9
யுக்தாம்ʼ ஹம்ʼஸஸஹ்ரேண ஸ்வயமாஸ்தா²ய ராக⁴வ꞉ |
ஷு²க்லமால்யாம்ப³ரத⁴ரோ லக்ஷ்மணேன ஸஹாக³த꞉ || 5-27-10
ஸ்வப்னே சாத்³ய மயா த்³ருʼஷ்டா ஸீதா ஷு²க்லாம்ப³ராவ்ருʼதா |
ஸாக³ரேண பரிக்ஷிப்தம்ʼ ஸ்வேதம்ʼ பர்வதமாஸ்தி²தா || 5-27-11
ராமேண ஸங்க³தா ஸீதா பா⁴ஸ்கரேண ப்ரபா⁴ யதா² |
ராக⁴வஷ்²ச மயா த்³ருʼஷ்டஷ்²ச துர்த³ம்ʼஷ்ட்ரம்ʼ மஹாக³ஜம் || 5-27-12
ததஸ்தௌ நரஷா²ர்தூ³ளௌ தீ³ப்யமானௌ ஸ்வதேஜஸா || 5-27-13
ஷு²க்லமால்யாம்ப³ரத⁴ரௌ ஜானகீம்ʼ பர்யுபஸ்தி²தௌ |
ததஸ்தஸ்ய நக³ஸ்யாக்³ரே ஹ்யாகாஷ²ஸ்த²ஸ்ய த³ந்தின꞉ || 5-27-14
ப⁴ர்த்ரா பரிக்³ருʼஹீதஸ்ய ஜானகீ ஸ்கந்த⁴மாஷ்²ரிதா |
ப⁴ர்துரங்காத்ஸமுத்பத்ய தத꞉ கமலலோசனா || 5-27-15
சந்த்³ரஸூர்யௌ மயா த்³ருʼஷ்டா பாணினா பரிமார்ஜதீ |
ததஸ்தாப்⁴யாம்ʼ குமாராப்⁴யாமாஸ்தி²த꞉ ஸ க³ஜோத்தம꞉ || 5-27-16
ஸீதயா ச விஷா²லாக்ஷ்யா லங்காயா உபரிஸ்தி²த꞉
பாண்டு³ரர்ஷப⁴யுக்தேன ரதே²னாஷ்டயுஜா ஸ்வயம் || 5-27-17
இஹோபயாத꞉ காகுத்²ஸ꞉ ஸீதயா ஸஹ பா⁴ர்ய யா |
லக்ஷ்மணேன ஸஹ ப்⁴ராத்ரா ஸீதயா ஸஹ வீர்யவான் || 5-27-18
ஆருஹ்ய புஷ்பகம்ʼ தி³வ்யம்ʼ விமானம்ʼ ஸூர்யஸன்னிப⁴ம் |
உத்தராம்ʼ தி³ஷ²மாலோக்ய ஜகா³ம புருஷ்த்தம꞉ || 5-27-19
ஏவம்ʼ ஸ்வப்னே மயா த்³ருʼஷ்டோ ராமோ விஷ்ணுபராக்ரம꞉ |
லக்ஷ்மணேன ஸஹ ப்⁴ராத்ரா ஸீதயா ஸஹ ராக⁴வ꞉ || 5-27-20
ந ஹி ராமோ மஹாதேஜா꞉ ஷோ²க்யோ ஜேதும்ʼ ஸுராஸுரை꞉ |
ராக்ஷஸைர்வாபி சான்யைர்வா ஸ்வர்க³꞉ பாபஜனைரிவ || 5-27-21
ராவணஷ்²ச மயா த்³ருʼஷ்ட꞉ க்ஷிதௌ தைலஸமுக்ஷித꞉ |
ரக்தவாஸாஹ் பிப³ன் மத்த꞉ கரவீரக்ருʼதஸ்ரஜ꞉|| 5-27-22
விமானாத்புஷ்பகாத³த்³ய ராவண꞉ பதிதோ பு⁴வி |
க்ருʼஷ்யமாண꞉ ஸ்த்ரியா த்³ருʼஷ்டோ முண்ட³꞉ க்ருʼஷ்ணாம்ப³ர꞉ புன꞉ || 5-27-23
ரதே²ன க²ரயுக்தேன ரக்தமால்யானுலேபன꞉ |
பிப³ம்ʼஸ்தைலம்ʼ ஹஸந்ந்ருʼதன் ப்⁴ராந்தசித்தாகுலேந்த்³ரிய꞉ || 5-27-24
க³ர்த³பே⁴ன யயௌ ஷீ²க்³ரம்ʼ த³க்ஷிணாம்ʼ தி³ஷ²மாஸ்தி²த꞉ |
புனரேவ மயா த்³ருʼஷ்டோ ராவணோ ராக்ஷஸேஷ்²வர꞉ || 5-27-25
பதிதோ(அ)வாக்சி²ரா பூ⁴மௌ க³ர்த³பா⁴த்³ப⁴யமோஹித꞉ |
ஸஹஸோத்தா²ய ஸம்ப்⁴ராந்தோ ப⁴யார்தோ மத³விஹ்வல꞉ || 5-27-26
உன்மத்த இவ தி³க்³வாஸா து³ர்வாக்யம்ʼ ப்ரளபன் ப³ஹு |
து³ர்க³ந்த⁴ம்ʼ து³ஸ்ஸஹம்ʼ கோ⁴ரம்ʼ திமிரம்ʼ நரகோபமம் || 5-27-27
மலபங்கம்ʼ ப்ரவிஷ்²யாஷு² மக்³னஸ்தத்ர ஸ ராவண꞉ |
கண்டே² ப³த்³த்⁴வா த³ஷ²க்³ரீவம்ʼ ப்ரமதா³ ரக்தவாஸினீ || 5-27-28
காளீ கர்த³மலிப்தாங்கீ³ தி³ஷ²ம்ʼ யாம்யாம்ʼ ப்ரகர்ஷதி |
ஏவம்ʼ தத்ர மயா த்³ருʼஷ்டஹ் கும்ப⁴கர்ணோ நிஷா²சர꞉ || 5-27-29
ராவணஸ்ய ஸுதா꞉ ஸர்வே த்³ருʼஷ்டாஸ்தைலஸமுக்ஷிதா꞉ |
வராஹேண த³ஷ²க்³ரீவ꞉ ஷி²ம்ʼஷு²மாரேண சேந்த்³ரஜித் || 5-27-30
உஷ்ட்ரேண கும்ப⁴கர்ணஷ்²ச ப்ரயாதா த³க்ஷிணாம்ʼ தி³ஷ²ம் |
ஏகஸ்தத்ர மயா த்³ருʼஷ்ட꞉ ஷ்²வேதச்ச²த்ரோ விபீ⁴ஸண꞉ || 5-27-31
ஷு²க்லமால்யாம்ப³ரத⁴ர꞉ ஷு²க்லக³ந்தா⁴னுலேபன꞉ |
ஷ²ங்க²து³ந்து³பி⁴நிர்கோ⁴ஷைர்ந்ருʼத்தகீ³தைரளங்க்ருʼத꞉ || 5-27-32
ஆருஹ்ய ஷை²லஸங்காஷ²ம்ʼ மேக⁴ஸ்தனிதநிஸ்வனம் |
சதுர்த⁴ந்தம்ʼ க³ஜம்ʼ தி³வ்யமாஸ்தே தத்ர விபீ⁴ஷண꞉ || 5-27-33
சதுர்பி⁴꞉ ஸசிவை꞉ ஸார்த⁴ம்ʼ வஹாயஸமுபஸ்தி²த꞉ |
ஸமாஜஷ்²ச மயா த்³ருʼஷ்டோ கீ³தவாதி³த்ரநி꞉ஸ்வன꞉ || 5-27-34
பிப³தாம்ʼ ரக்தமால்யானாம்ʼ ரக்ஷஸாம்ʼ ரக்தவாஸஸாம் |
லங்கா சேயம்ʼ புரீ ரம்யா ஸவாஜிரத²குஞ்ஜரா || 5-27-35
ஸாக³ரே பதிதா த்³ருʼஷ்டா ப⁴க்³னகோ³புரதோரணா |
லங்கா த்³ருʼஷ்டா மயா ஸ்வப்னே ராவணேநாபி⁴ரக்ஷிதா || 5-27-36
த³க்³தா⁴ ராமஸ்ய தூ³தேன வானரேண தரஸ்வினா |
ஸீத்வா தைலம்ʼ ப்ரந்ருʼத்தாஷ்²ச ப்ரஹஸந்த்யோ மஹாஸ்வனா꞉ || 5-27-37
லங்காயாண் ப⁴ஸ்மரூக்ஷாயாம்ʼ ஸர்வா ராக்ஷஸயோஷித꞉ |
கும்ப⁴கர்ணாத³யஷ்²சேமே ஸர்வே ராக்ஷஸபுங்க³வா꞉ || 5-27-38
ரக்தம்ʼ நிவஸனம்ʼ க்³ருʼஹ்ய ப்ரவிஷ்டா கோ³மயஹ்ரதே³ |
அபக³ச்ச²த நஷ்²யத்⁴வம்ʼ ஸீதாமாப்னோதி ராக⁴வ꞉ || 5-27-39
கா⁴தயேத்பரமாமர்ஷீ யுஷ்மான் ஸார்த⁴ம்ʼ ஹி ராக்ஷனை꞉ |
ப்ரியாம்ʼ ப³ஹுமதாம்ʼ பா⁴ர்யாம்ʼ வனவாஸமனுவ்ரதாம் || 5-27-40
ப⁴ர்த்ஸிதாம்ʼ தர்ஜிதாம்ʼ வாபி நானுமம்ʼஸ்யதி ராக⁴வ꞉ |
தத³ளம்ʼ க்ரூரவாக்யைஷ்²ச ஸாந்த்வமேவாபி⁴தீ⁴யதாம் || 5-27-41
அபி⁴யாசாம வைதே³ஹீமேதத்³தி⁴ மம ரோசதே |
யஸ்யாமேவம்ʼவித⁴꞉ ஸ்வப்னோ து³꞉கி²தாயாம்ʼ ப்ரத்³ருʼஷ்²யதே || 5-27-42
ஸா து³꞉கை²ர்விவிதை⁴ர்முக்தா ப்ரியம்ʼ ப்ராப்னோத்யனுத்தமம் |
ப⁴ர்த்ஸிதாமபி யாசத்⁴வம்ʼ ராக்ஸஸ்ய꞉ கிம்ʼ விவக்ஷயா || 5-27-43
ராக⁴வாத்³தி⁴ ப⁴யம்ʼ கோ⁴ரம்ʼ ராக்ஷஸாநாமுபஸ்தி²தம் |
ப்ரணிபாதப்ரஸன்னா ஹி மைதி²லீ ஜனகாத்மஜா || 5-27-44
அலமேஷா பரித்ராரும்ʼ ராக்ஷஸ்யோ மஹாதோ ப⁴யாத் |
அபி சாஸ்யா விஷா²லாக்ஷ்யா ந கிஞ்சிது³பலக்ஷயே || 5-27-45
விரூபமபி சாங்கே³ஷு ஸுஸூக்ஷ்மமபி லக்ஷணம் |
சாயாவைகு³ண்யமாத்ரம்ʼ து ஷ²ங்கே து³꞉க²முபஸ்தி²தம் || 5-27-46
அது³꞉கா²ர்ஹமிமாம்ʼ தே³வீம்ʼ வைஹாயஸமுபஸ்தி²தாம் |
அர்த²ஸித்³தி⁴ம்ʼ து வைதே³ஹ்யா꞉ பஷ்²யாம்யஹமுபஸ்தி²தாம் || 5-27-47
ராக்ஷஸேந்த்³ரவிநாஷ²ம்ʼ ச விஜயம்ʼ ராக⁴வஸ்ய ச |
நிமித்தபூ⁴தமேதத்து ஷ்²ரோதுமஸ்யா மஹத்ப்ரியம் || 5-27-48
த்³ருʼஷ்²யதே ச ஸ்பு²ரச்சக்ஷு꞉ பத்³மபத்ரமிவாயதம் |
ஈஷச்ச ஹ்ருʼஷிதோ வாஸ்யா த³க்ஷிணாயா ஹ்யத³க்ஷிண꞉ || 5-27-49
அகஸ்மாதே³வ வைதே³ஹ்யா ப³ஹுரேக꞉ ப்ரகம்பதே |
கரேணுஹஸ்தப்ரதிம꞉ ஸவ்யஷ்²சோருரனுத்தம꞉ || 5-27-50
வேபமான꞉ ஸூசயதி ராக⁴வம்ʼ புரத꞉ ஸ்தி²தம் |
பக்ஷீ ச ஷா²கா²நிலயம்ʼ ப்ரவிஷ்ட꞉ |
புன꞉ புனஷ்²சோத்தமஸாந்த்வவாதீ³ |
ஸுஸ்வாக³தம்ʼ வாசமுதீ³ரயான꞉ |
புன꞉ புனஷ்²சோத³யதீவ ஹ்ருʼஷ்ட꞉ || 5-27-51
இத்யார்ஷே ஷ்²ரீமத்³ராமாயணே ஆதி³காவ்யே ஸுந்த³ரகாண்டே³ ஸப்தவிம்ʼஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
