வால்மீகி ராமாயணே ஆதி³ காவ்யே ஸுந்த³ரகாண்டே³ ஏகவிம்ʼஷ²꞉ ஸர்க³꞉
தஸ்ய தத்³வசனம் ஷ்²ருத்வா ஸீதா ரௌத்³ரஸ்ய ரக்ஷஸ꞉ |
ஆர்தா தீ³னஸ்வரா தீ³னம் ப்ரத்யுவாச தத꞉ ஷ²னை꞉ || 5-21-1
து³꞉கா²ர்தா ருத³தீ ஸீதா வேபமானா தபஸ்வினீ |
சிந்தயந்தீ வராரோஹ பதிமேவ பதிவ்ரதா || 5-21-2
த்ருʼணமந்தரத꞉ க்ருʼத்வா ப்ரத்யுவாச ஷு²சிஸ்மிதா |
நிவர்தய மனோ மத்த꞉ ஸ்வஜனே க்ரியதாம்ʼ மன꞉ || 5-21-3
ந மாம்ʼ ப்ரார்த²யிதும்ʼ யுக்தம்ʼ ஸுஸித்³தி⁴மிவ பாபக்ருʼத் |
அகார்யம் ந மயா கார்யமேகபத்ன்யா விக³ர்ஹிதம் || 5-21-4
குலம் ஸம்ப்ராப்தயா புண்யம் குலே மஹதி ஜாதயா |
ஏவமுக்த்வா து வைதே³ஹீ ராவணம் தம் யஷ²ஸ்வினீ || 5-21-5
ராவணம் ப்ருʼஷ்ட²த꞉ க்ருʼத்வா பூ⁴யோ வசனம்ப்³ரவீத் |
வாஹமௌபயிகீ பா⁴ர்யா பரபா⁴ர்யா ஸதீ தவ || 5-21-6
ஸாது⁴ த⁴ர்மமவேக்ஷஸ்வ ஸாது⁴ ஸாது⁴வ்ரதம் சர |
யதா² தவ ததா²ன்யேஷாம்ʼ தா³ரா ரக்ஷ்யா விஷா²சர || 5-21-7
ஆத்மானமுபமாம்ʼ க்ருʼத்வா ஸ்வேஷு தா³ரேஷு ரம்யதாம் |
அதுஷ்டம்ʼ ஸ்வேஷு தா³ரேஷு சபலம் சலிதேந்த்³ரியம் || 5-21-8
நயந்தி நிக்ருʼதிப்ரஜ்ஞம்ʼ பரதா³ரா꞉ பராப⁴வம் |
இஹ ஸந்தோ ந வா ஸந்தி ஸதோ வா நானுவர்தஸே || 5-21-9
ததா²ஹி விபரீதா தே பு³த்³தி⁴ராசாரவர்ஜிதா |
வசோ மித்²யாப்ரணீதாத்மா பத்²யமுக்தம்ʼ விசக்ஷணை꞉ || 5-21-10
ராக்ஷஸாநாமபா⁴வாய த்வம் வா ந வ்ரதிபத்³யஸே |
ஆக்ருʼதாத்மானமாஸாத்³ய ராஜானமனயே ரதம் || 5-21-11
ஸம்ருʼத்³தா⁴னி வினஷ்²யந்தி ராஷ்ட்ராணி நக³ராணி ச |
ததே²யம் த்வாம் ஸமாஸாத்³ய லங்கா ரத்னௌக⁴ஸம்குலா || 5-21-12
அபராதா⁴த்தவைகஸ்ய வசிராத்³வினஷி²ஷ்யதி |
ஸ்வக்ருʼதைர்ஹன்யமானஸ்ய ஆவணாதீ³ர்க⁴த³ர்ஷி²ன꞉ || 5-21-13
அபி⁴னந்த³ந்தி பூ⁴தானி விநாஷே² பாபகர்மண꞉ |
ஏவம்ʼ த்வாம்ʼ பாபகர்மாணம் வக்ஷ்யந்தி நிக்ருʼதா ஜனா꞉ || 5-21-14
தி³ஷ்ட்யைதத்³ வ்யஸனம்ʼ ப்ராப்தோ ரௌத்³ர இத்யேவ ஹர்ஷிதா꞉ |
ஷ²க்யா லோப⁴யிதும்ʼ நாஹமைஷ்²வர்யேண த⁴னேன வா || 5-21-15
அனன்யா ராக⁴வேணாஹம்ʼ பா⁴ஸ்கரேண ப்ரபா⁴ யதா² |
உபதா⁴ய பு⁴ஜம் தஸ்ய லோகநாத²ஸ்ய ஸத்க்ருʼதம் || 5-21-16
கத²ம் நாமோபதா⁴ஸ்யாமி பு⁴ஜமன்யஸ்ய கஸ்ய சித் |
அஹமௌபயீகீ பா⁴ர்யா தஸ்யைவ வஸுதா⁴பதே꞉ || 5-21-17
வ்ரதஸ்னாதஸ்ய விப்ரஸ்ய வித்³யேவ விதி³தாத்மன꞉ |
ஸாது⁴ ராவண ராமேண மாம்ʼ ஸமானய து³꞉கி²தாம் || 5-21-18
வனே வாஷி²தயா ஸார்த²ம் கரேண்வேவ க³ஜாதி⁴பம் |
மித்ரமௌபயிகம் கர்தும் ராம꞉ ஸ்தா²னம் பரீப்ஸதா || 5-21-19
வத⁴ம் சானிச்ச²தா கோ⁴ரம்ʼ த்வயாஸௌ புருஷர்ஷப⁴꞉ |
விதி³த꞉ ஸ ஹி த⁴ர்மஜ்ஞ꞉ ஷ²ரணாக³தவத்ஸல꞉ || 5-21-20
தேன மைத்ரீ ப⁴வது தே யதி³ ஜீவிதுமிச்சஸி |
ப்ரஸாத³யஸ்வ த்வம்ʼ சனம்ʼ ஷ²ரணாக³தவத்ஸலம் || 5-21-21
மாம்ʼ சாஸ்மை நியதோ பூ⁴த்வா நிர்யாதயிதுமர்ஹஸி |
ஏவம் ஹி தே ப⁴வேத்ஸ்வஸ்தி ஸம்ப்ரதா³ய ரகூ⁴த்தமே || 5-21-22
அன்யதா² த்வம் ஹி குர்வணோ வத⁴ம் ப்ராப்ஸ்யஸி ராவண |
வர்ஜயேத்³வஜ்ரமுத்ஸ்ருʼஷ்டம்ʼ வர்ஜயேத³ந்தகஷ்²சிரம் || 5-21-23
த்வத்³வித⁴ம் து ந ஸ க்ருத்³தோ⁴ லோகநாத²꞉ ஸ ராக⁴வ꞉ |
ராமஸ்ய த⁴னுஷ꞉ ஷ²ப்³த³ம்ʼ ஷ்²ரோஷ்யஸி த்வம்ʼ மஹாஸ்வனம் || 5-21-24
ஷ²தக்ரதுவிஸ்ருʼஷ்டஸ்ய நிர்கோ⁴ஷமஷ²னேரிவ |
இஹ ஷீ²க்³ரம்ʼ ஸுபர்வாணோ ஜ்வலிதாஸ்ய இவோரகா³꞉ || 5-21-25
இஷவோ நிபதிஷ்யந்தி ராமலக்ஷ்மணலக்ஷணா꞉ |
ரக்ஷாம்ʼஸி பரிநிக்⁴னஸ்த꞉ புர்யாமஸ்யாம்ʼ ஸமந்தத꞉ || 5-21-26
அஸம்பாதம்ʼ கரிஷ்யந்தி பதந்த꞉ கங்கவாஸஸ꞉ |
ராக்ஷஸேந்த்³ரமஹாஸர்பான் ஸ ராமக³ருடோ³ மஹான் || 5-21-27
உத்³த⁴ரிஷ்யதி வேகே³ன வைனதேய இவோரகா³ன் |
அபனேஷ்யதி மாம்ʼ ப⁴ர்தா த்வத்த꞉ ஷீ²க்⁴ரமரிந்த³ம꞉ || 5-21-28
அஸுரேப்⁴ய꞉ ஷ்²ரியம்ʼ தீ³ப்தாம்ʼ விஷ்ணுஸ்த்ரிபி⁴ரிவ க்ரமை꞉ |
ஜனஸ்தா²னே ஹதஸ்தா²னே நிஹதே ரக்ஷஸாம்ʼ ப³லே || 5-21-29
அஷ²க்தேன த்வயா ரக்ஷ꞉ க்ருʼதமேதத³ஸாது⁴ வை |
அஷ்²ரமம் து தயோ꞉ ஷூ²ன்யம்ʼ ப்ரவிஷ்²ய நரஸிம்ஹயோ꞉ || 5-21-30
கோ³சரம்ʼ க³தயோர்ர்பா⁴த்ரோரபனீதா த்வயாத⁴ம |
ந ஹி க³ந்த⁴முபாக்⁴ராய ராமலக்ஷ்மணயோஸ்த்வயா || 5-21-31
ஷ²க்யம்ʼ ஸந்த³ர்ஷ²னே ஸ்தா²தும்ʼ ஷு²னா ஷா²ர்தூ³ளயோரிவ |
தஸ்ய தே விக்³ரஹே தாப்⁴யாம்ʼ யுக³க்³ரஹணமஸ்தி²ரம் || 5-21-32
வ்ருʼத்ரஸ்யேவேந்த்³ரபா³ஹுப்⁴யாம்ʼ பா³ஹோரேகஸ்ய விக்³ரஹே |
க்ஷிப்ரம்ʼ தவ ஸ நாதோ² மே ராம꞉ ஸௌமித்ரிணா ஸஹ || 5-21-33
தோயமல்பமிவாதி³த்ய꞉ ப்ரானாநாதா³ஸ்யதே ஷ²ரை꞉ |
கி³ரிம்ʼ குபே³ரஸ்ய க³தோ(அ)த²வாலயம் |
ஸபா⁴ம்ʼ க³தோ வா வருணஸ்ய ராஜ்ஞ꞉ |
அஸம்ʼஷ²யம்ʼ தா³ஷ²ரதே²ர்ன மோக்ஷ்யஸே |
மஹாத்³ரும꞉ காலஹதோ(அ)ஷ²னேரிவ || 5-21-34
இத்யார்ஷே ஷ்²ரீமத்³ராமாயணே ஆதி³காவ்யே ஸுந்த³ரகாண்டே³ ஏகவிம்ʼஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
