வால்மீகி ராமாயணே ஆதி³ காவ்யே ஸுந்த³ரகாண்டே³ ஸப்தத³ஷ²꞉ ஸர்க³꞉
தத꞉ குமுத³ஷண்டா³போ⁴ நிர்மலம் நிர்மலோத³ய꞉ |
ப்ரஜகா³ம நப⁴ஷ்²சந்த்³ரோ ஹம்ʼஸோ நீலமிவோத³கம் || 5-17- 1
ஸாசிவ்யமிவ குர்வன் ஸ ப்ரப⁴யா நிர்மலப்ரப⁴꞉ |
சந்த்³ரமா ரஷ்²மபி⁴꞉ ஷீ²தை꞉ ஸிஷேவே பவனாத்மஜம் || 5-17-2
ஸ த³த³ர்ஷ² தத꞉ ஸீதாம் பூர்ணசந்த்³ரனிபா⁴னனாம் |
ஷோ²கபா⁴ரைரிவ ந்யஸ்தாம்ʼ பா⁴ரைர்னாவமிவாம்ப⁴ஸி || 5-17-3
தி³த்³ருʼக்ஷமாணோ வைதே³ஹீம் ஹனுமான் மாருதாத்மஜ꞉ |
ஸ த³த³ர்ஷா²விதூ³ரஸ்தா² ராக்ஷஸீர்கோ⁴ரத³ர்ஷ²னா꞉ || 5-17-4
ஏகாக்ஷீமேககர்ணாம் ச கர்ணப்ராவரணாம் ததா² |
அகர்ணாம் ஷ²ங்குகர்ணாம் ச மஸ்தகோச்ச்²வாஸநாஸிகாம் || 5-17-5
அதிகாயோத்தமாங்கீ³ம்ʼ ச தனுதீ³ர்க⁴ஷி²ரோத⁴ராம் |
த்⁴வஸ்தகேஷீ²ம் ததா²கேஷீ²ம் கேஷ²கம்ப³லதா⁴ரிணீம் || 5-17-6
லம்ப³கர்ணலலாடாம் ச லம்போ³த³ரபயோத⁴ராம் |
லம்போ³ஷ்டீ²ம்ʼ சுபு³கோஷ்டீ²ம்ʼ ச லம்பா³ஸ்யாம் லம்ப³ஜானுகாம் || 5-17-7
ஹ்ரஸ்வாம் தீ³ர்கா⁴ம் ச குப்³ஜாம் விகடாம் வாமனாம்ʼ ததா² |
கராளாம் பு⁴க்³னவக்த்ராம் ச பிங்கா³க்ஷீம் விக்ருʼதானனாம் || 5-17-8
விக்ருʼதா꞉ பிங்க³ளா꞉ காளீ꞉ க்ரோத⁴னா꞉ கலஹப்ரியா꞉ |
காலாயஸமஹாஷூ²லகூடமுத்³க³தா⁴ரிணீ꞉ || 5-17-9
வராஹம்ருʼக³ஷா²ர்தூ³ளமஹிஷாஜஷி²வாமுகீ²꞉ |
க³ஜோஷ்ட்ர ஹயபாதீ³ஷ்²ச நிகா²தஷி²ரஸோபரா꞉ || 5-17-10
ஏகஹஸ்தைகபாதா³ஷ்²ச க²ரகர்ண்யஷ்²வகர்ணிகா꞉ |
கோ³கர்ணீர்ஹஸ்திகர்ணீஈஷ்²ச ஹரிகர்ணீஸ்ததா²பரா꞉ || 5-17-11
அதினாஸாஷ்²ச திர்யங்னாஸா அநாஸிகா꞉ |
க³ஜனன்னிப⁴னாஸாஷ்²ச லலாடோச்ச்வாஸநாஸிகா꞉ || 5-17-12
ஹஸ்திபாதா³ மஹாபாதா³ கோ³பாதா³꞉ பாத³சூளிகா꞉ |
அதிமாத்ரஷி²ரோக்³ரீவா அதிமாத்ரகுசோத³ரீ꞉ || 5-17-13
அதிமாத்ரஸ்யநேத்ராஷ்²ச தீ³ர்க⁴ஜிஹ்வாநகா²ஸ்ததா² |
அஜாமுகீ²ர்ஹஸ்திமுகீ²ர்கோ³முகா²꞉ ஸூகரீமுகீ²꞉ || 5-17-14
ஹயோஷ்ட்ரக²ரவக்த்ராஷ்²ச ராக்ஷஸீர்கோ⁴ரத³ர்ஷ²னா꞉ |
ஷூ²லமுத்³க³ரஹஸ்தாஷ்²ச க்ரோத⁴னா꞉ கலஹப்ரியா꞉ || 5-17-15
கராளா தூ⁴ம்ரகேஷீ²ஷ்²ச ராக்ஷஸீர்விக்ருʼதானனா꞉ |
பிப³ந்தீ꞉ ஸததம்ʼ பானம்ʼ ஸதா³ மாம்ʼ ஸஸுராப்ரியா꞉ || 5-17-16
மாம்ʼஸஷோ²ணிததி³க்³தா⁴ங்கீ³ர்மாம்ʼஸஷோ²ணிதபோ⁴ஜனா꞉ |
தா த³த³ர்ஷ² கபிஷ்²ரேஷ்டோ² ரோமஹர்ஷணத³ர்ஷ²னா꞉ || 5-17-17
ஸ்கந்த⁴வந்தமுபாஸீனா꞉ பரிவார்ய வனஸ்பதிம் |
தஸ்யாத⁴ஸ்தாச்ச தாம் தே³வீம் ராஜபுத்ரீமனிந்தி³தாம் || 5-17-18
லக்ஷயாமாஸ லக்ஷ்மீவான் ஹனுமான் ஜன்காத்மஜாம் |
நிஷ்ப்ரபா⁴ம் ஷோகஸந்தப்தாம் மலஸம்குலமூர்த⁴ஜாம் || 5-17-19
க்ஷீணபுண்யாம் ச்யுதாம் பூ⁴மௌ தாராம் நிபதிதாமிவ |
சாரித்ரவ்யபதே³ஷா²ட்³யாம்ʼ ப⁴ர்த்ருʼத³ர்ஷ²னது³ர்க³தாம் || 5-17-20
பூ⁴ஷணைருத்தமோர்ஹீனாம் ப⁴ர்த்ருʼவாத்ஸல்யபூ⁴ஷணாம் |
ராக்ஷஸாதி⁴பஸம்ருத்³தா⁴ம் ப³ந்து⁴பி⁴ஷ்²ச வினா க்ருʼதாம் || 5-17-21
வியூதா²ம் ஸிம்ஹஸம்ருத்³தா⁴ம் ப³த்³தா⁴ம் க³ஜவதூ⁴மிவ |
சந்த்³ரரேகா²ம் பயோதா³ந்தே ஷா²ரதா³ப்³ரைரிவாவ்ருʼதாம் || 5-17-22
க்லிஷ்டரூபாமஸம்ʼஸ்பர்ஷா²த³யுக்தாமிவ வல்லகீம் |
ஸ தாம் ப⁴ர்தவஷே² யுக்தாமயுக்தாம் ராக்ஷஸீவஷே² || 5-17-23
அஷோ²கவநிகாமத்⁴யே ஷோ²கஸாக³ரமாப்லுதாம் |
தாபி⁴꞉ பரிவ்ருʼதாம் தத்ர ஸக்³ரஹாமிவ ரோஹிணீம் || 5-17-24
த³த³ர்ஷ² ஹனுமான் தே³வீம் லதாமகுஸுமாமிவ |
ஸா மலேன ச தி³க்³தா⁴ங்கீ³வபுஷா சாப்யலங்க்ருʼதா || 5-17-25
ம்ருʼணாலீ பங்கதி³க்³தே⁴வ விபா⁴தி ச ந பா⁴தி ச |
மலினேன து வஸ்த்ரேண பரிக்லிஷ்டேன பா⁴மினீம் || 5-17-26
ஸம்ʼவ்ருʼதாம் ம்ருʼக³ஷா²பா³க்ஷீம்ʼ த³த³ர்ஷ² ஹனுமான் கபி꞉ |
தாம் தே³வீம்ʼ தீ³னவத³நாமதீ³னாம்ʼ ப⁴ர்த்ருʼதேஜஸா || 5-17-27
ரக்ஷிதாம் ஸ்வேன ஷீ²லேன ஸீதாமஸிதலோசனாம் |
தாம் த்³ருʼஷ்ட்வா ஹனுமான் ஸீதாம் ம்ருʼக³ஷா²ப³னிபே⁴க்ஷணாம் |
ம்ருʼக³கன்யாமிவ த்ரஸ்தாம் வீக்ஷமாணாம் ஸமந்தத꞉ || 5-17-28
த³ஹந்தீமிவ நி꞉ஷ்²வாஸைர்வ்ருʼக்ஷான் பல்லவதா⁴ரிண꞉ |
ஸம்கா⁴தமிவ ஷோ²கானாம் து³꞉க²ஸ்யோர்மிமிவோதி²தாம் || 5-17-29
தாம் க்ஷமாம்ʼ ஸுவிப⁴க்தாங்கீ³ம்ʼ விநாப⁴ரணஷோ²பி⁴னீம் |
ப்ரஹர்ஷமதுலம் லேபே⁴ மாருதி꞉ ப்ரேக்ஷ்ய மைதி²லீம் || 5-17-30
ஹர்ஷஜானி ச ஸோ(அ)ஷ்²ரூணி தாம் த்³ருʼஷ்ட்வா மதி³ரேக்ஷணாம் |
முமுசே ஹனுமாம்ʼஸ்தத்ர நமஷ்²சக்ரே ச ராக⁴வம் || 5-17-31
நமஸ்க்ருʼத்வா ராமாய லக்ஷ்மணாய ச வீர்யவான் |
ஸீதாத³ர்ஷ²னஸம்ஹ்ருʼஷ்டோ ஹனுமான் ஸம்வ்ருʼதோ(அ)ப⁴வத் || 5-17-32
இத்யார்ஷே ஷ்²ரீமத்³ராமாயணே ஆதி³காவ்யே ஸுந்த³ரகாண்டே³ ஸப்தத³ஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
