வால்மீகி ராமாயணே ஆதி³ காவ்யே கிஷ்கிந்த⁴ காண்டே³ பஞ்ச ஷஷ்டிதம꞉ ஸர்க³꞉
 |
| Bing - Artificial Intelligence Pictures collage | செயற்கை நுண்ணறிவின் மூலம் "பிங்" வலைத்தளத்தில் உண்டாக்கிய படங்களின் தொகுப்பு |
அத² அங்க³த³ வச꞉ ஷ்²ருத்வா ஸர்வே தே வானர உத்தமா꞉ |
ஸ்வம் ஸ்வம் க³தௌ ஸமுத்ஸாஹம் ஊசு꞉ தத்ர யதா² க்ரமம் || 4-65-1
க³ஜோ க³வாக்ஷோ க³வய꞉ ஷ²ரபோ⁴ க³ந்த⁴மாத³ன꞉ |
மைந்த³꞉ ச த்³விவித³꞉ சைவ ஸுஷேணோ ஜாம்ப³வான் ததா² || 4-65-2
ஆப³பா⁴ஷே க³ஜ꞉ தத்ர ப்லவேயம் த³ஷ² யோஜனம் |
க³வாக்ஷோ யோஜனானி ஆஹ க³மிஷ்யாமி இதி விம்ʼஷ²திம் || 4-65-3
ஷ²ரபோ⁴ வானர꞉ தத்ர வானரான் தான் உவாச ஹ |
த்ரிம்ʼஷ²த் க³மிஷ்யாமி யோஜனானாம் ப்லவங்க³மா꞉ || 4-65-4
ருʼஷரபோ⁴ வானர꞉ தத்ர வானரான் தான் உவாச ஹ |
சத்வாரிம்ʼஷ²த் க³மிஷ்யாமி யோஜனானாம் ந ஸம்ʼஷ²ய꞉ || 4-65-5
வானரான் து மஹாதேஜா அப்³ரவீத் க³ந்த⁴மாத³ன꞉ |
யோஜனானாம் க³மிஷ்யாமி பஞ்சாஷ²த் து ந ஸம்ʼஷ²ய꞉ || 4-65-6
மைந்த³꞉ து வானர꞉ தத்ர வானரான் தான் உவாச ஹ |
யோஜனானாம் பரம் ஷஷ்டிம் அஹம் ப்லவிதும் உத்ஸஹே || 4-65-7
தத꞉ தத்ர மஹாதேஜா த்³விவித³꞉ ப்ரத்யபா⁴ஷத |
க³மிஷ்யாமி ந ஸந்தே³ஹ꞉ ஸப்ததிம் யோஜனானி அஹம் || 4-65-8
ஸுஷேண꞉ து மஹாதேஜா꞉ ஸத்த்வவான் கபி ஸத்தம꞉ |
அஷீ²திம் ப்ரதிஜானே அஹம் யோஜனானாம் பராக்ரமே || 4-65-9
தேஷாம் கத²யதாம் தத்ர ஸர்வான் தான் அனுமான்ய ச |
ததோ வ்ருʼத்³த⁴தம꞉ தேஷாம் ஜாம்ப³வான் ப்ரத்யபா⁴ஷத || 4-65-10
பூர்வம் அஸ்மாகம் அபி ஆஸீத் கஷ்²சித் க³தி பராக்ரம꞉ |
தே வயம் வயஸ꞉ பாரம் அனுப்ராப்தா꞉ ஸ்ம ஸாம்ப்ரதம் || 4-65-11
கிம் து ந ஏவம் க³தே ஷ²க்யம் இத³ம் கார்யம் உபேக்ஷிதும் |
யத்³ அர்த²ம் கபி ராஜ꞉ ச ராம꞉ ச க்ருʼத நிஷ்²சயௌ || 4-65-12
ஸாம்ப்ரதம் காலம் அஸ்மாகம் யா க³தி꞉ தாம் நிபோ³த⁴த |
நவதிம் யோஜனானாம் து க³மிஷ்யாமி ந ஸம்ʼஷ²ய꞉ || 4-65-13
தான் ச ஸர்வான் ஹரி ஷ்²ரேஷ்டா²ன் ஜாம்ப³வான் இத³ம் அப்³ரவீத் |
ந க²லு ஏதாவத் ஏவ ஆஸீத் க³மனே மே பராக்ரம꞉ || 4-65-14
மயா வைரோசனே யஜ்ஞே ப்ரப⁴விஷ்ணு꞉ ஸனாதன꞉ |
ப்ரத³க்ஷிணீ க்ருʼத꞉ பூர்வம் க்ரமமாண꞉ த்ரிவிக்ரம꞉ || 4-65-15
ஸ இதா³னீம் அஹம் வ்ருʼத்³த⁴꞉ ப்லவனே மந்த³விக்ரம꞉ |
யௌவனே ச ததா³ ஆஸீத் மே ப³லம் அப்ரதிமம் பரம் || 4-65-16
ஸம்ப்ரதி ஏதாவத் ஏவ அத்³ய ஷ²க்யம் மே க³மனே ஸ்வத꞉ |
ந ஏதாவதா ச ஸம்ʼஸித்³தி⁴꞉ கார்யஸ்ய அஸ்ய ப⁴விஷ்யதி || 4-65-17
அத² உத்தரம் உதா³ர அர்த²ம் அப்³ரவீத் அங்க³த³꞉ ததா³ |
அனுமான்ய மஹாப்ராஜ்ஞோ ஜாம்ப³வந்தம் மஹாகபிம் || 4-65-18
அஹம் ஏதத் க³மிஷ்யாமி யோஜனானாம் ஷ²தம் மஹத் |
நிவர்தனே து மே ஷ²க்தி꞉ ஸ்யாத் ந வா இதி ந நிஷ்²சிதம் || 4-65-19
தம் உவாச ஹரி ஷ்²ரேஷ்டோ² ஜாம்ப³வான் வாக்ய கோவித³꞉ |
ஜ்ஞாயதே க³மனே ஷ²க்தி꞉ தவ ஹரி ருʼக்ஷ ஸத்தம || 4-65-20
காமம் ஷ²த ஸஹஸ்ரம் வா ந ஹி ஏஷ விதி⁴꞉ உச்யதே |
யோஜனானாம் ப⁴வான் ஷ²க்தோ க³ந்தும் ப்ரதிநிவர்திதும் || 4-65-21
ந ஹி ப்ரேஷயிதா தாத ஸ்வாமீ ப்ரேஷ்ய꞉ கத²ஞ்சன |
ப⁴வதா அயம் ஜன꞉ ஸர்வ꞉ ப்ரேஷ்ய꞉ ப்லவக³ ஸத்தம || 4-65-22
ப⁴வான் களத்ரம் அஸ்மாகம் ஸ்வாமி பா⁴வே வ்யவஸ்தி²த꞉ |
ஸ்வாமீ களத்ரம் ஸைன்யஸ்ய க³தி꞉ ஏஷா பரந்தப || 4-65-23
அபி வை ஏதஸ்ய கார்யஸ்ய ப⁴வான் மூலம் அரிம் த³ம |
தஸ்மாத் களத்ரவத் தாத ப்ரதிபால்ய꞉ ஸதா³ ப⁴வான் || 4-65-24
மூலம் அர்த²ஸ்ய ஸம்ʼரக்ஷ்யம் ஏஷ கார்யவிதா³ம் நய꞉ |
மூலே ஹி ஸதி ஸித்⁴யந்தி கு³ணா꞉ புஷ்ப ப²ல உத³ய꞉ || 4-65-25
தத்³ ப⁴வான் அஸ்ய கார்யஸ்ய ஸாத⁴னம் ஸத்ய விக்ரம꞉ |
பு³த்³தி⁴ விக்ரம ஸம்பன்னோ ஹேது꞉ அத்ர பரந்தப꞉ || 4-65-26
கு³ரு꞉ ச கு³ரு புத்ர꞉ ச த்வம் ஹி ந꞉ கபி ஸத்தம |
ப⁴வந்தம் ஆஷ்²ரித்ய வயம் ஸமர்தா² ஹி அர்த² ஸாத⁴னே || 4-65-27
உக்த வாக்யம் மஹாப்ராஜ்ஞம் ஜாம்ப³வந்தம் மஹாகபி꞉ |
ப்ரத்யுவாச உத்தரம் வாக்யம் வாலி ஸூனு꞉ அத² அங்க³த³꞉ || 4-65-28
யதி³ ந அஹம் க³மிஷ்யாமி ந அன்யோ வானர புங்க³வ꞉ |
புன꞉ க²லு இத³ம் அஸ்மாபி⁴꞉ கார்யம் ப்ராயோபவேஷ²னம் || 4-65-29
ந ஹி அக்ருʼத்வா ஹரி பதே꞉ ஸந்தே³ஷ²ம் தஸ்ய தீ⁴மத꞉ |
தத்ர அபி க³த்வா ப்ராணானாம் ந பஷ்²யாமி பரிரக்ஷணம் || 4-65-30
ஸ ஹி ப்ரஸாதே³ ச அத்யர்த²ம் கோபே ச ஹரி꞉ ஈஷ்²வர꞉ |
அதீத்ய தஸ்ய ஸந்தே³ஷ²ம் விநாஷோ² க³மனே ப⁴வேத் || 4-65-31
தத் ததா² ஹி அஸ்ய கார்யஸ்ய ந ப⁴வதி அன்யதா² க³தி꞉ |
தத் ப⁴வான் ஏவ த்³ருʼஷ்ட அர்த²꞉ ஸஞ்சிந்தயிதும் அர்ஹதி || 4-65-32
ஸ꞉ அங்க³தே³ன ததா³ வீர꞉ ப்ரத்யுக்த꞉ ப்லவக³ர்ஷப⁴꞉ |
ஜாம்ப³வான் உத்தமம் வாக்யம் ப்ரோவாச இத³ம் ததோ அங்க³த³ம் || 4-65-33
தஸ்ய தே வீர கார்யஸ்ய ந கிஞ்சித் பரிஹாஸ்யதே |
ஏஷ ஸஞ்சோத³யாமி ஏனம் ய꞉ கார்யம் ஸாத⁴யிஷ்யதி || 4-65-34
தத꞉ ப்ரதீதம் ப்லவதாம் வரிஷ்ட²ம்
ஏகாந்தம் ஆஷ்²ரித்ய ஸுகோ²பவிஷ்டம் |
ஸஞ்சோத³யாமாஸ ஹரி ப்ரவீரோ
ஹரிப்ரவீரம் ஹனுமந்தம் ஏவ || 4-65-35
இதி வால்மீகி ராமாயணே ஆதி³ காவ்யே கிஷ்கிந்த⁴ காண்டே³ பஞ்ச ஷஷ்டிதம꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
