வால்மீகி ராமாயணே ஆதி³ காவ்யே கிஷ்கிந்த⁴ காண்டே³ த்ரி பஞ்சாஷ²꞉ ஸர்க³꞉
 |
| Bing - Artificial Intelligence Pictures collage | செயற்கை நுண்ணறிவின் மூலம் "பிங்" வலைத்தளத்தில் கிடைத்த படங்களின் தொகுப்பு |
தத꞉ தே த³த்³ருʼஷு²꞉ கோ⁴ரம் ஸாக³ரம் வருண ஆலயம் |
அபாரம் அபி⁴க³ர்ஜந்தம் கோ⁴ரை꞉ ஊர்மிபி⁴꞉ ஆகுலம் || 4-53-1
மயஸ்ய மாயா விஹிதம் கி³ரி து³ர்க³ம் விசின்வதாம் |
தேஷாம் மாஸோ வ்யதிக்ராந்தோ யோ ராஜ்ஞா ஸமய꞉ க்ருʼத꞉ || 4-53-2
விந்த்⁴யஸ்ய து கி³ரே꞉ பாதே³ ஸம்ப்ரபுஷ்பித பாத³பே |
உபவிஷ்²ய மஹாத்மான꞉ சிந்தாம் ஆபேதி³ரே ததா³ || 4-53-3
தத꞉ புஷ்பாதிபா⁴ராக்³ராம்ˮல்ல்தாஷ²தஸமாவ்ருʼதான் -யத்³வா -
தத꞉ புஷ்ப அதிபா⁴ர அக்³ரான் லதா ஷ²த ஸமாவ்ருʼதான் |
த்³ருமான் வாஸந்திகான் த்³ருʼஷ்ட்வா ப³பூ⁴வு꞉ ப⁴ய ஷ²ன்கிதா꞉ || 4-53-4
தே வஸந்தம் அனுப்ராப்தம் ப்ரதிவேத்³ய பரஸ்பரம் |
நஷ்ட ஸந்தே³ஷ² கால அர்தா² நிபேதுர் த⁴ரணீ தலே || 4-53-5
தத꞉ தான் கபி வ்ருʼத்³தா⁴ன் ச ஷி²ஷ்டான் சைவ வனௌகஸ꞉ |
வாசா மது⁴ரயா அபா⁴ஷ்ய யதா²வத் அனுமான்ய ச || 4-53-6
ஸ து ஸிம்ʼஹ ருʼஷப⁴ ஸ்கந்த⁴꞉ பீன ஆயத பு⁴ஜ꞉ கபி꞉ |
யுவராஜோ மஹாப்ராஜ்ஞ அங்க³தோ³ வாக்யம் அப்³ரவீத் || 4-53-7
ஷா²ஸனாத் கபி ராஜஸ்ய வயம் ஸர்வே விநிர்க³தா꞉ |
மாஸ꞉ பூர்ணோ பி³லஸ்தா²னாம் ஹரய꞉ கிம் ந பு³த்⁴யதே || 4-53-8
வயம் ஆஷ்²வயுஜே மாஸி கால ஸங்க்²யா வ்யவஸ்தி²தா꞉ |
ப்ரஸ்தி²தா꞉ ஸோ அபி ச அதீத꞉ கிம் அத꞉ கார்யம் உத்தரம் || 4-53-9
ப⁴வந்த ப்ரத்யயம் ப்ராப்தா நீதி மார்க³ விஷா²ரதா³꞉ |
ஹிதேஷு அபி⁴ரதா ப⁴ர்த்து꞉ நிஸ்ருʼஷ்டா꞉ ஸர்வ கர்மஸு || 4-53-10
கர்மஸு அப்ரதிமா꞉ ஸர்வே தி³க்ஷு விஷ்²ருத பௌருஷா꞉ |
மாம் புரஸ்க்ருʼத்ய நிர்யாதா꞉ பின்கா³க்ஷ ப்ரதிசோதி³தா꞉ || 4-53-11
இதா³னீம் அக்ருʼத அர்தா²னாம் மர்தவ்யம் ந அத்ர ஸம்ʼஷ²ய꞉ |
ஹரி ராஜஸ்ய ஸந்தே³ஷ²ம் அக்ருʼத்வா க꞉ ஸுகீ² ப⁴வேத் || 4-53-12
ஆஸ்மின் அதீதே காலே து ஸுக்³ரீவேண க்ருʼதே ஸ்வயம் |
ப்ராயோபவேஷ²னம் யுக்தம் ஸர்வேஷாம் ச வன ஓகஸாம் || 4-53-13
தீக்ஷ்ண꞉ ப்ரக்ருʼத்யா ஸுக்³ரீவ꞉ ஸ்வாமி பா⁴வே வ்யவஸ்தி²த꞉ |
ந க்ஷமிஷ்யதி ந꞉ ஸர்வான் அபராத⁴ க்ருʼதோ க³தான் || 4-53-14
அப்ரவ்ருʼத்தௌ ச ஸீதாயா꞉ பாபம் ஏவ கரிஷ்யதி |
தஸ்மாத் க்ஷமம் இஹ அத்³ய ஏவ க³ந்தும் ப்ராயோபவிஷ²னம் || 4-53-15
த்யக்த்வா புத்ரன் ச தா³ரான் ச த⁴னானி ச க்³ருʼஹாணி ச |
த்⁴ருவம் ந꞉ ஹிம்ʼஸதே ராஜா ஸர்வான் ப்ரதிக³தான் இத꞉ || 4-53-16
வதே⁴ன அப்ரதிரூபேண ஷ்²ரேயான் ம்ருʼத்யு꞉ இஹ ஏவ ந꞉ |
ந ச அஹம் யௌவராஜ்யேன ஸுக்³ரீவேண அபி⁴ஷேசித꞉ || 4-53-17
நரேந்த்³ரேண அபி⁴ஷிக்தோ அஸ்மி ராமேண அக்லிஷ்ட கர்மணா |
ஸ பூர்வம் ப³த்³த⁴ வைரோ மாம் ராஜா த்³ருʼஷ்ட்வா வ்யதிக்ரமம் || 4-53-18
கா⁴தயிஷ்யதி த³ண்டே³ன தீக்ஷ்ணேன க்ருʼத நிஷ்²சய꞉ |
கிம் மே ஸுஹ்ருʼத்³பி⁴꞉ வ்யஸனம் பஷ்²யத்³பி⁴꞉ ஜீவிதாந்தரே |
இஹ ஏவ ப்ராயம் ஆஸிஷ்யே புண்யே ஸாக³ர ரோத⁴ஸி ||| 4-53-19
ஏதத் ஷ்²ருத்வா குமாரேண யுவ ராஜேன பா⁴ஷிதம் |
ஸர்வே தே வானர ஷ்²ரேஷ்டா²꞉ கருணம் வாக்யம் அப்³ருவன் || 4-53-20
தீக்ஷ்ண꞉ ப்ரக்ருʼத்யா ஸுக்³ரீவ꞉ ப்ரியா ரக்த꞉ ச ராக⁴வ꞉ |
ஸமீக்ஷ்ய அக்ருʼத கார்யான் து தஸ்மின் ச ஸமயே க³தே || 4-53-21
அத்³ருʼஷ்டாயாம் ச வைதே³ஹ்யாம் த்³ருʼஷ்ட்வா சைவ ஸமாக³தான் |
ராக⁴வ ப்ரிய காமாய கா⁴தயிஷ்யதி அஸம்ʼஷ²யம் || 4-53-22
ந க்ஷமம் ச அபராத்³தா⁴னாம் க³மனம் ஸ்வாமி பார்ஷ்²வத꞉ |
ப்ரதா⁴னபூ³தா꞉ ச வயம் ஸுக்³ரீவஸ்ய ஸமாக³தா꞉ || 4-53-23
இஹ ஏவ ஸீதாம் அன்வீக்ஷ்ய ப்ரவ்ருʼத்திம் உபலப்⁴ய வா |
ந꞉ சேத் க³ச்சா²ம தம் வீரம் க³மிஷ்யாமோ யம க்ஷயம் || 4-53-24
ப்லவங்க³மானாம் து ப⁴ய அர்தி³தானாம்
ஷ்²ருத்வா வச꞉ தார இத³ம் ப³பா⁴ஷே |
அலம் விஷாதே³ன பி³லம் ப்ரவிஷ்²ய
வஸாம ஸர்வே யதி³ ரோசதே வ꞉ || 4-53-25
இத³ம் ஹி மாயா விஹிதம் ஸுது³ர்க³மம்
ப்ரபூ⁴த வ்ருʼக்ஷ உத³க போ⁴ஜ்ய பேயம் |
இஹ அஸ்தி ந꞉ ந ஏவ ப⁴யம் புரந்த³ராத்
ந ராக⁴வாத் வானர ராஜதோ அபி வா || 4-53-26
ஷ்²ருத்வா அங்க³த³ஸ்ய அபி வசோ அனுகூலம்
ஊசு꞉ ச ஸர்வே ஹரய꞉ ப்ரதீதா꞉ |
யதா² ந ஹன்யேம ததா² விதா⁴னம்
அஸக்தம் அத்³ய ஏவ விதீ⁴யதாம் ந꞉ || 4-53-27
இதி வால்மீகி ராமாயணே ஆதி³ காவ்யே கிஷ்கிந்த⁴ காண்டே³ த்ரி பஞ்சாஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
