வால்மீகி ராமாயணே ஆதி³ காவ்யே கிஷ்கிந்த⁴ காண்டே³ சத்வாரிம்ʼஷ²꞉ ஸர்க³꞉
அத² ராஜா ஸம்ருʼத்³த⁴ அர்த²꞉ ஸுக்³ரீவ꞉ ப்லவகே³ஷ்²வர꞉ |
உவாச நரஷா²ர்தூ³ளம் ராமம் பரப³லார்த³னம் || 4-40-1
ஆக³தா விநிவிஷ்டா꞉ ச ப³லின꞉ காமரூபிண꞉ |
வானரேந்த்³ரா மஹேந்த்³ர ஆபா⁴ யே மத் விஷய வாஸின꞉ || 4-40-2
த இமே ப³ஹு விக்ராந்தை꞉ ப³லிபி⁴꞉ பீ⁴ம விக்ரமை꞉ |
ஆக³தா வானரா கோ⁴ரா தை³த்ய தா³னவ ஸம்ʼநிபா⁴꞉ || 4-40-3
க்²யாத கர்ம அபதா³னா꞉ ச ப³லவந்தோ ஜித க்லமா꞉ |
பராக்ரமேஷு விக்²யாதா வ்யவஸாயேஷு ச உத்தமா꞉ || 4-40-4
ப்ருʼதி²வி அம்பு³ சரா ராம நானா நக³ நிவாஸின꞉ |
கோடி ஓகா⁴꞉ ச இமே ப்ராப்தா வானரா꞉ தவ கிங்கரா꞉ || 4-40-5
நிதே³ஷ² வர்தின꞉ ஸர்வே ஸர்வே கு³ரு ஹிதே ஸ்தி²தா꞉ |
அபி⁴ப்ரேதம் அனுஷ்டா²தும் தவ ஷ²க்ஷ்யந்தி அரிந்த³ம || 4-40-6
த இமே ப³ஹு ஸாஹஸ்ரை꞉ அனேகை꞉ ப³ஹு விக்ரமை꞉ |
ஆக³தா வானரா கோ⁴ரா தை³த்ய தா³னவ ஸம்ʼநிபா⁴꞉ || 4-40-7
யத் மன்யஸே நரவ்யாக்⁴ர ப்ராப்த காலம் தத் உச்யதாம் |
தத் ஸைன்யம் த்வத் வஷே² யுக்தம் ஆஜ்ஞாபயிதும் அர்ஹஸி || 4-40-8
காமம் ஏஷாம் இத³ம் கார்யம் விதி³தம் மம தத்த்வத꞉ |
ததா² அபி து யதா² யுக்தம் ஆஜ்ஞாபயிதும் அர்ஹஸி || 4-40-9
ததா² ப்³ருவாணம் ஸுக்³ரீவம் ராமோ த³ஷ²ரதா²த்மஜ꞉ |
பா³ஹுப்⁴யாம் ஸம்பரிஷ்வஜ்ய இத³ம் வசனம் அப்³ரவீத் || 4-40-10
ஜ்ஞாயதாம் ஸௌம்ய வைதே³ஹீ யதி³ ஜீவதி வா ந வா |
ஸ ச தே³ஷோ² மஹாப்ராஜ்ஞ யஸ்மின் வஸதி ராவண꞉ || 4-40-11
அதி⁴க³ம்ய து வைதே³ஹீம் நிலயம் ராவணஸ்ய ச |
ப்ராப்த காலம் விதா⁴ஸ்யாமி தஸ்மின் காலே ஸஹ த்வயா || 4-40-12
ந அஹம் அஸ்மின் ப்ரபு⁴꞉ கார்யே வானரேந்த்³ர ந லக்ஷ்மண꞉ |
த்வம் அஸ்ய ஹேது꞉ கார்யஸ்ய ப்ரபு⁴꞉ ச ப்லவகே³ஷ்²வர || 4-40-13
த்வம் ஏவ ஆஜ்ஞாபய விபோ⁴ மம கார்ய விநிஷ்²சயம் |
த்வம் ஹி ஜானாஸி யத் கார்யம் மம வீர ந ஸம்ʼஷ²ய꞉ || 4-40-14
ஸுஹ்ருʼத்³ த்³விதீயோ விக்ராந்த꞉ ப்ராஜ்ஞ꞉ கால விஷே²ஷ வித் |
ப⁴வான் அஸ்மத் ஹிதே யுக்த꞉ ஸுஹ்ருʼத்³ ஆப்தோ அர்த²வித்தம꞉ || 4-40-15
ஏவம் உக்த꞉ து ஸுக்³ரீவோ வினதம் நாம யூத²பம் |
அப்³ரவீத் ராம ஸாம்ʼநித்⁴யே லக்ஷ்மணஸ்ய ச தீ⁴மத꞉ || 4-40-16
ஷை²லாப⁴ம் மேக⁴ நிர்கோ⁴ஷம் ஊர்ஜிதம் ப்லவகே³ஷ்²வரம் |
ஸோம ஸூர்ய நிபை⁴꞉ ஸார்த⁴ம் வானரை꞉ வானரோத்தம || 4-40-17
தே³ஷ² கால நயை꞉ யுக்த꞉ விஜ்ஞ꞉ கார்ய விநிஷ்²சயே |
வ்ருʼத꞉ ஷ²த ஸஹஸ்ரேண வானராணாம் தரஸ்வினாம் || 4-40-18
அதி⁴க³ச்ச² தி³ஷ²ம் பூர்வாம் ஸ ஷை²ல வன கானனாம் |
தத்ர ஸீதாம் ச வைதே³ஹீம் நிலயம் ராவணஸ்ய ச || 4-40-19
மார்க³த்⁴வம் கி³ரி து³ர்கே³ஷு வனேஷு ச நதீ³ஷு ச |
நதீ³ம் பா⁴கீ³ரதீ²ம் ரம்யாம் ஸரயூம் கௌஷி²கீம் ததா² || 4-40-20
காளிந்தீ³ம் யமுனாம் ரம்யாம் யாமுனம் ச மஹாகி³ரிம் |
ஸரஸ்வதீம் ச ஸிந்து⁴ம் ச ஷோ²ணம் மணி நிப⁴ உத³கம் || 4-40-21
மஹீம் காலமஹீம் சைவ ஷை²ல கானன ஷோ²பி⁴தாம் |
ப்³ரஹ்மமாலான் விதே³ஹான் ச மாலவான் காஷி² கோஸலான் || 4-40-22
மாக³தா⁴ம் ச மஹாக்³ராமான் புண்ட்³ரான் அங்கா³ம் ததை²வ ச |
பூ⁴மிம் ச கோஷ²காராணாம் பூ⁴மிம் ச ரஜத ஆகராம் || 4-40-23
ஸர்வம் ச தத் விசேதவ்யம் மார்க³யத்³பி⁴꞉ தத꞉ தத꞉ |
ராமஸ்ய த³யிதாம் பா⁴ர்யாம் ஸீதாம் த³ஷ²ரத²꞉ ஸ்னுஷாம் || 4-40-24
ஸமுத்³ரம் அவகா³டா⁴ன் ச பர்வதான் பத்தனானி ச |
மந்த³ரஸ்ய ச யே கோடிம் ஸம்ʼஷ்²ரிதா꞉ கேசித் ஆலயா꞉ || 4-40-25
கர்ண ப்ராவரணா꞉ சைவ ததா² ச அபி ஓஷ்ட² கர்ணகா꞉ |
கோ⁴ர லோஹ முகா²꞉ சைவ ஜவனா꞉ ச ஏக பாத³கா꞉ || 4-40-26
அக்ஷயா ப³லவந்த꞉ ச ததை²வ புருஷ ஆத³கா꞉ |
கிராதா꞉ தீக்ஷ்ண சூடா³꞉ ச ஹேமாபா⁴꞉ ப்ரிய த³ர்ஷ²னா꞉ || 4-40-27
ஆம மீன அஷ²னா꞉ சாபி கிராதா த்³வீப வாஸின꞉ |
அந்தர் ஜல சரா கோ⁴ரா நரவ்யாக்⁴ரா இதி ஸ்ம்ருʼதா꞉ || 4-40-28
ஏதேஷாம் ஆஷ்²ரயா꞉ ஸர்வே விசேயா꞉ கானன ஓகஸ꞉ |
கி³ரிபி⁴ர் யே ச க³ம்யந்தே ப்லவனேன ப்லவேன ச || 4-40-29
யத்னவந்தோ யவ த்³வீபம் ஸப்த ராஜ்ய உபஷோ²பி⁴தம் |
ஸுவர்ண ரூப்யகம் த்³வீபம் ஸுவர்ண ஆகர மண்டி³தம் || 4-40-30
யவ த்³வீபம் அதிக்ரம்ய ஷி²ஷி²ரோ நாம பர்வத꞉ |
தி³வம் ஸ்ப்ருʼஷ²தி ஷ்²ருʼன்கே³ண தே³வ தா³னவ ஸேவித꞉ || 4-40-31
ஏதேஷாம் கி³ரி து³ர்கே³ஷு ப்ரபாதேஷு வனேஷு ச |
மார்க³த்⁴வம் ஸஹிதா꞉ ஸர்வே ராம பத்னீம் யஷ²ஸ்வினீம் || 4-40-32
ததோ ரக்த ஜலம் ப்ராப்ய ஷோ²ண ஆக்²யம் ஷீ²க்⁴ர வாஹினீம் |
க³த்வா பாரம் ஸமுத்³ரஸ்ய ஸித்³த⁴ சாரண ஸேவிதம் || 4-40-33
தஸ்ய தீர்தே²ஷு ரம்யேஷு விசித்ரேஷு வனேஷு ச |
ராவண꞉ ஸஹ வைதே³ஹ்யா மார்கி³தவ்ய꞉ தத꞉ தத꞉ || 4-40-34
பர்வத ப்ரப⁴வா நத்³ய꞉ ஸுபீ⁴ம ப³ஹு நிஷ்குடா꞉ |
மார்கி³தவ்யா த³ரீமந்த꞉ பர்வதா꞉ ச வனானி ச || 4-40-35
தத꞉ ஸமுத்³ர த்³வீபான் ச ஸுபீ⁴மான் த்³ரஷ்டும் அர்ஹத² |
ஊர்மிமந்தம் மஹாரௌத்³ரம் க்ரோஷ²ந்தம் அனில உத்³தி⁴தம் || 4-40-36
தத்ர அஸுரா மஹாகாயா꞉ சா²யாம் க்³ருʼஹ்ணந்தி நித்யஷ²꞉ |
ப்³ரஹ்மணா ஸமனுஜ்ஞாதா தீ³ர்க⁴ காலம் பு³பு⁴க்ஷிதா꞉ || 4-40-37
தம் கால மேக⁴ ப்ரதிமம் மஹோரக³ நிஷேவிதம் |
அபி⁴க³ம்ய மஹாநாத³ம் தீர்தே²ன ஏவ மஹோத³தி⁴ம் || 4-40-38
ததோ ரக்தஜலம் பீ⁴மம் லோஹிதம் நாம ஸாக³ரம் |
க³த்வா ப்ரேக்ஷ்யத² தாம் சைவ ப்³ருʼஹதீம் கூடஷா²ல்மலீம் || 4-40-39
க்³ருʼஹம் ச வைனதேயஸ்ய நானா ரத்ன விபூ⁴ஷிதம் |
தத்ர கைலாஸ ஸங்காஷ²ம் விஹிதம் விஷ்²வகர்மணா || 4-40-40
தத்ர ஷை²ல நிபா⁴ பீ⁴மா மந்தே³ஹா நாம ராக்ஷஸா꞉ |
ஷை²ல ஷ்²ருʼங்கே³ஷு லம்ப³ந்தே நானா ரூபா ப⁴யாவஹா꞉ || 4-40-41
தே பதந்தி ஜலே நித்யம் ஸூர்யஸ்ய உத³யனம் ப்ரதி |
அபி⁴தப்தா꞉ ச ஸூர்யேண லம்ப³ந்தே ஸ்ம புன꞉ புன꞉ || 4-40-42
நிஹதா ப்³ரஹ்ம தேஜோபி⁴꞉ அஹனி அஹனி ராக்ஷஸா꞉ |
தத꞉ பாண்டு³ர மேகா⁴ப⁴ம் க்ஷீரௌத³ம் நாம ஸாக³ரம் || 4-40-43
க³த்வா த்³ரக்ஷ்யத² து³ர்த⁴ர்ஷா முக்தா ஹாரம் இவ ஊர்மிபி⁴꞉ |
தஸ்ய மத்⁴யே மஹா ஷ்²வேதோ ருʼஷபோ⁴ நாம பர்வத꞉ || 4-40-44
தி³வ்ய க³ந்தை⁴꞉ குஸுமிதை ஆசிதை꞉ ச நகை³꞉ வ்ருʼத꞉ |
ஸர꞉ ச ராஜதை꞉ பத்³மை꞉ ஜ்வலிதை꞉ ஹேம கேஸரை꞉ || 4-40-45
நாம்னா ஸுத³ர்ஷ²னம் நாம ராஜஹம்ʼஸை꞉ ஸமாகுலம் |
விபு³தா⁴꞉ சாரணா யக்ஷா꞉ கின்னரா꞉ ஸ அப்ஸரோ க³ணா꞉ || 4-40-46
ஹ்ருʼஷ்டா꞉ ஸமதி⁴க³ச்ச²ந்தி ளினீம் தாம் ரிரம்ʼஸவ꞉ |
க்ஷீரோத³ம் ஸமதிக்ரம்ய ததோ த்³ரக்ஷ்யத² வானரா꞉ || 4-40-47
ஜலோத³ம் ஸாக³ரம் ஷீ²க்⁴ரம் ஸர்வ பூ⁴த ப⁴யாவஹம் |
தத்ர தத் கோபஜம் தேஜ꞉ க்ருʼதம் ஹயமுக²ம் மஹத் || 4-40-48
அஸ்ய ஆஹு꞉ தன் மஹாவேக³ம் ஓத³னம் ஸ சராசரம் |
தத்ர விக்ரோஷ²தாம் நாதோ³ பூ⁴தானாம் ஸாக³ர ஓகஸாம் |
ஷ்²ரூயதே ச அஸமர்தா²னாம் த்³ருʼஷ்ட்வா தத் வட³வா முக²ம் || 4-40-49
ஸ்வாது³ உத³ஸ்ய உத்தரே தே³ஷே² யோஜனானி த்ரயோத³ஷ² |
ஜாதரூப ஷி²லோ நாம ஸுமஹான் கனக ப்ரப⁴꞉ || 4-40-50
தத்ர சந்த்³ர ப்ரதீகாஷ²ம் பன்னக³ம் த⁴ரணீ த⁴ரம் |
பத்³ம பத்ர விஷா²லாக்ஷம் ததோ த்³ரக்ஷ்யத⁴ வானரா꞉ || 4-40-51
ஆஸீனம் பர்வதஸ்ய அக்³ரே ஸர்வ பூ⁴த நமஸ்க்ருʼதம் |
ஸஹஸ்ர ஷி²ரஸம் தே³வம் அனந்தம் நீல வாஸஸம் || 4-40-52
த்ரிஷி²ரா꞉ காஞ்சன꞉ கேது꞉ தால꞉ தஸ்ய மஹாத்மன꞉ |
ஸ்தா²பித꞉ பர்வதஸ்ய அக்³ரே விராஜதி ஸ வேதி³க꞉ || 4-40-53
பூர்வஸ்யாம் தி³ஷி² நிர்மாணம் க்ருʼதம் தத் த்ரித³ஷே²ஷ்²வரை꞉ |
தத꞉ பரம் ஹேமமய꞉ ஷ்²ரீமான் உத³ய பர்வத꞉ || 4-40-54
தஸ்ய கோடி꞉ தி³வம் ஸ்ப்ருʼஷ்ட்வா ஷ²த யோஜனம் ஆயதா |
ஜாதரூபமயீ தி³வ்யா விராஜதி ஸ வேதி³கா || 4-40-55
ஸாலை꞉ தாலை꞉ தமாலை꞉ ச கர்ணிகாரை꞉ ச புஷ்பிதை꞉ |
ஜாதரூபமயை꞉ தி³வ்யை꞉ ஷோ²ப⁴தே ஸூர்ய ஸன்னிபை⁴꞉ || 4-40-56
தத்ர யோஜன விஸ்தாரம் உச்ச்²ரிதம் த³ஷ² யோஜனம் |
ஷ்²ருʼங்க³ம் ஸௌமனஸம் நாம ஜாதரூபமயம் த்⁴ருவம் || 4-40-57
தத்ர பூர்வம் பத³ம் க்ருʼத்வா புரா விஷ்ணு꞉ த்ரிவிக்ரமே |
த்³விதீயம் ஷி²க²ரம் மேரோ꞉ சகார புருஷோத்தம꞉ || 4-40-58
உத்தரேண பரிக்ரம்ய ஜம்பூ³ த்³வீபம் தி³வாகர꞉ |
த்³ருʼஷ்²யோ ப⁴வதி பூ⁴யிஷ்ட²ம் ஷி²க²ரம் தன் மஹோச்ச்²ரயம் || 4-40-59
தத்ர வைகா²னஸா நாம வாலகி²ல்யா மஹர்ஷய꞉ |
ப்ரகாஷ²மானா த்³ருʼஷ்²யந்தே ஸூர்ய வர்ணா꞉ தபஸ்வின꞉ || 4-40-60
அயம் ஸுத³ர்ஷ²னோ த்³வீப꞉ புரோ யஸ்ய ப்ரகாஷ²தே |
தஸ்மின் தேஜ꞉ ச சக்ஷு꞉ ச ஸர்வ ப்ராணப்⁴ருʼதாம் அபி || 4-40-61
ஷை²லஸ்ய தஸ்ய ப்ருʼஷ்டே²ஷு கந்த³ரேஷு வனேஷு ச |
ராவண꞉ ஸஹ வைதே³ஹ்யா மார்கி³தவ்ய꞉ தத꞉ தத꞉ || 4-40-62
காஞ்சனஸ்ய ச ஷை²லஸ்ய ஸூர்யஸ்ய ச மஹாத்மன꞉ |
ஆவிஷ்டா தேஜஸா ஸந்த்⁴யா பூர்வா ரக்தா ப்ரகாஷ²தே || 4-40-63
பூர்வம் ஏதத் க்ருʼதம் த்³வாரம் ப்ருʼதி²வ்யா பு⁴வனஸ்ய ச |
ஸூர்யஸ்ய உத³யனம் சைவ பூர்வா ஹி ஏஷா தி³க் உச்யதே || 4-40-64
தஸ்ய ஷ²லஸ்ய ப்ருʼஷ்டே²ஷு நிர்ஜ²ரேஷு கு³ஹாஸு ச |
ராவண꞉ ஸஹ வைதே³ஹ்யா மார்க³தவ்யா தத꞉ தத꞉ || 4-40-65
தத꞉ பரம் அக³ம்யா ஸ்யாத் தி³க் பூர்வா த்ரித³ஷ² ஆவ்ருʼதா |
ரஹிதா சந்த்³ர ஸூர்யாப்⁴யாம் அத்³ருʼஷ்²யா திமிர ஆவ்ருʼதா || 4-40-66
ஷை²லேஷு தேஷு ஸர்வேஷு கந்த³ரேஷு வனேஷு ச |
யே ச ந உக்தா மயோத்³தே³ஷா² விசேயா தேஷு ஜானகீ || 4-40-67
ஏதாவத் வானரை꞉ ஷ²க்யம் க³ந்தும் வானர புங்க³வா꞉ |
அபா⁴ஸ்கரம் அமர்யாத³ம் ந ஜானீம꞉ தத꞉ பரம் || 4-40-68
அபி⁴க³ம்ய து வைதே³ஹீம் நிலயம் ராவணஸ்ய ச |
மாஸே பூர்ணே நிவர்தத்⁴வம் உத³யம் ப்ராப்ய பர்வதம் || 4-40-69
ஊர்த்⁴வம் மாஸாத் ந வஸ்தவ்யம் வஸன் வத்⁴யோ ப⁴வேன் மம |
ஸித்³த⁴ அர்தா²꞉ ஸம்ʼநிவர்தத்⁴வம் அதி⁴க³ம்ய ச மைதி²லீம் || 4-40-70
மஹேந்த்³ர காந்தாம் வன ஷண்ட³ மண்டி³தாம்
தி³ஷ²ம் சரித்வா நிபுணேன வானரா꞉ |
அவாப்ய ஸீதாம் ரகு⁴ வம்ʼஷ²ஜ ப்ரியாம்
ததோ நிவ்ருʼத்தா꞉ ஸுகி²னோ ப⁴விஷ்யத² || 4-40-71
இதி வால்மீகி ராமாயணே ஆதி³ காவ்யே கிஷ்கிந்த⁴ காண்டே³ சத்வாரிம்ʼஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
