வால்மீகி ராமாயணே ஆதி³ காவ்யே கிஷ்கிந்த⁴ காண்டே³ த்ரிம்ʼஷ² ஸர்க³꞉
கு³ஹாம் ப்ரவிஷ்டே ஸுக்³ரீவே விமுக்தே க³க³னே க⁴னை꞉ |
வர்ஷ ராத்ரே ஸ்தி²தோ ராம꞉ காம ஷோ²க அபி⁴பீடி³த꞉ || 4-30-1
பாண்டு³ரம் க³க³னம் த்³ருʼஷ்ட்வா விமலம் சந்த்³ர மண்ட³லம் |
ஷா²ரதீ³ம் ரஜனீம் சைவ த்³ருʼஷ்ட்வா ஜ்யோத்ஸ்ன அனுலேபனாம் || 4-30-2
காம வ்ருʼத்தம் ச ஸுக்³ரீவம் நஷ்டாம் ச ஜனக ஆத்மஜாம் |
த்³ருʼஷ்ட்வா காலம் அதீதம் ச முமோஹ பரம ஆதுர꞉ || 4-30-3
ஸ து ஸஞ்ஜ்ஞாம் உபாக³ம்ய முஹூர்தாத் மதிமான் ந்ருʼப꞉ |
மன꞉ ஸ்தா²ம் அபி வைதே³ஹீம் சிந்தயாமாஸ ராக⁴வ꞉ || 4-30-4
ஆஸீன꞉ பர்வதஸ்ய அக்³ரே ஹேம தா⁴து விபூ⁴ஷிதே |
ஷா²ரத³ம் க³க³னம் த்³ருʼஷ்ட்வா ஜகா³ம மனஸா ப்ரியாம் || 4-30-5
த்³ருʼஷ்ட்வா ச விமலம் வ்யோம க³த வித்³யுத் ப³லாஹகம் |
ஸாரஸ ஆரவ ஸங்கு⁴ஷ்டம் விளலாப ஆர்தயா கி³ரா || 4-30-6
ஸாரஸ ஆரவ ஸம்ʼநாதை³꞉ ஸாரஸ ஆரவ நாதி³னீ |
யா ஆஷ்²ரமே ரமதே பா³லா ஸா அத்³ய மே ரமதே கத²ம் || 4-30-7
புஷ்பிதாம் ச ஆஸனான் த்³ருʼஷ்ட்வா காஞ்சனான் இவ நிர்மலான் |
கத²ம் ஸா ரமதே பா³லா பஷ்²யந்தீ மாம் அபஷ்²யதீ || 4-30-8
யா புரா கலஹம்ʼஸானாம் ஸ்வரேண கல பா⁴ஷிணீ |
பு³த்⁴யதே சாரு ஸர்வாங்கீ³ ஸா அத்³ய மே ரமதே கத²ம் || 4-30-9
நி꞉ஸ்வனம் சக்ரவாகானாம் நிஷ²ம்ய ஸஹசாரிணாம் |
புண்ட³ரீகவிஷா²லாக்ஷீ கத²ம் ஏஷா ப⁴விஷ்யதி || 4-30-10
ஸராம்ʼஸி ஸரிதோ வாபீ꞉ கானனானி வனானி ச |
தாம் வினா ம்ருʼக³ஷா²வாக்ஷீம் சரன் ந அத்³ய ஸுக²ம் லபே⁴ || 4-30-11
அபி தாம் மத் வியோகா³த் ச ஸௌகுமார்யாத் ச பா⁴மினீம் |
ஸுதூ³ரம் பீட³யேத் காம꞉ ஷ²ரத் கு³ண நிரந்தர꞉ || 4-30-12
ஏவம் ஆதி³ நரஷ்²ரேஷ்டோ² விளலாப ந்ருʼபாத்மஜ꞉ |
விஹங்க³ இவ ஸாரங்க³꞉ ஸலிலம் த்ரித³ஷே²ஷ்²வராத் || 4-30-13
தத꞉ சஞ்சூர்ய ரம்யேஷு ப²லார்தீ² கி³ரி ஸானுஷு |
த³த³ர்ஷ² பர்யுபாவ்ருʼத்தோ லக்ஷ்மீவான் லக்ஷ்மணோ அக்³ரஜம் || 4-30-14
ஸ சிந்தயா து³ஸ்ஸஹயா பரீதம்
விஸஞ்ஜ்ஞம் ஏகம் விஜனே மனஸ்வீ |
ப்⁴ராதுர் விஷாதா³த் த்வரிதோ அதி தீ³ன꞉
ஸமீக்ஷ்ய ஸௌமித்ரி꞉ உவாச ராமம் || 4-30-15
கிம் ஆர்ய காமஸ்ய வஷ²ம் க³தேன
கிம் ஆத்ம பௌருஷ்ய பராப⁴வேன |
அயம் ஹ்ரியா ஸம்ʼஹ்ரியதே ஸமாதி⁴꞉
கிம் அத்ர யோகே³ன நிவர்திதேன || 4-30-16
க்ரியாபி⁴யோக³ம் மனஸ꞉ ப்ரஸாத³ம்
ஸமாதி⁴ யோக³ அனுக³தம் ச காலம் |
ஸஹாய ஸாமர்த்²யம் அதீ³ன ஸத்த்வ꞉
ஸ்வ கர்ம ஹேதும் ச குருஷ்வ தாத 4-30-17
ந ஜானகீ மானவ வம்ʼஷ² நாத²
த்வயா ஸநாதா² ஸுலபா⁴ பரேண |
ந ச அக்³னி சூடா³ம் ஜ்வலிதாம் உபேத்ய
ந த³ஹ்யதே வீர வரார்ஹ கஷ்²சித் || 4-30-18
ஸலக்ஷணம் லக்ஷ்மணம் அப்ரத்⁴ருʼஷ்யம்
ஸ்வபா⁴வஜம் வாக்யம் உவாச ராம꞉ |
ஹிதம் ச பத்²யம் ச நய ப்ரஸக்தம்
ஸஸாம த⁴ர்மார்த² ஸமாஹிதம் ச || 4-30-19
நிஸ்ஸம்ʼஷ²யம் கார்யம் அவேக்ஷிதவ்யம்
க்ரியா விஷே²ஷோ அபி அனுவர்திதவ்ய꞉ |
ந து ப்ரவ்ருʼத்³த⁴ஸ்ய து³ராஸத³ஸ்ய
குமார வீர்யஸ்ய ப²லம் ச சிந்த்யம் || 4-30-20
அத² பத்³ம பலாஷ² அக்ஷீம் மைதி²லீம் அனுசிந்தயன் |
உவாச லக்ஷ்மணம் ராமோ முகே²ன பரிஷு²ஷ்யதா || 4-30-21
தர்பயித்வா ஸஹஸ்ராக்ஷ꞉ ஸலிலேன வஸுந்த⁴ராம் |
நிர்வர்தயித்வா ஸஸ்யானி க்ருʼத கர்மா வ்யவஸ்தி²த꞉ || 4-30-22
தீ³ர்க⁴ க³ம்பீ⁴ர நிர்கோ⁴ஷா꞉ ஷை²ல த்³ரும புரோக³மா꞉ |
விஸ்ருʼஜ்ய ஸலிலம் மேகா⁴꞉ பரிஷ்²ராந்தா ந்ருʼப ஆத்மஜ || 4-30-23
நீல உத்பல த³ள ஷ்²யாம꞉ ஷ்²யாமீ க்ருʼத்வா தி³ஷோ² த³ஷ² |
விமதா³ இவ மாதங்கா³꞉ ஷா²ந்த வேகா³꞉ பயோ த⁴ரா꞉ || 4-30-24
ஜல க³ர்பா⁴ மஹா வேகா³꞉ குடஜ அர்ஜுன க³ந்தி⁴ன꞉ |
சரித்வா விரதா꞉ ஸௌம்ய வ்ருʼஷ்டி வாதா꞉ ஸமுத்³யதா꞉ || 4-30-25
க⁴னானாம் வாரணானாம் ச மயூராணாம் ச லக்ஷ்மண |
நாத³꞉ ப்ரஸ்ரவணானாம் ச ப்ரஷா²ந்த꞉ ஸஹஸா அனக⁴ || 4-30-26
அபி⁴வ்ருʼஷ்டா மஹா மேகை⁴꞉ நிர்மலா꞉ சித்ர ஸானவ꞉ |
அனுலிப்தா இவ ஆபா⁴ந்தி கி³ரய꞉ சந்த்³ர ரஷ்²மிபி⁴꞉ || 4-30-27
ஷா²கா²ஸு ஸப்த ச்ச²த³ பாத³பானாம்
ப்ரபா⁴ஸு தார அர்க நிஷா² கராணாம் |
லீலாஸு சைவ உத்தம வாரணானாம்
ஷ்²ரியம் விப⁴ஜ்ய அத்³ய ஷ²ரத் ப்ரவ்ருʼத்தா || 4-30-28
ஸம்ப்ரதி அனேக ஆஷ்²ரய சித்ர ஷோ²பா⁴
லக்ஷ்மீ꞉ ஷ²ரத் கால கு³ண உபபன்னா |
ஸூர்ய அக்³ர ஹஸ்த ப்ரதிபோ³தி⁴தேஷு
பத்³மாகரேஷு அப்⁴யதி⁴கம் விபா⁴தி || 4-30-29
ஸப்த ச்ச²தா³னாம் குஸுமோப க³ந்தீ⁴
ஷட் பாத³ வ்ருʼந்தை³꞉ அனுகீ³யமான꞉ |
மத்த த்³விபானாம் பவன அனுஸாரீ
த³ர்பம் வினேஷ்யன் அதி⁴கம் விபா⁴தி || 4-30-30
அப்⁴யாக³தை꞉ சாரு விஷா²ல பக்ஷை꞉
ஸர꞉ ப்ரியை꞉ பத்³ம ரஜோ அவகீர்ணை꞉ |
மஹா நதீ³னாம் புலின உபயாதை꞉
க்ரீட³ந்தி ஹம்ʼஸா꞉ ஸஹ சக்ரவாகை꞉ || 4-30-31
மத³ ப்ரக³ள்பே⁴ஷு ச வாரிணேஷு
க³வாம் ஸமூஹேஷு ச த³ர்பிதேஷு |
ப்ரஸன்ன தோயாஸு ச நிம்ன கா³ஸு
விபா⁴தி லக்ஷ்மீ꞉ ப³ஹுதா⁴ விப⁴க்தா || 4-30-32
நப⁴꞉ ஸமீக்ஷ்யா அம்பு³ த⁴ரை꞉ விமுக்தம்
விமுக்த ப³ர்ஹ ஆப⁴ரணா வனேஷு |
ப்ரியாஸு அரக்தா விநிவ்ருʼத்த ஷோ²பா⁴
க³த உத்ஸவா த்⁴யான பரா மயூரா꞉ || 4-30-33
மனோஜ்ஞ க³ந்தை⁴꞉ ப்ரியகை꞉ அனல்பை꞉
புஷ்ப அதி பா⁴ர அவனத அக்³ர ஷா²கை²꞉ |
ஸுவர்ண கௌ³ரை꞉ நயன அபி⁴ராமை꞉
உத்³யோதிதான் இவ வன அந்தராணி || 4-30-34
ப்ரிய அன்விதானாம் ளினீ ப்ரியாணாம்
வன ப்ரியாணாம் குஸும உத்³த⁴தானாம் |
மத³ உத்கடானாம் மத³ லாலஸானாம்
க³ஜ உத்தமானம் க³தயோ அத்³ய மந்தா³꞉ || 4-30-35
வ்யக்தம் நப⁴꞉ ஷ²ஸ்த்ர விதௌ⁴த வர்ணம்
க்ருʼஷ² ப்ரவாஹானி நதீ³ ஜலானி |
கஹ்லார ஷி²தா꞉ பவனா꞉ ப்ரவாந்தி
தமோ விமுக்தா꞉ ச தி³ஷ²꞉ ப்ரகாஷா²꞉ || 4-30-36
ஸூர்ய ஆதப க்ராமண நஷ்ட பங்கா
பூ⁴மி꞉ சிர உத்³கா⁴டித ஸாந்த்³ர ரேணு꞉ |
அன்யோன்ய வைரேண ஸமாயுதானாம்
உத்³யோக³ காலோ அத்³ய நர அதி⁴பானாம் || 4-30-37
ஷ²ரத் கு³ண ஆப்யாயித ரூப ஷோ²பா⁴꞉
ப்ரஹர்ஷித பாம்ʼஷு² ஸமுக்ஷித அங்கா³꞉ |
மத³ உத்கடா꞉ ஸம்ப்ரதி யுத்³த⁴ லுப்³தா⁴
வ்ருʼஷா க³வாம் மத்⁴ய க³தா நத³ந்தி || 4-30-38
ஸ மன்மத⁴ தீவ்ரதர அனுராகா³
குலான்விதா மந்த³ க³தி꞉ கரேணு꞉ |
மதா³ன்விதம் ஸம்பரிவார்ய யாந்தம்
வனேஷு ப⁴ர்தாரம் அனுப்ரயாதி || 4-30-39
த்யக்த்வா வராணி ஆத்ம விபூ⁴ஷணானி
ப³ர்ஹாணி தீர உபக³தா நதீ³னாம் |
நிர்ப⁴ர்த்ஸ்யமானா இவ ஸார ஓகை⁴꞉
ப்ரயாந்தி தீ³னா விமனா மயூரா꞉ || 4-30-40
வித்ராஸ்ய காரண்ட³வ சக்ரவாகான் |
மஹா ரவை꞉ பி⁴ன்ன கடா க³ஜேந்த்³ரா꞉ |
ஸரஸ்ஸு ப³த்³த⁴ அம்பு³ஜ பூ⁴ஷணேஷு
விக்ஷோப்⁴ய விக்ஷோப்⁴ய ஜலம் பிப³ந்தி || 4-30-41
வ்யபேத பங்கஜாஸு ஸ வாலுகாஸு
ப்ரஸன்ன தோயாஸு ஸ கோ³ குலாஸு |
ஸ ஸாரஸா ராவ விநாதி³தாஸு
நதி³ஷு ஹம்ʼஸா நிபதந்தி ஹ்ருʼஷ்டா꞉ || 4-30-42
நதீ³ க⁴ன ப்ரஸ்ரவண உத³கானாம்
அதி ப்ரவ்ருʼத்³த⁴ அனில ப³ர்ஹிணானாம் |
ப்லவங்க³மானாம் ச க³த உத்ஸவானாம்
த்⁴ருவம் ரவா꞉ ஸம்ப்ரதி ஸம்ப்ரணஷ்டா꞉ || 4-30-43
அனேக வர்ணா꞉ ஸுவிநஷ்ட காயா꞉
நவ உதி³தேஷு அம்பு³த⁴ரேஷு நஷ்டா꞉ |
க்ஷுத⁴ அர்தி³தா கோ⁴ர விஷா பி³லேப்⁴ய꞉
சிர உஷிதா விப்ரஸரந்தி ஸர்பா꞉ || 4-30-44
சஞ்சத் சந்த்³ர கர ஸ்பர்ஷ² ஹர்ஷ உன்மீலித தாரகா |
அஹோ ராக³வதீ ஸந்த்⁴யா ஜஹாதி ஸ்வயம் அம்ப³ரம் || 4-30-45
ராத்ரி꞉ ஷ²ஷா²ங்க உதி³த ஸௌம்ய வக்த்ரா
தாரா க³ண உன்மீலித சாரு நேத்ரா |
ஜ்யோத்ஸ்னா அம்ʼஷு²க ப்ராவரணா விபா⁴தி
நாரீ இவ ஷு²க்ல அம்ʼஷு²க ஸம்ʼவ்ருʼத அங்கீ³ || 4-30-46
விபக்வ ஷா²லி ப்ரஸவானி பு⁴க்த்வா
ப்ரஹர்ஷிதா ஸாரஸ சாரு பங்க்தி |
நப⁴꞉ ஸமாக்ராமதி ஷீ²க்⁴ர வேகா³
வாத அவதூ⁴தா க்³ரதி²த இவ மாலா || 4-30-47
ஸுப்த ஏக ஹம்ʼஸம் குமுதை³꞉ உபேதம்
மஹா ஹ்ரத³ஸ்த²ம் ஸலிலம் விபா⁴தி |
க⁴னை꞉ விமுக்தம் நிஷி² பூர்ண சந்த்³ரம்
தாரா க³ண கீர்ணம் இவ அந்தரிக்ஷம் || 4-30-48
ப்ரகீர்ண ஹம்ʼஸா அகுல மேக²லானாம்
ப்ரபு³த்³த⁴ பத்³ம உத்பல மாலினீனாம் |
வாபீ꞉ உத்தமானாம் அதி⁴க அத்³ய லக்ஷ்மீ꞉
வர அங்க³னாம் இவ பூ⁴ஷிதானாம் || 4-30-49
வேணு ஸ்வர வ்யஞ்ஜித தூர்ய மிஷ்²ர꞉
ப்ரத்யூஷ காலே அனில ஸம்ப்ரவ்ருʼத்த꞉ |
ஸம்ʼமூர்ச்சி²தோ க³ஹ்வர கோ³ வ்ருʼஷாணாம்
அன்யோன்யம் ஆபூரயதி இவ ஷ²ப்³த³꞉ || 4-30-50
நவை꞉ நதீ³னாம் குஸும ப்ரஹாஸை꞉
வ்யா தூ⁴யமானை꞉ ம்ருʼது³ மாருதேன |
தௌ⁴த அமல க்ஷௌம பட ப்ரகாஷை²꞉
கூலானி காஷை²꞉ உபஷோ²பி⁴தானி || 4-30-51
வன ப்ரசண்டா³ மது⁴ பான ஷௌ²ண்டா³꞉
ப்ரிய அன்விதா꞉ ஷட் சரணா꞉ ப்ரஹ்ருʼஷ்டா꞉ |
வனேஸு மத்தா꞉ பவன அனு யாத்ராம்
குர்வந்தி பத்³ம ஆஸன ரேணு கௌ³ரா꞉ || 4-30-52
ஜலம் ப்ரஸன்னம் குஸும ப்ரஹாஸம்
க்ரௌன்ச ஸ்வனம் ஷா²லி வனம் விபக்வம் |
ம்ருʼது³꞉ ச வாயு꞉ விமல꞉ ச சந்த்³ர꞉
ஷ²ம்ʼஸந்தி வர்ஷ வ்யபனீத காலம் || 4-30-53
மீன உப ஸந்த³ர்ஷி²த மேக²லானாம்
நதீ³ வதூ⁴னாம் க³தயோ அத்³ய மந்தா³꞉ |
காந்த உபபு⁴க்த அலஸ கா³மினீனாம்
ப்ரபா⁴த காலேஷு இவ காமினீனாம் || 4-30-54
ஸ சக்ரவாகானி ஸ ஷை²வலானி
காஷை²꞉ து³கூலை꞉ இவ ஸம்ʼவ்ருʼதானி |
ஸ பத்ர ரேகா²ணி ஸ ரோசனானி
வதூ⁴ முகா²னி இவ நதீ³ முகா²னி || 4-30-55
ப்ரபு²ல்ல பா³ண ஆஸன சித்ரிதேஷு
ப்ரஹ்ருʼஷ்ட ஷட்பதா³னி கூஜிதேஷு |
க்³ருʼஹீத சாப꞉ உத்³யத த³ண்ட³ சண்ட³꞉
ப்ரசண்ட³ சாரோ அத்³ய வனேஷு காம꞉ || 4-30-56
லோகம் ஸுவ்ருʼஷ்ட்யா பரிதோஷயித்வ
நதீ³꞉ தடாகானி ச பூரயித்வா |
நிஷ்பன்ன ஸஸ்யாம் வஸுதா⁴ம் ச க்ருʼத்வா
த்யக்த்வா நப⁴꞉ தோய த⁴ரா꞉ ப்ரணஷ்டா꞉ || 4-30-57
த³ர்ஷ²யந்தி ஷ²ரன் நத்³ய꞉ புலினானி ஷ²னை꞉ ஷ²னை꞉ |
நவ ஸங்க³ம ஸவ்ரீடா³ ஜக⁴னானி இவ யோஷித꞉ || 4-30-58
ப்ரஸன்ன ஸலிலா꞉ ஸௌம்ய குரராபி⁴꞉ விநாதி³தா꞉ |
சக்ரவாக க³ண ஆகீர்ணா விபா⁴ந்தி ஸலில ஆஷ²யா꞉ || 4-30-59
அன்யோன்ய ப³த்³த⁴ வைராணாம் ஜிகீ³ஷூணாம் ந்ருʼபாத்மஜ |
உத்³யோக³ ஸமய꞉ ஸௌம்ய பார்தி²வானாம் உபஸ்தி²த꞉ || 4-30-60
இயம் ஸா ப்ரத²மா யாத்ரா பார்தி²வானாம் ந்ருʼபாத்மஜ |
ந ச பஷ்²யாமி ஸுக்³ரீவம் உத்³யோக³ம் வா ததா² வித⁴ம் || 4-30-61
அஸனா꞉ ஸப்த பர்ணா꞉ ச கோவிதா³ரா꞉ ச புஷ்பிதா꞉ |
த்³ருʼஷ்²யந்தே ப³ந்து⁴ஜீவா꞉ ச ஷ்²யாமா꞉ ச கி³ரி ஸானுஷு || 4-30-62
ஹம்ʼஸ ஸாரஸ சக்ராஹ்வை꞉ குரரை꞉ ச ஸமந்தத꞉ |
புலினானி அவகீர்ணானி நதீ³னாம் பஷ்²ய லக்ஷ்மண || 4-30-63
சத்வாரோ வார்ஷிகா மாஸா க³தா வர்ஷ ஷ²த உபமா꞉ |
மம ஷோ²க அபி⁴தப்தஸ்ய ததா² ஸீதாம் அபஷ்²யத꞉ || 4-30-64
சக்ரவாகீ இவ ப⁴ர்தாரம் ப்ருʼஷ்டதோ அனுக³தா வனம் |
விஷமம் த³ண்ட³காரண்யம் உத்³யான வனம் இவ ச அங்க³னா || 4-30-65
ப்ரியா விஹீனே து³꞉க² ஆர்தே ஹ்ருʼத ராஜ்யே விவாஸிதே |
க்ருʼபாம் ந குருதே ராஜா ஸுக்³ரீவோ மயி லக்ஷ்மண || 4-30-66
அநாதோ² ஹ்ருʼத ராஜ்யோ அயம் ராவணேன ச த⁴ர்ஷித꞉ ||
தீ³னோ தூ³ர க்³ருʼஹ꞉ காமீ மாம் சைவ ஷ²ரணம் க³த꞉ || 4-30-67
இதி ஏதை꞉ காரணை꞉ ஸௌம்ய ஸுக்³ரீவஸ்ய து³ராத்மன꞉ |
அஹம் வானர ராஜஸ்ய பரிபூ⁴த꞉ பரந்தப || 4-30-68
ஸ காலம் பரிஸங்க்²யாய ஸீதாயா꞉ பரிமார்க³ணே |
க்ருʼதார்த²꞉ ஸமயம் க்ருʼத்வா து³ர்மதி꞉ ந அவபு³த்⁴யதே || 4-30-69
ஸ கிஷ்கிந்தா⁴ம் ப்ரவிஷ்²ய த்வம் ப்³ரூஹி வானர புங்க³வம் |
மூர்க²ம் க்³ராம்ய ஸுகே² ஸக்தம் ஸுக்³ரீவம் வசனாத் மம || 4-30-70
அர்தி²னாம் உபபன்னானாம் பூர்வம் ச அபி உபகாரிணாம் |
ஆஷா²ம் ஸம்ʼஷ்²ருத்ய யோ ஹந்தி ஸ லோகே புருஷாத⁴ம꞉ || 4-30-71
ஷு²ப⁴ம் வா யதி³ வா பாபம் யோ ஹி வாக்யம் உதீ³ரிதம் |
ஸத்யேன பரிக்³ருʼஹ்ணாதி ஸ வீர꞉ புருஷோத்தம꞉ || 4-30-72
க்ருʼதார்தா² ஹி அக்ருʼதார்தா²னாம் மித்ராணாம் ந ப⁴வந்தி யே |
தான் ம்ருʼதான் அபி க்ரவ்யாதா³꞉ க்ருʼதக்⁴னான் ந உபபு⁴ஞ்ஜதே || 4-30-73
நூனம் காஞ்சன ப்ருʼஷ்ட²ஸ்ய விக்ருʼஷ்டஸ்ய மயா ரணே |
த்³ரஷ்டும் இச்ச²ஸி சாபஸ்ய ரூபம் வித்³யுத் க³ண உபமம் || 4-30-74
கோ⁴ரம் ஜ்யா தல நிர்கோ⁴ஷம் க்ருத்³த⁴ஸ்ய மம ஸம்ʼயுகே³ |
நிர்கோ⁴ஷம் இவ வஜ்ரஸ்ய புன꞉ ஸம்ʼஷ்²ரோதும் இச்ச²ஸி || 4-30-75
காமம் ஏவம் க³தே அபி அஸ்ய பரிஜ்ஞாதே பராக்ரமே |
த்வத் ஸஹாயஸ்ய மே வீர ந சிந்தா ஸ்யாத் ந்ருʼபாத்மஜ || 4-30-76
யத்³ அர்த²ம் அயம் ஆரம்ப⁴꞉ க்ருʼத꞉ பர புரம் ஜய |
ஸமயம் ந அபி⁴ஜானாதி க்ருʼதார்த²꞉ ப்லவகே³ஷ்²வர꞉ || 4-30-77
வர்ஷா ஸமய காலம் து ப்ரதிஜ்ஞாய ஹரீஷ்²வர꞉ |
வ்யதீதான் சதுரோ மாஸான் விஹரன் ந அவபு³த்⁴யதே || 4-30-78
ஸ அமாத்ய பரிஷத் க்ரீட³ன் பானம் ஏவ உபஸேவதே |
ஷோ²க தீ³னேஷு ந அஸ்மாஸு ஸுக்³ரீவ꞉ குருதே த³யாம் || 4-30-79
உச்யதாம் க³ச்ச² ஸுக்³ரீவ꞉ த்வயா வீர꞉ மஹாப³ல |
மம ரோஷஸ்ய யத் ரூபம் ப்³ரூயா꞉ ச ஏனம் இத³ம் வச꞉ || 4-30-80
ந ஸ ஸங்குசித꞉ பந்தா² யேன வாலீ ஹதோ க³த꞉ |
ஸமயே திஷ்ட² ஸுக்³ரீவ மா வாலி பத²ம் அன்வகா³꞉ || 4-30-81
ஏக ஏவ ரணே வாலீ ஷ²ரேண நிஹதோ மயா |
த்வாம் து ஸத்யாத் அதிக்ராந்தம் ஹநிஷ்யாமி ஸ பா³ந்த⁴வம் || 4-30-82
தத் ஏவம் விஹிதே கார்யே யத் ஹிதம் புருஷர்ஷப⁴ |
தத் தத் ப்³ரூஹி நரஷ்²ரேஷ்ட² த்வர கால வ்யதிக்ரம꞉ || 4-30-83
குருஷ்வ ஸத்யம் மம வானரேஷ்²வர
ப்ரதிஷ்²ருதம் த⁴ர்மம் அவேக்ஷ்ய ஷா²ஷ்²வதம் |
மா வாலினம் ப்ரேத க³தோ யம க்ஷயம்
த்வம் அத்³ய பஷ்²யே꞉ மம சோதி³த꞉ ஷ²ரை꞉ || 4-30-84
ஸ பூர்வஜம் தீவ்ர விவ்ருʼத்³த⁴ கோபம்
லாலப்யமானம் ப்ரஸமீக்ஷ்ய தீ³னம் |
சகார தீவ்ராம் மதிம் உக்³ர தேஜா
ஹரீஷ்²வரே மானவ வம்ʼஷ² வர்த²ன꞉ || 4-30-85
இதி வால்மீகி ராமாயணே ஆதி³ காவ்யே கிஷ்கிந்த⁴ காண்டே³ த்ரிம்ʼஷ² ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
