வால்மீகி ராமாயணே ஆதி³ காவ்யே கிஷ்கிந்த⁴ காண்டே³ ஏகோனவிம்ʼஷ²꞉ ஸர்க³꞉
ஸ வானர மஹாராஜ꞉ ஷ²யான꞉ ஷ²ர பீடி³த꞉ |
ப்ரத்யுக்தோ ஹேதுமத்³ வாக்யை꞉ ந உத்தரம் ப்ரத்யபத்³யத || 4-19-1
அஷ்²மபி⁴꞉ பரிபி⁴ன்ன அங்க³꞉ பாத³பைர் ஆஹதோ ப்⁴ருʼஷ²ம் |
ராம பா³ணேன ச ஆக்ராந்தோ ஜீவித அந்தே முமோஹ ஸ꞉ || 4-19-2
தம் பா⁴ர்யா பா³ண மோக்ஷேண ராம த³த்தேன ஸம்ʼயுகே³ |
ஹதம் ப்லவக³ ஷா²ர்தூ³ளம் தாரா ஷு²ஷ்²ராவ வாலினம் || 4-19-3
ஸா ஸபுத்ர அப்ரியம் ஷ்²ருத்வா வத⁴ம் ப⁴ர்து꞉ ஸுதா³ருணம் |
நிஷ்பபாத ப்⁴ருʼஷ²ம் தஸ்மாத் உத்³விக்³னா கி³ரி கந்த³ராத் || 4-19-4
யே தே அங்க³த³ பரீவாரா வானரா ஹி மஹாப³லா꞉ |
தே ஸகார்முகம் ஆலோக்ய ராமம் த்ரஸ்தா꞉ ப்ரது³த்³ருவு꞉ || 4-19-5
ஸா த³த³ர்ஷ² தத꞉ த்ரஸ்தான் ஹரீன் ஆபததோ த்³ருதம் |
யூதா²த்³ இவ பரிப்⁴ரஷ்டான் ம்ருʼகா³ன் நிஹத யூத²பான் || 4-19-6
தான் உவாச ஸமாஸாத்³ய து³꞉கி²தான் து³꞉கி²தா ஸதீ |
ராம வித்ராஸிதான் ஸர்வான் அனுப³த்³தா⁴ன் இவ இஷுபி⁴꞉ || 4-19-7
வானரா ராஜ ஸிம்ʼஹஸ்ய யஸ்ய யூயம் புர꞉ ஸரா꞉ |
தம் விஹாய ஸுவித்ரஸ்தா꞉ கஸ்மாத்³ த்³ரவத து³ர்க³தா꞉ || 4-19-8
ராஜ்ய ஹேதோ꞉ ஸ சேத் ப்⁴ராதா ப்⁴ராத்ரா க்ரூʼரேண பாதித꞉ |
ராமேண ப்ரஸ்ருʼதை꞉ தூ³ராத் மார்க³ணை꞉ தூ³ர பாதிபி⁴꞉ || 4-19-9
கபி பத்ன்யா வச꞉ ஷ்²ருத்வா கபய꞉ காம ரூபிண꞉ |
ப்ராப்த காலம் அவிஷ்²லிஷ்டம் ஊசுர் வசனம் அங்க³னாம் || 4-19-10
ஜீவபுத்ரே நிவர்தஸ்வ புத்ரம் ரக்ஷஸ்வ ச அந்த³க³ம் |
அந்தகோ ராம ரூபேண ஹத்வா நயதி வாலினம் || 4-19-11
க்ஷிப்தான் வ்ருʼக்ஷான் ஸமாவித்⁴ய விபுலா꞉ ச ஷி²லா꞉ ததா² |
வாலீ வஜ்ர ஸமைர் பா³ணைர் வஜ்ரேண இவ நிபாதித꞉ || 4-19-12
அபி⁴பூ⁴தம் இத³ம் ஸர்வம் வித்³ருதம் வானரம் ப³லம் |
அஸ்மின் ப்லவக³ ஷா²ர்தூ³ளே ஹதே ஷ²க்ர ஸம ப்ரபே⁴ || 4-19-13
ரக்ஷ்யதாம் நக³ரம் ஷூ²ரைர் அங்க³த³꞉ ச அபி⁴ஷிச்யதாம் |
பத³ஸ்த²ம் வாலின꞉ புத்ரம் ப⁴ஜிஷ்யந்தி ப்லவங்க³மா꞉ || 4-19-14
அத²வா அருசிதம் ஸ்தா²னம் இஹ தே ருசிரானனே |
ஆவிஷ²ந்தி ஹி து³ர்கா³ணி க்ஷிப்ரம் அத்³ய ஏவ வானரா꞉ || 4-19-15
அபா⁴ர்யா꞉ ஸஹ பா⁴ர்யா꞉ ச ஸந்தி அத்ர வன சாரிண꞉ |
லுப்³தே⁴ப்⁴யோ விப்ரளப்³தே⁴ய꞉ தேப்⁴யோ ந꞉ ஸுமஹத்³ ப⁴யம் || 4-19-16
அல்பாந்தர க³தானாம் து ஷ்²ருத்வா வசனம் அங்க³னா |
ஆத்மன꞉ ப்ரதிரூபம் ஸா ப³பா⁴ஷே சாரு ஹாஸினீ || 4-19-17
புத்ரேண மம கிம் கார்யம் கிம் ராஜ்யேன கிம் ஆத்மனா |
கபி ஸிம்ஹே மஹா பா⁴கே³ தஸ்மின் ப⁴ர்தரி நஷ்²யதி || 4-19-18
பாத³ மூலம் க³மிஷ்யாமி தஸ்ய ஏவ அஹம் மஹாத்மன꞉ |
யோ அஸௌ ராம ப்ரயுக்தேன ஷ²ரேண விநிபாதித꞉ || 4-19-19
ஏவம் உக்த்வா ப்ரது³த்³ராவ ருத³தீ ஷோ²க மூர்ச்சி²தா |
ஷி²ர꞉ ச உர꞉ ச பா³ஹுப்⁴யாம் து³꞉கே²ன ஸமபி⁴க்⁴னதீ || 4-19-20
ஸா வ்ரஜந்தீ த³த³ர்ஷ² அத² பதிம் நிபதிதம் பு⁴வி |
ஹந்தாரம் தா³னவ இந்த்³ராணாம் ஸமரேஷு அநிவர்தினாம் || 4-19-21
க்ஷேப்தாரம் பர்வத இந்த்³ராணாம் வஜ்ராணாம் இவ வாஸவம் |
மஹாவாத ஸமாவிஷ்டம் மஹாமேக⁴ ஔக⁴ நி꞉ஸ்வனம் || 4-19-22
ஷ²க்ரதுல்ய பராக்ராந்தம் வ்ருʼஷ்ட்வா இவ உபரதம் க⁴னம் |
நர்த³ந்தம் நர்த³தாம் பீ⁴மம் ஷூ²ரம் ஷூ²ரேண பாதிதம் |
ஷா²ர்தூ³ளேன ஆமிஷஸ்ய அர்தே² ம்ருʼக³ ராஜம் இவ ஆஹதம் || 4-19-23
அர்சிதம் ஸர்வ லோகஸ்ய ஸபதாகம் ஸவேதி³கம் |
நாக³ ஹேதோ꞉ ஸுபர்ணேன சைத்யம் உன்மதி²தம் யதா² || 4-19-24
அவஷ்டப்⁴ய அவதிஷ்ட²ந்தம் த³த³ர்ஷ² த⁴னுர் ஊர்ஜிதம் |
ராமம் ராமானுஜம் சைவ ப⁴ர்து꞉ சைவ ததா² அனுஜம் || 4-19-25
தான் அதீத்ய ஸமாஸாத்³ய ப⁴ர்தாரம் நிஹதம் ரணே |
ஸமீக்ஷ்ய வ்யதி²தா பூ⁴மௌ ஸம்ப்⁴ராந்தா நிபபாத ஹ || 4-19-26
ஸுப்தா இவ புனர் உத்தா²ய ஆர்ய புத்ர இதி வாதி³னீ |
ருரோத³ ஸா பதிம் த்³ருʼஷ்ட்வா ஸம்வீதம் ம்ருʼத்யு தா³மபி⁴꞉ || 4-19-27
தாம் அவேக்ஷ்ய து ஸுக்³ரீவ꞉ க்ரோஷ²ந்தீம் குரரீம் இவ |
விஷாத³ம் அக³மத் கஷ்டம் த்³ருʼஷ்ட்வா ச அங்க³த³ம் ஆக³தம் || 4-19-28
இதி வால்மீகி ராமாயணே ஆதி³ காவ்யே கிஷ்கிந்த⁴ காண்டே³ ஏகோனவிம்ʼஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
