வால்மீகி ராமாயணே ஆதி³ காவ்யே கிஷ்கிந்த⁴ காண்டே³ அஷ்டத³ஷ²꞉ ஸர்க³꞉
இதி உக்த꞉ ப்ரஷ்²ரிதம் வாக்யம் த⁴ர்ம அர்த² ஸஹிதம் ஹிதம் |
பருஷம் வாலினா ராமோ நிஹதேன விசேதஸா || 4-18-1
தம் நிஷ்ப்ரப⁴ம் இவ ஆதி³த்யம் முக்த தோயம் இவ அம்பு³த³ம் |
உக்த வாக்யம் ஹரி ஷ்²ரேஷ்ட²ம் உபஷா²ந்தம் இவ அனலம் || 4-18-2
த⁴ர்ம அர்த² கு³ண ஸம்பன்னம் ஹரி ஈஷ்²வரம் அனுத்தமம் |
அதி⁴க்ஷிப்த꞉ ததா³ ராம꞉ பஷ்²சாத் வாலினம் அப்³ரவீத் || 4-18-3
த⁴ர்மம் அர்த²ம் ச காமம் ச ஸமயம் ச அபி லௌகிகம் |
அவிஜ்ஞாய கத²ம் பா³ல்யாத் மாம் இஹ அத்³ய விக³ர்ஹஸே || 4-18-4
அப்ருʼஷ்ட்வா பு³த்³தி⁴ ஸம்பன்னான் வ்ருʼத்³தா⁴ன் ஆசார்ய ஸம்ʼமதான் |
ஸௌம்ய வானர சாபல்யாத் த்வம் மாம் வக்தும் இஹ இச்ச²ஸி || 4-18-5
இக்ஷ்வாகூணாம் இயம் பூ⁴மி꞉ ஸ ஷை²ல வன கானனா |
ம்ருʼக³ பக்ஷி மனுஷ்யாணாம் நிக்³ரஹ அனுக்³ரஹேஷு அபி || 4-18-6
தாம் பாலயதி த⁴ர்மாத்மா ப⁴ரத꞉ ஸத்யவான் ருʼஜு꞉ |
த⁴ர்ம காம அர்த² தத்த்வஜ்ஞோ நிக்³ரஹ அனுக்³ரஹே ரத꞉ || 4-18-7
நய꞉ ச வினய꞉ ச உபௌ⁴ யஸ்மின் ஸத்யம் ச ஸுஸ்தி²தம் |
விக்ரம꞉ ச யதா² த்³ருʼஷ்ட꞉ ஸ ராஜா தே³ஷ² காலவித் || 4-18-8
தஸ்ய த⁴ர்ம க்ருʼத ஆதே³ஷா² வயம் அன்யே ச பார்தி²வ꞉ |
சராமோ வஸுதா⁴ம் க்ருʼத்ஸ்னாம் த⁴ர்ம ஸந்தானம் இச்ச²வ꞉ || 4-18-9
தஸ்மின் ந்ருʼபதி ஷா²ர்தூ³ள ப⁴ரதே த⁴ர்ம வத்ஸலே |
பாலயதி அகி²லாம் ப்ருʼத்²வீம் க꞉ சரேத் த⁴ர்ம விப்ரியம் || 4-18-10
தே வயம் மார்க³ விப்⁴ரஷ்டம் ஸ்வத⁴ர்மே பரமே ஸ்தி²தா꞉ |
ப⁴ரத ஆஜ்ஞாம் புரஸ்க்ருʼத்ய நிக்³ருʼஹ்ணீமோ யதா² விதி⁴ || 4-18-11
த்வம் து ஸங்க்லிஷ்ட த⁴ர்ம꞉ ச கர்மணா ச விக³ர்ஹித꞉ |
காம தந்த்ர ப்ரதா⁴ன꞉ ச ந ஸ்தி²தோ ராஜ வர்த்மனி || 4-18-12
ஜ்யேஷ்டோ² ப்⁴ராதா பிதா சைவ ய꞉ ச வித்³யாம் ப்ரயச்ச²தி |
த்ரய꞉ தே பிதரோ ஜ்ஞேயா த⁴ர்மே ச பதி² வர்தின꞉ || 4-18-13
யவீயான் ஆத்மன꞉ புத்ர꞉ ஷி²ஷ்ய꞉ ச அபி கு³ணோதி³த꞉ |
புத்ரவத் தே த்ரய꞉ சிந்த்யா த⁴ர்ம꞉ சைவ அத்ர காரணம் || 4-18-14
ஸூக்ஷ்ம꞉ பரம து³ர்ஜ்ஞேய꞉ ஸதாம் த⁴ர்ம꞉ ப்லவங்க³ம |
ஹ்ருʼதி³ஸ்த²꞉ ஸர்வ பூ⁴தானாம் ஆத்மா வேத³ ஷு²பா⁴ஷு²ப⁴ம் || 4-18-15
சபல꞉ சபலை꞉ ஸார்த⁴ம் வானரை꞉ அக்ருʼத ஆத்மபி⁴꞉ |
ஜாத்யந்த⁴ இவ ஜாத்யந்தை⁴꞉ மந்த்ரயன் த்³ரக்ஷ்யஸே நு கிம் || 4-18-16
அஹம் து வ்யக்ததாம் அஸ்ய வசனஸ்ய ப்³ரவீமி தே |
ந ஹி மாம் கேவலம் ரோஷாத் த்வம் விக³ர்ஹிதும் அர்ஹஸி || 4-18-17
தத் ஏதத் காரணம் பஷ்²ய யத் அர்த²ம் த்வம் மயா ஹத꞉ |
ப்⁴ராதுர் வர்தஸி பா⁴ர்யாயாம் த்யக்த்வா த⁴ர்மம் ஸனாதனம் || 4-18-18
அஸ்ய த்வம் த⁴ரமாணஸ்ய ஸுக்³ரீவஸ்ய மஹாத்மன꞉ |
ருமாயாம் வர்தஸே காமாத் ஸ்னுஷாயாம் பாப கர்மக்ருʼத் || 4-18-19
தத்³ வ்யதீதஸ்ய தே த⁴ர்மாத் காம வ்ருʼத்தஸ்ய வானர |
ப்⁴ராத்ருʼ பா⁴ர்யா அபி⁴மர்ஷே² அஸ்மின் த³ண்டோ³ அயம் ப்ரதிபாதி³த꞉ || 4-18-20
ந ஹி லோக விருத்³த⁴ஸ்ய லோக வ்ருʼத்தாத் அபேயுஷ꞉ |
த³ண்டா³த் அன்யத்ர பஷ்²யாமி நிக்³ரஹம் ஹரி யூத²ப || 4-18-21
ந ச தே மர்ஷயே பாபம் க்ஷ்த்ரியோ அஹம் குலோத்³க³த꞉ |
ஔரஸீம் ப⁴கி³னீம் வா அபி பா⁴ர்யாம் வா அபி அனுஜஸ்ய ய꞉ || 4-18-22
ப்ரசரேத நர꞉ காமாத் தஸ்ய த³ண்டோ³ வத⁴꞉ ஸ்ம்ருʼத꞉ |
ப⁴ரத꞉ து மஹீபாலோ வயம் து ஆதே³ஷ² வர்தின꞉ || 4-18-23
த்வம் ச த⁴ர்மாத் அதிக்ராந்த꞉ கத²ம் ஷ²க்யம் உபேக்ஷிதும் |
கு³ரு த⁴ர்ம வ்யதிக்ராந்தம் ப்ராஜ்ஞோ த⁴ர்மேண பாலயன் || 4-18-24
ப⁴ரத꞉ காம யுக்தானாம் நிக்³ரஹே பர்யவஸ்தி²த꞉ |
வயம் து ப⁴ரத ஆதே³ஷ²ம் விதி⁴ம் க்ருʼத்வா ஹரீஷ்²வர |
த்வத் விதா⁴ன் பி⁴ன்ன மர்யாதா³ன் நிக்³ரஹீதும் வ்யவஸ்தி²தா꞉ || 4-18-25
ஸுக்³ரீவேண ச மே ஸக்²யம் லக்ஷ்மணேன யதா² ததா² |
தா³ர ராஜ்ய நிமித்தம் ச நி꞉ஷ்²ரேயஸகர꞉ ஸ மே || 4-18-26
ப்ரதிஜ்ஞா ச மயா த³த்தா ததா³ வானர ஸம்ʼநிதௌ⁴ |
ப்ரதிஜ்ஞா ச கத²ம் ஷ²க்யா மத் விதே⁴ன அனவேக்ஷிதும் || 4-18-27
தத் ஏபி⁴꞉ காரணை꞉ ஸர்வைர் மஹத்³பி⁴꞉ த⁴ர்ம ஸம்ʼஹிதை꞉ |
ஷா²ஸனம் தவ யத் யுக்தம் தத் ப⁴வான் அனுமன்யதாம் || 4-18-28
ஸர்வதா² த⁴ர்ம இதி ஏவ த்³ரஷ்டவ்ய꞉ தவ நிக்³ரஹ꞉ |
வயஸ்யஸ்ய உபகர்தவ்யம் த⁴ர்மம் ஏவ அனுபஷ்²யதா || 4-18-29
ஷ²க்யம் த்வயா அபி தத் கார்யம் த⁴ர்மம் ஏவ அனுவர்ததா |
ஷ்²ரூயதே மனுனா கீ³தௌ ஷ்²லோகௌ சாரித்ர வத்ஸலௌ ||
க்³ருʼஹீதௌ த⁴ர்ம குஷ²லை꞉ ததா² தத் சரிதம் மயாஅ || 4-18-30
ராஜபி⁴꞉ த்⁴ருʼத த³ண்டா³꞉ ச க்ருʼத்வா பாபானி மானவா꞉ |
நிர்மலா꞉ ஸ்வர்க³ம் ஆயாந்தி ஸந்த꞉ ஸுக்ருʼதினோ யதா² || 4-18-31
ஷ²ஸனாத் வா அபி மோக்ஷாத் வா ஸ்தேன꞉ பாபாத் ப்ரமுச்யதே |
ராஜா து அஷா²ஸன் பாபஸ்ய தத்³ ஆப்னோதி கில்பி³ஷம் || 4-18-32
ஆர்யேண மம மாந்தா⁴த்ரா வ்யஸனம் கோ⁴ரம் ஈப்ஸிதம் |
ஷ்²ரமணேன க்ருʼதே பாபே யதா² பாபம் க்ருʼதம் த்வயா || 4-18-33
அன்யை꞉ அபி க்ருʼதம் பாபம் ப்ரமத்தை꞉ வஸுதா⁴ அதி⁴பை꞉ |
ப்ராயஷ்²சித்தம் ச குர்வந்தி தேன தத் ஷா²ம்யதே ரஜ꞉ || 4-18-34
தத் அலம் பரிதாபேன த⁴ர்மத꞉ பரிகல்பித꞉ |
வதோ⁴ வானரஷா²ர்தூ³ள ந வயம் ஸ்வ வஷே² ஸ்தி²தா꞉ || 4-18-35
ஷ்²ருணு ச அபி அபரம் பூ⁴ய꞉ காரணம் ஹரிபுங்க³வ |
தத் ஷ்²ருத்வா ஹி மஹத் வீர ந மன்யும் கர்தும் அர்ஹஸி || 4-18-36
ந மே தத்ர மனஸ்தாபோ ந மன்யு꞉ ஹரிபுங்க³வ |
வாகு³ராபி⁴꞉ ச பாஷை²꞉ ச கூடை꞉ ச விவிதை⁴꞉ நரா꞉ || 4-18-37
ப்ரதிச்ச²ன்னா꞉ ச த்³ருʼஷ்²யா꞉ ச க்³ருʼஹ்ணந்தி ஸுப³ஹூன் ம்ருʼகா³ன் |
ப்ரதா⁴விதான் வா வித்ரஸ்தான் விஸ்ரப்³தா⁴ன் அதிவிஷ்டி²தான் || 4-18-38
ப்ரமத்தான் அப்ரமத்தான் வா நரா மாம்ʼஸ அஷி²னோ ப்⁴ருʼஷ²ம் |
வித்⁴யந்தி விமுகா²ம் ச அபி ந ச தோ³ஷோ அத்ர வித்³யதே || 4-18-39
யாந்தி ராஜர்ஷய꞉ ச அத்ர ம்ருʼக³யாம் த⁴ர்ம கோவிதா³꞉ |
தஸ்மாத் த்வம் நிஹதோ யுத்³தே⁴ மயா பா³ணேன வானர |
அயுத்⁴யன் ப்ரதியுத்⁴யன் வா யஸ்மாத் ஷா²கா² ம்ருʼகோ³ ஹி அஸி || 4-18-40
து³ர்லப⁴ஸ்ய ச த⁴ர்மஸ்ய ஜீவிதஸ்ய ஷு²ப⁴ஸ்ய ச |
ராஜானோ வானரஷ்²ரேஷ்ட² ப்ரதா³தாரோ ந ஸம்ʼஷ²ய꞉ || 4-18-41
தான் ந ஹிம்ʼஸ்யாத் ந ச ஆக்ரோஷே²ன் ந ஆக்ஷிபேன் ந அப்ரியம் வதே³த் |
தே³வா மானுஷ ரூபேண சரந்தி ஏதே மஹீ தலே || 4-18-42
த்வம் து த⁴ர்மம் அவிஜ்ஞாய கேவலம் ரோஷம் ஆஸ்தி²த꞉ |
விதூ³ஷயஸி மாம் த⁴ர்மே பித்ருʼ பைதாமஹே ஸ்தி²தம் || 4-18-43
ஏவம் உக்த꞉ து ராமேண வாலீ ப்ரவ்யதி²தோ ப்⁴ருʼஷ²ம் |
ந தோ³ஷம் ராக⁴வே த³த்⁴யௌ த⁴ர்மே அதி⁴க³த நிஷ்²சய꞉ || 4-18-44
ப்ரத்யுவாச ததோ ராமம் ப்ராஞ்ஜலிர் வானரேஷ்²வர꞉ |
யத் த்வம் ஆத்த² நரஷ்²ரேஷ்ட² தத் த²தா² ஏவ ந அத்ர ஸம்ʼஷ²ய꞉ || 4-18-45
ப்ரதிவக்தும் ப்ரக்ருʼஷ்டே ஹி ந அபக்ருʼஷ்ட꞉ து ஷ²க்னுயாத் |
யத் அயுக்தம் மயா பூர்வம் ப்ரமாதா³த் வாக்யம் அப்ரியம் || 4-18-46
தத்ர அபி க²லு மாம் தோ³ஷம் கர்தும் ந அர்ஹஸி ராக⁴வ |
த்வம் ஹி த்³ருʼஷ்டார்த² தத்த்வஜ்ஞ꞉ ப்ரஜானாம் ச ஹிதே ரத꞉ |
கார்ய காரண ஸித்³தௌ⁴ ச ப்ரஸன்னா பு³த்³தி⁴꞉ அவ்யயா || 4-18-47
மாம் அபி அவக³தம் த⁴ர்மாத் வ்யதிக்ராந்த புரஸ்க்ருʼதம் |
த⁴ர்ம ஸம்ʼஹிதயா வாசா த⁴ர்மஜ்ஞ பரிபாலய || 4-18-48
பா³ஷ்ப ஸம்ʼருத்³த⁴ கண்ட²꞉ து வாலீ ஸ ஆர்த ரவ꞉ ஷ²னை꞉ |
உவாச ராமம் ஸம்ப்ரேக்ஷ்ய பங்கலக்³ன இவ த்³விப꞉ || 4-18-49
ந ச ஆத்மானம் அஹம் ஷோ²சே ந தாராம் ந அபி பா³ந்த⁴வான் |
யதா² புத்ரம் கு³ணஷ்²ரேஷ்ட²ம் அங்க³த³ம் கனகாங்க³த³ம் || 4-18-50
ஸ மம அத³ர்ஷ²னாத் தீ³னோ பா³ல்யாத் ப்ரப்⁴ருʼதி லாலித꞉ |
தடாக இவ பீதாம்பு³꞉ உபஷோ²ஷம் க³மிஷ்யதி || 4-18-51
பா³ல꞉ ச அக்ருʼதபு³த்³தி⁴꞉ ச ஏக புத்ர꞉ ச மே ப்ரிய꞉ |
தாரேயோ ராம ப⁴வதா ரக்ஷணீயோ மஹாப³ல꞉ || 4-18-52
ஸுக்³ரீவே ச அங்க³தே³ சைவ வித⁴த்ஸ்வ மதிம் உத்தமாம் |
த்வம் ஹி கோ³ப்தா ச ஷா²ஸ்தா ச கார்யாகார்ய விதௌ⁴ ஸ்தி²த꞉ || 4-18-53
யா தே நரபதே வ்ருʼத்தி꞉ ப⁴ரதே லக்ஷ்மணே ச யா |
ஸுக்³ரீவே ச அங்க³தே³ ராஜன் தாம் சிந்தயிதும் அர்ஹஸி || 4-18-54
மத் தோ³ஷ க்ருʼத தோ³ஷாம் தாம் யதா² தாராம் தபஸ்வினீம் |
ஸுக்³ரீவோ ந அவமன்யேத ததா² அவஸ்தா²தும் அர்ஹஸி || 4-18-55
த்வயா ஹி அனுக்³ருʼஹீதேன ஷ²க்யம் ராஜ்யம் உபாஸிதும் |
த்வத் வஷே² வர்தமானேன தவ சித்த அனுவர்தினா || 4-18-56
ஷ²க்யம் தி³வம் ச ஆர்ஜயிதும் வஸுதா⁴ம் ச அபி ஷா²ஸிதும் |
த்வத꞉ அஹம் வத⁴ம் ஆகாங்க்ஷயன் வார்யமாணோ அபி தாரயா || 4-18-57
ஸுக்³ரீவேண ஸஹ ப்⁴ராதா த்³வந்த்³வ யுத்³த⁴ம் உபாக³தம் |
இதி உக்த்வா வானரோ ராமம் விரராம ஹரீஷ்²வர꞉ || 4-18-58
ஸ தம் ஆஷ்²வாஸயத் ராமோ வாலினம் வ்யக்த த³ர்ஷ²னம் |
ஸாது⁴ ஸம்மதயா வாசா த⁴ர்ம தத்த்வார்த்த⁴ யுக்தயா || 4-18-59
ந ஸந்தாப꞉ த்வயா கார்யம் ஏதத் அர்த²ம் ப்லவங்க³ம |
ந வயம் ப⁴வதா சிந்த்யா ந அபி ஆத்மா ஹரிஸத்தம |
வயம் ப⁴வத் விஷே²ஷேண த⁴ர்மத꞉ க்ருʼத நிஷ்²சயா꞉ || 4-18-60
த³ண்ட்³யே ய꞉ பாதயேத் த³ண்ட³ம் த³ண்ட்³யோ ய꞉ ச அபி த³ண்ட்³யதே |
கார்ய காரண ஸித்³தா⁴ர்தௌ² உபௌ⁴ தௌ ந அவஸீத³த꞉ || 4-18-61
தத் ப⁴வான் த³ண்ட³ ஸம்யோகா³த் அஸ்மாத் விக³த கல்மஷ꞉ |
க³த꞉ ஸ்வாம் ப்ரக்ருʼதிம் த⁴ர்ம்யாம் த⁴ர்ம தி³ஷ்டேன வர்த்மனா || 4-18-62
த்யஜ ஷோ²கம் ச மோஹம் ச ப⁴யம் ச ஹ்ருʼத³யே ஸ்தி²தம் |
த்வயா விதா⁴னம் ஹர்யக்³ர்ய ந ஷ²க்யம் அதிவர்திதும் || 4-18-63
யதா² த்வயி அங்க³தோ³ நித்யம் வர்ததே வானரேஷ்²வர꞉ |
ததா² வர்ததே ஸுக்³ரீவோ மயி ச அபி ந ஸம்ʼஷ²ய꞉ || 4-18-64
ஸ தஸ்ய வாக்யம் மது⁴ரம் மஹாத்மன꞉
ஸமாஹிதம் த⁴ர்ம பதா²னுவர்தின꞉ |
நிஷ²ம்ய ராமஸ்ய ரணாவமர்தி³னோ
வச꞉ ஸுயுக்தம் நிஜகா³த³ வானர꞉ || 4-18-65
ஷ²ராபி⁴தப்தேன விசேதஸா மயா
ப்ரதூ³ஷித꞉ த்வம் யத்³ அஜானதா விபோ⁴ |
இத³ம் மஹேந்த்³ரோபம பீ⁴ம விக்ரம
ப்ரஸாதி³த꞉ த்வம் க்ஷம மே நரேஷ்²வர || 4-18-66
இதி வால்மீகி ராமாயணே ஆதி³ காவ்யே கிஷ்கிந்த⁴ காண்டே³ அஷ்டத³ஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
