வால்மீகி ராமாயணே ஆதி³ காவ்யே கிஷ்கிந்த⁴ காண்டே³ ஷஷ்ட꞉ ஸர்க³꞉
புனரேவ அப்³ரவீத் ப்ரீத꞉ ராக⁴வம் ரகு⁴நந்த³னம் |
அயம் ஆக்²யாதி தே ராம ஸேவக꞉ மந்த்ரி ஸத்தம꞉ || 4-6-1
ஹனுமான் யன் நிமித்தம் த்வம் நிர்ஜனம் வனம் ஆக³த꞉ |
லக்ஷ்மணேன ஸஹ ப்⁴ராத்ரா வஸத꞉ ச வனே தவ ||4-6-2
ரக்ஷஸா அபஹ்ருʼதா பா⁴ர்யா மைதி²லீ ஜனக ஆத்மஜா |
த்வயா வியுக்தா ருத³தீ லக்ஷ்மணேன ச தீ⁴மதா || 4-6-3
அந்தரம் ப்ரேப்ஸுனா தேன ஹத்வா க்³ருʼத்⁴ரம் ஜடாயுஷம் |
பா⁴ர்யா வியோக³ஜம் து³꞉க²ம் ப்ராபித꞉ தேன ரக்ஷ்ஸா || 4-6-4
ப⁴ர்யா வியோக³ஜம் து³꞉க²ம் ந சிராத் த்வம் விமோக்ஷ்யஸே |
அஹம் தாம் ஆனயிஷ்யாமி நஷ்டாம் வேத³ஷ்²ருதீம் இவ || 4-6-5
ரஸாதலே வா வர்தந்தீம் வர்தந்தீம் வா நப⁴꞉ தலே |
அஹம் ஆனீய தா³ஸ்யாமி தவ பா⁴ர்யாம் அரிந்த³ம || 4-6-6
இத³ம் தத்²யம் மம வச꞉ த்வம் அவேஹி ச ராக⁴வ |
ந ஷ²க்யா ஸா ஜரயிதும் அபி ஸ꞉ இந்த்³ரை꞉ ஸுர அஸுரை꞉ || 4-6-7
தவ பா⁴ர்யா மஹாபா³ஹோ ப⁴க்ஷ்யம் விஷ க்ருʼதம் யதா² |
த்யஜ ஷோ²கம் மஹாபா³ஹோ தாம் காந்தாம் ஆனயாமி தே | 4-6-8
அனுமானாத் து ஜாநாமி மைதி²லீ ஸா ந ஸம்ʼஷ²ய꞉ |
ஹ்ரியமாணா மயா த்³ருʼஷ்டா ரக்ஷஸா ரௌஉத்³ர கர்மணா || 4-6-9
க்ரோஷ²ந்தீ ராம ராமேதி லக்ஷ்மணேதி ச விஸ்வரம் |
ஸ்பு²ரந்தீ ராவணஸ்ய அன்கே பன்னகே³ந்த்³ர வதூ⁴꞉ யதா² || 4-6-10
ஆத்மனா பஞ்சமம் மாம் ஹி த்³ருʼஷ்ட்வா ஷை²ல தலே ஸ்தி²தம் |
உத்தரீயம் தயா த்யக்தம் ஷு²பா⁴னி ஆப⁴ரணானி ச || 4-6-11
தானி அஸ்மாபி⁴꞉ க்³ருʼஹீதானி நிஹிதானி ச ராக⁴வ |
ஆனயிஷ்யாமி அஹம் தானி ப்ரத்யபி⁴ஜ்ஞாதும் அர்ஹஸி || 4-6-12
தம் அப்³ரவீத் தத꞉ ராம꞉ ஸுக்³ரீவம் ப்ரிய வாதி³னம் |
ஆனயஸ்வ ஸகே² ஷீ²க்⁴ரம் கிம் அர்த²ம் ப்ரவிளம்ப³ஸே || 4-6-13
ஏவம் உக்த꞉ து ஸுக்³ரீவ꞉ ஷை²லஸ்ய க³ஹனாம் கு³ஹாம் |
ப்ரவிவேஷ² தத꞉ ஷீ²க்⁴ரம் ராக⁴வ ப்ரிய காம்யயா || 4-6-14
உத்தரீயம் க்³ருʼஹீத்வா து ஸ தானி ஆப⁴ரணானி ச |
இத³ம் பஷ்²ய இதி ராமாய த³ர்ஷ²யாமாஸ வானர꞉ || 4-6-15
ததோ க்³ருʼஹீத்வா வாஸ꞉ து ஷு²பா⁴னி ஆப⁴ரணானி ச |
அப⁴வத் பா³ஷ்ப ஸம்ருத்³த⁴꞉ நீஹாரேண இவ சந்த்³ரமா꞉ || 4-6-16
ஸீதா ஸ்னேஹ ப்ரவ்ருʼத்தேன ஸ து பா³ஷ்பேண தூ³ஷித꞉ |
ஹா ப்ரியே இதி ருத³ன் தை⁴ர்யம் உத்ஸ்ருʼஜ்ய ந்யபதத் க்ஷிதௌ || 4-6-17
ஹ்ருʼதி³ க்ருʼத்வா ஸ ப³ஹுஷ²꞉ தம் அலங்காரம் உத்தமம் |
நிஷ²ஷ்²வாஸ ப்⁴ருʼஷ²ம் ஸர்ப꞉ பி³லஸ்த² இவ ரோஷித꞉ || 4-6-18
அவிச்சி²ன்ன அஷ்²ரு வேக³꞉ து ஸௌமித்ரிம் ப்ரேக்ஷ்ய பார்ஷ்²வத꞉ |
பரிதே³வயிதும் தீ³னம் ராம꞉ ஸம் உபசக்ரமே || 4-6-19
பஷ்²ய லக்ஷ்மண வைதே³ஹ்யா ஸந்த்யக்தம் ஹ்ரியமாணயா |
உத்தரீயம் இத³ம் பூ⁴மௌ ஷ²ரீராத்³ பூ⁴ஷணானி ச || 4-6-20
ஷா²த்³வலின்யாம் த்⁴ருவம் பூ⁴ம்யாம் ஸீதயா ஹ்ரியமாணயா |
உத்ஸ்ருʼஷ்டம் பூ⁴ஷணாம் இத³ம் ததா² ரூபம் ஹி த்³ருʼஷ்²யதே || 4-6-21
ஏவம் உக்தஸ꞉ து ராமேண லக்ஷ்மணோ வாக்யம் இத³ம் அப்³ரவீத் |
ந அஹம் ஜாநாமி கேயூரே ந அஹம் ஜாநாமி குண்ட³லே || 4-6-22
நூபுரே து அபி⁴ஜநாமி நித்யம் பாத³ அபி⁴வந்த³னாத் |
தத꞉ து ராக⁴வோ வாக்யம் ஸுக்³ரீவம் இத³ம் அப்³ரவீத் || 4-6-23
ப்³ரூஹி ஸுக்³ரீவ கம் தே³ஷ²ம் ஹ்ரியந்தீ லக்ஷிதா த்வயா |
ரக்ஷஸா ரௌத்³ரரூபேண மம ப்ராணப்ரியா ப்ரியா || 4-6-24
க்வ வா வஸதி தத் ரக்ஷஃஜ꞉ மஹத் வ்யஸனத³ம் மம |
யன் நிமித்தம் அஹம் ஸர்வான் நாஷ²யிஷ்யாமி ராக்ஷஸான் || 4-6-25
ஹரதா மைதி²லீம் யேன மாம் ச ரோஷயதா த்⁴ருவம் |
ஆத்மனோ ஜீவித அந்தாய ம்ருʼத்யு த்³வாரம் அபாவ்ருʼதம் || 4-6-26
மம த³யித தமா ஹ்ருʼதா வனாத் ரஜனிசரேண விமத்²ய யேன ஸா |
கத²ய மம ரிபும் தம் அத்³ய வை ப்லவக³பதே யம ஸந்நிதி⁴ம் நயாமி || 4-6-27
இதி வால்மீகி ராமாயணே ஆதி³ காவ்யே கிஷ்கிந்த⁴ காண்டே³ ஷஷ்ட꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
