வால்மீகி ராமாயணே ஆதி³ காவ்யே கிஷ்கிந்த⁴ காண்டே³ த்ருʼதிய꞉ ஸர்க³꞉
வசோ விஜ்ஞாய ஹனுமான் ஸுக்³ரீவஸ்ய மஹாத்மன꞉ |
பர்வதாத் ருʼஷ்யமூகாத் து புப்லுவே யத்ர ராக⁴வௌ || 4-3-1
கபி ரூபம் பரித்யஜ்ய ஹனுமான் மாருதாத்மஜ꞉ |
பி⁴க்ஷு ரூபம் ததோ பே⁴ஜே ஷ²ட²பு³த்³தி⁴தயா கபி꞉ || 4-3-2
தத꞉ ச ஹனுமான் வாசா ஷ்²லக்ஷ்ணயா ஸுமனோஜ்ஞயா |
வினீதவத் உபாக³ம்ய ராக⁴வௌ ப்ரணிபத்ய ச || 4-3-3
அப³பா⁴ஷே ச தௌ வீரௌ யதா²வத் ப்ரஷ²ஷ²ம்ʼஸ ச |
ஸம்பூஜ்ய விதி⁴வத்³ வீரௌ ஹனுமான் வானரோத்தம꞉ || 4-3-4
உவாச காமதோ வாக்யம் ம்ருʼது³ ஸத்ய பராக்ரமௌ |
ராஜர்ஷி தே³வ ப்ரதிமௌ தாபஸௌ ஸம்ʼஷி²த வ்ரதௌ || 4-3-5
தே³ஷ²ம் கத²ம் இமம் ப்ராப்தௌ ப⁴வந்தௌ வர வர்ணினௌ |
த்ராஸயந்தௌ ம்ருʼக³ க³ணான் அன்யாம் ச வன சாரிண꞉ || 4-3-6
பம்பா தீர ருஹான் வ்ருʼக்ஷான் வீக்ஷமாணௌ ஸமந்தத꞉ |
இமாம் நதீ³ம் ஷு²ப⁴ ஜலாம் ஷோ²ப⁴யந்தௌ தரஸ்வினௌ || 4-3-7
தை⁴ர்யவந்தௌ ஸுவர்ணாபௌ⁴ கௌ யுவாம் சீர வாஸஸௌ |
நி꞉ஷ்²வஸந்தௌ வர பு⁴ஜௌ பீட³யந்தௌ இமா꞉ ப்ரஜா꞉ || 4-3-8
ஸிம்ʼஹ விப்ரேக்ஷிதௌ வீரௌ மஹாப³ல பராக்ரமௌ |
ஷ²க்ர சாப நிபே⁴ சாபே க்³ருʼஹீத்வா ஷ²த்ரு நாஷ²னௌ || 4-3-9
ஷ்²ரீமந்தௌ ரூப ஸம்பன்னௌ வ்ருʼஷப⁴ ஷ்²ரேஷ்ட² விக்ரமௌ |
ஹஸ்தி ஹஸ்த உபம பு⁴ஜௌ த்³யுதிமந்தௌ நரர்ஷபௌ⁴ || 4-3- 10
ப்ரப⁴யா பர்வத இந்த்³ர꞉ அஸௌ யுவயோ꞉ அவபா⁴ஸித꞉ |
ராஜ்ய அர்ஹௌ அமர ப்ரக்²யௌ கத²ம் தே³ஷ²ம் இஹ ஆக³தௌ || 4-3-11
பத்³ம பத்ர ஈக்ஷணௌ வீரௌ ஜடா மண்ட³ல தா⁴ரிணௌ |
அன்யோன்ய ஸத்³ருʼஷௌ² வீரௌ தே³வ லோகாத் இஹ ஆக³தௌ || 4-3-12
யத்³ருʼச்ச²யேவ ஸம்ப்ராப்தௌ சந்த்³ர ஸூர்யௌ வஸுந்த⁴ராம் |
விஷா²ல வக்ஷஸௌ வீரௌ மானுஷௌ தே³வ ரூபிணௌ || 4-3-13
ஸிம்ʼஹ ஸ்கந்தௌ⁴ மஹா உத்ஸாஹௌ ஸமதௌ³ இவ கோ³வ்ருʼஷௌ |
ஆயதா꞉ ச ஸுவ்ருʼத்தா꞉ ச பா³ஹவ꞉ பரிகோ⁴பமா꞉ || 4-3-14
ஸர்வ பூ⁴ஷண பூ⁴ஷார்ஹா꞉ கிம் அர்த²ம் ந விபூ⁴ஷிதா꞉ |
உபௌ⁴ யோக்³யௌ அஹம் மன்யே ரக்ஷிதும் ப்ருʼதி²வீம் இமாம் || 4-3-15
ஸ ஸாக³ர வனாம் க்ருʼத்ஸ்னாம் விந்த்⁴ய மேரு விபூ⁴ஷிதாம் |
இமே ச த⁴னுஷீ சித்ரே ஷ்²லக்ஷ்ணே சித்ர அனுலேபனே || 4-3-16
ப்ரகாஷே²தே யதா² இந்த்³ரஸ்ய வஜ்ரே ஹேம விபூ⁴ஷிதே |
ஸம்பூர்ணா꞉ ச ஷி²தை꞉ பா³ணை꞉ தூணா꞉ ச ஷு²ப⁴ த³ர்ஷ²னா꞉ || 4-3-17
ஜீவித அந்தகரை꞉ கோ⁴ரை꞉ ஜ்வலத்³பி⁴꞉ இவ பன்னகை³꞉ |
மஹா ப்ரமாணௌ விபுலௌ தப்த ஹாடக பூ⁴ஷணௌ || 4-3-18
க²ட்³கௌ³ ஏதௌ விராஜேதே நிர்முக்த பு⁴ஜகௌ³ இவ |
ஏவம் மாம் பரிபா⁴ஷந்தம் கஸ்மாத்³ வை ந அபி⁴ பா⁴ஷத꞉ || 4-3-19
ஸுக்³ரீவோ நாம த⁴ர்மாத்மா கஷ்²சித் வானர புங்க³வ꞉ |
வீரோ வினிக்ருʼதோ ப்⁴ராத்ரா ஜக³த் ப்⁴ரமதி து³꞉கி²த꞉ || 4-3-20
ப்ராப்த꞉ அஹம் ப்ரேஷித꞉ தேன ஸுக்³ரீவேண மஹாத்மனா |
ராஜ்ஞா வானர முக்²யானாம் ஹனுமான் நாம வானர꞉ || 4-3-21
யுவாப்⁴யாம் ஸ ஹி த⁴ர்மாத்மா ஸுக்³ரீவ꞉ ஸக்²யம் இச்ச²தி |
தஸ்ய மாம் ஸசிவம் வித்தம் வானரம் பவனாத்மஜம் || 4-3-22
பி⁴க்ஷு ரூப ப்ரதி ச்ச²ன்னம் ஸுக்³ரீவ ப்ரிய காரணாத் |
ருʼஷ்²யமூகாத் இஹ ப்ராப்தம் காமக³ம் காமசாரிணம் || 4-3-23
ஏவம் உக்த்வா து ஹனுமாம் தௌ வீரௌ ராம லக்ஷ்மணௌ |
வாக்யஜ்ஞோ வாக்ய குஷ²ல꞉ புன꞉ ந உவாச கிஞ்சன || 4-3-24
ஏதத் ஷ்²ருத்வா வச꞉ தஸ்ய ராமோ லக்ஷ்மணம் அப்³ரவீத் |
ப்ரஹ்ருʼஷ்ட வத³ன꞉ ஷ்²ரீமான் ப்⁴ராதரம் பார்ஷ்²வத꞉ ஸ்தி²தம் || 4-3-25
ஸசிவோ அயம் கபீந்த்³ரஸ்ய ஸுக்³ரீவஸ்ய மஹாத்மன꞉ |
தம் ஏவ காங்க்ஷமாணஸ்ய மம அந்திகம் இஹ ஆக³த꞉ || 4-3-26
தம் அப்⁴யபா⁴ஷ ஸௌமித்ரே ஸுக்³ரீவ ஸசிவம் கபிம் |
வாக்யஜ்ஞம் மது⁴ரை꞉ வாக்யை꞉ ஸ்னேஹ யுக்தம் அரிந்த³ம || 4-3-27
ந அன் ருʼக்³வேத³ வினீதஸ்ய ந அ\-\-யஜுர்வேத³ தா⁴ரிண꞉ |
ந அ\-\-ஸாம வேத³ விது³ஷ꞉ ஷ²க்யம் ஏவம் விபா⁴ஷிதும் || 4-3-28
நூனம் வ்யகரணம் க்ருʼத்ஸ்னம் அனேன ப³ஹுதா⁴ ஷ்²ருதம் |
ப³ஹு வ்யாஹரதா அனேன ந கிஞ்சித் அப ஷ²ப்³தி³தம் || 4-3-29
ந முகே² நேத்ரயோ꞉ ச அபி லலாடே ச ப்⁴ருவோ꞉ ததா² |
அன்யேஷு அபி ச ஸர்வேஷு தோ³ஷ꞉ ஸம்ʼவிதி³த꞉ க்வசித் || 4-3-30
அவிஸ்தரம் அஸந்தி³க்³த⁴ம் அவிளம்பி³தம் அவ்யத²ம் |
உர꞉ஸ்த²ம் கண்ட²க³ம் வாக்யம் வர்ததே மத்⁴யமே ஸ்வரம் || 4-3-31
ஸம்ʼஸ்கார க்ரம ஸம்பன்னாம் அத்³பு⁴தாம் அவிளம்பி³தாம் |
உச்சாரயதி கல்யாணீம் வாசம் ஹ்ருʼத³ய ஹர்ஷிணீம் || 4-3-32
அனயா சித்ரயா வாசா த்ரிஸ்தா²ன வ்யஞ்ஜனஸ்த²யா꞉ |
கஸ்ய ந ஆராத்⁴யதே சித்தம் உத்³யத் அஸே அரே꞉ அபி || 4-3-33
ஏவம் விதோ⁴ யஸ்ய தூ³தோ ந ப⁴வேத் பார்தி²வஸ்ய து |
ஸித்³த்⁴யந்தி ஹி கத²ம் தஸ்ய கார்யாணாம் க³தயோ(அ)னக⁴ || 4-3-34
ஏவம் கு³ண க³ணைர் யுக்தா யஸ்ய ஸ்யு꞉ கார்ய ஸாத⁴கா꞉ |
தஸ்ய ஸித்³த்⁴யந்தி ஸர்வே(அ)ர்தா² தூ³த வாக்ய ப்ரசோதி³தா꞉ || 4-3-35
ஏவம் உக்த꞉ து ஸௌமித்ரி꞉ ஸுக்³ரீவ ஸசிவம் கபிம் |
அப்⁴யபா⁴ஷத வாக்யஜ்ஞோ வாக்யஜ்ஞம் பவனாத்மஜம் || 4-3-36
விதி³தா நௌ கு³ணா வித்³வன் ஸுக்³ரீவஸ்ய மஹாத்மன꞉ |
தம் ஏவ ச அவாம் மார்கா³வ꞉ ஸுக்³ரீவம் ப்லவகே³ஷ்²வரம் || 4-3-37
யதா² ப்³ரவீஷி ஹனுமான் ஸுக்³ரீவ வசநாத்³ இஹ |
தத் ததா² ஹி கரிஷ்யாவோ வசனாத் தவ ஸத்தம || 4-3-38
தத் தஸ்ய வாக்யம் நிபுணம் நிஷ²ம்ய
ப்ரஹ்ருʼஷ்ட ரூப꞉ பவனாத்மஜ꞉ கபி꞉ |
மன꞉ ஸமாதா⁴ய ஜய உபபத்தௌ
ஸக்²யம் ததா³ கர்தும் இயேஷ தாப்⁴யாம் || 4-3-39
இதி வால்மீகி ராமாயணே ஆதி³ காவ்யே கிஷ்கிந்த⁴ காண்டே³ த்ருʼதிய꞉ ஸர்க³꞉ ||
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
