வால்மீகி ராமாயணே ஆதி³ காவ்யே அரண்ய காண்டே³ அஷ்ட ஷஷ்டிதம꞉ ஸர்க³꞉
ராம꞉ ப்ரேக்ஷ்ய து தம் க்³ருʼத்⁴ரம் பு⁴வி ரௌத்³ரேண பாதிதம் |
ஸௌமித்ரிம் மித்ர ஸம்ʼபந்நம் இத³ம் வசநம் அப்³ரவீத் || 3-68-1
மம அயம் நூநம் அர்தே²ஷு யதமாநோ விஹம்ʼக³ம꞉ |
ராக்ஷஸேந ஹத꞉ ஸம்ʼக்²யே ப்ராணான் த்யஜதி மத் க்ருʼதே || 3-68-2
அதி கி²ந்ந꞉ ஷ²ரீரே அஸ்மின் ப்ராணோ லக்ஷ்மண வித்³யதே |
ததா² ஸ்வர விஹீநோ அயம் விக்லவம் ஸமுதீ³க்ஷதே || 3-68-3
ஜடாயோ யதி³ ஷ²க்நோஷி வாக்யம் வ்யாஹரிதும் புந꞉ |
ஸீதாம் ஆக்²யாஹி ப⁴த்³ரம் தே வத⁴ம் ஆக்²யாஹி ச ஆத்மந꞉ || 3-68-4
கிம் நிமித்தோ ஜஹார ஆர்யாம் ராவண꞉ தஸ்ய கிம் மயா |
அபராத⁴ம் து யம் த்³ருʼஷ்ட்வா ராவணேந ஹ்ருʼதா ப்ரியா || 3-68-5
கத²ம் தத் சந்த்³ர ஸம்ʼகாஷ²ம் முக²ம் ஆஸீத் மநோஹரம் |
ஸீதயா காநி ச உக்தாநி தஸ்மின் காலே த்³விஜோத்தம || 3-68-6
கத²ம் வீர்ய꞉ கத²ம் ரூப꞉ கிம் கர்மா ஸ ச ராக்ஷஸ꞉ |
க்வ ச அஸ்ய ப⁴வநம் தாத ப்³ரூஹி மே பரிப்ருʼச்ச²த꞉ || 3-68-7
தம் உத்³வீக்ஷ்ய ஸ꞉ த⁴ர்மாத்மா விளபந்தம் அநாத²வத் |
வாசா விக்லவயா ராமம் இத³ம் வசநம் அப்³ரவீத் || 3-68-8
ஸா ஹ்ருʼதா ராக்ஷஸேந்த்³ரேண ராவணேந து³ராத்மநா |
மாயாம் ஆஸ்தா²ய விபுலாம் வாத து³ர்தி³ந ஸம்ʼகுலாம் || 3-68-9
பரிக்லாம்ʼதஸ்ய மே தாத பக்ஷௌ சித்த்வா நிஷா²சர꞉ |
ஸீதாம் ஆதா³ய வைதே³ஹீம் ப்ரயாதோ த³க்ஷிணா முக²꞉ || 3-68-10
உபருத்⁴யந்தி மே ப்ராணா த்³ருʼஷ்டிர் ப்⁴ரமதி ராக⁴வ |
பஷ்²யாமி வ்ருʼக்ஷான் ஸௌவர்ணான் உஷீ²ர க்ருʼத மூர்த⁴ஜான் || 3-68-11
யேந யாதி முஹூர்தேந ஸீதாம் ஆதா³ய ராவண꞉ |
விப்ரநஷ்டம் த⁴நம் க்ஷிப்ரம் தத் ஸ்வாமி ப்ரதிபத்³யதே || 3-68-12
விந்தோ³ நாம முஹூர்தோ அஸௌ ஸ ச காகுத்ஸ்த² ந அபு³த⁴த் |
த்வத் ப்ரியாம் ஜாநகீம் ஹ்ருʼத்வா ராவணோ ராக்ஷஸேஷ்²வர |
ஜ²ஷவத் ப³டி³ஷ²ம் க்³ருʼஹ்ய க்ஷிப்ரம் ஏவ விநஷ்²யதி || 3-68-13
ந ச த்வயா வ்யதா² கார்யா ஜநகஸ்ய ஸுதாம் ப்ரதி |
வைதே³ஹ்யா ரம்ʼஸ்யஸே க்ஷிப்ரம் ஹத்வா தம் ரணமூர்த⁴நி || 3-68-14
அஸம்ʼமூட⁴ஸ்ய க்³ருʼத்⁴ரஸ்ய ராமம் ப்ரதி அநுபா⁴ஷத꞉ |
ஆஸ்யாத் ஸுஸ்ராவ ருதி⁴ரம் ம்ரியமாணஸ்ய ஸ அமிஷம் || 3-68-15
புத்ரோ விஷ்²ரவஸ꞉ ஸாக்ஷாத் ப்⁴ராதா வைஷ்²ரவணஸ்ய ச |
இதி உக்த்வா து³ர்லபா⁴ன் ப்ராணான் முமோச பதகே³ஷ்²வர꞉ || 3-68-16
ப்³ரூஹி ப்³ரூஹி இதி ராமஸ்ய ப்³ருவாணஸ்ய க்ருʼதாம்ʼஜலே꞉ |
த்யக்த்வா ஷ²ரீரம் க்³ருʼத்⁴ரஸ்ய ஜக்³மு꞉ ப்ராணா விஹாயஸம் || 3-68-17
ஸ நிக்ஷிப்ய ஷி²ரோ பூ⁴மௌ ப்ரஸார்ய சரணௌ ததா³ |
விக்ஷிப்ய ச ஷ²ரீரம் ஸ்வம் பபாத த⁴ரணீ தலே || 3-68-18
தம் க்³ருʼத்⁴ரம் ப்ரேக்ஷ்ய தாம்ர அக்ஷம் க³த அஸும் அசலோபமம் |
ராம꞉ ஸு ப³ஹுபி⁴꞉ து³ஹ்கை²꞉ தீ³ந꞉ ஸௌமித்ரிம் அப்³ரவீத் || 3-68-19
ப³ஹூநி ரக்ஷஸாம் வாஸே வர்ஷாணி வஸதா ஸுக²ம் |
அநேந த³ண்ட³காரண்யே விஷீ²ர்ணம் இஹ பக்ஷிணா || 3-68-20
அநேக வார்ஷிகோ ய꞉ து சிர கால ஸமுத்தி²த꞉ |
ஸோ அயம் அத்³ய ஹத꞉ ஷே²தே காலோ ஹி து³ர்அதிக்ரம꞉ || 3-68-21
பஷ்²ய லக்ஷ்மண க்³ருʼத்⁴ரோ அயம் உபகாரீ ஹத꞉ ச மே |
ஸீதாம் அப்⁴யவபந்நோ ஹி ராவணேந ப³லீயஸா || 3-68-22
க்³ருʼத்⁴ர ராஜ்யம் பரித்யஜ்ய பித்ருʼ பைதாமஹம் மஹத் |
மம ஹேதோ꞉ அயம் ப்ராணான் முமோச பதகே³ஷ்²வர꞉ || 3-68-23
ஸர்வத்ர க²லு த்³ருʼஷ்²யந்தே ஸாத⁴வோ த⁴ர்ம சாரிண꞉ |
ஷூ²ரா꞉ ஷ²ரண்யா꞉ ஸௌமித்ரே திர்யக் யோநி க³தேஷு அபி || 3-68-24
ஸீதா ஹரணஜம்ʼ து³꞉க²ம் ந மே ஸௌம்ய ததா² க³தம் |
யதா² விநாஷோ² க்³ருʼத்⁴ரஸ்ய மத் க்ருʼதே ச பரம்ʼதப || 3-68-25
ராஜா த³ஷ²ரத²꞉ ஷ்²ரீமான் யதா² மம மயா யஷா²꞉ |
பூஜநீய꞉ ச மாந்ய꞉ ச ததா² அயம் பதகே³ஷ்²வர꞉ || 3-68-26
ஸௌமித்ரே ஹர காஷ்டா²நி நிர்மதி²ஷ்யாமி பாவகம் |
க்³ருʼத்⁴ர ராஜம் தி³த⁴க்ஷாமி மத் க்ருʼதே நித⁴நம் க³தம் || 3-68-27
நாத²ம் பதக³ லோகஸ்ய சிதாம் ஆரோபயாமி அஹம் |
இமம் த⁴க்ஷ்யாமி ஸௌமித்ரே ஹதம் ரௌத்³ரேண ரக்ஷஸா || 3-68-28
யா க³தி꞉ யஜ்ஞ ஷீ²லாநாம் ஆஹித அக்³நே꞉ ச யா க³தி꞉ |
அ பர ஆவர்திநாம் யா ச யா ச பூ⁴மி ப்ரதா³யிநாம் || 3-68-29
மயா த்வம் ஸமநுஜ்ஞாதோ க³ச்ச² லோகான் அநுத்தமான் |
க்³ருʼத்⁴ர ராஜ மஹா ஸத்த்வ ஸம்ʼஸ்க்ருʼத꞉ ச மயா வ்ரஜ || 3-68-30
ஏவம் உக்த்வா சிதாம் தீ³ப்தாம் ஆரோப்ய பதகே³ஷ்²வரம் |
த³தா³ஹ ராமோ த⁴ர்மாத்மா ஸ்வ ப³ந்து⁴ம் இவ து³꞉கி²த꞉ || 3-68-31
ராமோ அத² ஸஹ ஸௌமித்ரி꞉ வநம் யாத்வா ஸ வீர்யவான் |
ஸ்தூ²லான் ஹத்வா மஹா ரோஹீன் அநு தஸ்தார தம் த்³விஜம் || 3-68-32
ரோஹி மாம்ʼஸாநி ச உத்³த்⁴ருʼத்ய பேஷீ² க்ருʼத்வா மஹாயஷா²꞉ |
ஷ²குநாய த³தௌ³ ராமோ ரம்யே ஹரித ஷா²த்³வலே || 3-68-33
யத் தத் ப்ரேதஸ்ய மர்த்யஸ்ய கத²யந்தி த்³விஜாதய꞉ |
தத் ஸ்வர்க³ க³மநம் பித்ர்யம் க்ஷிப்ரம் ராமோ ஜஜாப ஹ || 3-68-34
ததோ கோ³தா³வரீம் க³த்வா நதீ³ம் நர வர ஆத்மஜௌ |
உத³கம் சக்ரது꞉ தஸ்மை க்³ருʼத்⁴ர ராஜாய தௌ உபௌ⁴ || 3-68-35
ஷா²ஸ்த்ர த்³ருʼஷ்டேந விதி⁴நா ஜலே க்³ருʼதா⁴ய ராக⁴வௌ |
ஸ்நாத்வா தௌ க்³ருʼத்⁴ர ராஜாய உத³கம் சக்ரு꞉ ததா³ || 3-68-36
ஸ க்³ருʼத்⁴ர ராஜ꞉ க்ருʼதவான் யஷ²ஸ்கரம்
ஸு து³ஷ்கரம் கர்ம ரணே நிபாதித꞉ |
மஹர்ஷி கல்பேந ச ஸம்ʼஸ்க்ருʼத꞉ ததா³
ஜகா³ம புண்யாம் க³திம் ஆத்மந꞉ ஷு²பா⁴ம் || 3-68-37
க்ருʼதோத³கௌ தௌ அபி பக்ஷி ஸத்தமே
ஸ்தி²ராம் ச பு³த்³தி⁴ம் ப்ரணிதா⁴ய ஜக்³முது꞉ |
ப்ரவேஷ்²ய ஸீதா அதி⁴க³மநே ததோ மநோ
வநம் ஸுரேந்த்³ரௌ இவ விஷ்ணு வாஸவௌ || 3-68-38
இதி வால்மீகி ராமாயணே ஆதி³ காவ்யே அரண்ய காண்டே³ அஷ்ட ஷஷ்டிதம꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
