வால்மீகி ராமாயணே ஆதி³ காவ்யே அரண்ய காண்டே³ ஷஷ்டிதம꞉ ஸர்க³꞉
ப்⁴ருʼஷ²ம் ஆவ்ரஜமாநஸ்ய தஸ்ய அதோ⁴ வாம லோசநம் |
ப்ராஸ்பு²ரத் ச அஸ்க²லத் ராமோ வேபது²꞉ ச அஸ்ய ஜாயதே || 3-60-1
உபாலக்ஷ்ய நிமித்தாநி ஸோ அஷு²பா⁴நி முஹுர் முஹு꞉ |
அபி க்ஷேமம் து ஸீதாயா இதி வை வ்யாஜஹார ஹ || 3-60-2
த்வரமாணோ ஜகா³ம அத² ஸீதா த³ர்ஷ²ந லாலஸ꞉ |
ஷூ²ந்யம் ஆவஸத²ம் த்³ருʼஷ்ட்வா ப³பூ⁴வ உத்³விக்³ந மாநஸ꞉ || 3-60-3
உத்³ ப்⁴ரமன் இவ வேகே³ந விக்ஷிபன் ரகு⁴ நந்த³ந꞉ |
தத்ர தத்ர உடஜ ஸ்தா²நம் அபி⁴வீக்ஷ்ய ஸமம்ʼதத꞉ || 3-60-4
த³த³ர்ஷ² பர்ண ஷா²லாம் ச ஸீதயா ரஹிதாம் ததா³ |
ஷ்²ரியா விரஹிதாம் த்⁴வஸ்தாம் ஹேமந்தே பத்³மிநீம் இவ || 3-60-5
ருத³ந்தம் இவ வ்ருʼக்ஷை꞉ ச க்³ளாந புஷ்ப ம்ருʼக³ த்³விஜம் |
ஷ்²ரியா விஹீநம் வித்⁴வஸ்தம் ஸம்ʼத்யக்த வந தை³வதை꞉ || 3-60-6
விப்ரகீர்ண அஜிந குஷ²ம் விப்ரவித்³த⁴ ப்³ருʼஸீ கடம் |
த்³ருʼஷ்ட்வா ஷூ²ந்ய உடஜ ஸ்தா²நம் விளலாப புந꞉ புந꞉ || 3-60-7
ஹ்ருʼதா ம்ருʼதா வா நஷ்டா வா ப⁴க்ஷிதா வா ப⁴விஷ்யதி |
நிலீநா அபி அத²வா பீ⁴ரு꞉ அத²வா வநம் ஆஷ்²ரிதா || 3-60-8
க³தா விசேதும் புஷ்பாணி ப²லாநி அபி ச வா புந꞉ |
அத²வா பத்³மிநீம் யாதா ஜல அர்த²ம் வா நதீ³ம் க³தா || 3-60-9
யத்நாத் ம்ருʼக³யமாண꞉ து ந ஆஸஸாத³ வநே ப்ரியாம் |
ஷோ²க ரக்த ஈக்ஷண꞉ ஷ்²ரீமான் உந்மத்த இவ லக்ஷ்யதே || 3-60-10
வ்ருʼக்ஷாத் வ்ருʼக்ஷம் ப்ரதா⁴வன் ஸ கி³ரீம் ச அபி நதீ³ நத³ம் |
ப³ப்⁴ராம விளபன் ராம꞉ ஷோ²க பம்ʼக அர்ணவ ப்லுத꞉ || 3-60-11
அஸ்தி கச்சித் த்வயா த்³ருʼஷ்டா ஸா கத³ம்ப³ ப்ரியா ப்ரியா |
கத³ம்ப³ யதி³ ஜாநீஷே ஷ²ம்ʼஸ ஸீதாம் ஷு²ப⁴ ஆநநாம் || 3-60-12
ஸ்நிக்³த⁴ பல்லவ ஸம்ʼகாஷா²ம் பீத கௌஷே²ய வாஸிநீம் |
ஷ²ம்ʼஸஸ்வ யதி³ ஸா த்³ருʼஷ்டா பி³ல்வ பி³ல்வ உபம ஸ்தநீ || 3-60-13
அத²வா அர்ஜுந ஷ²ம்ʼஸ த்வம் ப்ரியாம் தாம் அர்ஜுந ப்ரியாம் |
ஜநகஸ்ய ஸுதா தந்வீ யதி³ ஜீவதி வா ந வா || 3-60-14
ககுப⁴꞉ ககுப⁴ ஊரும் தாம் வ்யக்தம் ஜாநாதி மைதி²லீம் |
லதா பல்லவ புஷ்ப ஆட்⁴யோ பா⁴தி ஹி ஏஷ வநஸ்பதி꞉ || 3-60-15
ப்⁴ரமரைர் உபகீ³த꞉ ச யதா² த்³ரும வரோ ஹி அஸி |
ஏஷ வ்யக்தம் விஜாநாதி திலக꞉ திலக ப்ரியாம் || 3-60-16
அஷோ²க ஷோ²க அபநுத³ ஷோ²க உபஹத சேதநம் |
த்வன் நாமாநம் குரு க்ஷிப்ரம் ப்ரியா ஸம்ʼத³ர்ஷ²நேந மாம் || 3-60-17
யதி³ தால த்வயா த்³ருʼஷ்டா பக்வ தால ப²ல ஸ்தநீ |
கத²யஸ்வ வராரோஹாம் காருண்யம் யதி³ தே மயி || 3-60-18
யதி³ த்³ருʼஷ்டா த்வயா ஸீதா ஜம்போ³ ஜாம்ʼபூ³நத³ ஸம ப்ரபா⁴ |
ப்ரியாம் யதி³ விஜாநாஸி நி꞉ஷ²ம்ʼக கத²யஸ்வ மே || 3-60-19
அஹோ த்வம் கர்ணிகார அத்³ய புஷ்பித꞉ ஷோ²ப⁴ஸே ப்⁴ருʼஷ²ம் |
கர்ணிகார ப்ரியாம் ஸாத்⁴வீம் ஷ²ம்ʼஸ த்³ருʼஷ்டா யதி³ ப்ரியா || 3-60-20
சூத நீப மஹா ஸாலான் பநஸான் குரவான் த⁴வான் |
தா³டி³மான் அபி தான் க³த்வா த்³ருʼஷ்ட்வா ராமோ மஹாயஷா²꞉ || 3-60-21
ப³குலான் அத² புந்நாகா³ன் ச சம்ʼத³நாந்கேதகான் ததா² |
ப்ருʼச்ச²ன் ராமோ வநே ப்⁴ராந்த உந்மத்த இவ லக்ஷ்யதே || 3-60-22
அத²வா ம்ருʼக³ ஷா²ப³ அக்ஷீம் ம்ருʼக³ ஜாநாஸி மைதி²லீம் |
ம்ருʼக³ விப்ரேக்ஷணீ காம்ʼதா ம்ருʼகீ³பி⁴꞉ ஸஹிதா ப⁴வேத் || 3-60-23
க³ஜ ஸா க³ஜ நாஸோரு꞉ யதி³ த்³ருʼஷ்டா த்வயா ப⁴வேத் |
தாம் மந்யே விதி³தாம் துப்⁴யம் ஆக்²யாஹி வர வாரண || 3-60-24
ஷா²ர்தூ³ள யதி³ ஸா த்³ருʼஷ்டா ப்ரியா சம்ʼத்³ர நிப⁴ ஆநநா |
மைதி²லீ மம விஸ்ரப்³த⁴ம் கத²யஸ்வ ந தே ப⁴யம் || 3-60-25
கிம் தா⁴வஸி ப்ரியே நூநம் த்³ருʼஷ்டா அஸி கமல ஈக்ஷணே |
வ்ருʼக்ஷேண ஆச்சாத்³ய ச ஆத்மாநம் கிம் மாம் ந ப்ரதிபா⁴ஷஸே || 3-60-26
திஷ்ட² திஷ்ட² வராரோஹே ந தே அஸ்தி கருணா மயி |
ந அத்யர்த²ம் ஹாஸ்ய ஷீ²லா அஸி கிம் அர்த²ம் மாம் உபேக்ஷஸே || 3-60-27
பீத கௌஷே²யகேந அஸி ஸூசிதா வர வர்ணிநி |
தா⁴வந்தி அபி மயா த்³ருʼஷ்டா திஷ்ட² யதி³ அஸ்தி ஸௌஹ்ருʼத³ம் || 3-60-28
ந ஏவ ஸா நூநம் அத²வா ஹிம்ʼஸிதா சாரு ஹாஸிநீ |
க்ருʼச்ச்²ரம் ப்ராப்தம் ந மாம் நூநம் யதா² உபேக்ஷிதும் அர்ஹதி || 3-60-29
வ்யக்தம் ஸா ப⁴க்ஷிதா பா³லா ராக்ஷஸை꞉ பிஷி²த அஷ²நை꞉ |
விப⁴ஜ்ய அம்ʼகா³நி ஸர்வாணி மயா விரஹிதா ப்ரியா || 3-60-30
நூநம் தத் ஷு²ப⁴ த³ம்ʼத ஓஷ்ட²ம் ஸுநாஸம் ஷு²ப⁴ குண்ட³லம் |
பூர்ண சம்ʼத்³ர நிப⁴ம் க்³ரஸ்தம் முக²ம் நிஷ்ப்ரப⁴தாம் க³தம் || 3-60-31
ஸா ஹி சம்ʼபக வர்ண ஆபா⁴ க்³ரீவா க்³ரைவேயக உசிதா |
கோமளா விளபந்த்யா꞉ து காந்தாயா ப⁴க்ஷிதா ஷு²பா⁴ || 3-60-32
நூநம் விக்ஷிப்யமாணௌ தௌ பா³ஹூ பல்லவ கோமளௌ |
ப⁴க்ஷிதௌ வேபமாந அக்³ரௌ ஸ ஹஸ்த ஆப⁴ரண அம்ʼக³தௌ³ || 3-60-33
மயா விரஹிதா பா³லா ரக்ஷஸாம் ப⁴க்ஷணாய வை |
ஸார்தே²ந இவ பரித்யக்தா ப⁴க்ஷிதா ப³ஹு பா³ம்ʼத⁴வா || 3-60-34
ஹா லக்ஷ்மண மஹாபா³ஹோ பஷ்²யஸே த்வம் ப்ரியாம் க்வசித் |
ஹா ப்ரியே க்வ க³தா ப⁴த்³ரே ஹா ஸீதே இதி புந꞉ புந꞉ || 3-60-35
இதி ஏவம் விளபன் ராம꞉ பரிதா⁴வன் வநாத் வநம் |
க்வசித் உத்³ ப்⁴ரமதே வேகா³த் க்வசித் விப்⁴ரமதே ப³லாத் || 3-60-36
க்வசித் மத்த இவ ஆபா⁴தி காம்ʼதா அந்வேஷண தத்பர꞉ |
ஸ வநாநி நதீ³꞉ ஷை²லான் கி³ரி ப்ரஸ்ரவணாநி ச |
காநநாநி ச வேகே³ந ப்⁴ரமதி அபரிஸம்ʼஸ்தி²த꞉ || 3-60-37
ததா³ ஸ க³த்வா விபுலம் மஹத் வநம்
பரீத்ய ஸர்வம் து அத² மைதி²லீம் ப்ரதி |
அநிஷ்டி²த ஆஷ²꞉ ஸ சகார மார்க³ணே
புந꞉ ப்ரியாயா꞉ பரமம் பரிஷ்²ரமம் || 3-60-38
இதி வால்மீகி ராமாயணே ஆதி³ காவ்யே அரண்ய காண்டே³ ஷஷ்டிதம꞉ ஸர்க³꞉
Source: https://valmikiramayan.pcriot.com/
Converted to Tamil Script using Aksharamukha :
Script Converter: http://aksharamukha.appspot.com/converter
