வால்மீகி ராமாயணே ஆதி³ காவ்யே அரண்ய காண்டே³ ஷட் பம்ʼசாஷ²꞉ ஸர்க³꞉
ஸா ததா² உக்தா து வைதே³ஹீ நிர்ப⁴யா ஷோ²க கர்ஷி²தா |
த்ருʼணம் அந்தரத꞉ க்ருʼத்வா ராவணம் ப்ரதி அபா⁴ஷத || 3-56-1
ராஜா த³ஷ²ரதோ² நாம த⁴ர்ம ஸேது꞉ இவ அசல꞉ |
ஸத்ய ஸந்த⁴꞉ பரிஜ்ஞாதோ யஸ்ய புத்ர꞉ ஸ ராக⁴வ꞉ || 3-56-2
ராமோ நாம ஸ த⁴ர்மாத்மா த்ரிஷு லோகேஷு விஷ்²ருத꞉ |
தீ³ர்க⁴ பா³ஹு꞉ விஷா²லாக்ஷோ தை³வதம் ஸ பதி꞉ மம || 3-56-3
இக்ஷ்வாகூணாம் குலே ஜாத꞉ ஸிம்ʼஹ ஸ்கந்தோ⁴ மஹாத்³யுதி꞉ |
லக்ஷ்மணேந ஸஹ ப்⁴ராத்ரா ய꞉ தே ப்ராணான் ஹரிஷ்யதி || 3-56-4
ப்ரத்யக்ஷம் யதி³ அஹம் தஸ்ய த்வயா ஸ்யாம் த⁴ர்ஷிதா ப³லாத் |
ஷ²யிதா த்வம் ஹத꞉ ஸம்ʼக்²யே ஜநஸ்தா²நே யதா² க²ர꞉ || 3-56-5
ய ஏதே ராக்ஷஸா꞉ ப்ரோக்தா கோ⁴ர ரூபா மஹாப³லா꞉ |
ராக⁴வே நிர்விஷா꞉ ஸர்வே ஸுபர்ணே பந்நகா³ யதா² || 3-56-6
தஸ்ய ஜ்யா விப்ரமுக்தா꞉ தே ஷ²ரா꞉ காம்ʼசந பூ⁴ஷணா꞉ |
ஷ²ரீரம் வித⁴மிஷ்யந்தி க³ம்ʼகா³ கூலம் இவ ஊர்மய꞉ || 3-56-7
அஸுரை꞉ வா ஸுரை꞉ வா த்வம் யதி³ அவத்⁴யோ அஸி ராவண |
உத்பாத்³ய ஸுமஹத் வைரம் ஜீவன் தஸ்ய ந மோக்ஷ்யஸே || 3-56-8
ஸ தே ஜீவித ஷே²ஷஸ்ய ராக⁴வோ அந்த கரோ ப³லீ |
பஷோ²꞉ யூப க³தஸ்ய இவ ஜீவிதம் தவ து³ர்லப⁴ம் || 3-56-9
யதி³ பஷ்²யேத் ஸ ராம꞉ த்வாம் ரோஷ தீ³ப்தேந சக்ஷுஷா |
ரக்ஷ꞉ த்வம் அத்³ய நிர்த³க்³தோ⁴ யதா² ருத்³ரேண மந்மத⁴꞉ || 3-56-10
ய꞉ சந்த்³ரம் நப⁴ஸோ பூ⁴மௌ பாதயேன் நாஷ²யேத வா |
ஸாக³ரம் ஷோ²ஷயேத் வா அபி ஸ ஸீதாம் மோசயேத் இஹ || 3-56-11
க³த ஆயு꞉ த்வம் க³த ஷ்²ரீக꞉ க³த ஸத்த்வோ க³த இந்த்³ரிய꞉ |
லம்ʼகா வைத⁴வ்ய ஸம்ʼயுக்தா த்வத் க்ருʼதேந ப⁴விஷ்யதி || 3-56-12
ந தே பாபம் இத³ம் கர்ம ஸுக² உத³ர்கம் ப⁴விஷ்யதி |
யா அஹம் நீதா விநா பா⁴வம் பதி பார்ஷ்²வாத் த்வயா வநாத் || 3-56-13
ஸ ஹி தே³வர - தை³வத - ஸம்ʼயுக்தோ மம ப⁴ர்தா மஹாத்³யுதி꞉ |
நிர்ப⁴யோ வீர்யம் ஆஷ்²ரித்ய ஷூ²ந்யே வஸதி த³ண்ட³கே || 3-56-14
ஸ தே வீர்யம் த³ர்பம் ப³லம் உத்ஸேகம் ச ததா² வித⁴ம் |
அபநேஷ்யதி கா³த்ரேப்⁴ய꞉ ஷ²ர வர்ஷேண ஸம்ʼயுகே³ || 3-56-15
யதா³ விநாஷோ² பூ⁴தாநாம் த்³ருʼஷ்²யதே கால சோதி³த꞉ |
ததா³ கார்யே ப்ரமாத்³யந்தி நரா꞉ கால வஷ²ம் க³தா꞉ || 3-56-16
மாம் ப்ரத்⁴ருʼஷ்ய ஸ தே கால꞉ ப்ராப்தோ அயம் ரக்ஷஸ அத⁴ம |
ஆத்மநோ ராக்ஷஸாநாம் ச வதா⁴ய அந்த꞉ புரஸ்ய ச || 3-56-17
ந ஷ²க்யா யஜ்ஞ மத்⁴யஸ்தா² வேதி³꞉ ஸ்ருக் பா⁴ண்ட³ மண்டி³தா |
த்³விஜாதி மம்ʼத்ர ஸம்ʼபூதா சண்டா³லேந அவமர்தி³தும் || 3-56-18
ததா² அஹம் த⁴ர்ம நித்யஸ்ய த⁴ர்ம பத்நீ த்³ருʼட⁴ வ்ரதா |
த்வயா ஸம்ʼப்ரஷ்டும் ந ஷ²க்யா அஹம் ராக்ஷஸாத⁴ம பாபிநா || 3-56-19
க்ரீட³ந்தீ ராஜ ஹம்ʼஸேந பத்³ம ஷம்ˮடே³ஷு நித்யஷ²꞉ |
ஹம்ʼஸீ ஸா த்ருʼண ஷண்ட³ஸ்த²ம் கத²ம் த்³ரக்ஷேத மத்³கு³கம் || 3-56-20
இத³ம் ஷ²ரீரம் நி꞉ஸம்ʼஜ்ஞம் ப³ந்த⁴ வா கா⁴தயஸ்வ வா |
ந இத³ம் ஷ²ரீரம் ரக்ஷ்யம் மே ஜீவிதம் வா அபி ராக்ஷஸ || 3-56-21
ந து ஷ²க்யாமி உபக்ரோஷ²ம் ப்ருʼதி²வ்யாம் தா⁴தும் ஆத்மந꞉ |
ஏவம் உக்த்வா து வைதே³ஹீ க்ரோத்³தா⁴த் ஸு பருஷம் வச꞉ || 3-56-22
ராவணம் மைதி²லீ தத்ர புந꞉ ந உவாச கிம்ʼசந |
ஸீதாயா வசநம் ஷ்²ருத்வா பருஷம் ரோம ஹர்ஷணம் || 3-56-23
ப்ரதி உவாச தத꞉ ஸீதாம் ப⁴ய ஸம்ʼத³ர்ஷ²நம் வச꞉ |
ஷ்²ருʼணு மைதி²லி மத் வாக்யம் மாஸான் த்³வாத³ஷ² பா⁴மிநி || 3-56-24
காலேந அநேந ந அப்⁴யேஷி யதி³ மாம் சாரு ஹாஸிநி |
தத꞉ த்வாம் ப்ராத꞉ ஆஷா² அர்த²ம் ஸூதா³꞉ சே²த்ஸ்யந்தி லேஷ²ஷ²꞉ || 3-56-25
இதி உக்த்வா பருஷம் வாக்யம் ராவண꞉ ஷ²த்ரு ராவண꞉ |
ராக்ஷஸீ꞉ ச தத꞉ க்ருத்³த⁴ இத³ம் வசநம் அப்³ரவீத் || 3-56-26
ஷீ²க்⁴ரம் ஏவ ஹி ராக்ஷஸ்யோ விக்ருʼதா கோ⁴ர த³ர்ஷ²நா꞉ |
த³ர்பம் அஸ்யா அபநேஷ்யந்து மாம்ʼஸ ஷோ²ணித போ⁴ஜநா꞉ || 3-56-27
வசநாத் ஏவ தா꞉ தஸ்ய விக்ருʼதா கோ⁴ர த³ர்ஷ²நா꞉ |
க்ருʼத ப்ராம்ʼஜலயோ பூ⁴த்வா மைதி²லீம் பர்யவாரயன் || 3-56-28
ஸ தா꞉ ப்ரோவாச ராஜா து ராவணோ கோ⁴ர த³ர்ஷ²நா꞉ |
ப்ரசால்ய சரண உத்கர்ஷை꞉ தா³ரயன் இவ மேதி³நீம் || 3-56-29
அஷோ²க வநிகா மத்⁴யே மைதி²லீ நீயதாம் இதி |
தத்ர இயம் ரக்ஷ்யதாம் கூ³ட⁴ம் யுஷ்மாபி⁴꞉ பரிவாரிதா || 3-56-30
தத்ர ஏநாம் தர்ஜநை꞉ கோ⁴ரை꞉ புந꞉ ஸாம்ʼத்வை꞉ ச மைதி²லீம் |
ஆநயத்⁴வம் வஷ²ம் ஸர்வா வந்யாம் க³ஜ வதூ⁴ம் இவ || 3-56-31
இதி ப்ரதி ஸமாதி³ஷ்டா ராக்ஷஸ்யோ ராவணேந தா꞉ |
அஷோ²க வநிகாம் ஜக்³மு꞉ மைதி²லீம் பரிக்³ருʼஹ்ய து || 3-56-32
ஸர்வகாமப²லைர்வ்ருʼக்ஷைர்நாநாபுஷ்பப²லைர்வ்ருʼதாம் - யத்³வா -
ஸர்வ காம ப²லை꞉ வ்ருʼக்ஷை꞉ நாநா புஷ்ப ப²லை꞉ வ்ருʼதாம் |
ஸர்வ கால மதை³꞉ ச அபி த்³விஜை꞉ ஸமுபஸேவிதாம் || 3-56-33
ஸா து ஷோ²க பரீத அம்ʼகீ³ மைதி²லீ ஜநகாத்மஜா |
ராக்ஷஸீ வஷ²ம் ஆபந்நா வ்யாக்⁴ரீணாம் ஹரிணீ யதா² || 3-56-34
ஷோ²கேந மஹதா க்³ரஸ்தா மைதி²லீ ஜநகாத்மஜா |
ந ஷ²ர்ம லப⁴தே பீ⁴ரு꞉ பாஷ² ப³த்³தா⁴ ம்ருʼகீ³ யதா² || 3-56-35
ந விந்த³தே தத்ர து ஷ²ர்ம மைதி²லீ
விரூப நேத்ராபி⁴꞉ அதீவ தர்ஜிதா |
பதிம் ஸ்மரந்தீ த³யிதம் ச தே³வரம்
விசேதநா அபூ⁴த் ப⁴ய ஷோ²க பீடி³தா || 3-56-36
இதி வால்மீகி ராமாயணே ஆதி³ காவ்யே அரண்ய காண்டே³ ஷட் பம்ʼசாஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
