வால்மீகி ராமாயணே ஆதி³ காவ்யே அரண்ய காண்டே³ சது꞉ பம்ʼசாஷ²꞉ ஸர்க³꞉
ஹ்ரியமாணா து வைதே³ஹீ கம்ʼசித் நாத²ம் அபஷ்²யதீ |
த³த³ர்ஷ² கி³ரி ஷ்²ருʼம்ʼக³ஸ்தா²ன் பம்ʼச வாநர பும்ʼக³வான் || 3-54-1
தேஷாம் மத்⁴யே விஷா²லாக்ஷீ கௌஷே²யம் கநக ப்ரப⁴ம் |
உத்தரீயம் வராரோஹா ஷு²பா⁴நி ஆப⁴ரணாநி ச || 3-54-2
முமோச யதி³ ராமாய ஷ²ம்ʼஸேயு꞉ இதி பா⁴மிநீ |
வஸ்த்ரம் உத்ஸ்ருʼஜ்ய தன் மத்⁴யே விநிக்ஷிப்தம் ஸ பூ⁴ஷணம் || 3-54-3
ஸம்ʼப்⁴ரமாத் து த³ஷ²க்³ரீவ꞉ தத் கர்ம ந ச பு³த்³த்⁴வான் |
பிம்ʼகா³க்ஷா꞉ தாம் விஷா²லாக்ஷீம் நேத்ரை꞉ அநிமிஷை꞉ இவ || 3-54-4
விக்ரோஷ²ந்தீம் ததா³ ஸீதாம் த³த்³ருʼஷு²꞉ வாநர ருʼஷபா⁴꞉ |
ஸ ச பம்ʼபாம் அதிக்ரம்ய லம்ʼகாம் அபி⁴முக²꞉ புரீம் || 3-54-5
ஜகா³ம ருத³தீம் க்³ருʼஹ்ய மைதி²லீம் ராக்ஷஸ ஈஷ்²வர꞉ |
தாம் ஜஹார ஸுஸம்ʼஹ்ருʼஷ்டோ ராவணோ ம்ருʼத்யும் ஆத்மந꞉ || 3-54-6
உத்ஸம்ʼகே³ந ஏவ பு⁴ஜகீ³ம் தீக்ஷ்ண த³ம்ʼஷ்ட்ராம் மஹாவிஷாம் |
வநாநி ஸரித꞉ ஷை²லான் ஸராம்ʼஸி ச விஹாயஸா || 3-54-7
ஸ க்ஷிப்ரம் ஸமதீயாய ஷ²ர꞉ சாபாத் இவ ச்யுத꞉ |
திமி நக்ர நிகேதம் து வருண ஆலயம் அக்ஷயம் || 3-54-8
ஸரிதாம் ஷ²ரணம் க³த்வா ஸமதீயாய ஸாக³ரம் |
ஸம்ʼப்⁴ரமாத் பரிவ்ருʼத்த ஊர்மீ ருத்³த⁴ மீந மஹோரக³꞉ || 3-54-9
வைதே³ஹ்யாம் ஹ்ரியமாணாயாம் ப³பூ⁴வ வருண ஆலய꞉ |
அந்தரிக்ஷ க³தா வாச꞉ ஸஸ்ருʼஜு꞉ சாரணா꞉ ததா³ || 3-54-10
ஏதத் அந்தோ த³ஷ²க்³ரீவ இதி ஸித்³தா⁴꞉ ததா³ அப்³ருவன் |
ஸ து ஸீதாம் விசேஷ்டந்தீம் அம்ʼகேந ஆதா³ய ராவண꞉ || 3-54-11
ப்ரவிவேஷ² புரீம் லந்காம் ரூபிணீம் ம்ருʼத்யும் ஆத்மந꞉ |
ஸ꞉ அபி⁴க³ம்ய புரீம் லம்ʼகாம் ஸுவிப⁴க்த மஹாபதா²ம் || 3-54-12
ஸம்ʼரூட⁴ கக்ஷ்யா ப³ஹுளம் ஸ்வம் அம்ʼத꞉ புரம் ஆவிஷ²த் |
தத்ர தாம் அஸித அபாம்ʼகா³ம் ஷோ²க மோஹ பராயணாம் || 3-54-13
நித³தே⁴ ராவண꞉ ஸீதாம் மயோ மாயாம் இவ ஆஸுரீம் |
அப்³ரவீத் ச த³ஷ²க்³ரீவ꞉ பிஷா²சீ꞉ கோ⁴ர த³ர்ஷ²நா꞉ || 3-54-14
யதா² ந ஏநாம் புமான் ஸ்த்ரீ வா ஸீதாம் பஷ்²யதி அஸம்மத꞉ |
முக்தா மணி ஸுவர்ணாநி வஸ்த்ராணி ஆப⁴ரணாநி ச || 3-54-15
யத் யத் இச்சே²த் தத் ஏவ அஸ்யா தே³யம் மத் ச்ச²ம்ʼத³தோ யதா² |
யா ச வக்ஷ்யதி வைதே³ஹீம் வசநம் கிம்ʼசித் அப்ரியம் || 3-54-16
அஜ்ஞாநாத் யதி³ வா ஜ்ஞாநான் ந தஸ்யா ஜீவிதம் ப்ரியம் |
ததா² உக்த்வா ராக்ஷஸீ꞉ தா꞉ து ராக்ஷஸேந்த்³ர꞉ ப்ரதாபவான் || 3-54-17
நிஷ்க்ரம்ய அந்த꞉ புராத் தஸ்மாத் கிம் க்ருʼத்யம் இதி சிம்ʼதயன் |
த³த³ர்ஷ² அஷ்டௌ மஹாவீர்யான் ராக்ஷஸான் பிஷி²த அஷ²நான் || 3-54-18
ஸ தான் த்³ருʼஷ்ட்வா மஹாவீர்யோ வர தா³நேந மோஹித꞉ |
உவாச தான் இத³ம் வாக்யம் ப்ரஷ²ஸ்ய ப³ல வீர்யத꞉ || 3-54-19
நாநா ப்ரஹரணா꞉ க்ஷிப்ரம் இதோ க³ச்ச²த ஸத்வரா꞉ |
ஜநஸ்தா²நம் ஹத ஸ்தா²நம் பூ⁴த பூர்வம் க²ர ஆலயம் || 3-54-20
தத்ர உஷ்யதாம் ஜநஸ்தா²நே ஷூ²ந்யே நிஹத ராக்ஷஸே |
பௌருஷம் ப³லம் ஆஷ்²ரித்ய த்ராஸம் உத்ஸ்ருʼஜ்ய தூ³ரத꞉ || 3-54-21
ப³ஹு ஸைந்யம் மஹாவீர்யம் ஜநஸ்தா²நே நிவேஷி²தம் |
ஸ தூ³ஷண க²ரம் யுத்³தே⁴ நிஹதம் ராம ஸாயகை꞉ || 3-54-22
தத꞉ க்ரோதோ⁴ மம அபூர்வோ தை⁴ர்யஸ்ய உபரி வர்த⁴தே |
வைரம் ச ஸுமஹத் ஜாதம் ராமம் ப்ரதி ஸுதா³ருணம் || 3-54-23
நிர்யாதயிதும் இச்சா²மி தத் ச வைரம் அஹம் ரிபோ꞉ |
ந ஹி லப்ஸ்யாமி அஹம் நித்³ராம் அஹத்வா ஸம்ʼயுகே³ ரிபும் || 3-54-24
தம் து இதா³நீம் அஹம் ஹத்வா க²ர தூ³ஷண கா⁴திநம் |
ராமம் ஷ²ர்ம உபலப்ஸ்யாமி த⁴நம் லப்³த்⁴வா இவ நிர்த⁴ந꞉ || 3-54-25
ஜநஸ்தா²நே வஸத்³பி⁴꞉ து ப⁴வத்³பி⁴꞉ ராமம் ஆஷ்²ரிதா |
ப்ரவ்ருʼத்தி꞉ உபநேதவ்யா கிம் கரோதி இதி தத்த்வத꞉ || 3-54-26
அப்ரமாதா³த் ச க³ம்ʼதவ்யம் ஸர்வை꞉ ஏவ நிஷா²சரை꞉ |
கர்தவ்ய꞉ ச ஸதா³ யத்நோ ராக⁴வஸ்ய வத⁴ம் ப்ரதி || 3-54-27
யுஷ்மாகம் து ப³லம் ஜ்ஞாதம் ப³ஹுஷோ² ரண மூர்த⁴நி |
அத꞉ து அஸ்மின் ஜநஸ்தா²நே மயா யூயம் நியோஜிதா꞉ || 3-54-28
தத꞉ ப்ரியம் வாக்யம் உபேத்ய ராக்ஷஸா
மஹாஅர்த²ம் அஷ்டௌ அபி⁴வாத்³ய ராவணம் |
விஹாய லம்ʼகாம் ஸஹிதா꞉ ப்ரதஸ்தி²ரே
யதோ ஜநஸ்தா²நம் அலக்ஷ்ய த³ர்ஷ²நா꞉ || 3-54-29
தத꞉ து ஸீதாம் உபலப்⁴ய ராவண꞉
ஸுஸம்ʼப்ரஹ்ருʼஷ்ட꞉ பரிக்³ருʼஹ்ய மைதி²லீம் |
ப்ரஸஜ்ய ராமேண ச வைரம் உத்தமம்
ப³பூ⁴வ மோஹாத் முதி³த꞉ ஸ ராக்ஷஸ꞉ || 3-54-30
இதி வால்மீகி ராமாயணே ஆதி³ காவ்யே அரண்ய காண்டே³ சது꞉ பம்ʼசாஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
