வால்மீகி ராமாயணே ஆதி³ காவ்யே அரண்ய காண்டே³ பம்ʼச சத்வாரிம்ʼஷ²꞉ ஸர்க³꞉
ஆர்தஸ்வரம் து தம் ப⁴ர்து꞉ விஜ்ஞாய ஸத்³ருʼஷ²ம் வநே |
உவாச லக்ஷ்மணம் ஸீதா க³ச்ச² ஜாநீஹி ராக⁴வம் || 3-45-1
ந ஹி மே ஜீவிதம் ஸ்தா²நே ஹ்ருʼத³யம் வா அவதிஷ்ட²தே |
க்ரோஷ²த꞉ பரம ஆர்தஸ்ய ஷ்²ருத꞉ ஷ²ப்³தோ³ மயா ப்⁴ருʼஷ²ம் || 3-45-2
ஆக்ரந்த³மாநம் து வநே ப்⁴ராதரம் த்ராதும் அர்ஹஸி |
தம் க்ஷிப்ரம் அபி⁴தா⁴வ த்வம் ப்⁴ராதரம் ஷ²ரண ஏஷிணம் || 3-45-3
ரக்ஷஸாம் வஷ²ம் ஆபந்நம் ஸிம்ʼஹாநாம் இவ கோ³வ்ருʼஷம் |
ந ஜகா³ம ததா² உக்த꞉ து ப்⁴ராது꞉ ஆஜ்ஞாய ஷா²ஸநம் || 3-45-4
தம் உவாச தத꞉ தத்ர க்ஷுபி⁴தா ஜநக ஆத்மஜா |
ஸௌமித்ரே மித்ர ரூபேண ப்⁴ராது꞉ த்வம் அஸி ஷ²த்ருவத் || 3-45-5
ய꞉ த்வம் அஸ்யாம் அவஸ்தா²யாம் ப்⁴ராதரம் ந அபி⁴பத்³யஸே |
இச்ச²ஸி த்வம் விநஷ்²யந்தம் ராமம் லக்ஷ்மண மத் க்ருʼதே || 3-45-6
லோபா⁴த் து மத் க்ருʼதம் நூநம் ந அநுக³ச்ச²ஸி ராக⁴வம் |
வ்யஸநம் தே ப்ரியம் மந்யே ஸ்நேஹோ ப்⁴ராதரி ந அஸ்தி தே || 3-45-7
தேந திஷ்ட²ஸி விஸ்ரப்³த⁴꞉ தம் அபஷ்²யன் மஹாத்³யுதிம் |
கிம் ஹி ஸம்ʼஷ²யம் ஆபந்நே தஸ்மின் இஹ மயா ப⁴வேத் || 3-45-8
கர்தவ்யம் இஹ திஷ்ட²ந்த்யா யத் ப்ரதா⁴ந꞉ த்வம் ஆக³த꞉ |
ஏவம் ப்³ருவாணம் வைதே³ஹீம் பா³ஷ்ப ஷோ²க ஸமந்விதம் || 3-45-9
அப்³ரவீத் லக்ஷ்மண꞉ த்ரஸ்தாம் ஸீதாம் ம்ருʼக³ வதூ⁴ம் இவ |
பந்நக³ அஸுர க³ந்த⁴ர்வ தே³வ தா³நவ ராக்ஷஸை꞉ || 3-45-10
அஷ²க்ய꞉ தவ வைதே³ஹீ ப⁴ர்தா ஜேதும் ந ஸம்ʼஷ²ய꞉ |
தே³வி தே³வ மநுஷ்யேஷு க³ந்த⁴ர்வேஷு பதத்ரிஷு || 3-45-11
ராக்ஷஸேஷு பிஷா²சேஷு கிந்நரேஷு ம்ருʼகே³ஷு ச |
தா³நவேஷு ச கோ⁴ரேஷு ந ஸ வித்³யேத ஷோ²ப⁴நே || 3-45-12
யோ ராமம் ப்ரதியுத்⁴யேத ஸமரே வாஸவ உபமம் |
அவத்⁴ய꞉ ஸமரே ராமோ ந ஏவம் த்வம் வக்தும் அர்ஹஸி || 3-45-13
ந த்வாம் அஸ்மின் வநே ஹாதும் உத்ஸஹே ராக⁴வம் விநா |
அநிவார்யம் ப³லம் தஸ்ய ப³லை꞉ ப³லவதாம் அபி || 3-45-14
த்ரிபி⁴꞉ லோகை꞉ ஸமுதி³தை꞉ ஸ ஈஷ்²வரை꞉ ஸ அமரை꞉ அபி |
ஹ்ருʼத³யம் நிர்வ்ருʼதம் தே அஸ்து ஸம்ʼதாப꞉ த்யஜ்யதாம் தவ || 3-45-15
ஆக³மிஷ்யதி தே ப⁴ர்தா ஷீ²க்⁴ரம் ஹத்வா ம்ருʼகோ³த்தமம் |
ந ஸஸ் தஸ்ய ஸ்வரோ வ்யக்தம் ந கஷ்²சித் அபி தை³வத꞉ || 3-45-16
க³ந்த⁴ர்வ நக³ர ப்ரக்²யா மாயா தஸ்ய ச ரக்ஷஸ꞉ |
ந்யாஸ பூ⁴தா அஸி வைதே³ஹி ந்யஸ்தா மயி மஹாத்மநா || 3-45-17
ராமேண த்வம் வராரோஹே ந த்வாம் த்யக்தும் இஹ உத்ஸஹே |
க்ருʼத வைரா꞉ ச கல்யாணி வயம் ஏதை꞉ நிஷா²சரை꞉ || 3-45-18
க²ரஸ்ய நித⁴நே தே³வி ஜநஸ்தா²ந வத⁴ம் ப்ரதி |
ராக்ஷஸா விவிதா⁴ வாசோ வ்யவஹரந்தி மஹாவநே || 3-45-19
ஹிம்ʼஸா விஹாரா வைதே³ஹி ந சிந்தயிதும் அர்ஹஸி |
லக்ஷ்மணேந ஏவம் உக்தா து க்ருத்³தா⁴ ஸம்ʼரக்த லோசநா || 3-45-20
அப்³ரவீத் பருஷம் வாக்யம் லக்ஷ்மணம் ஸத்ய வாதி³நம் |
அநார்ய கருணாரம்ʼப⁴ ந்ருʼஷ²ம்ʼஸ குல பாம்ʼஸந || 3-45-21
அஹம் தவ ப்ரியம் மந்யே ராமஸ்ய வ்யஸநம் மஹத் |
ராமஸ்ய வ்யஸந்ம் த்³ருʼஷ்ட்வா தேந ஏதாநி ப்ரபா⁴ஷஸே || 3-45-22
ந ஏவ சித்ரம் ஸபத்நேஷு பாபம் லக்ஷ்மண யத் ப⁴வேத் |
த்வத் விதே⁴ஷு ந்ருʼஷ²ம்ʼஸேஷு நித்யம் ப்ரச்ச²ந்ந சாரிஷு || 3-45-23
ஸுது³ஷ்ட꞉ த்வம் வநே ராமம் ஏகம் ஏகோ அநுக³ச்ச²ஸி |
மம ஹேதோ꞉ ப்ரதிச்ச²ந்ந꞉ ப்ரயுக்தோ ப⁴ரதேந வா || 3-45-24
தத் ந ஸித்³த்⁴யதி ஸௌமித்ரே தவ அபி ப⁴ரதஸ்ய வா |
கத²ம் இம்ʼதீ³வர ஷ்²யாமம் ராமம் பத்³ம நிபே⁴க்ஷணம் || 3-45-25
உபஸம்ʼஷ்²ரித்ய ப⁴ர்தாரம் காமயேயம் ப்ருʼத²க் ஜநம் |
ஸமக்ஷம் தவ ஸௌமித்ரே ப்ராணான் த்யக்ஷ்யாமி அஸம்ʼஷ²யம் || 4-5-26
ராமம் விநா க்ஷணம் அபி ந ஏவ ஜீவாமி பூ⁴ தலே |
இதி உக்த꞉ பருஷம் வாக்யம் ஸீதயா ரோமஹர்ஷணம் || 3-45-27
அப்³ரவீத் லக்ஷ்மண꞉ ஸீதாம் ப்ராம்ʼஜலி꞉ விஜிதேந்த்³ரிய꞉ |
உத்தரம் ந உத்ஸஹே வக்தும் தை³வதம் ப⁴வதீ மம || 3-45-28
வாக்யம் அப்ரதிரூபம் து ந சித்ரம் ஸ்த்ரீஷு மைதி²லி |
ஸ்வபா⁴வ꞉ து ஏஷ நாரீணாம் ஏஷு லோகேஷு த்³ருʼஷ்²யதே || 3-45-29
விமுக்த த⁴ர்மா꞉ சபலா꞉ தீக்ஷ்ணா பே⁴த³கரா꞉ ஸ்த்ரிய꞉ |
ந ஸஹே ஹி ஈத்³ருʼஷ²ம் வாக்யம் வைதே³ஹீ ஜநக ஆத்மஜே || 3-45-30
ஷ்²ரோத்ரயோ꞉ உப⁴யோ꞉ மத்⁴யே தப்த நாராச ஸந்நிப⁴ம் |
உபஷ்²ருʼண்வம்ʼது மே ஸர்வே ஸாக்ஷிநோ ஹி வநேசரா꞉ || 3-45-31
ந்யாய வாதீ³ யதா² வாக்யம் உக்தோ அஹம் பருஷம் த்வயா |
தி⁴க் த்வாம் அத்³ய ப்ரணஷ்²யந்தீம் யன் மாம் ஏவம் விஷ²ம்ʼகஸே || 3-45-32
ஸ்த்ரீத்வாத் து³ஷ்ட ஸ்வபா⁴வேந கு³ரு வாக்யே வ்யவஸ்தி²தம் |
க³மிஷ்யே யத்ர காகுத்ஸ்த²꞉ ஸ்வஸ்தி தே அஸ்து வராநநே || 3-45-33
ரக்ஷந்து த்வாம் விஷா²லாக்ஷி ஸமக்³ரா வந தே³வதா꞉ |
நிமித்தாநி ஹி கோ⁴ராணி யாநி ப்ராது³ர்ப⁴வந்தி மே |
அபி த்வாம் ஸஹ ராமேண பஷ்²யேயம் புநராக³த꞉ || 3-45-34
லக்ஷ்மணேந ஏவம் உக்தா து ருத³தீ ஜநகாஅத்மஜா |
ப்ரத்யுவாச ததோ வாக்யம் தீவ்ரம் பா³ஷ்ப பரிப்லுதா || 3-45-35
கோ³தா³வரீம் ப்ரவேக்ஷ்யாமி ஹீநா ராமேண லக்ஷ்மண |
ஆப³ந்தி⁴ஷ்யே அத²வா த்யக்ஷ்யே விஷமே தே³ஹம் ஆத்மந꞉ || 3-45-36
பிபா³மி வா விஷம் தீக்ஷ்ணம் ப்ரவேக்ஷ்யாமி ஹுதாஷ²நம் |
ந து அஹம் ராக⁴வாத் அந்யம் கதா³அபி புருஷம் ஸ்ப்ருʼஷே² || 3-45-37
இதி லக்ஷ்மணம் ஆஷ்²ருத்ய ஸீதா து³ஹ்க² ஸமந்விதா |
பாணிப்⁴யாம் ருத³தீ து³ஹ்கா²த்³ உத³ரம் ப்ரஜகா⁴ந ஹ || 3-45-38
தாம் ஆர்த ரூபாம் விமநா ருத³ந்தீம்
ஸௌமித்ரி꞉ ஆலோக்ய விஷா²ல நேத்ராம் |
ஆஷ்²வாஸயாமாஸ ந சைவ ப⁴ர்து꞉
தம் ப்⁴ராதரம் கிம்ʼசித் உவாச ஸீதா || 3-45-39
தத꞉ து ஸீதாம் அபி⁴வாத்³ய லக்ஷ்மண꞉
க்ருʼத அந்ஜலி꞉ கிம்ʼசித்³ அபி⁴ப்ரணம்ய |
அவேக்ஷமாணோ ப³ஹுஷ²꞉ ஸ மைதி²லீம்
ஜகா³ம ராமஸ்ய ஸமீபம் ஆத்மவான் || 3-45-40
இதி வால்மீகி ராமாயணே ஆதி³ காவ்யே அரண்ய காண்டே³ பம்ʼச சத்வாரிம்ʼஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
