வால்மீகி ராமாயணே ஆதி³ காவ்யே அரண்ய காண்டே³ சது꞉ சத்வாரிம்ʼஷ²꞉ ஸர்க³꞉
ததா² து தம் ஸமாதி³ஷ்²ய ப்⁴ராதரம் ரகு⁴நம்ʼத³ந꞉ |
ப³ப³ந்த⁴ அஸிம் மஹாதேஜா ஜாம்ʼபூ³நத³மய꞉ த்ஸரும் || 3-44-1
தத꞉ த்ரி விநதம் சாபம் ஆதா³ய ஆத்ம விபூ⁴ஷணம் |
ஆப³த்⁴ய ச கலாபௌ த்³வௌ ஜகா³ம உத³க்³ர விக்ரம꞉ || 3-44-2
தம் வம்ʼசயாநோ ராஜேந்த்³ரம் ஆபதந்தம் நிரீக்ஷ்ய வை |
ப³பூ⁴வ அம்ʼதர்ஹித꞉ த்ராஸாத் புந꞉ ஸம்ʼத³ர்ஷ²நே அப⁴வத் || 3-44-3
ப³த்³த⁴ அஸி꞉ த⁴நு꞉ ஆதா³ய ப்ரது³த்³ராவ யதோ ம்ருʼக³꞉ |
தம் ஸ்ம பஷ்²யதி ரூபேண த்³யோதமாநம் இவ அக்³ரத꞉ || 3-44-4
அவேக்ஷ்ய அவேக்ஷ்ய தா⁴வந்தம் த⁴நுஷ் பாணி꞉ மஹாவநே |
அதிவ்ருʼத்தம் இஷோ꞉ பாதாத் லோப⁴யாநம் கதா³சந || 3-44-5
ஷ²ம்ʼகிதம் து ஸமுத்³ ப்⁴ராந்தம் உத்பதந்தம் இவ அம்ʼப³ரே |
த்³ருʼஅஷ்²யமாநம் அத்³ருʼஷ்²யம் ச வந உத்³தே³ஷே²ஷு கேஷுசித் || 3-44-6
சிந்ந அப்⁴ரை꞉ இவ ஸம்ʼவீதம் ஷா²ரத³ம் சந்த்³ர மண்ட³லம் |
முஹூர்தாத் ஏவ த³த்³ருʼஷே² முஹுர் தூ³ராத் ப்ரகாஷ²தே || 3-44-7
த³ர்ஷ²ந அத³ர்ஷ²நேந ஏவ ஸ꞉ அபாகர்ஷத ராக⁴வம் |
ஸுதூ³ரம் ஆஷ்²ரமஸ்ய அஸ்ய மாரிசோ ம்ருʼக³தாம் க³த꞉ || 3-44-8
ஆஸீத் க்ருத்³த⁴꞉ து காகுத்ஸ்தோ² விவஷ²꞉ தேந மோஹித꞉ |
அத² அவதஸ்தே² ஸுஷ்²ராந்த꞉ ச்சா²யாம் ஆஷ்²ரித்ய ஷா²த்³வலே || 3-44-9
ஸ தம் உந்மாத³யாமாஸ ம்ருʼக³ரூபோ நிஷா²சர |
ம்ருʼகை³꞉ பரிவ்ருʼதோ அத² வந்யை꞉ அதூ³ராத் ப்ரத்யத்³ருʼஷ்²யத || 3-44-10
க்³ரஹீது காமம் த்³ருʼஷ்ட்வா தம் புந꞉ ஏவ அப்⁴யதா⁴வத |
தத் க்ஷணாத் ஏவ ஸம்ʼத்ராஸாத் புநர் அம்ʼதர்ஹிதோ அப⁴வத் || 3-44-11
புநர் ஏவ ததோ தூ³ராத் வ்ருʼக்ஷ க²ண்டா³த் விநி꞉ஸ்ருʼத꞉ |
த்³ருʼஷ்ட்வா ராமோ மஹாதேஜா꞉ தம் ஹந்தும் க்ருʼத நிஷ்²சய꞉ || 3-44-12
பூ⁴ய꞉ து ஷ²ரம் உத்³த்⁴ருʼத்ய குபித꞉ தத்ர ராக⁴வ꞉ |
ஸூர்ய ரஷ்²மி ப்ரதீகாஷ²ம் ஜ்வலம்ʼதம் அரி மர்த³நம் || 3-44-13
ஸம்ʼதா⁴ய ஸுத்³ருʼடே⁴ சாபே விக்ருʼஷ்ய ப³லவத் ப³லீ |
தம் ஏவ ம்ருʼக³ம் உத்³தி³ஷ்²ய ஷ்²வஸம்ʼதம் இவ பந்நக³ம் || 3-44-14
முமோச ஜ்வலிதம் தீ³ப்தம் அஸ்த்ரம் ப்³ரஹ்ம விநிர்மிதம் |
ஷ²ரீரம் ம்ருʼக³ ரூபஸ்ய விநிர்பி⁴த்³ய ஷ²ரோத்தம꞉ || 3-44-15
மாரீசஸ்ய ஏவ ஹ்ருʼத³யம் விபே⁴த³ அஷ²நி ஸம்ʼநிப⁴꞉ |
தால மாத்ரம் அத² உத்ப்லுத்ய ந்யபதத் ஸ ப்⁴ருʼஷ² ஆதுர꞉ || 3-44-16
வ்யநத³த் பை⁴ரவம் நாத³ம் த⁴ரண்யாம் அல்ப ஜீவித꞉ |
ம்ரியமாண꞉ து மாரீசோ ஜஹௌ தாம் க்ருʼத்ரிமாம் தநும் || 3-44-17
ஸ்ம்ருʼத்வா தத் வசநம் ரக்ஷோ த³த்⁴யௌ கேந து லக்ஷ்மணம் |
இஹ ப்ரஸ்தா²பயேத் ஸீதா தாம் ஷூ²ந்யே ராவணே ஹரேத் || 3-44-18
ஸ ப்ராப்த காலம் அஜ்ஞாய சகார ச தத꞉ ஸ்வரம் |
ஸத்³ருʼஷ²ம் ராக⁴வஸ்ய ஏவ ஹா ஸீதே லக்ஷ்மண இதி ச || 3-44-19
தேந மர்மணி நிர்வித்³த⁴ம் ஷ²ரேண அநுபமேந ஹி |
ம்ருʼக³ ரூபம் து தத் த்யக்த்வா ராக்ஷஸம் ரூபம் ஆஸ்தி²த꞉ || 3-44-20
சக்ரே ஸ ஸுமஹா காயம் மாரீசோ ஜீவிதம் த்யஜன் |
தம் த்³ருʼஷ்ட்வா பதிதம் பூ⁴மௌ ராக்ஷஸம் பீ⁴ம த³ர்ஷ²நம் || 3-44-21
ராமோ ருதி⁴ர ஸிக்த அம்ʼக³ம் சேஷ்டமாநம் மஹீதலே |
ஜகா³ம மநஸா ஸீதாம் லக்ஷ்மணஸ்ய வச꞉ ஸ்மரன் || 3-44-22
மாரீசஸ்ய து மாய ஏஷா பூர்வ உக்தம் லக்ஷ்மணேந து |
தத் ததா³ ஹி அப⁴வத் ச அத்³ய மாரீசோ அயம் மயா ஹத꞉ || 3-44-23
ஹா ஸீதே லக்ஷ்மண இதி ஏவம் ஆக்ருஷ்²ய து மஹா ஸ்வநம் |
மமார ராக்ஷஸ꞉ ஸோ அயம் ஷ்²ருத்வா ஸீதா கத²ம் ப⁴வேத் || 3-44-24
லக்ஷ்மண꞉ ச மஹாபா³ஹு꞉ காம் அவஸ்தா²ம் க³மிஷ்யதி |
இதி ஸம்ʼசிந்த்ய த⁴ர்மாஅத்மா ராமோ ஹ்ருʼஷ்ட தநூ ருஹ꞉ || 3-44-25
தத்ர ராமம் ப⁴யம் தீவ்ரம் ஆவிவேஷ² விஷாத³ஜம் |
ராக்ஷஸம் ம்ருʼக³ ரூபம் தம் ஹத்வா ஷ்²ருத்வா ச தத் ஸ்வநம் || 3-44-26
நிஹத்ய ப்ருʼஷதம் ச அந்யம் மாம்ʼஸம் ஆதா³ய ராக⁴வ꞉ |
த்வரமாணோ ஜநஸ்தா²நம் ஸஸார அபி⁴முக²꞉ ததா³ || 3-44-27
இதி வால்மீகி ராமாயணே ஆதி³ காவ்யே அரண்ய காண்டே³ சது꞉ சத்வாரிம்ʼஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
