வால்மீகி ராமாயணே ஆதி³ காவ்யே அரண்ய காண்டே³ சதுர் த்ரிம்ʼஷ²꞉ ஸர்க³꞉
தத꞉ ஷூ²ர்பணகா²ம் த்³ருʼஷ்ட்வா ப்³ருவந்தீம் பருஷம் வச꞉ |
அமாத்ய மத்⁴யே ஸம்ʼக்ருʼஉத்³த⁴꞉ பரிபப்ரச்ச² ராவண꞉ || 3-34-1
க꞉ ச ராம꞉ கத²ம் வீர்ய꞉ கிம் ரூப꞉ கிம் பராக்ரம꞉ |
கிம் அர்த²ம் த³ண்ட³காரண்யம் ப்ரவிஷ்ட꞉ ச ஸுது³ஸ்தரம் || 3-34-2
ஆயுத⁴ம் கிம் ச ராமஸ்ய யேந தே ராக்ஷஸா꞉ ஹதா |
க²ர꞉ ச நிஹத꞉ ஸம்ʼக்²யே தூ³ஷண꞉ த்ரிஷி²ரா꞉ ததா² || 3-34-3
தத் த்வம் ப்³ரூஹி மநோஜ்ஞாந்கீ³ கேந த்வம் ச விரூபிதா |
இதி உக்தா ராக்ஷஸ இந்த்³ரேண ராக்ஷஸீ க்ரோத⁴ மூர்ச்சி²தா || 3-34-4
ததோ ராமம் யதா² ந்யாயம் ஆக்²யாதும் உபசக்ரமே |
தீ³ர்க⁴பா³ஹு꞉ விஷா²லாக்ஷ꞉ சீர க்ருʼஷ்ண அஜிந அம்ப³ர꞉ || 3-34-5
கந்த³ர்ப ஸம ரூப꞉ ச ராமோ த³ஷ²ரத² ஆத்மஜ꞉ |
ஷ²க்ர சாப நிப⁴ம் சாபம் விக்ருʼஷ்ய கநகாம்ʼக³த³ம் || 3-34-6
தீ³ப்தான் க்ஷிபதி நாராசான் ஸர்பான் இவ மஹா விஷான் |
ந ஆத³தா³நம் ஷ²ரான் கோ⁴ரான் ந மும்ʼசம்ʼதம் மஹாப³லம் || 3-34-7
ந கார்முகம் விகர்ஷந்தம் ராமம் பஷ்²யாமி ஸம்ʼயுகே³ |
ஹந்யமாநம் து தத் ஸைந்யம் பஷ்²யாமி ஷ²ர வ்ருʼஷ்டிபி⁴꞉ || 3-34-8
இந்த்³ரேண இவ உத்தமம் ஸஸ்யம் ஆஹதம் து அஷ்²ம வ்ருʼஷ்டிபி⁴꞉ |
ரக்ஷஸாம் பீ⁴ம வீர்யாணாம் ஸஹஸ்ராணி சதுர்த³ஷ² || 3-34-9
நிஹதாநி ஷ²ரை꞉ தீக்ஷ்ணை꞉ தேந ஏகேந பதா³திநா |
அர்தா⁴தி⁴க முஹூர்தேந க²ர꞉ ச ஸஹ தூ³ஷண꞉ || 3-34-10
ருʼஷீணாம் அப⁴யம் த³த்தம் க்ருʼத க்ஷேமா꞉ ச த³ண்ட³கா꞉ || 3-34-11
ஏகா கத²ம்ʼசித் முக்தா அஹம் பரிபூ⁴ய மஹாத்மநா |
ஸ்த்ரீ வத⁴ம் ஷ²ம்ʼகமாநேந ராமேண விதி³தாத்மநா || 3-34-12
ப்⁴ராதா ச அஸ்ய மஹாதேஜா கு³ணத꞉ துல்ய விக்ரம꞉ |
அநுரக்த꞉ ச ப⁴க்த꞉ ச லக்ஷ்மணோ நாம வீர்யவான் || 3-34-13
அமர்ஷீ து³ர்ஜயோ ஜேதா விக்ராந்தோ பு³த்³தி⁴மான் ப³லீ | 9444243516 RV Karunagaran
ராமஸ்ய த³க்ஷிணே பா³ஹு꞉ நித்யம் ப்ராணோ ப³ஹி꞉ சர꞉ || 3-34-14
ராமஸ்ய து விஷா²லாக்ஷீ பூர்ணேந்து³ ஸத்³ருʼஷ² ஆநநா |
த⁴ர்ம பத்நீ ப்ரியா நித்யம் ப⁴ர்த்ருʼ꞉ ப்ரிய ஹிதே ரதா || 3-34-15
ஸா ஸுகேஷீ² ஸுநாஸோரு꞉ ஸுரூபா ச யஷ²ஸ்விநீ |
தே³வத இவ வநஸ்த² அஸ்யராஜதே ஷ்²ரீர் இவ அபரா || 3-34-16
தப்த காம்ʼசந வர்ண ஆபா⁴ ரக்த தும்ʼக³ நகீ² ஷு²பா⁴ |
ஸீதா நாம வராரோஹா வைதே³ஹீ தநு மத்⁴யமா || 3-34-17
ந ஏவ தே³வீ ந க³ம்ʼத⁴ர்வா ந யக்ஷீ ந ச கிம்ʼநரீ |
ததா² ரூபா மயா நாரீ த்³ருʼஷ்ட பூர்வா மஹீதலே || 3-34-18
யஸ்ய ஸீதா ப⁴வேத் பா⁴ர்யா யம் ச ஹ்ருʼஷ்டா பரிஷ்வஜேத் |
அதி ஜீவேத் ஸ ஸர்வேஷு லோகேஷு அபி புரம்ʼத³ராத் || 3-34-19
ஸா ஸுஷீ²லா வபு꞉ ஷ்²லாக்⁴யா ரூபேண அப்ரதிமா பு⁴வி |
தவ அநுரூபா பா⁴ர்யா ஸா த்வம் ச தஸ்யா꞉ பதி꞉ வர꞉ || 3-34-20
தாம் து விஸ்தீர்ண ஜக⁴நாம் பீந உத்தும்ʼக³ பயோ த⁴ராம் |
பா⁴ர்யா அர்தே² து தவ ஆநேதும் உத்³யதா அஹம் வர ஆநநாம் || 3-34-21
விரூபிதா அஸ்மி க்ரூரேண லக்ஷ்மணேந மஹாபு⁴ஜ |
தாம் து த்³ருʼஷ்ட்வா அத்³ய வைதே³ஹீம் பூர்ண சந்த்³ர நிப⁴ ஆநநாம் || 3-34-22
மந்மத²ஸ்ய ஷ²ராணாம் ச த்வம் விதே⁴யோ ப⁴விஷ்யஸி |
யதி³ தஸ்யாம் அபி⁴ப்ராயோ பா⁴ர்யா அர்தே² தவ ஜாயதே |
ஷீ²க்⁴ரம் உத்³ த்⁴ரியதாம் பாதோ³ ஜயார்த²ம் இஹ த³க்ஷிண꞉ || 3-34-23
ரோசதே யதி³ தே வாக்யம் மம ஏதத் ராக்ஷஸேஷ்²வர |
க்ரியதாம் நிர்விஷ²ம்ʼகேந வசநம் மம ராவண || 3-34-24
விஜ்ஞாய இஹ ஆத்ம ஷ²க்திம் ச க்ரியதாம் ச மஹாப³ல |
ஸீதா தவ அநவத்³யாம்ʼகீ³ பா⁴ர்யத்வே ராக்ஷஸேஷ்²வர || 3-34-25
நிஷ²ம்ய ராமேண ஷ²ரை꞉ அஜிஹ்மகை³꞉
ஹதான் ஜநஸ்தா²ந க³தான் நிஷா²சரான் |
க²ரம் ச த்³ருʼஷ்ட்வா நிஹதம் ச தூ³ஷணம்
த்வம் அத்³ய க்ருʼத்யம் ப்ரதிபத்தும் அர்ஹஸி || 3-34-26
இதி வால்மீகி ராமாயணே ஆதி³ காவ்யே அரண்ய காண்டே³ சதுர் த்ரிம்ʼஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
