வால்மீகி ராமாயணே ஆதி³ காவ்யே அரண்ய காண்டே³ ஏகோந த்ரிம்ʼஷ² ஸர்க³꞉
க²ரம் து விரத²ம் ராமோ க³தா³ பாணிம் அவஸ்தி²தம் |
ம்ருʼது³ பூர்வம் மஹாதேஜா꞉ பருஷம் வாக்யம் அப்³ரவீத் || 3-29-1
க³ஜ அஷ்²வ ரத² ஸம்ʼபா³தே⁴ ப³லே மஹதி திஷ்ட²தா |
க்ருʼதம் ஸுதா³ருணம் கர்ம ஸர்வ லோக ஜுகு³ப்ஸிதம் || 3-29-2
உத்³வேஜநீயோ பூ⁴தாநாம் ந்ருʼஷ²ம்ʼஸ꞉ பாப கர்மக்ருʼத் |
த்ரயாணாம் அபி லோகாநாம் ஈஷ்²வரோ அபி ந திஷ்ட²தி || 3-29-3
கர்ம லோக விருத்³த⁴ம் து குர்வாணம் க்ஷணதா³ சர |
தீக்ஷ்ணம் ஸர்வ ஜநோ ஹந்தி ஸர்பம் து³ஷ்டம் இவ ஆக³தம் || 3-29-4
லோபா⁴த் பாபாநி குர்வாண꞉ காமாத் வா யோ ந பு³த்⁴யதே |
ஹ்ருʼஷ்ட꞉ பஷ்²யதி தஸ்ய அந்தம் ப்³ராஹ்மணீ கரகாத் இவ || 3-29-5
வஸதோ த³ண்ட³காரண்யே தாபஸான் த⁴ர்ம சாரிண꞉ |
கிம் நு ஹத்வா மஹாபா⁴கா³ன் ப²லம் ப்ராப்ஸ்யஸி ராக்ஷஸ || 3-29-6
ந சிரம் பாப கர்மாண꞉ க்ரூரா லோக ஜுகு³ப்ஸிதா꞉ |
ஐஷ்²வர்யம் ப்ராப்ய திஷ்ட²ந்தி ஷீ²ர்ண மூலா இவ த்³ருமா꞉ || 3-29-7
அவஷ்²யம் லப⁴தே கர்தா ப²லம் பாபஸ்ய கர்மண꞉ |
கோ⁴ரம் பர்யாக³தே காலே த்³ரும꞉ புஷ்பம் இவ ஆர்தவம் || 3-29-8
ந சிராத் ப்ராப்யதே லோகே பாபாநாம் கர்மணாம் ப²லம் |
ஸ விஷாணாம் இவ அந்நாநாம் பு⁴க்தாநாம் க்ஷணதா³சர || 3-29-9
பாபம் ஆசரதாம் கோ⁴ரம் லோகஸ்ய அப்ரியம் இச்ச்²ஹதாம் |
அஹம் ஆஸாதி³தோ ராஜ்ஞா ப்ராணான் ஹந்தும் நிஷா²சர || 3-29-10
அத்³ய பி⁴த்வா மயா முக்தா꞉ ஷ²ரா꞉ காம்ʼசந பூ⁴ஷணா꞉ |
விதா³ர்ய அதிபதிஷ்யந்தி வல்மீகம் இவ பந்நகா³꞉ || 3-29-11
யே த்வயா த³ண்ட³காரண்யே ப⁴க்ஷிதா த⁴ர்ம சாரிண꞉ |
தான் அத்³ய நிஹத꞉ ஸம்ʼக்²யே ஸ ஸைந்யோ அநுக³மிஷ்யஸி || 3-29-12
அத்³ய த்வாம் நிஹதம் பா³ணை꞉ பஷ்²யந்து பரமர்ஷய꞉ |
நிரயஸ்த²ம் விமாநஸ்தா² யே த்வயா நிஹதா புரா || 3-29-13
ப்ரஹரஸ்வ யதா² காமம் குரு யத்நம் குலாத⁴ம |
அத்³ய தே பாதயிஷ்யாமி ஷி²ர꞉ தால ப²லம் யதா² || 3-29-14
ஏவம் உக்த꞉ து ராமேண க்ருத்³த⁴꞉ ஸம்ʼரக்த லோசந꞉ |
ப்ரதி உவாச ததோ ராமம் ப்ரஹஸன் க்ரோத⁴ மூர்சித꞉ || 3-29-15
ப்ராக்ருʼதான் ராக்ஷஸான் ஹத்வா யுத்³தே⁴ த³ஷ²ரத² ஆத்மஜ |
ஆத்மநா கத²ம் ஆத்மாநம் அப்ரஷ²ஸ்யம் ப்ரஷ²ம்ʼஸஸி || 3-29-16
விக்ராந்தா ப³லவந்தோ வா யே ப⁴வந்தி நரர்ஷபா⁴꞉ |
கத²யந்தி ந தே கிம்ʼசித் தேஜஸா ஸ்வேந க³ர்விதா꞉ || 3-29-17
ப்ராக்ருʼதா꞉ து அக்ருʼத ஆத்மாநோ லோகே க்ஷத்ரிய பாம்ʼஸநா꞉ |
நிரர்த²கம் விகத்த²ந்தே யதா² ராம விகத்த²ஸே || 3-29-18
குலம் வ்யபதி³ஷ²ன் வீர꞉ ஸமரே கோ அபி⁴தா⁴ஸ்யதி |
ம்ருʼத்யு காலே ஹி ஸம்ʼப்ராப்தே ஸ்வயம் அப்ரஸ்தவே ஸ்தவம் || 3-29-19
ஸர்வதா² து லகு⁴த்வம் தே கத்த²நேந வித³ர்ஷி²தம் |
ஸுவர்ண ப்ரதிரூபேண தப்தேந இவ குஷ² அக்³நிநா || 3-29-20
ந து மாம் இஹ திஷ்ட²ம்ʼதம் பஷ்²யஸி த்வம் க³தா³ த⁴ரம் |
த⁴ராத⁴ரம் இவ அகம்ʼப்யம் பர்வதம் தா⁴துபி⁴꞉ சிதம் || 3-29-21
பர்யாப்தோ அஹம் க³தா³ பாணிர் ஹந்தும் ப்ராணான் ரணே தவ |
த்ரயாணாம் அபி லோகாநாம் பாஷ² ஹஸ்த இவ அம்ʼதக꞉ || 3-29-22
காமம் ப³ஹு அபி வக்தவ்யம் த்வயி வக்ஷ்யாமி ந து அஹம் |
அஸ்தம் ப்ராப்நோதி ஸவிதா யுத்³த⁴ விக்⁴ந꞉ ததோ ப⁴வேத் || 3-29-23
சதுர்த³ஷ² ஸஹஸ்ராணி ராக்ஷஸாநாம் ஹதாநி தே |
த்வத் விநாஷா²த் கரோமி அத்³ய தேஷாம் அஷ்²ரு ப்ரமார்ஜநம் || 3-29-24
இதி உக்த்வா பரம க்ருத்³த⁴꞉ தாம் க³தா³ம் பரம அந்க³தா³ம் |
க²ர꞉ சிக்ஷேப ராமாய ப்ரதீ³ப்தாம் அஷ²நிம் யதா² || 3-29-25
க²ர பா³ஹு ப்ரமுக்தா ஸா ப்ரதீ³ப்தா மஹதீ க³தா³ |
ப⁴ஸ்ம வ்ருʼக்ஷாம் ச கு³ள்மாம் ச க்ருʼத்வா அகா³த் தத் ஸமீபத꞉ || 3-29-26
தாம் ஆபதந்தீம் மஹதீம் ம்ருʼத்யு பாஷ² உபமாம் க³தா³ம் |
அம்ʼதரிக்ஷ க³தாம் ராம꞉ சிச்ச்²ஹேத³ ப³ஹுதா⁴ ஷ²ரை꞉ || 3-29-27
ஸா விஷீ²ர்ணா ஷ²ரை꞉ பி⁴ந்நா பபாத த⁴ரணீ தலே |
க³தா³ மம்ʼத்ர ஔஷதி⁴ ப³லைர் வ்யாளீ இவ விநிபாதிதா || 3-29-28
இதி வால்மீகி ராமாயணே ஆதி³ காவ்யே அரண்ய காண்டே³ ஏகோந த்ரிம்ʼஷ² ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
