வால்மீகி ராமாயணே ஆதி³ காவ்யே அரண்ய காண்டே³ சதுர் விம்ʼஷ²꞉ ஸர்க³꞉
ஆஷ்²ரமம் ப்ரதி யாதே து க²ரே க²ர பராக்ரமே |
தான் ஏவ ஔத்பாதிகான் ராம꞉ ஸஹ ப்⁴ராத்ரா த³த³ர்ஷ² ஹ || 3-24-1
தான் உத்பாதான் மஹாகோ⁴ரான் ராமோ த்³ருʼஷ்ட்வா அதி அமர்ஷண |
ப்ரஜாநாம் அஹிதான் த்³ருʼஷ்ட்வா வாக்யம் லக்ஷ்மணம் அப்³ரவீத் || 3-24-2
இமான் பஷ்²ய மஹாபா³ஹோ ஸர்வ பூ⁴த அபஹாரிண꞉ |
ஸமுத்தி²தான் மஹா உத்பாதான் ஸம்ʼஹர்தும் ஸர்வ ராக்ஷஸான் || 3-24-3
அமீ ருதி⁴ர தா⁴ரா꞉ து விஸ்ருʼஜம்ʼதோ க²ர ஸ்வநா꞉ |
வ்யோம்நி மேகா⁴ நிவர்தந்தே பருஷா க³ர்த³ப⁴ அருணா꞉ || 3-24-4
ஸ தூ⁴மா꞉ ச ஷ²ரா꞉ ஸர்வே மம யுத்³த⁴ அபி⁴நந்தி³தா꞉ |
ருக்ம ப்ருʼஷ்டா²நி சாபாநி விசேஷ்டந்தே விசக்ஷண || 3-24-5
யாத்³ருʼஷா² இஹ கூஜந்தி பக்ஷிணோ வந சாரிண꞉ |
அக்³ரதோ ந꞉ ப⁴யம் ப்ராப்தம் ஸம்ʼஷ²யோ ஜீவிதஸ்ய ச || 3-24-6
ஸம்ʼப்ரஹார꞉ து ஸுமஹான் ப⁴விஷ்யதி ந ஸம்ʼஷ²ய꞉ |
அயம் ஆக்²யாதி மே பா³ஹு꞉ ஸ்பு²ரமாணோ முஹுர் முஹு꞉ || 3-24-7
ஸம்ʼநிகர்ஷே து ந꞉ ஷூ²ர ஜயம் ஷ²த்ரோ꞉ பராஜயம் |
ஸுப்ரப⁴ம் ச ப்ரஸந்நம் ச தவ வக்த்ரம் ஹி லக்ஷ்யதே || 3-24-8
உத்³யதாநாம் ஹி யுத்³தா⁴ர்த²ம் யேஷாம் ப⁴வதி லக்ஷ்மண꞉ |
நிஷ்ப்ரப⁴ம் வத³நம் தேஷாம் ப⁴வதி ஆயு꞉ பரிக்ஷய꞉ || 3-24-9
ரக்ஷஸாம் நர்த³தாம் கோ⁴ர꞉ ஷ்²ரூயதே அயம் மஹாத்⁴வநி꞉ |
ஆஹதாநாம் ச பே⁴ரீணாம் ராக்ஷஸை꞉ க்ரூர கர்மபி⁴꞉ || 3-24-10
அநாக³த விதா⁴நம் து கர்தவ்யம் ஷு²ப⁴ம் இச்ச்²ஹதா |
ஆபத³ம் ஷ²ம்ʼகமாநேந புருஷேண விபஷ்²சிதா || 3-24-11
தஸ்மாத் க்³ருʼஹீத்வா வைதே³ஹீம் ஷ²ர பாணி꞉ த⁴நுர் த⁴ர꞉ |
கு³ஹாம் ஆஷ்²ரய ஷை²லஸ்ய து³ர்கா³ம் பாத³ப ஸம்ʼகுலாம் || 3-24-12
ப்ரதிகூலிதும் இச்ச்²ஹாமி ந ஹி வாக்யம் இத³ம் த்வயா |
ஷா²பிதோ மம பாதா³ப்⁴யாம் க³ம்யதாம் வத்ஸ மா சிரம் || 3-24-13
த்வம் ஹி ஷூ²ர꞉ ச ப³லவான் ஹந்யா ஏதான் ந ஸம்ʼஷ²ய꞉ |
ஸ்வயம் நிஹந்தும் இச்ச்²ஹமி ஸர்வான் ஏவ நிஷா²சரான் || 3-24-14
ஏவம் உக்த꞉ து ராமேண லக்ஷ்மண꞉ ஸஹ ஸீதயா |
ஷ²ரான் ஆதா³ய சாபம் ச கு³ஹாம் து³ர்கா³ம் ஸமாஷ்²ரயத் || 3-24-15
தஸ்மின் ப்ரவிஷ்டே து கு³ஹாம் லக்ஷ்மணே ஸஹ ஸீதயா |
ஹந்த நிர்யுக்தம் இதி உக்த்வா ராம꞉ கவசம் ஆவிஷ²த் || 3-24-16
ஸ தேந அக்³நி நிகாஷே²ந கவசேந விபூ⁴ஷித꞉ |
ப³பூ⁴வ ராம꞉ திமிரே மஹான் அக்³நிர் இவ உத்தி²த꞉ || 3-24-17
ஸ சாபம் உத்³யம்ய மஹத் ஷ²ரான் ஆதா³ய வீர்யவான் |
ஸம்ʼப³பூ⁴வ அவஸ்தி²த꞉ தத்ர ஜ்யா ஸ்வநை꞉ பூரயன் தி³ஷ²꞉ || 3-24-18
ததோ தே³வா꞉ ஸக³ந்த⁴ர்வா꞉ ஸித்³தா⁴꞉ ச ஸஹ சாரணை꞉ |
ஸமேயு꞉ ச மஹாத்மநோ யுத்³த⁴ த³ர்ஷ²ந காம்ʼக்ஷயா || 3-24-19
ருʼஷய꞉ ச மஹாத்மநோ லோகே ப்³ரஹ்மர்ஷி ஸத்தமா꞉ |
ஸமேத்ய ச ஊசு꞉ ஸஹிதா꞉ தே அந்யோந்யம் புண்ய கர்மண꞉ || 3-24-20
ஸ்வஸ்தி கோ³ ப்³ராஹ்மணாநாம் ச லோகாநாம் ச இதி ஸம்ʼஸ்தி²தா꞉ |
ஜயதாம் ராக⁴வோ யுத்³தே⁴ பௌலஸ்த்யான் ரஜநீ சரான் || 3-24-21
சக்ர ஹஸ்தோ யதா² யுத்³தே⁴ ஸர்வான் அஸுர பு.ம்ʼக³வான் |
ஏவம் உக்த்வா புந꞉ ப்ர ஊசு꞉ ஆலோக்ய ச பரஸ்பரம் || 3-24-22
சதுர்த³ஷ² ஸஹஸ்ராணி ரக்ஷஸாம் பீ⁴ம கர்மணாம் |
ஏக꞉ ச ராமோ த⁴ர்மாத்மா கத²ம் யுத்³த⁴ம் ப⁴விஷ்யதி || 3-24-23
இதி ராஜர்ஷய꞉ ஸித்³தா⁴꞉ ஸ க³ணா꞉ ச த்³விஜர்ஷபா⁴꞉ |
ஜாத கௌதூஹலாத் தஸ்து²ர் விமாநஸ்தா²꞉ ச தே³வதா || 3-24-24
ஆவிஷ்டம் தேஜஸா ராமம் ஸ.ம்ʼக்³ராம ஷி²ரஸி ஸ்தி²தம் |
த்³ருʼஷ்ட்வா ஸர்வாணி பூ⁴தாநி ப⁴யாத் விவ்யதி²ரே ததா³ || 3-24-25
ரூபம் அப்ரதிமம் தஸ்ய ராமஸ்ய அக்லிஷ்ட கர்மண꞉ |
ப³பூ⁴வ ரூபம் க்ருத்³த⁴ஸ்ய ருத்³ரஸ்ய இவ மஹாத்மந꞉ || 3-24-26
இதி ஸம்ʼபா⁴ஷ்யமாணோ து தே³வ க³ம்ʼத⁴ர்வ சாரணை꞉ |
ததோ க³ம்ʼபீ⁴ர நிர்ஹ்ராத³ம் கோ⁴ர சர்ம ஆயுத⁴ த்⁴வஜம் ||3-24-27
அநீகம் யாதுதா⁴நாநாம் ஸமந்தாத் ப்ரத்யத்³ருʼஷ்²யத |
வீர ஆலாபான் விஸ்ருʼஜதாம் அந்யோந்யம் அபி⁴க³ச்ச்²ஹதாம் || 3-24-28
சாபாநி விஸ்ப²ரயதாம் ஜ்ருʼம்ʼப⁴தாம் ச அபி அபீ⁴க்ஷ்ணஷ²꞉ |
விப்ரகு⁴ஷ்ட ஸ்வநாநாம் ச து³ம்ʼது³பீ⁴ம் ச அபி நிக்⁴நதாம் || 3-24-29
தேஷாம் ஸுதுமுல꞉ ஷ²ப்³த³꞉ பூரயாமாஸ தத்³ வநம் |
தேந ஷ²ப்³தே³ந வித்ரஸ்தா꞉ ஷ்²வாபதா³ வந சாரிண꞉ || 3-24-30
து³த்³ருவு꞉ யத்ர நி꞉ஷ²ப்³த³ம் ப்ருʼஷ்ட²தோ ந அவலோகயன் |
தத் ச அநீகம் மஹாவேக³ம் ராமம் ஸமநுவர்தத || 3-24-31
க்⁴ருʼத நாநா ப்ரஹரணம் க³ம்ʼபீ⁴ரம் ஸாக³ரோபமம் |
ராமோ அபி சாரயன் சக்ஷு꞉ ஸர்வதோ ரண பண்டி³த꞉ || 3-24-32
த³த³ர்ஷ² க²ர ஸைந்யம் தத் யுத்³த⁴ அபி⁴முகோ² க³த꞉ |
விதத்ய ச த⁴நுர் பீ⁴மம் தூண்யா꞉ ச உத்³த்⁴ருʼத்ய ஸாயகான் || 3-24-33
க்ரோத⁴ம் ஆஹாரயத் தீவ்ரம் வதா⁴ர்த²ம் ஸர்வ ரக்ஷஸாம் |
து³ஷ்ப்ரேக்ஷ்யஷ்²சாப⁴வத்க்ருத்³தோ⁴யுகா³ந்தாக்³நிரிவஜ்வலன் - யத்³வா -
து³ஷ்ப்ரேக்ஷ்ய꞉ ச அப⁴வத் க்ருத்³தோ⁴ யுகா³ந்த அக்³நி꞉ இவ ஜ்வலன் || 3-24-34
தம் த்³ருʼஷ்ட்வா தேஜஸா ஆவிஷ்டம் ப்ராவ்யத²ன் வந தே³வதா꞉ |
தஸ்ய ருஷ்ட்ஸ்ய ரூபம் து ராமஸ்ய த³த்³ருʼஷே² ததா³ |
த³க்ஷஸ்ய இவ க்ரதும் ஹந்தும் உத்³யதஸ்ய பிநாகிநீ || 3-24-35
தத் கார்முகை꞉ ஆப⁴ரணை꞉ ரதை²꞉ ச
தத் வர்மாபி⁴꞉ ச அக்³நி ஸமாந வர்ணை꞉ |
ப³பூ⁴வ ஸைந்யம் பிஷி²த அஷ²நிநாம்
ஸூர்ய உத³யே நீலம் இவ அப்⁴ர ஜாலம் || 3-24-36
இதி வால்மீகி ராமாயணே ஆதி³ காவ்யே அரண்ய காண்டே³ சதுர் விம்ʼஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
