வால்மீகி ராமாயணே ஆதி³ காவ்யே அரண்ய காண்டே³ அஷ்டாத³ஷ²꞉ ஸர்க³꞉
தாம் து ஷூ²ர்பணகா²ம் ராம꞉ காம பாஷ² அவபாஷி²தாம் |
ஸ்வச்ச்²ஹயா ஷ்²லக்ஷ்ணயா வாசா ஸ்மித பூர்வம் அத² அப்³ரவீத் || 3-18-1
க்ருʼத தா³ரோ அஸ்மி ப⁴வதி பா⁴ர்யா இயம் த³யிதா மம |
த்வத் விதா⁴நாம் து நாரீணாம் ஸுது³꞉கா² ஸஸபத்நதா || 3-18-2
அநுஜ꞉ து ஏஷ மே ப்⁴ராதா ஷீ²லவான் ப்ரிய த³ர்ஷ²ந꞉ |
ஷ்²ரீமான் அக்ருʼத தா³ர꞉ ச லக்ஷ்மணோ நாம வீர்யவான் || 3-18-3
அபூர்வீ பா⁴ர்யயா ச அர்தீ² தருண꞉ ப்ரிய த³ர்ஷ²ந꞉ |
அநுரூப꞉ ச தே ப⁴ர்தா ரூபஸ்ய அஸ்ய ப⁴விஷ்யதி || 3-18-4
ஏநம் ப⁴ஜ விஷா²லாக்ஷி ப⁴ர்தாரம் ப்⁴ராதரம் மம |
அஸபத்நா வராரோஹே மேரும் அர்க ப்ரபா⁴ யதா² || 3-18-5
இதி ராமேண ஸா ப்ரோக்தா ராக்ஷஸீ காம மோஹிதா |
விஸ்ருʼஜ்ய ராமம் ஸஹஸா ததோ லக்ஷ்மணம் அப்³ரவீத் || 3-18-6
அஸ்ய ரூபஸ்ய தே யுக்தா பா⁴ர்யா அஹம் வரவர்ணிநீ |
மயா ஸஹ ஸுக²ம் ஸர்வான் த³ண்ட³கான் விசரிஷ்யஸி || 3-18-7
ஏவம் உக்த꞉ து ஸௌமித்ரீ ராக்ஷஸ்யா வாக்ய கோவித³꞉ |
தத꞉ ஷூ²ர்பணகீ²ம் ஸ்மித்வா லக்ஷ்மணோ யுக்தம் அப்³ரவீத் || 3-18-8
கத²ம் தா³ஸஸ்ய மே தா³ஸீ பா⁴ர்யா ப⁴விதும் இச்ச்²ஹஸி |
ஸோ அஹம் ஆர்யேண பரவான் ப்⁴ராத்ரா கமல வர்ணிநீ || 3-18-9
ஸம்ருʼத்³த⁴ அர்த²ஸ்ய ஸித்³தா⁴ர்தா² முதி³த அமல வர்ணிநீ |
ஆர்யஸ்ய த்வம் விஷா²லாக்ஷி பா⁴ர்யா ப⁴வ யவீயஸீ || 3-18-10
ஏநாம் விரூபாம் அஸதீம் கராளாம் நிர்ணத உத³ரீம் |
பா⁴ர்யாம் வ்ருʼத்³தா⁴ம் பரித்யஜ்ய த்வாம் ஏவ ஏஷ ப⁴ஜிஷ்யதி || 3-18-11
கோ ஹி ரூபம் இத³ம் ஷ்²ரேஷ்ட²ம் ஸம்ʼத்யஜ்ய வரவர்ணிநி |
மாநுஷேஷு வராரோஹே குர்யாத் பா⁴வம் விசக்ஷண꞉ || 3-18-12
இதி ஸா லக்ஷ்மணேந உக்தா கராளா நிர்ணதோத³ரீ |
மந்யதே தத் வச꞉ ஸத்யம் பரிஹாஸ அவிசக்ஷணா || 3-18-13
ஸா ராமம் பர்ணஷா²லாயாம் உபவிஷ்டம் பரம்ʼதபம் |
ஸீதயா ஸஹ து³ர்த⁴ர்ஷம் அப்³ரவீத் காம மோஹிதா || 3-18-14
இமாம் விரூபாம் அஸதீம் கராளாம் நிர்ணதோத³ரீம் |
வ்ருʼத்³தா⁴ம் பா⁴ர்யாம் அவஷ்டப்⁴ய ந மாம் த்வம் ப³ஹு மந்யஸே || 3-18-15
அத்³ய இமாம் ப⁴க்ஷயிஷ்யாமி பஷ்²யத꞉ தவ மாநுஷீம் |
த்வயா ஸஹ சரிஷ்யாமி நி꞉ஸபத்நா யதா² ஸுக²ம் || 3-18-16
இதி உக்த்வா ம்ருʼக³ஷா²வாக்ஷீம் அலாத ஸத்³ருʼஷ² ஈக்ஷணா |
அப்⁴யதா⁴வத் ஸுஸம்ʼக்ருத்³தா⁴ மஹா உல்கா ரோஹிணீம் இவ || 3-18-17
தாம் ம்ருʼத்யு பாஷ² ப்ரதிமாம் ஆபதம்ʼதீம் மஹாப³ல꞉ |
விக்³ருʼஹ்ய ராம꞉ குபித꞉ ததோ லக்ஷ்மணம் அப்³ரவீத் || 3-18-18
க்ரூரை꞉ அநார்யை꞉ ஸௌமித்ரே பரிஹாஸ꞉ கத²ம்ʼசந |
ந கார்ய꞉ பஷ்²ய வைதே³ஹீம் கத²ம்ʼசித் ஸௌம்ய ஜீவதீம் || 3-18-19
இமாம் விரூபாம் அஸதீம் அதிமத்தாம் மஹோத³ரீம் |
ராக்ஷஸீம் புருஷவ்யாக்⁴ர விரூபயிதும் அர்ஹஸி || 3-18-20
இதி உக்தோ லக்ஷ்மண꞉ தஸ்யா꞉ க்ருத்³தோ⁴ ராமஸ்ய பஷ்²யத꞉ |
உத்³த்⁴ருʼத்ய க²ட்³க³ம் சிச்ச்²ஹேத³ கர்ண நாஸம் மஹாப³ல꞉ || 3-18-21
நிக்ருʼத்த கர்ண நாஸா து விஸ்வரம் ஸா விநத்³ய ச |
யதா² ஆக³தம் ப்ரது³த்³ராவ கோ⁴ரா ஷூ²ர்பணகா² வநம் || 3-18-22
ஸா விரூபா மஹாகோ⁴ரா ராக்ஷஸீ ஷோ²ணித உக்ஷிதா |
நநாத³ விவிதா⁴ன் நாதா³ன் யதா² ப்ராவ்ருʼஷி தோயத³꞉ || 3-18-23
ஸா விக்ஷரம்ʼதீ ருதி⁴ரம் ப³ஹுதா⁴ கோ⁴ர த³ர்ஷ²நா |
ப்ரக்³ருʼஹ்ய பா³ஹூ க³ர்ஜந்தீ ப்ரவிவேஷ² மஹாவநம் || 3-18-24
தத꞉ து ஸா ராக்ஷஸ ஸம்ʼக⁴ ஸம்வ்ருʼதம்
க²ரம் ஜந ஸ்தா²ந க³தம் விரூபிதா |
உபேத்ய தம் ப்⁴ராதரம் உக்³ர தேஜஸம்
பபாத பூ⁴மௌ க³க³நாத்³ யதா² அஷ²நி꞉ || 3-18-25
தத꞉ ஸபா⁴ர்யம் ப⁴ய மோஹ மூர்சிதா
ஸலக்ஷ்மணம் ராக⁴வம் ஆக³தம் வநம் |
விரூபணம் ச ஆத்மநி ஷோ²ணித உக்ஷிதா
ஷ²ஷ²ம்ʼஸ ஸர்வம் ப⁴கி³நீ க²ரஸ்ய ஸா || 3-18-26
இதி வால்மீகி ராமாயணே ஆதி³ காவ்யே அரண்ய காண்டே³ அஷ்டாத³ஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
