வால்மீகி ராமாயணே ஆதி³ காவ்யே அரண்ய காண்டே³ ஸப்தத³ஷ²꞉ ஸர்க³꞉
க்ருʼத அபி⁴ஷேகோ ராம꞉ து ஸீதா ஸௌமித்ரிர் ஏவ ச |
தஸ்மாத் கோ³தா³வரீ தீராத் ததோ ஜக்³மு꞉ ஸ்வம் ஆஷ்²ரமம் || 3-17-1
ஆஷ்²ரமம் தம் உபாக³ம்ய ராக⁴வ꞉ ஸஹ லக்ஷ்மண꞉ |
க்ருʼத்வா பௌர்வாஹ்ணிகம் கர்ம பர்ணஷா²லாம் உபாக³மத் || 3-17-2
உவாஸ ஸுகி²த꞉ தத்ர பூஜ்யமாநோ மஹர்ஷப⁴꞉|
ஸ ராம꞉ பர்ண ஷா²லாயாம் ஆஸீந꞉ ஸஹ ஸீதயா || 3-1-7-3
விரராஜ மஹா பா³ஹு꞉ சித்ரயா சந்த்³ரமா இவ |
லக்ஷ்மணேந ஸஹ ப்⁴ராத்ரா சகார விவிதா⁴꞉ கதா²꞉ || 3-17-4
ததா³ ஆஸீநஸ்ய ராமஸ்ய கதா² ஸம்ʼஸக்த சேதஸ꞉ |
தம் தே³ஷ²ம் ராக்ஷஸீ காசித்³ ஆஜகா³ம யத்³ருʼச்ச்²ஹயா || 3-17-5
ஸா து ஷூ²ர்பணகா² நாம த³ஷ²க்³ரீவஸ்ய ரக்ஷஸ꞉ |
ப⁴கி³நீ ராமம் ஆஸாத்³ய த³த³ர்ஷ² த்ரித³ஷ² உபமம் || 3-17-6
தீ³ப்தாஸ்யம் ச மஹாபா³ஹும் பத்³ம பத்ராயத ஈக்ஷணம் |
க³ஜ விக்ராம்ʼத க³மநம் ஜடா மண்த³ள தா⁴ரிணம் || 3-17-7
ஸுகுமாரம் மஹா ஸத்த்வம் பார்தி²வ வ்யம்ʼஜந அந்விதம் |
ராமம் இந்தீ³வர ஷ்²யாமம் கந்த³ர்ப ஸத்³ருʼஷ² ப்ரப⁴ம் || 3-17-8
ப³பூ⁴வ இந்த்³ரோபமம் த்³ருʼஷ்ட்வா ராக்ஷஸீ காம மோஹிதா |
ஸுமுக²ம் து³ர்முகீ² ராமம் வ்ருʼத்த மத்⁴யம் மஹோத³ரீ || 3-17-9
விஷா²லாக்ஷம் விரூபாக்ஷீ ஸுகேஷ²ம் தாம்ர மூர்த⁴ஜா |
ப்ரியரூபம் விரூபா ஸா ஸுஸ்வரம் பை⁴ரவ ஸ்வநா || 3-17-10
தருணம் தா³ருணா வ்ருʼத்³தா⁴ த³க்ஷிணம் வாம பா⁴ஷிணீ |
ந்யாய வ்ருʼத்தம் ஸுது³ர்வ்ருʼத்தா ப்ரியம் அப்ரிய த³ர்ஷ²நா || 3-17-11
ஷ²ரீரஜ ஸமாவிஷ்டா ராக்ஷஸீ ராமம் அப்³ரவீத் |
ஜடீ தாபஸ ரூபேண ஸபா⁴ர்ய꞉ ஷ²ர சாப த்⁴ருʼக் || 3-17-12
ஆக³த꞉ த்வம் இமம் தே³ஷ²ம் கத²ம் ராக்ஷஸ ஸேவிதம் |
கிம் ஆக³மந க்ருʼத்யம் தே தத் த்வம் ஆக்²யாதும் அர்ஹஸி || 3-17-13
ஏவம் உக்த꞉ து ராக்ஷஸ்யா ஷூ²ர்பணக்²யா பரம்ʼதப꞉ |
ருʼஜு பு³த்³தி⁴தயா ஸர்வம் ஆக்²யாதும் உபசக்ரமே || 3-17-14
ஆஸீத் த³ஷ²ரதோ² நாம ராஜா த்ரித³ஷ² விக்ரம꞉ |
தஸ்ய அஹம் அக்³ரஜ꞉ புத்ரோ ராமோ நாம ஜநை꞉ ஷ்²ருத꞉ || 3-17-15
ப்⁴ராதா அயம் லக்ஷ்மணோ நாம யவீயான் மாம் அநுவ்ரத꞉ |
இயம் பா⁴ர்யா ச வைதே³ஹீ மம ஸீதேதி விஷ்²ருதா || 3-17-16
நியோகா³த் து நரேந்த்³ரஸ்ய பிதுர் மாது꞉ ச யம்ʼத்ரித꞉ |
த⁴ர்மார்த²ம் த⁴ர்மகாம்ʼக்ஷீ ச வநம் வஸ்தும் இஹ ஆக³த꞉ || 3-17-17
த்வாம் து வேதி³தும் இச்ச்²ஹாமி கஸ்ய த்வம் கா அஸி கஸ்ய வா |
த்வம் ஹி தாவந்மநோஜ்ஞா.ம்ʼகீ³ ராக்ஷஸீ ப்ரதிபா⁴ஸி மே || 3-17-18
இஹ வா கிம் நிமித்தம் த்வம் ஆக³தா ப்³ரூஹி தத்த்வத꞉ |
ஸா அப்³ரவீத் வசநம் ஷ்²ருத்வா ராக்ஷஸீ மத³ந அர்தி³தா || 3-17-19
ஷ்²ரூயதாம் ராம வக்ஷ்யாமி தத்த்வார்த²ம் வசநம் மம |
அஹம் ஷூ²ர்பணகா² நாம ராக்ஷஸீ காமரூபிணீ || 3-17-20
அரண்யம் விசராமி இத³ம் ஏகா ஸர்வ ப⁴யம்ʼகரா |
ராவணோ நாம மே ப்⁴ராதா பலீயாந்ராக்ஷஸேஷ்வர || 3-17-21
வீரோ விஷ்²ரவஸ꞉ புத்ரோ யதி³ தே ஷ்²ரோத்ரம் ஆக³த꞉ |
ப்ரவ்ருʼத்³த⁴ நித்³ர꞉ ச ஸதா³ கும்ʼப⁴கர்ணோ மஹாப³ல꞉ || 3-17-22
விபீ⁴ஷண꞉ து த⁴ர்மாத்மா ந து ராக்ஷஸ சேஷ்டித꞉ |
ப்ரக்²யாத வீர்யௌ ச ரணே ப்⁴ராதரௌ க²ர தூ³ஷணௌ || 3-17-23
தான் அஹம் ஸமதிக்ராந்தா ராம த்வா பூர்வ த³ர்ஷ²நாத் |
ஸமுபேதா அஸ்மி பா⁴வேந ப⁴ர்தாரம் புருஷோத்தமம் || 3-17-24
அஹம் ப்ரபா⁴வ ஸம்ʼபந்நா ஸ்வச்ச்²ஹம்ʼத³ ப³ல கா³மிநீ |
சிராய ப⁴வ ப⁴ர்தா மே ஸீதயா கிம் கரிஷ்யஸி || 3-17-25
விக்ருʼதா ச விரூபா ச ந ஸா இயம் ஸத்³ருʼஷீ² தவ |
அஹம் ஏவ அநுரூபா தே பா⁴ர்யா ரூபேண பஷ்²ய மாம் || 3-17-26
இமாம் விரூபாம் அஸதீம் கராளாம் நிர்ணத உத³ரீம் |
அநேந ஸஹ தே ப்⁴ராத்ரா ப⁴க்ஷயிஷ்யாமி மாநுஷீம் || 3-17-27
தத꞉ பர்வத ஷ்²ருʼ.ம்ʼகா³ணி வநாநி விவிதா⁴நி ச |
பஷ்²யந்ஸஹமயாகாமீத³ண்ட³காந்விசரிஷ்யஸி - யத்³வா -
பஷ்²யன் ஸஹ மயா காமீ த³ண்ட³கான் விசரிஷ்யஸி || 3-17-28
இதி ஏவம் உக்த꞉ காகுத்ஸ்த²꞉ ப்ரஹஸ்ய மதி³ர ஈக்ஷணாம் |
இத³ம் வசநம் ஆரேபே⁴ வக்தும் வாக்ய விஷா²ரத³꞉ || 3-17-29
இதி வால்மீகி ராமாயணே ஆதி³ காவ்யே அரண்ய காண்டே³ ஸப்தத³ஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
