வால்மீகி ராமாயணே ஆதி³ காவ்யே அரண்ய காண்டே³ பம்ʼசத³ஷ²꞉ ஸர்க³꞉
தத꞉ பம்ʼசவடீம் க³த்வா நாநா வ்யாள ம்ருʼகா³யுதாம் |
உவாச ப்⁴ராதரம் ராமோ லக்ஷ்மணம் தீ³ப்த தேஜஸம் || 3-15-1
ஆக³தா꞉ ஸ்ம யதா² உத்³தி³ஷ்டம் யம் தே³ஷ²ம் முநி꞉ அப்³ரவீத் |
அயம் பம்ʼசவடீ தே³ஷ²꞉ ஸௌம்ய புஷ்பித காநந꞉ || 3-15-2
ஸர்வத꞉ சார்யதாம் த்³ருʼஷ்டி꞉ காநநே நிபுணோ ஹி அஸி |
ஆஷ்²ரம꞉ கதர அஸ்மின் ந꞉ தே³ஷே² ப⁴வதி ஸம்மத꞉ || 3-15-3
ரமதே யத்ர வைதே³ஹீ த்வம் அஹம் சைவ லக்ஷ்மண |
தாத்³ருʼஷோ² த்³ருʼஷ்²யதாம் தே³ஷ²꞉ ஸம்ʼநிக்ருʼஷ்ட ஜலாஷ²ய꞉ || 3-15-4
வந ராமண்யகம் யத்ர ஜல ராமண்யகம் ததா² |
ஸம்ʼநிக்ருʼஷ்டம் ச யஸ்மின் து ஸமித் புஷ்ப குஷ² உத³கம் || 3-15-5
ஏவம் உக்த꞉ து ராமேண லக்மண꞉ ஸம்ʼயத அம்ʼஜலி꞉ |
ஸீதா ஸமக்ஷம் காகுத்ஸ்த²ம் இத³ம் வசநம் அப்³ரவீத் || 3-15-6
பரவான் அஸ்மி காகுத்ஸ்த² த்வயி வர்ஷ ஷ²தம் ஸ்தி²தே |
ஸ்வயம் து ருசிரே தே³ஷே² க்ரியதாம் இதி மாம் வத³ || 3-15-7
ஸுப்ரீத꞉ தேந வாக்யேந லக்ஷ்மணஸ்ய மஹாத்³யுதி꞉ |
விம்ருʼஷ²ன் ரோசயாமாஸ தே³ஷ²ம் ஸர்வ கு³ண அந்விதம் || 3-15-8
ஸ தம் ருசிரம் ஆக்ரம்ய தே³ஷ²ம் ஆஷ்²ரம கர்மணி |
ஹஸ்தே க்³ருʼஹீத்வா ஹஸ்தேந ராம꞉ ஸௌமித்ரிம் அப்³ரவீத் || 3-15-9
அயம் தே³ஷ²꞉ ஸம꞉ ஷ்²ரீமான் புஷ்பிதைர் தருபி⁴ர் வ்ருʼத꞉ |
இஹ ஆஷ்²ரம பத³ம் ஸௌம்ய யதா²வத் கர்தும் அர்ஹஸி || 3-15-10
இயம் ஆதி³த்ய ஸம்ʼகாஷை²꞉ பத்³மை꞉ ஸுரபி⁴ க³ம்ʼதி⁴பி⁴꞉ |
அதூ³ரே த்³ருʼஷ்²யதே ரம்யா பத்³மிநீ பத்³ம ஷோ²பி⁴தா || 3-5-11
யதா² ஆக்²யாதம் அக³ஸ்த்யேந முநிநா பா⁴விதாத்மநா |
இயம் கோ³தா³வரீ ரம்யா புஷ்பிதை꞉ தருபி⁴ர் வ்ருʼதா || 3-15-12
ஹம்ʼஸ காரண்ட³வ ஆகீர்ணா சக்ரவாக உபஷோ²பி⁴தா |
ந அதிதூ³ரே ந ச ஆஸந்நே ம்ருʼக³ யூத² நிபீடி³தா || 3-15-13
மயூர நாதி³தா ரம்யா꞉ ப்ராம்ʼஷ²வோ ப³ஹு கம்ʼத³ரா꞉ |
த்³ருʼஷ்²யந்தே கி³ரய꞉ ஸௌம்ய பு²ல்லை꞉ தருபி⁴ர் ஆவ்ருʼதா꞉ || 3-15-14
ஸௌவர்ணை ராஜதை꞉ தாம்ரை꞉ தே³ஷே² தே³ஷே² ச தா⁴துபி⁴꞉ |
க³வாக்ஷிதா இவ ஆபா⁴ந்தி க³ஜா꞉ பரம ப⁴க்திபி⁴꞉ || 3-15-15
ஸாலை꞉ தாலை꞉ தமாலை꞉ ச க²ர்ஜூரை꞉ பநஸை꞉ த்³ருமை꞉ |
நீவாரை꞉ திநிஷை²꞉ சைவ புந்நாகை³꞉ ச உபஷோ²பி⁴தா꞉ || 3-15-16
சூதைர் அஷோ²கை꞉ திலகை꞉ கேதகைர் அபி சம்ʼபகை꞉ |
புஷ்ப கு³ள்ம லதா உபேதை꞉ தை꞉ தை꞉ தருபி⁴ர் ஆவ்ருʼதா꞉ || 3-15-17
ஸ்யந்த³நை꞉ சம்ʼத³நை꞉ நீபை꞉ பர்ணாஸை꞉ லகுசை꞉ அபி |
த⁴வ அஷ்²வகர்ண க²தி³ரை꞉ ஷ²மீ கிம்ʼஷு²க பாடலை꞉ || 3-15-18
இத³ம் புண்யம் இத³ம் ரம்யம் இத³ம் ப³ஹு ம்ருʼக³ த்³விஜம் |
இஹ வத்ஸ்யாம ஸௌமித்ரே ஸார்த⁴ம் ஏதேந பக்ஷிணா || 3-15-19
ஏவம் உக்த꞉ து ராமேண லக்ஷ்மண꞉ பரவீரஹா |
அசிரேண ஆஷ்²ரமம் ப்⁴ராது꞉ சகார ஸுமஹாப³ல꞉ || 3-15-20
பர்ணஷா²லாம் ஸுவிபுலாம் தத்ர ஸம்ʼகா⁴த ம்ருʼத்திகாம் |
ஸுஸ்தம்ʼபா⁴ம் மஸ்கரைர் தீ³ர்கை⁴꞉ க்ருʼத வம்ʼஷா²ம் ஸுஷோ²ப⁴நாம் || 3-15-21
ஷ²மீ ஷா²கா²பி⁴꞉ ஆஸ்தீர்ய த்⁴ருʼட⁴ பாஷா²வபாஷி²தம் |
குஷ² காஷ² ஷ²ரை꞉ பர்ணை꞉ ஸுபரிச்ச்²ஹாதி³தாம் ததா² || 3-15-22
ஸமீக்ருʼத தலாம் ரம்யாம் சகார ஸுமஹாப³ல꞉ |
நிவாஸம் ராக⁴வஸ்ய அர்தே² ப்ரேக்ஷ்ணீயம் அநுத்தமம் || 3-15-23
ஸ க³த்வா லக்ஷ்மண꞉ ஷ்²ரீமான் நதீ³ம் கோ³தா³வரீம் ததா³ |
ஸ்நாத்வா பத்³மாநி ச ஆதா³ய ஸப²ல꞉ புநர் ஆக³த꞉ || 3-15-24
தத꞉ புஷ்ப ப³லிம் க்ருʼத்வா ஷா²ந்திம் ச ஸ யதா²விதி⁴ |
த³ர்ஷ²யாமாஸ ராமாய தத்³ ஆஷ்²ரம பத³ம் க்ருʼதம் || 3-15-25
ஸ தம் த்³ருʼஷ்ட்வா க்ருʼதம் ஸௌம்யம் ஆஷ்²ரமம் ஸஹ ஸீதயா |
ராக⁴வ꞉ பர்ணஷா²லாயாம் ஹர்ஷம் ஆஹாரயத் பரம் || 3-15-26
ஸுஸம்ʼஹ்ருʼஷ்ட꞉ பரிஷ்வஜ்ய பா³ஹுப்⁴யாம் லக்ஷ்மணம் ததா³ |
அதி ஸ்நிக்³த⁴ம் ச கா³ட⁴ம் ச வசநம் ச இத³ம் அப்³ரவீத் || 3-15-27
ப்ரீதோ அஸ்மி தே மஹத் கர்ம த்வயா க்ருʼதம் இத³ம் ப்ரபோ⁴ |
ப்ரதே³யோ யன் நிமித்தம் தே பரிஷ்வ.ம்ʼகோ³ மயா க்ருʼத꞉ || 3-15-28
பா⁴வஜ்ஞேந க்ருʼதஜ்ஞேந த⁴ர்மஜ்ஞேந ச லக்ஷ்மண |
த்வயா புத்ரேண த⁴ர்மாத்மா ந ஸம்ʼவ்ருʼத்த꞉ பிதா மம || 3-15-29
ஏவம் லக்ஷ்மணம் உக்த்வா து ராக⁴வோ லக்ஷ்மிவர்த⁴ந꞉ |
தஸ்மின் தே³ஷே² ப³ஹு ப²லே ந்யவஸத் ஸ ஸுக²ம் ஸுகீ² || 3-15-30
கம்ʼசித் காலம் ஸ த⁴ர்மாத்மா ஸீதயா லக்ஷ்மணேந ச
அந்வாஸ்யமாநோ ந்யவஸத் ஸ்வர்க³ லோகே யதா² அமர꞉ || 3-15-31
இதி வால்மீகி ராமாயணே ஆதி³ காவ்யே அரண்ய காண்டே³ பம்ʼசத³ஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
