வால்மீகி ராமாயணே ஆதி³ காவ்யே அரண்ய காண்டே³ சதுர்த²꞉ ஸர்க³꞉
ஹ்ரியமாணௌ து காகுத்ஸ்தௌ² த்³ருʼஷ்ட்வா ஸீதா ரகூ⁴த்தமௌ |
உச்சை꞉ ஸ்வரேண சுக்ரோஷ² ப்ரக்³ருʼஹ்ய ஸு மஹாபு⁴ஜௌ || 3-4-1
{ஹ்ரியமாணௌ து தௌ தரிஷ்ட்வா வைதேஹீ ராமலக்ஷ்மணௌ.
உச்சை꞉ ஸ்வரேண சுக்ரோஷ² ப்ரக்³ருʼஹ்ய ஸு மஹாபு⁴ஜௌ || 3-4-1} வேறு பதிப்பு
ஏஷ தா³ஷ²ரதீ² ராம꞉ ஸத்யவான் ஷீ²லவான் ஷு²சி꞉ |
ரக்ஷஸா ரௌத்³ர ரூபேண ஹ்ரியதே ஸஹ லக்ஷ்மண꞉ || 3-4-2
மாம் ருʼகா ப⁴க்ஷ இஷ்யந்தி ஷா²ர்தூ³ள த்³வீபிந꞉ ததா² |
மாம் ஹர꞉ உத்ஸ்ருʼஜ்ய காகுத்ஸ்தௌ² நமஸ்தே ராக்ஷஸோத்தம꞉ || 3-4-3
தஸ்யா꞉ தத் வசநம் ஷ்²ருத்வா வைதே³ஹ்யா꞉ ராம லக்ஷ்மணௌ |
வேக³ம் ப்ரசக்ரதுர் வீரௌ வதே⁴ தஸ்ய து³ராத்மந꞉ || 3-4-4
தஸ்ய ரௌத்³ரஸ்ய ஸௌமித்ரி꞉ ஸவ்யம் பா³ஹும் ப³ப⁴ஞ்ஜ ஹ |
ராம꞉ து த³க்ஷிணம் பா³ஹும் தரஸா தஸ்ய ரக்ஷஸ꞉ || 3-4-5
ஸ꞉ ப⁴க்³ந ப³ஹு꞉ ஸம்ʼவிக்³ந꞉ பபாத ஆஷு² விமூர்சி²த꞉ |
த⁴ரண்யாம் மேக⁴ ஸம்ʼகாஷோ² வஜ்ர பி⁴ந்ந இவ அசல꞉ || 3-4-6
முஷ்டிபி⁴ர் பா³ஹுபி⁴ர் பத்³பி⁴꞉ ஸூத³யந்தௌ து ராக்ஷஸம் |
உத்³யம்ʼயோத்³யம்ʼய ச அபி ஏநம் ஸ்த²ண்டி³லே நிஷ்பிபேஷது꞉ || 3-4-7
ஸ வித்³தோ⁴ ப³ஹுபி⁴ர் பா³ணை꞉ க²ட்³கா³ப்⁴யாம் ச பரிக்ஷத꞉ |
நிஷ்பிஷ்டோ ப³ஹுதா⁴ பூ⁴மௌ ந மமார ஸ ராக்ஷஸ꞉ || 3-4-8
தம் ப்ரேக்ஷ்ய ராம꞉ ஸுப்⁴ருʼஷ²ம் அவத்⁴யம் அசல உபமம் |
ப⁴யேஷு அப⁴ய த³꞉ ஷ்²ரீமான் இத³ம் வசநம் அப்³ரவீத் || 3-4-9
தபஸா புருஷவ்யாக்⁴ர ராக்ஷஸோ(அ)யம் ந ஷ²க்யதே |
ஷ²ஸ்த்ரேண யுதி⁴ நிர்ஜேதும் ராக்ஷஸம் நிக²நாவஹே || 3-4-10
கும்ʼஜர்ஸ்ய இவ ரௌத்³ரஸ்ய ராக்ஷஸஸ்ய அஸ்ய லக்ஷ்மண! |
வநே அஸ்மின் ஸுமஹத்³ ஷ்²வப்⁴ரம் க²ந்யதாம் ரௌத்³ரவர்சஸ꞉ || 3-4-11
இதி உக்த்வா லக்ஷ்மணம் ராம꞉ ப்ரத³ர꞉ க²ந்யதாம் இதி |
தஸ்தௌ² விராத⁴ம் ஆக்ர்ம்ʼய கண்டே² பாதே³ந வீர்யவான் || 3-4-12
தத் ஷ்²ருத்வா ராக⁴வேண உக்தம் ராக்ஷஸ꞉ ப்ரஷ்²ரிதம் வச꞉ |
இத³ம் ப்ரோவாச காகுத்ஸ்த²ம் விராத⁴꞉ புருஷர்ஷப⁴ம் || 3-4-13
ஹதோ(அ)ஹம் புருஷவ்யாக்⁴ர꞉ ஷ²க்ர துல்ய ப³லேந வை |
மயா து பூர்வம் த்வம் மோஹான் ந ஜ்ஞாத꞉ புருஷர்ஷப⁴꞉ || 3-4-14
கௌஸல்யா ஸுப்ரஜாத꞉ தாத ராம꞉ த்வம் விதி³தோ மயா |
வைதே³ஹீ ச மஹாபா⁴கா³ லக்ஷ்மண꞉ ச மஹாயஷா²꞉ || 3-4-15
அபி⁴ ஷா²பாத்³ அஹம் கோ⁴ரம் ப்ரவிஷ்டோ ராக்ஷ்ஸீம் தநும் |
தும்ʼபு³ரு꞉ நாம க³ந்த⁴ர்வ꞉ ஷ²ப்தோ வைஷ்²ரவணேந ஹி || 4-3-16
ப்ரஸாத்³யமாந꞉ ச மயா ஸோ(அ)ப்³ரவீத் மாம் மஹாயஷா²꞉ |
யதா³ தா³ஷ²ரதீ² ரம꞉ த்வாம் வதி⁴ஷ்யதி ஸம்ʼயுகே³ || 3-4-17
ததா³ ப்ரக்ருʼதிம் ஆபந்நோ ப⁴வான் ஸ்வர்க³ம் க³மிஷ்யதி |
அநுபஸ்தீ²யமாநோ மாம் ஸ க்ருத்³தோ⁴ வ்யாஜஹார ஹ || 3-4-18
இதி வைஷ்²ரவணோ ராஜா ரம்ʼப⁴ ஆஸக்தம் உவாச ஹ |
தவ ப்ரஸாதா³ன் முக்தோ அஹம் அபி⁴ஷா²பாத் ஸு தா³ருணாத் || 3-4-19
பு⁴வநம் ஸ்வம் க³மிஷ்யாமி ஸ்வஸ்தி வோ(அ)ஸ்து பரம்ʼதப |
இதோ வஸதி த⁴ர்மாத்மா ஷ²ரப⁴ங்க³꞉ ப்ரதாபவான் || 3-4-20
அத்⁴யர்த² யோஜநே தாத꞉ மஹர்ஷி꞉ ஸூர்ய ஸம்ʼநிப⁴꞉ |
தம் க்ஷிப்ரம் அபி⁴க³ச்ச² த்வம் ஸ தே ஷ்²ரேயோ அபி⁴தா⁴ஸ்யதி || 3-4-21
அவடே ச அபி மாம் ராம நிக்ஷிப்ய குஷ²லீ வ்ரஜ |
ரக்ஷஸாம் க³த ஸத்த்வாநாம் ஏஷ த⁴ர்ம꞉ ஸநாதந꞉ || 3-4-22
அவடே யே நிதீ⁴யந்தே தேஷாம் லோகா꞉ ஸநாதநா꞉ |
ஏவம் உக்த்வா து காகுத்ஸ்த²ம் விராத⁴꞉ ஷ²ர பீடி³த꞉ || 3-4-23
ப³பூ⁴வ ஸ்வர்க³ ஸம்ʼப்ராப்தோ ந்யஸ்த தே³ஹோ மஹாப³ல꞉ |
தத் ஷ்²ருத்வா ராக⁴வ꞉ வாக்யம் லக்ஷ்மணம் வ்யாதி³தே³ஷ² ஹ || 3-4-24
கும்ʼஜர்ஸ்ய இவ ரௌத்³ரஸ்ய ராக்ஷஸஸ்ய அஸ்ய லக்ஷ்மண! |
வநே அஸ்மின் ஸுமஹத் ஷ்²வப்⁴ரம் க²ந்யதாம் ரௌத்³ரகர்மண꞉|| 3-4-25
இதி உக்த்வா லக்ஷ்மணம் ராம꞉ ப்ரத³ர꞉ க²ந்யதாம் இதி |
தஸ்தௌ² விராத⁴ம் ஆக்ரம்ʼய கண்டே² பாதே³ந வீர்யவான் || 3-4-26
தத꞉ க²நித்ரம் ஆதா³ய லக்ஷ்மண꞉ ஷ்²வப்⁴ரம் உத்தமம் |
அக²நத் பார்ஷ்²வத꞉ தஸ்ய விராத⁴ஸ்ய மஹாத்மந꞉ || 3-4-27
தம் முக்த கண்ட²ம் உத்க்ஷிப்ய ஷ²ங்கு கர்ணம் மஹாஸ்வநம் |
விராத⁴ம் ப்ராக்ஷிபத் ஷ்²வப்⁴ரே நத³ந்தம் பை⁴ரவ ஸ்வநம் || 3-4-28
தம் ஆஹவே தா³ருணம் ஆஷு² விக்ரமௌ
ஸ்தி²ரௌ உபௌ⁴ ஸம்ʼயதி ராம லக்ஷ்மணௌ |
முதா³ந்விதௌ சிக்ஷிபதுர் ப⁴யாவஹம்
நத³ந்தம் உத்க்ஷிப்ய பி³லேந ராக்ஷ்ஸம் || 3-4-29
அவத்⁴யதாம் ப்ரேக்ஷ்ய மஹாஸுரஸ்ய தௌ
ஷி²தேந ஷ²ஸ்த்ரேண ததா³ நரர்ஷபௌ⁴ |
ஸமர்த்²ய ச அத்யர்த² விஷா²ரதௌ³ உபௌ⁴
பி³லே விரத⁴ஸ்ய வத⁴ம் ப்ரசக்ரது꞉ || 3-4-30
ஸ்வயம் விராதே⁴ந ஹி ம்ருʼத்யும் ஆத்மந꞉
ப்ரஸஹ்ய ராமேண வதா⁴ர்த²ம் ஈப்ஸித꞉ |
நிவேதி³த꞉ காநந சாரிணா ஸ்வயம்
ந மே வத⁴꞉ ஷ²ஸ்த்ர க்ருʼதோ ப⁴வேத் இதி || 3-4-31
ததே³வ ராமேண நிஷ²ம்ʼய பா⁴ஷிதம்
க்ருʼதா மதி꞉ தஸ்ய பி³ல ப்ரவேஷ²நே |
பி³லம் ச தேந அதி ப³லேந ரக்ஷஸா
ப்ரவேஷ்²யமாநேந வநம் விநாதி³தம் || 3-4-32
ப்ரஹ்ருʼஷ்ட ரூபௌ இவ ராம லக்ஷ்மணௌ
விராத⁴ம் உர்வ்யாம் ப்ரத³ரே நிபாத்ய தம் |
நநந்த³து꞉ வீத ப⁴யௌ மஹாவநே
ஷி²லாபி⁴꞉ அந்தர் த³த⁴து꞉ ச ராக்ஷஸம் || 3-4-33
தத꞉ து தௌ காம்ʼசந சித்ர கார்முகௌ
நிஹத்ய ரக்ஷ꞉ பரிக்³ருʼஹ்ய மைதி²லீம் |
விஜஹ்ரது꞉ தௌ முதி³தௌ மஹாவநே
தி³வி ஸ்தி²தௌ சந்த்³ர தி³வாகரௌ இவ || 3-4-34
இதி வால்மீகி ராமாயணே ஆதி³ காவ்யே அரண்ய காண்டே³ சதுர்த²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
