வால்மீகிராமாயணே ஆதி³காவ்யே அயோத்⁴யாகாண்டே³ ஸப்தநவதிதம꞉ ஸர்க³꞉
ஸுஸம்ரப்³த⁴ம் து ஸௌமித்ரிம் லக்ஷ்மணம் க்ரோத⁴ மூர்சிதம் |
ராம꞉ து பரிஸாந்த்வ்ய அத² வசநம் ச இத³ம் அப்³ரவீத் || 2-97-1
கிம் அத்ர த⁴நுஷா கார்யம் அஸிநா வா ஸசர்மணா |
மஹா இஷ்வாஸே மஹா ப்ராஜ்நே ப⁴ரதே ஸ்வயம் ஆக³தே || 2-97-2
பிதுஸ்ஸத்யம் ப்ரதிஷ்²ருத்ய ஹத்வா ப⁴ரதமாக³தம் |
கிம் கரிஷ்யாமி ராஜ்யேந ஸாபவாதே³ந லக்ஷ்மண || 2-97-3
யத்³த்³ரவ்யம் பா³ந்த³வாநாம் வா மித்ராணாம் வாக்ஷயே ப⁴வத் |
நாஹம் தப்த்ப்ரதிக்³ருஹ்ணீயாம் ப⁴க்ஷாந்விஷக்ருதாநிவ 2-97-4
த⁴ர்மமர்த²ம் ச காமம் ச ப்ருதி²வீம் சாபி லக்ஷண |
இச்சா²மி ப⁴வதாமர்தே² ஏதத் ப்ரதிஷ்²ருணோமி தே || 2-97-5
ப்⁴ராத்ருஇணாம் ஸங்க்³ரஹார்த²ம் ச ஸுகா²ர்த²ம் சாபி லக்ஷ்மண |
ராஜ்யமப்யஹமிச்சா²மி ஸத்யேநாயுத⁴மாலபே⁴ || 2-97-6
நேயம் மம மஹீ ஸௌம்ய து³ர்லபா⁴ ஸாக³ராம்ப³ரா |
ந ஹீச்சே²யமத⁴ர்மேண ஷ²க்ரத்வமபி லக்ஷ்மண || 2-97-7
யத்³விநா ப⁴ரதம் த்வாம் ச ஷ²த்ருக்⁴நம் சாபி மாநத³ |
ப⁴வேந்மம ஸுக²ம் கிஞ்சித்³ப⁴ஸ்ம தத்குருதாம் ஷி²கீ² || 2-97-8
மந்யே(அ)ஹமாக³தோ(அ)யேத்⁴யாம் ப⁴ரதோ ப்⁴ராத்ருவத்ஸல꞉ |
மம ப்ராணாத்ர்பியதர꞉ குலத⁴ர்மமநுஸ்மரன் || 2-97-9
ஷ்²ருத்வா ப்ரவ்ராஜிதம் மாம் ஹி ஜடாவல்கலதா⁴ரிணம் |
ஜாநக்யாஸஹிதம் வீர த்வயா ச புருஷர்ஷப⁴ || 2-97-10
ஸ்நேஹேநாக்ராந்தஹ்ருத³ய꞉ ஷி²கேநாகுலிதேந்த்³ரிய꞉ |
த்³ரஷ்டுமப்⁴யாக³தோ ஹ்யேஷ ப⁴ரதோ நாந்யத²(ஆ)க³த꞉ || 2-97-11
அம்பா³அம் ச கைகயீம் ருஷ்ய பருஷம் சாப்ரியம் வத³ன் |
ப்ரஸாத்³ய பிதரம் ஸ்ரீமான் ராஜ்யம் மே தா³துமாக³த꞉ || 2-97-12
ப்ராப்த காலம் யத்³ ஏஷோ அஸ்மான் ப⁴ரதோ த்³ரஷ்டும் இக்³ச்ச²தி |
அஸ்மாஸு மநஸா அப்ய் ஏஷ ந அஹிதம் கிஞ்சித்³ ஆசரேத் || 2-97-13
விப்ரியம் க்ருத பூர்வம் தே ப⁴ரதேந கதா³ ந கிம் |
ஈத்³ருஷ²ம் வா ப⁴யம் தே அத்³ய ப⁴ரதம் யோ அத்ர ஷ²ந்கஸே || 2-97-14
ந ஹி தே நிஷ்டு²ரம் வாச்யோ ப⁴ரதோ ந அப்ரியம் வச꞉ |
அஹம் ஹ்ய் அப்ரியம் உக்த꞉ ஸ்யாம் ப⁴ரதஸ்ய அப்ரியே க்ருதே || 2-97-15
கத²ம் நு புத்ரா꞉ பிதரம் ஹந்யு꞉ கஸ்யாஞ்சித்³ ஆபதி³ |
ப்⁴ராதா வா ப்⁴ராதரம் ஹந்யாத் ஸௌமித்ரே ப்ராணம் ஆத்மந꞉ || 2-97-16
யதி³ ராஜ்யஸ்ய ஹேதோ꞉ த்வம் இமாம் வாசம் ப்ரபா⁴ஷஸே |
வக்ஷ்யாமி ப⁴ரதம் த்³ருஷ்ட்வா ராஜ்யம் அஸ்மை ப்ரதீ³யதாம் || 2-97-17
உச்யமாநோ ஹி ப⁴ரதோ மயா லக்ஷ்மண தத்த்வத꞉ |
ராஜ்யம் அஸ்மை ப்ரயக்³ச்ச² இதி பா³ட⁴ம் இத்ய் ஏவ வக்ஷ்யதி || 2-97-18
ததா² உக்தோ த⁴ர்ம ஷீ²லேந ப்⁴ராத்ரா தஸ்ய ஹிதே ரத꞉ |
லக்ஷ்மண꞉ ப்ரவிவேஷ² இவ ஸ்வாநி கா³த்ராணி லஜ்ஜயா || 2-97-19
தத்³வாக்யம் லக்ஷ்மண꞉ ஷ்²ருத்வா வ்ரீஷி²த꞉ ப்ரத்யுவாச ஹ |
த்வ மந்யே த்³ரஷ்டுமாயாத꞉ பிதா த³ஷ²ரத²꞉ ஸ்வயம் || 2-97-20
வ்ரீடி³தம் லக்ஷ்மணம் த்³ருஷ்ட்வா ராக⁴வ꞉ ப்ரத்யுவாச ஹ |
ஏஷ மந்யே மஹா பா³ஹுர் இஹ அஸ்மான் த்³ரஷ்டும் ஆக³த꞉ || 2-97-21
அத²வா நௌ த்⁴ருவம் மந்யே மந்யமாந꞉ ஸுகோ²சிதௌ |
வந வாஸம் அநுத்⁴யாய க்³ருஹாய ப்ரதிநேஷ்யதி || 2-97-22
இமாம் வா அப்ய் ஏஷ² வைதே³ஹீம் அத்யந்த ஸுக² ஸேவிநீம் |
ஏதௌ தௌ ஸம்ப்ரகாஷே²தே கோ³த்ரவந்தௌ மநோ ரமௌ || 2-97-23
ஏதௌ தௌ ஸம்ப்ரகாஷே²தே கோ³த்ரவந்தௌ மநோரமௌ |
வாயு வேக³ ஸமௌ வீர ஜவநௌ துரக³ உத்தமௌ || 2-97-24
ஸ ஏஷ ஸுமஹா காய꞉ கம்பதே வாஹிநீ முகே² |
நாக³꞉ ஷ²த்ரும்ஜயோ நாம வ்ருத்³த⁴꞉ தாதஸ்ய தீ⁴மத꞉ || 2-97-25
ந து பஷ்²யாமி தச்ச²த்ரம் பாண்ட³ரம் லோகஸத்க்ருஅம் |
பிதுர்தி³வ்யம் மஹாபா³ஹோ ஸம்ஷ²யோ ப⁴வதீஹ மே 2-97-26
வ்ருக்ஷாக்³ராத³வரோஹ த்வம் குரு லக்ஷ்ம்மண மத்³வச꞉ |
இதீவ ராமோ த⁴ர்மாத்மா ஸௌமித்ரிம் தமுவாச ஹ || 2-97-27
அவதீர்ய து ஸால அக்³ராத் தஸ்மாத் ஸ ஸமிதிம் ஜய꞉ |
லக்ஷ்மண꞉ ப்ராந்ஜலிர் பூ⁴த்வா தஸ்தௌ² ராமஸ்ய பார்ஷ்²வத꞉ || 2-97-28
ப⁴ரதேந அத² ஸந்தி³ஷ்டா ஸம்மர்தோ³ ந ப⁴வேத்³ இதி |
ஸமந்தாத் தஸ்ய ஷை²லஸ்ய ஸேநா வாஸம் அகல்பயத் || 2-97-29
அத்⁴யர்த⁴ம் இஷ்க்வாகு சமூர் யோஜநம் பர்வதஸ்ய ஸா |
பார்ஷ்²வே ந்யவிஷ²த்³ ஆவ்ருத்ய க³ஜ வாஜி ரத² ஆகுலா || 2-97-30
ஸா சித்ர கூடே ப⁴ரதேந ஸேநா |
த⁴ர்மம் புர꞉ க்ருத்ய விதூ⁴ய த³ர்பம் |
ப்ரஸாத³ந அர்த²ம் ரகு⁴ நந்த³நஸ்ய |
விரோசதே நீதிமதா ப்ரணீதா || 2-97-31
இத்யார்ஷே ஷ்²ரீமத்³ராமாயநே ஆதி³காவே அயோத்⁴யாகாண்டே³ ஸப்தநவதிதம꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
