வால்மீகிராமாயணே ஆதி³காவ்யே அயோத்⁴யாகாண்டே³ சதுஷ்²சத்வாரிம்ஷ²꞉ ஸர்க³꞉
Shlokas in audio recited by Mrs.Ranganayaki, Chennai.
விலபந்தீம் ததா² தாம் து கௌஸல்யாம் ப்ரமத³ உத்தமாம் |
இத³ம் த⁴ர்மே ஸ்தி²தா த⁴ர்ம்யம் ஸுமித்ரா வாக்யம் அப்³ரவீத் || 2-44-1
தவ ஆர்யே ஸத்³ கு³ணை꞉ யுக்த꞉ புத்ர꞉ ஸ புருஷ உத்தம꞉ |
கிம் தே விலபிதேந ஏவம் க்ருபணம் ருதி³தேந வா || 2-44-2
ய꞉ தவ ஆர்யே க³த꞉ புத்ர꞉ த்யக்த்வா ராஜ்யம் மஹா ப³ல꞉ |
ஸாது⁴ குர்வன் மஹாத்மாநம் பிதரம் ஸத்ய வாதி³நாம் || 2-44-3
ஷி²ஷ்டை꞉ ஆசரிதே ஸம்யக் ஷ²ஷ்²வத் ப்ரேத்ய ப²ல உத³யே |
ராம꞉ த⁴ர்மே ஸ்தி²த꞉ ஷ்²ரேஷ்டோ² ந ஸ ஷோ²ச்ய꞉ கதா³சந || 2-44-4
வர்ததே ச உத்தமாம் வ்ருத்திம் லக்ஷ்மணோ அஸ்மின் ஸதா³ அநக⁴꞉ |
த³யாவான் ஸர்வ பூ⁴தேஷு லாப⁴꞉ தஸ்ய மஹாத்மந꞉ || 2-44-5
அரண்ய வாஸே யத்³ து³ஹ்க²ம் ஜாநதீ வை ஸுக² உசிதா |
அநுக³ச்சதி வைதே³ஹீ த⁴ர்ம ஆத்மாநம் தவ ஆத்மஜம் || 2-44-6
கீர்தி பூ⁴தாம் பதாகாம் யோ லோகே ப்⁴ராமயதி ப்ரபு⁴꞉ |
த³ம ஸத்ய வ்ரத பர꞉ கிம் ந ப்ராப்த꞉ தவ ஆத்மஜ꞉ || 2-44-7
வ்யக்தம் ராமஸ்ய விஜ்ஞாய ஷௌ²சம் மாஹாத்ம்யம் உத்தமம் |
ந கா³த்ரம் அம்ஷு²பி⁴꞉ ஸூர்ய꞉ ஸம்தாபயிதும் அர்ஹதி || 2-44-8
ஷி²வ꞉ ஸர்வேஷு காலேஷு காநநேப்⁴யோ விநிஹ்ஸ்ருத꞉ |
ராக⁴வம் யுக்த ஷீ²த உஷ்ண꞉ ஸேவிஷ்யதி ஸுகோ² அநில꞉ || 2-44-9
ஷ²யாநம் அநக⁴ம் ராத்ரௌ பிதா இவ அபி⁴பரிஷ்வஜன் |
ரஷ்²மிபி⁴꞉ ஸம்ஸ்ப்ருஷ²ன் ஷீ²தை꞉ சந்த்³ரமா ஹ்லாத³யிஷ்யதி || 2-44-10
த³தௌ³ ச அஸ்த்ராணி தி³வ்யாநி யஸ்மை ப்³ரஹ்மா மஹா ஓஜஸே |
தா³நவ இந்த்³ரம் ஹதம் த்³ருஷ்ட்வா திமி த்⁴வஜ ஸுதம் ரணே || 2-44-11
ஸ ஷூ²ர꞉ புருஷவ்யாக்⁴ர꞉ ஸ்வபா³ஹுப³லமாஷ்²ரித꞉ |
அஸந்த்ரஸ்தோ(அ) ப்யரண்யஸ்தோ² வேஷ்²மநீவ நிவத்ஸ்யதி || 2-44-12
யஸ்யேஷுபத³மாஸாத்³ய விநாஷ²ம் யாந்தி ஷ²த்ரவ꞉ |
கத²ம் ந ப்ற்^தி²வீ தஸ்ய ஷா²ஸநே ஸ்தா²துமர்ஹதி || 2-44-13
யா ஷ்²ரீ꞉ஷௌ²ர்யம் ச ராமஸ்ய யா ச கல்யாணஸத்வதா |
நிவ்ருத்தாரண்யவாஸ꞉ ஸ்வம் க்ஷிப்ரம் ராஜ்யமவாப்ஸ்யதி || 2-44-14
ஸூர்யஸ்யாபி ப⁴வேத்ஸூர்யோஹ்யக்³நேரக்³நி꞉ ப்ரபோ⁴꞉ ப்ரபோ⁴꞉ |
ஷ்²ரியஷ்²ச ஷ்²ரீர்ப⁴வேத³க்³ர்யா கீர்த்யா꞉ க்ஷமாக்ஷமா || 2-44-15
தை³வதம் தை³வதாநாம் ச பூ⁴தாநாம் பூ⁴தஸத்தம꞉ |
தஸ்ய கேஹ்யகு³ணா தே³வி வநே வா ப்யத²வா புரே || 2-44-16
ப்ருதி²வ்யா ஸஹ வைதே³ஹ்யா ஷ்²ரியா ச புருஷ ருஷப⁴꞉ |
க்ஷிப்ரம் திஸ்ருபி⁴ர் ஏதாபி⁴꞉ ஸஹ ராம꞉ அபி⁴ஷேக்ஷ்யதே || 2-44-17
து³ஹ்க²ஜம் விஸ்ருஜந்தி அஸ்ரம் நிஷ்க்ராமந்தம் உதீ³க்ஷ்ய யம் |
ஸமுத்ஸ்ரக்ஷ்யஸி நேத்ராப்⁴யாம் க்ஷிப்ரம் ஆநந்த³ஜம் பய꞉ || 2-44-18
குஷ²சீரத⁴ரம் தே³வம் க³ச்ச²ந்தமபராஜிதம் |
ஸீதேவாநுக³தா லக்ஷ்மீஸ்தஸ்ய கிம் நாம து³ர்லப⁴ம் || 2-44-19
த⁴நுர்க்³ரஹவரோ யஸ்ய பா³ணக²ட்³கா³ஸ்த்ரப்⁴ருத்ஸ்வயம் |
லக்ஷ்மணோவ்ரஜதி ஹ்யக்³ரே தஸ்ய கிம் நாம து³ர்லப⁴ம் || 2-44-20
நிவ்ருத்தவநவாஸம் தம் த்³ரஷ்டாஸி புநராக³தம் |
ஜஹிஷோ²கம் ச மோஹம் ச தே³வி ஸத்யம் ப்³ரவீமி தே || 2-44-21
ஷி²ரஸா சரணாவேதௌ வந்த³மாநமநிந்தி³தே |
புநர்த்³ரக்ஷ்யஸி கல்யாணி! புத்ரம் சந்த்³ரமிவோதி³தம் || 2-44-22
புந꞉ ப்ரவிஷ்டம் த்³ற்^ஷ்ட்வா தமபி⁴ஷிக்தம் மஹாஷ்²ரியம் |
ஸமுத்ஸ்ரக்ஷ்யஸி நேத்ராப்⁴யாம் க்ஷிப்ரமாந்ந்த³ஜம் பய꞉ || 2-44-23
மா ஷோ²கோ தே³வி து³꞉க²ம் வா ந ராஅமே த்³ருஅஹ்ய்ற்W(அ)ஷி²வம் |
க்ஷிப்ரம் த்³ரக்ஷ்யஸி புத்ரம் த்வம் ஸஸீதம் ஸஹ லக்ஷ்மணம் || 2-44-24
த்வயா ஷே²ஷோஓ ஜநஷ்²சைவ ஸமாஷ்²வாஸ்யோ யதா³(அ)நகே⁴ |
கிமிதா³நீமித³ம் தே³வி கரோஷி ஹ்ருதி³ விக்லப³ம் || 2-44-25
நார்ஹா த்வம் ஷோ²சிதும் தே³வி யஸ்யாஸ்தே ராக⁴வஸ்ஸுத꞉ |
ந ஹி ராமாத்பரோ லோகே வித்³யதே ஸத்பதே² ஸ்தி²த꞉ || 2-44-26
அபி⁴வாத³யமாநம் தம் த்³ருஷ்ட்வா ஸஸுஹ்ருத³ம் ஸுதம் |
முதா³ அஷ்²ரு மோக்ஷ்யஸே க்ஷிப்ரம் மேக⁴ லேகா இவ வார்ஷிகீ || 2-44-27
புத்ர꞉ தே வரத³꞉ க்ஷிப்ரம் அயோத்⁴யாம் புநர் ஆக³த꞉ |
பாணிப்⁴யாம் ம்ருது³பீநாப்⁴யாம் சரணௌ பீட³யிஷ்யதி || 2-44-28
அபி⁴வாத்³ய நமஸ்யந்தம் ஷூ²ரம் ஸஸுஹ்ருத³ம் ஸுதம் |
முதா³ஸ்ரை꞉ ப்ரோக்ஷ்யஸி புநர்மேக⁴ராஜி ரிவாசலம் || 2-44-29
ஆஷ்²வாஸயந்தீ விவிதை⁴ஷ்²ச வாக்யை |
ர்வாக்யோபசாரே குஷ²லாநாத்³யா |
ராமஸ்ய தாம் மாதரமேவமுக்த்வா |
தே³வீ ஸுமித்ராவிரராம ராமா || 2-44-30
நிஷ²ம்ய தல் லக்ஷ்மண மாத்ரு வாக்யம் |
ராமஸ்ய மாதுர் நர தே³வ பத்ந்யா꞉ |
ஸத்³ய꞉ ஷ²ரீரே விநநாஷ² ஷோ²க꞉ |
ஷ²ரத்³ க³த꞉ மேகை⁴வ அல்ப தோய꞉ || 2-44-31
இதி வால்மீகி ராமாயணே ஆதி³ காவ்யே அயோத்⁴ய காண்டே³ சதுஷ்²சத்வாரிம்ஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
