வால்மீகி ராமாயணே ஆதி³ காவ்யே ஸுந்த³ரகாண்டே³ ஏகபங்சஷ²꞉ ஸர்க³꞉
தம் ஸமீக்ஷ்ய மஹாஸத்த்வம் ஸத்த்வவான் ஹாரி ஸத்தம꞉ |
வாக்யம் அர்த²வத் அவ்யக்³ர꞉ தம் உவாச த³ஷ² ஆநநம் || 5-51-1
அஹம் ஸுக்³ரீவ ஸந்தே³ஷா²த் இஹ ப்ராப்த꞉ தவ ஆலயம் |
ராக்ஷஸ இந்த்³ர ஹரி ஈஷ²꞉ த்வாம் ப்⁴ராதா குஷ²லம் அப்³ரவீத் || 5-51-2
ப்⁴ராது꞉ ஷ்²ருணு ஸமாதே³ஷ²ம் ஸுக்³ரீவஸ்ய மஹாத்மந꞉ |
த⁴ர்ம அர்த² உபஹிதம் வாக்யம் இஹ ச அமுத்ர ச க்ஷமம் || 5-51-3
ராஜா த³ஷ²ரதோ² நாம ரத² குந்ஜர வாஜிமான் |
பிதா இவ ப³ந்து⁴꞉ லோகஸ்ய ஸுர ஈஷ்²வர ஸம த்³யுதி꞉ || 5-51-4
ஜ்யேஷ்ட²꞉ தஸ்ய மஹாபா³ஹு꞉ புத்ர꞉ ப்ரிய கர꞉ ப்ரபு⁴꞉ |
பிது꞉ நிதே³ஷா²ன் நிஷ்க்ராந்த꞉ ப்ரவிஷ்டோ த³ண்ட³கா வநம் || 5-51-5
லக்ஷ்மணேந ஸஹ ப்⁴ராத்ரா ஸீதயா ச அபி பா⁴ர்யயா |
ராமோ நாம மஹாதேஜா த⁴ர்ம்யம் பந்தா²நம் ஆஷ்²ரித꞉ || 5-51-6
தஸ்ய பா⁴ர்யா வநே நஷ்டா ஸீதா பதிம் அநுவ்ரதா |
வைதே³ஹஸ்ய ஸுதா ராஜ்ஞோ ஜநகஸ்ய மஹாத்மந꞉ || 5-51-7
ஸ மார்க³மாண꞉ தாம் தே³வீம் ராஜ புத்ர꞉ ஸஹ அநுஜ꞉ |
ருஷ்²யமூகம் அநுப்ராப்த꞉ ஸுக்³ரீவேண ச ஸம்க³த꞉ || 5-51-8
தஸ்ய தேந ப்ரதிஜ்ஞாதம் ஸீதாயா꞉ பரிமார்க³ணம் |
ஸுக்³ரீவஸ்ய அபி ராமேண ஹரி ராஜ்யம் நிவேதி³தம் || 5-51-9
தத꞉ தேந ம்ருதே⁴ ஹத்வா ராஜ புத்ரேண வாலிநம் |
ஸுக்³ரீவ꞉ ஸ்தா²பிதோ ராஜ்யே ஹரி ருக்ஷாணாம் க³ண ஈஷ்²வர꞉ || 5-51-10
த்வயா விஜ்ஞாதபூர்வஷ்²ச வாலீ வாநரபுங்க³வ꞉ |
ராமேண நிஹத꞉ ஸங்க்²யே ஷ²ரேணைகேந வாநர꞉ || 5-51-11
ஸ ஸீதா மார்க³ணே வ்யக்³ர꞉ ஸுக்³ரீவ꞉ ஸத்ய ஸம்க³ர꞉ |
ஹரீன் ஸம்ப்ரேஷயாமாஸ தி³ஷ²꞉ ஸர்வா ஹரி ஈஷ்²வர꞉ || 5-51-12
தாம் ஹரீணாம் ஸஹஸ்ராணி ஷ²தாநி நியுதாநி ச |
தி³க்ஷு ஸர்வாஸு மார்க³ந்தே அத⁴꞉ ச உபரி ச அம்ப³ரே || 5-51-13
வைநதேய ஸமா꞉ கேசித் கேசித் தத்ர அநில உபமா꞉ |
அஸம்க³ க³தய꞉ ஷீ²க்⁴ரா ஹரி வீரா மஹாப³லா꞉ || 5-51-14
அஹம் து ஹநுமான் நாம மாருதஸ்ய ஔரஸ꞉ ஸுத꞉ |
ஸீதாயா꞉ து க்ருதே தூர்ணம் ஷ²த யோஜநம் ஆயதம் || 5-51-15
ஸமுத்³ரம் லந்க⁴யித்வா ஏவ தாம் தி³த்³ருக்ஷு꞉ இஹ ஆக³த꞉ |
ப்⁴ரமதா ச மயா த்³ருஷ்டா க்³ருஹே தே ஜநகாத்மஜா || 5-51-16
தத் ப⁴வான் த்³ருஷ்ட த⁴ர்ம அர்த²꞉ தப꞉ க்ருத பரிக்³ரஹ꞉ |
பர தா³ரான் மஹாப்ராஜ்ஞ ந உபரோத்³து⁴ம் த்வம் அர்ஹஸி || 5-51-17
ந ஹி த⁴ர்ம விருத்³தே⁴ஷு ப³ஹ்வ் அபாயேஷு கர்மஸு |
மூல கா⁴திஷு ஸஜ்ஜந்தே பு³த்³தி⁴மந்தோ ப⁴வத் விதா⁴꞉ || 5-51-18
க꞉ ச லக்ஷ்மண முக்தாநாம் ராம கோப அநுவர்திநாம் |
ஷ²ராணாம் அக்³ரத꞉ ஸ்தா²தும் ஷ²க்தோ தே³வ அஸுரேஷ்வ் அபி || 5-51-19
ந ச அபி த்ரிஷு லோகேஷு ராஜன் வித்³யேத கஷ்²சந |
ராக⁴வஸ்ய வ்யலீகம் ய꞉ க்ருத்வா ஸுக²ம் அவாப்நுயாத் || 5-51-20
தத் த்ரிகால ஹிதம் வாக்யம் த⁴ர்ம்யம் அர்த² அநுப³ந்தி⁴ ச |
மந்யஸ்வ நர தே³வாய ஜாநகீ ப்ரதிதீ³யதாம் || 5-51-21
த்³ருஷ்டா ஹி இயம் மயா தே³வீ லப்³த⁴ம் யத் இஹ து³ர்லப⁴ம் |
உத்தரம் கர்ம யத் ஷே²ஷம் நிமித்தம் தத்ர ராக⁴வ꞉ || 5-51-22
லக்ஷிதா இயம் மயா ஸீதா ததா² ஷோ²க பராயணா |
க்³ருஹ்ய யாம் ந அபி⁴ஜாநாஸி பந்ச ஆஸ்யாம் இவ பந்நகீ³ம் || 5-51-23
ந இயம் ஜரயிதும் ஷ²க்யா ஸாஸுரை꞉ அமரை꞉ அபி |
விஷ ஸம்ஸ்ருஷ்டம் அத்யர்த²ம் பு⁴க்தம் அந்நம் இவ ஓஜஸா || 5-51-24
தப꞉ ஸம்தாப லப்³த⁴꞉ தே யோ அயம் த⁴ர்ம பரிக்³ரஹ꞉ |
ந ஸ நாஷ²யிதும் ந்யாய்ய ஆத்ம ப்ராண பரிக்³ரஹ꞉ || 5-51-25
அவத்⁴யதாம் தபோபி⁴꞉ யாம் ப⁴வான் ஸமநுபஷ்²யதி |
ஆத்மந꞉ ஸாஸுரை꞉ தே³வை꞉ ஹேது꞉ தத்ர அபி அயம் மஹான் || 5-51-26
ஸுக்³ரீவோ ந ஹி தே³வோ அயம் ந அஸுரோ ந ச மாநுஷ꞉ |
ந தா³நவோ ந க³ந்த⁴ர்வோ ந யக்ஷோ ந ச பந்நக³꞉ || 5-51-27
தஸ்மாத் ப்ராண பரித்ராணம் கத²ம் ராஜன் கரிஷ்யஸி |
ந து த⁴ர்ம உபஸம்ஹாரம் அத⁴ர்ம ப²ல ஸம்ஹிதம் || 5-51-28
தத் ஏவ ப²லம் அந்வேதி த⁴ர்ம꞉ ச அத⁴ர்ம நாஷ²ந꞉ |
ப்ராப்தம் த⁴ர்ம ப²லம் தாவத் ப⁴வதா ந அத்ர ஸம்ஷ²ய꞉ || 5-51-29
ப²லம் அஸ்ய அபி அத⁴ர்மஸ்ய க்ஷிப்ரம் ஏவ ப்ரபத்ஸ்யஸே |
ஜந ஸ்தா²ந வத⁴ம் பு³த்³த்⁴வா பு³த்³த்⁴வா வாலி வத⁴ம் ததா² || 5-51-30
ராம ஸுக்³ரீவ ஸக்²யம் ச பு³த்⁴யஸ்வ ஹிதம் ஆத்மந꞉ |
காமம் க²ல்வ் அஹம் அபி ஏக꞉ ஸவாஜி ரத² குந்ஜராம் || 5-51-31
லந்காம் நாஷ²யிதும் ஷ²க்த꞉ தஸ்ய ஏஷ து விநிஷ்²சய꞉ |
ராமேண ஹி ப்ரதிஜ்ஞாதம் ஹரி ருக்ஷ க³ண ஸம்நிதௌ⁴ || 5-51-32
உத்ஸாத³நம் அமித்ராணாம் ஸீதா யை꞉ து ப்ரத⁴ர்ஷிதா |
அபகுர்வன் ஹி ராமஸ்ய ஸாக்ஷாத் அபி புரம் த³ர꞉ || 5-51-33
ந ஸுக²ம் ப்ராப்நுயாத் அந்ய꞉ கிம் புந꞉ த்வத் விதோ⁴ ஜந꞉ |
யாம் ஸீதா இதி அபி⁴ஜாநாஸி யா இயம் திஷ்ட²தி தே வஷே² || 5-51-34
கால ராத்ரீ இதி தாம் வித்³தி⁴ ஸர்வ லந்கா விநாஷி²நீம் |
தத் அலம் கால பாஷே²ந ஸீதா விக்³ரஹ ரூபிணா || 5-51-35
ஸ்வயம் ஸ்கந்த⁴ அவஸக்தேந க்ஷமம் ஆத்மநி சிந்த்யதாம் |
ஸீதாயா꞉ தேஜஸா த³க்³தா⁴ம் ராம கோப ப்ரபீடி³தாம் || 5-51-36
த³ஹ்யமநாம் இமாம் பஷ்²ய புரீம் ஸாட்ட ப்ரதோலிகாம் |
ஸ்வாநி மித்ராணி மந்த்ரீம்ஷ்²ச ஜ்ஞாதீன் ப்⁴ராத்ருன் ஸுதான் ஹிதான் || 5-51-37
போ⁴கா³ன் தா³ராம்ஷ்²ச லங்காம் ச மா விநாஷ²முபாநய |
ஸத்யம் ராக்ஷஸராஜேந்த்³ர ஷ்²ருணுஷ்வ வசநம் மம || 5-51-38
ராமதா³ஸஸ்ய தூ³தஸ்ய வாநரஸ்ய விஷே²ஷத꞉ |
ஸர்வான் லோகான் ஸுஸம்ஹ்ருத்ய ஸபூ⁴தான் ஸசராசரான் || 5-51-39
புநரேவ ததா² ஸ்ரஷ்டும் ஷ²க்தோ ராமோ மஹாயஷா²꞉ |
தே³வாஸுரநரேந்த்³ரேஷு யக்ஷரக்ஷோக³ணேஷு ச || 5-51-40
வித்³யாத⁴ரேஷு ஸர்வேஷு க³ந்த⁴ர்வேஷூரகே³ஷு ச |
ஸித்³தே⁴ஷு கிந்நரேந்த்³ரேஷு பதத்ரிஷு ச ஸர்வத꞉ || 5-51-41
ஸர்வபூ⁴தேஷு ஸர்வத்ர ஸர்வகாலேஷு நாஸ்தி ஸ꞉ |
யோராமம் ப்ரதியுத்⁴யேத விஷ்ணுதுல்யபராக்ரமம் || 5-51-42
ஸர்வலோகேஷ்²வரஸ்யைவம் க்ருத்வா விப்ரியமுத்தமம் |
ராமஸ்ய ராஜஸிம்ஹஸ்ய து³ர்லப⁴ம் தவ ஜீவிதம் || 5-51-43
தே³வாஷ்²ச தை³த்யாஷ்²ச நிஷா²சரேந்த்³ர |
க³ந்த⁴ர்வவித்³யாத⁴ரநாக³யக்ஷா꞉ |
ராமஸ்ய லோகத்ரயநாயகஸ்ய |
ஸ்தா²தும் ந ஷ²க்தா꞉ ஸமரேஷு ஸர்வே || 5-51-44
ப்³ரஹ்ம ஸ்வயமுபூ⁴ஷ்²ச துராநநோ வா |
ருத்³ரஸ்த்ரிணேத்ரஸ்த்ரிபுராந்தகோ வா |
இந்த்³ரோ மஹேந்த்³ர꞉ ஸுரநாயகோ வா |
த்ராதும் ந ஷ²க்தா யுதி⁴ ராமவத்⁴யம் || 5-51-45
ஸ ஸௌஷ்ட²வ உபேதம் அதீ³ந வாதி³ந꞉ |
கபே꞉ நிஷ²ம்ய அப்ரதிமோ அப்ரியம் வச꞉ |
த³ஷ² ஆநந꞉ கோப விவ்ருத்த லோசந꞉ |
ஸமாதி³ஷ²த் தஸ்ய வத⁴ம் மஹாகபே꞉ || 5-51-46
இத்யார்ஷே ஶ்ரீமத்³ராமாயணே ஆதி³காவ்யே ஸுந்த³ரகாண்டே³ ஏகபங்சஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
