வால்மீகி ராமாயணே ஆதி³ காவ்யே ஸுந்த³ரகாண்டே³ ஏகாத³ஷ²꞉ ஸர்க³꞉
அவதூ⁴ய ச தாம் பு³த்³தி⁴ம் ப³பூ⁴வ அவஸ்தி²த꞉ ததா³ |
ஜகா³ம ச அபராம் சிந்தாம் ஸீதாம் ப்ரதி மஹா கபி꞉ || 5-11-1
ந ராமேண வியுக்தா ஸா ஸ்வப்தும் அர்ஹதி பா⁴மினீ |
ந போ⁴க்தும் ந அபி அலம்கர்தும் ந பானம் உபஸேவிதும் || 5-11-2
ந அன்யம் நரம் உபஸ்தா²தும் ஸுராணாம் அபி ச ஈஷ்²வரம் |
ந ஹி ராம ஸம꞉ கஷ்²சித்³ வித்³யதே த்ரித³ஷே²ஷ்வ் அபி || 5-11-3
அன்யா இயம் இதி நிஷ்²சித்ய பான பூ⁴மௌ சசார ஸ꞉ |
க்ரீடி³தேன அபரா꞉ க்லாந்தா கீ³தேன ச ததா² பரா꞉ || 5-11-4
ந்ருʼத்தேன ச அபரா꞉ க்லாந்தா꞉ பான விப்ரஹதா꞉ ததா² |
முரஜேஷு ம்ற்த³ன்கே³ஷு பீடி²காஸு ச ஸம்ʼஸ்தி²தா꞉ || 5-11-5
ததா² ஆஸ்தரண முக்²ய்யேஷு ஸம்விஷ்டா꞉ ச அபரா꞉ ஸ்த்ரிய꞉ |
அங்க³னானாம் ஸஹஸ்ரேண பூ⁴ஷிதேன விபூ⁴ஷணை꞉ || 5-11-6
ரூப ஸம்ல்லாப ஷீ²லேன யுக்த கீ³த அர்த² பா⁴ஷிணா |
தே³ஷ² கால அபி⁴யுக்தேன யுக்த வாக்ய அபி⁴தா⁴யினா || 5-11-7
ரத அபி⁴ரத ஸம்ʼஸுப்தம் த³த³ர்ஷ² ஹரி யூத²ப꞉ |
தாஸாம் மத்⁴யே மஹா பா³ஹு꞉ ஷு²ஷு²பே⁴ ராக்ஷஸ ஈஷ்²வர꞉ || 5-11-8
கோ³ஷ்டே² மஹதி முக்²யானாம் க³வாம் மத்⁴யே யதா² வ்ருʼஷ꞉ |
ஸ ராக்ஷஸ இந்த்³ர꞉ ஷு²ஷு²பே⁴ தாபி⁴꞉ பரிவ்ருʼத꞉ ஸ்வயம் || 5-11-9
கரேணுபி⁴ர் யதா² அரண்யம் பரிகீர்ணோ மஹா த்³விப꞉ |
ஸர்வ காமைர் உபேதாம் ச பான பூ⁴மிம் மஹாத்மன꞉ || 5-11-10
த³த³ர்ஷ² கபி ஷா²ர்தூ³ள꞉ தஸ்ய ரக்ஷ꞉ பதேர் க்³ருʼஹே |
ம்ருʼகா³ணாம் மஹிஷாணாம் ச வராஹாணாம் ச பா⁴க³ஷ²꞉ || 5-11-11
தத்ர ந்யஸ்தானி மாம்ʼஸானி பான பூ⁴மௌ த³த³ர்ஷ² ஸ꞉ |
ரௌக்மேஷு ச விஷ²லேஷு பா⁴ஜனேஷ்வ் அர்த⁴ ப⁴க்ஷிதான் || 5-11-12
த³த³ர்ஷ² கபி ஷா²ர்தூ³ள மயூரான் குக்குடாம꞉ ததா² |
வராஹ வார்த்⁴ராணஸகான் த³தி⁴ ஸௌவர்சல ஆயுதான் || 5-11-13
ஷ²ல்யான் ம்ற்க³ மயூராம꞉ ச ஹனூமான் அன்வவைக்ஷத |
க்ருʼகரான் விவிதா⁴ன் ஸித்³தா⁴ம꞉ சகோரான் அர்த⁴ ப⁴க்ஷிதான் || 5-11-14
மஹிஷான் ஏக ஷ²ல்யாம꞉ ச சாகா³ம꞉ ச க்ருʼத நிஷ்டி²தான் |
லேக்²யம் உச்ச அவசம் பேயம் போ⁴ஜ்யானி விவிதா⁴னி ச || 5-11-15
ததா² அம்ல லவண உத்தம்ʼஸைர் விவிதை⁴ ராக³ ஷாட³வை꞉ |
ஹார நூபுர கேயூரைர் அபவித்³தை⁴ர் மஹா த⁴னை꞉ || 5-11-16
பான பா⁴ஜன விக்ஷிப்தை꞉ ப²லை꞉ ச விவிதை⁴ர் அபி |
க்ருʼத புஷ்ப உபஹாரா பூ⁴ர் அதி⁴கம் புஷ்யதி ஷ்²ரியம் || 5-11-17
தத்ர தத்ர ச வின்யஸ்தை꞉ ஸுஷ்²லிஷ்டை꞉ ஷ²யன ஆஸனை꞉ |
பான பூ⁴மிர் வினா வஹ்னிம் ப்ரதீ³ப்தா இவ உபலக்ஷ்யதே || 5-11-18
ப³ஹு ப்ரகாரைர் விவிதை⁴ர் வர ஸம்ʼஸ்கார ஸம்ʼஸ்க்ருʼதை꞉ |
மாம்ʼஸை꞉ குஷ²ல ஸம்யுக்தை꞉ பான பூ⁴மி க³தை꞉ ப்ருʼத²க் || 5-11-19
தி³வ்யா꞉ ப்ரஸன்னா விவிதா⁴꞉ ஸுரா꞉ க்ருʼத ஸுரா அபி |
ஷ²ர்கர ஆஸவ மாத்⁴வீகா꞉ புஷ்ப ஆஸவ ப²ல ஆஸவா꞉ || 5-11-20
வாஸ சூர்ணை꞉ ச விவிதை⁴ர் ம்ருʼஷ்டா꞉ தை꞉ தை꞉ ப்ருʼத²க் ப்ருʼத²க் |
ஸம்ததா ஷு²ஷு²பே⁴ பூ⁴மிர் மால்யை꞉ ச ப³ஹு ஸம்ʼஸ்தி²தை꞉ || 5-11-21
ஹிரண்மயை꞉ ச கரகைர் பா⁴ஜனை꞉ ஸ்பா²டிகைர் அபி |
ஜாம்பூ³னத³மயைஷ்²சான்யா꞉ கரகைரபி⁴வம்வ்ருʼதா || 5-11-22
ராஜதேஷு ச கும்பே⁴ஷு ஜாம்பூ³னத³மயேஷு ச |
பான ஷ்²ரேஷ்ட²ம் ததா³ பூ⁴ரி கபி꞉ தத்ர த³த³ர்ஷ² ஹ || 5-11-23
ஸோ அபஷ்²யத் ஷா²த கும்பா⁴னி ஷீ²தோ⁴ர் மணிமயானி ச |
ராஜதானி ச பூர்ணானி பா⁴ஜனானி மஹா கபி꞉ || 5-11-24
க்வசித்³ அர்த⁴ அவஷே²ஷாணி க்வசித் பீதானி ஸர்வஷ²꞉ |
க்வசின் ந ஏவ ப்ரபீதானி பானானி ஸ த³த³ர்ஷ² ஹ || 5-11-25
க்வசித்³ ப⁴க்ஷ்யாம꞉ ச விவிதா⁴ன் க்வசித் பானானி பா⁴க³ஷ²꞉ |
க்வசித்³ அன்ன அவஷே²ஷாணி பஷ்²யன் வை விசசார ஹ || 5-11-26
க்வசித் ப்ரபி⁴ன்னை꞉ கரகை꞉ க்வசித்³ ஆலோடி³தைர் க⁴டை꞉ |
க்வசித் ஸம்ப்ருʼக்த மால்யானி ஜலானி ச ப²லானி ச || 5-11-27
ஷ²யனானி அத்ர நாரீணாம் ஷூ²ன்யானி ப³ஹுதா⁴ புன꞉ |
பரஸ்பரம் ஸமாஷ்²லிஷ்ய காஷ்²சித் ஸுப்தா வர அன்க³னா꞉ || 5-11-28
காசிச் ச வஸ்த்ரம் அன்யஸ்யா அபஹ்ற்த்ய உபகு³ஹ்ய ச |
உபக³ம்ய அப³லா ஸுப்தா நித்³ரா ப³ல பராஜிதா || 5-11-29
தாஸாம் உச்ச்வாஸ வாதேன வஸ்த்ரம் மால்யம் ச கா³த்ரஜம் |
ந அத்யர்த²ம் ஸ்பந்த³தே சித்ரம் ப்ராப்ய மந்த³ம் இவ அனிலம் || 5-11-30
சந்த³னஸ்ய ச ஷீ²தஸ்ய ஷீ²தோ⁴ர் மது⁴ ரஸஸ்ய ச |
விவித⁴ஸ்ய ச மால்யஸ்ய புஷ்பஸ்ய விவித⁴ஸ்ய ச || 5-11-31
ப³ஹுதா⁴ மாருத꞉ தத்ர க³ந்த⁴ம் விவித⁴ம் உத்³வஹன் |
ஸ்னானானாம் சந்த³னானாம் ச தூ⁴பானாம் சைவ மூர்சித꞉ |
ப்ரவவௌ ஸுரபி⁴ர் க³ந்தோ⁴ விமானே புஷ்பகே ததா³ || 5-11-32
ஷ்²யாம அவதா³தா꞉ தத்ர அன்யா꞉ காஷ்²சித் க்ருʼஷ்ணா வர அன்க³னா꞉ || 5-11-33
காஷ்²சித் கான்சன வர்ண அன்க்³ய꞉ ப்ரமதா³ ராக்ஷஸ ஆலயே |
தாஸாம் நித்³ரா வஷ²த்வாச் ச மத³னேன விமூர்சிதம் || 5-11-34
பத்³மினீனாம் ப்ரஸுப்தானாம் ரூபம் ஆஸீத்³ யதை²வ ஹி |
ஏவம் ஸர்வம் அஷே²ஷேண ராவண அந்த꞉ புரம் கபி꞉ || 5-11-35
த³த³ர்ஷ² ஸுமஹா தேஜா ந த³த³ர்ஷ² ச ஜானகீம் |
நிரீக்ஷமாண꞉ ச தத꞉ தா꞉ ஸ்த்ரிய꞉ ஸ மஹா கபி꞉ || 5-11-36
ஜகா³ம மஹதீம் சிந்தாம் த⁴ர்ம ஸாத்⁴வஸ ஷ²ன்கித꞉ |
பர தா³ர அவரோத⁴ஸ்ய ப்ரஸுப்தஸ்ய நிரீக்ஷணம் || 5-11-37
இத³ம் க²லு மம அத்யர்த²ம் த⁴ர்ம லோபம் கரிஷ்யதி |
ந ஹி மே பர தா³ராணாம் த்³ருʼஷ்டிர் விஷய வர்தினீ ||5-11-38
அயம் ச அத்ர மயா த்³ருʼஷ்ட꞉ பர தா³ர பரிக்³ரஹ꞉ |
தஸ்ய ப்ராது³ர் அபூ⁴ச் சிந்தா புனர் அன்யா மனஸ்வின꞉ || 5-11-39
நிஷ்²சித ஏக அந்த சித்தஸ்ய கார்ய நிஷ்²சய த³ர்ஷி²னீ |
காமம் த்³ருʼஷ்ட்வா மயா ஸர்வா விஷ்²வஸ்தா ராவண ஸ்த்ரிய꞉ || 5-11-40
ந து மே மனஸ꞉ கிஞ்சித்³ வைக்ருʼத்யம் உபபத்³யதே |
மனோ ஹி ஹேது꞉ ஸர்வேஷாம் இந்த்³ரியாணாம் ப்ரவர்ததே || 5-11-41
ஷு²ப⁴ அஷு²பா⁴ஸ்வ் அவஸ்தா²ஸு தச் ச மே ஸுவ்யவஸ்தி²தம் |
ந அன்யத்ர ஹி மயா ஷ²க்யா வைதே³ஹீ பரிமார்கி³தும் || 5-11-42
ஸ்த்ரியோ ஹி ஸ்த்ரீஷு த்³ற்ஷ்²யந்தே ஸதா³ ஸம்பரிமார்க³ணே |
யஸ்ய ஸத்த்வஸ்ய யா யோனி꞉ தஸ்யாம் தத் பரிமார்க்³யதே || 5-11-43
ந ஷ²க்யம் ப்ரமதா³ நஷ்டா ம்ருʼகீ³ஷு பரிமார்கி³தும் |
தத்³ இத³ம் மார்கி³தம் தாவத் ஷு²த்³தே⁴ன மனஸா மயா || 5-11-44
ராவண அந்த꞉ புரம் ஸரம் த்³ருʼஷ்²யதே ந ச ஜானகீ |
தே³வ க³ந்த⁴ர்வ கன்யா꞉ ச நாக³ கன்யா꞉ ச வீர்யவான் || 5-11-45
அவேக்ஷமாணோ ஹனுமான் ந ஏவ அபஷ்²யத ஜானகீம் |
தாம் அபஷ்²யன் கபி꞉ தத்ர பஷ்²யம꞉ ச அன்யா வர ஸ்த்ரிய꞉ || 5-11-46
அபக்ரம்ய ததா³ வீர꞉ ப்ரத்⁴யாதும் உபசக்ரமே |
ஸ பூ⁴யஸ்து பரம் ஷ்²ரீமான் மாருதிர்யத்னமாஸ்தி²த꞉ || 5-11-47
அபானபூ⁴மிமுத்ஸ்ருʼஜ்ய தத்³விசேதும் ப்ரசக்ரமே | 5-11-48
இத்யார்ஷே ஷ்²ரீமத்³ராமாயணே ஆதி³காவ்யே ஸுந்த³ரகாண்டே³ ஏகாத³ஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
