வால்மீகிராமாயணே ஆதி³காவ்யே அயோத்⁴யாகாண்டே³ ஏகஷஷ்டிதம꞉ ஸர்க³꞉
வநம் க³தே த⁴ர்ம பரே ராமே ரமயதாம் வரே |
கௌஸல்யா ருத³தீ ஸ்வார்தா ப⁴ர்தாரம் இத³ம் அப்³ரவீத் || 2-61-1
யத்³யபி த்ரிஷு லோகேஷு ப்ரதி²தம் தே மயத்³ யஷ²꞉ |
ஸாநுக்ரோஷோ² வதா³ந்ய꞉ ச ப்ரிய வாதீ³ ச ராக⁴வ꞉ || 2-61-2
கத²ம் நர வர ஷ்²ரேஷ்ட² புத்ரௌ தௌ ஸஹ ஸீதயா |
து³ஹ்கி²தௌ ஸுக² ஸம்வ்ருத்³தௌ⁴ வநே து³ஹ்க²ம் ஸஹிஷ்யத꞉ || 2-61-3
ஸா நூநம் தருணீ ஷ்²யாமா ஸுகுமாரீ ஸுக² உசிதா |
கத²ம் உஷ்ணம் ச ஷீ²தம் ச மைதி²லீ ப்ரஸஹிஷ்யதே || 2-61-4
பு⁴க்த்வா அஷ²நம் விஷா²ல அக்ஷீ ஸூப த³ம்ஷ² அந்விதம் ஷு²ப⁴ம் |
வந்யம் நைவாரம் ஆஹாரம் கத²ம் ஸீதா உபபோ⁴க்ஷ்யதே || 2-61-5
கீ³த வாதி³த்ர நிர்கோ⁴ஷம் ஷ்²ருத்வா ஷு²ப⁴ம் அநிந்தி³தா |
கத²ம் க்ரவ்ய அத³ ஸிம்ஹாநாம் ஷ²ப்³த³ம் ஷ்²ரோஷ்யதி அஷோ²ப⁴நம் || 2-61-6
மஹா இந்த்³ர த்⁴வஜ ஸம்காஷ²꞉ க்வ நு ஷே²தே மஹா பு⁴ஜ꞉ |
பு⁴ஜம் பரிக⁴ ஸம்காஷ²ம் உபதா⁴ய மஹா ப³ல꞉ || 2-61-7
பத்³ம வர்ணம் ஸுகேஷ² அந்தம் பத்³ம நிஹ்ஷ்²வாஸம் உத்தமம் |
கதா³ த்³ரக்ஷ்யாமி ராமஸ்ய வத³நம் புஷ்கர ஈக்ஷணம் || 2-61-8
வஜ்ர ஸாரமயம் நூநம் ஹ்ருத³யம் மே ந ஸம்ஷ²ய꞉ |
அபஷ்²யந்த்யா ந தம் யத்³ வை ப²லதி இத³ம் ஸஹஸ்ரதா⁴ || 2-61-9
யத்த்வயா கருணம் கர்ம வ்யபோஹ்ய மம பா³ந்த⁴வா꞉ |
நிரஸ்தா பரிதா⁴வந்தி ஸுகா²ர்ஹ꞉ க்ருபணா வநே || 2-61-10
யதி³ பஞ்சத³ஷே² வர்ஷே ராக⁴வ꞉ புநரேஷ்யதி |
ஜஹ்யாத்³ராஜ்யம் ச கோஷ²ம் ச ப⁴ரதோ நோபல்ஸ்க்²யதே || 2-61-11
போ⁴ஜயந்தி கில ஷ்²ராத்³தே⁴ கேசித்ஸ்வநேவ பா³ந்த⁴வான் |
தத꞉ பஷ்²சாத்ஸமீக்ஷந்தே க்ருதகார்யா த்³விஜர்ஷபா⁴ன் || 2-61-12
தத்ர யே கு³ணவந்தஷ்²ச வித்³வாம்ஸஷ்²ச த்³விஜாதய꞉ |
ந பஷ்²சாத்தே(அ)பி⁴மந்யந்தே ஸுதா⁴மபி ஸுரோபமா꞉ || 2-61-13
ப்³ராஹ்மணேஷ்வபி த்ருப்தேஷு பஷ்²சாத்³போ⁴க்தும் த்³விஜர்ஷபா⁴꞉ |
நாப்⁴யுபைதுமலம் ப்ராஜ்ஞா꞉ ஷ்²ருங்க³ச்சேத³மிவர்ஷ்பா⁴꞉ || 2-61-14
ஏவம் கநீயஸா ப்⁴ராத்ரா பு⁴க்தம் ராஜ்யம் விஷா²ம் பதே |
ப்⁴ராதா ஜ்யேஷ்டா² வரிஷ்டா²꞉ ச கிம் அர்த²ம் ந அவமம்ஸ்யதே || 2-61-15
ந பரேண ஆஹ்ருதம் ப⁴க்ஷ்யம் வ்யாக்⁴ர꞉ கா²தி³தும் இச்சதி |
ஏவம் ஏவ நர வ்யாக்⁴ர꞉ பர லீட⁴ம் ந மம்ஸ்யதே || 2-61-16
ஹவிர் ஆஜ்யம் புரோடா³ஷா²꞉ குஷா² யூபா꞉ ச கா²தி³ரா꞉ |
ந ஏதாநி யாத யாமாநி குர்வந்தி புநர் அத்⁴வரே || 2-61-17
ததா² ஹி ஆத்தம் இத³ம் ராஜ்யம் ஹ்ருத ஸாராம் ஸுராம் இவ |
ந அபி⁴மந்தும் அலம் ராம꞉ நஷ்ட ஸோமம் இவ அத்⁴வரம் || 2-61-18
{ந சேமாம் த⁴ர்ஷணாம் ராம ஸங்க³ச்சே²த³த்யமர்ஷண꞉ |
தா³ரயேந்மந்த³ரமபி ஸ ஹி க்ருத்³த⁴ஷ்²ஷி²தைஷ்²ஷ²ரை꞉ || 2-61-19
த்வாம் து நோத்ஸஹதே ஹந்தும் மஹாத்மா பித்ருகௌ³ரவாத் |
ஸஸோமார்கக்³ரஹக³ணம் நப⁴ஸ்தாராவிசித்ரிதம் || 2-61-20
பாதயேத்³யோதி³வம் க்ருத்³த⁴ஸ்ஸத்வாம் ந வ்யதிவர்ததே |
ப்ரக்ஷோப⁴யேத்³வாரயே த்³வா மஹீம் ஷை²லஷ²தாசிதாம் || 2-61-21}
ந ஏவம் வித⁴ம் அஸத்காரம் ராக⁴வோ மர்ஷயிஷ்யதி |
ப³லவான் இவ ஷா²ர்தூ³லோ பா³லதே⁴ர் அபி⁴மர்ஷ²நம் || 2-61-19
நைதஸ்ய ஸஹிதா லோகா ப⁴யம் குர்யுர்மஹாம்ருதே⁴ |
அத⁴ர்மம் த்விஹ த⁴ர்மாத்மா லோகம் த⁴ர்மேண யோஜயேத் || 2-61-20
நந்வஸௌ காஞ்சநைர்பா³ணைர்மஹாவீர்யோ மஹாபு⁴ஜ꞉ |
யுகா³ந்த இவ பூ⁴தாநி ஸாக³ராநபி நிர்த³ஹேத் || 2-61-21
ஸ தாத்³ருஷ²꞉ ஸிம்ஹ ப³லோ வ்ருஷப⁴ அக்ஷோ நர ருஷப⁴꞉ |
ஸ்வயம் ஏவ ஹத꞉ பித்ரா ஜலஜேந ஆத்மஜோ யதா² || 2-61-22
த்³விஜாதி சரித꞉ த⁴ர்ம꞉ ஷா²ஸ்த்ர த்³ருஷ்ட꞉ ஸநாதந꞉ |
யதி³ தே த⁴ர்ம நிரதே த்வயா புத்ரே விவாஸிதே || 2-61-23
க³திர் ஏவாக் பதிர் நார்யா த்³விதீயா க³திர் ஆத்மஜ꞉ |
த்ருதீயா ஜ்ஞாதயோ ராஜம꞉ சதுர்தீ² ந இஹ வித்³யதே || 2-61-24
தத்ர த்வம் சைவ மே ந அஸ்தி ராம꞉ ச வநம் ஆஷ்²ரித꞉ |
ந வநம் க³ந்தும் இச்சாமி ஸர்வதா² ஹி ஹதா த்வயா || 2-61-25
ஹதம் த்வயா ராஜ்யம் இத³ம் ஸராஷ்ட்ரம் |
ஹத꞉ ததா² ஆத்மா ஸஹ மந்த்ரிபி⁴꞉ ச |
ஹதா ஸபுத்ரா அஸ்மி ஹதா꞉ ச பௌரா꞉ |
ஸுத꞉ ச பா⁴ர்யா ச தவ ப்ரஹ்ருஷ்டௌ || 2-61-26
இமாம் கி³ரம் தா³ருண ஷ²ப்³த³ ஸம்ஷ்²ரிதாம் |
நிஷ²ம்ய ராஜா அபி முமோஹ து³ஹ்கி²த꞉ |
தத꞉ ஸ ஷோ²கம் ப்ரவிவேஷ² பார்தி²வ꞉ |
ஸ்வது³ஷ்க்ருதம் ச அபி புந꞉ ததா³ அஸ்மரத் || 2-61-27
இத்யார்ஷே ஷ்²ரீமத்³ராமாயணே ஆதி³காவ்யே அயோத்⁴யாகாண்டே³ ஏகஷஷ்டிதம꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
