வால்மீகி ராமாயணே ஆதி³ காவ்யே ஸுந்த³ரகாண்டே³ த்³விசத்வாரிம்ʼஷ²꞉ ஸர்க³꞉
தத꞉ பக்ஷி நிநாதே³ன வ்ருʼக்ஷ ப⁴ன்க³ ஸ்வனேன ச |
ப³பூ⁴வு꞉ த்ராஸ ஸம்ப்⁴ராந்தா꞉ ஸர்வே லன்கா நிவாஸின꞉ || 5-42-1
வித்³ருதா꞉ ச ப⁴ய த்ரஸ்தா வினேது³꞉ ம்ருʼக³ பக்ஷுண꞉ |
ரக்ஷஸாம் ச நிமித்தானி க்ரூராணி ப்ரதிபேதி³ரே || 5-42-2
ததோ க³தாயாம் நித்³ராயாம் ராக்ஷஸ்யோ விக்ருʼத ஆனனா꞉ |
தத் வனம் த³த்³ருʼஷு²꞉ ப⁴க்³னம் தம் ச வீரம் மஹாகபிம் || 5-42-3
ஸ தா த்³ருʼஷ்ட்வ மஹாபா³ஹு꞉ மஹாஸத்த்வோ மஹாப³ல꞉ |
சகார ஸுமஹத் ரூபம் ராக்ஷஸீனாம் ப⁴ய ஆவஹம் || 5-42-4
தத꞉ தம் கி³ரி ஸம்காஷ²ம் அதிகாயம் மஹாப³லம் |
ராக்ஷஸ்யோ வானரம் த்³ருʼஷ்ட்வா பப்ரச்சு²꞉ ஜனக ஆத்மஜாம் || 5-42-5
கோ அயம் கஸ்ய குதோ வா அயம் கிம் நிமித்தம் இஹ ஆக³த꞉ |
கத²ம் த்வயா ஸஹ அனேன ஸம்வாத³꞉ க்ருʼத இதி உத || 5-42-6
ஆசக்ஷ்வ நோ விஷா²ல அக்ஷி மா பூ⁴த் தே ஸுப⁴கே³ ப⁴யம் |
ஸம்வாத³ம் அஸித அபான்கே³ த்வயா கிம் க்ருʼதவான் அயம் || 5-42-7
அத² அப்³ரவீத் ததா³ ஸாத்⁴வீ ஸீதா ஸர்வ அன்க³ ஷோ²ப⁴னா |
ரக்ஷஸாம் காம ரூபாணாம் விஜ்ஞானே மம கா க³தி꞉ || 5-42-8
யூயம் ஏவ அஸ்ய ஜானீத யோ அயம் யத் வா கரிஷ்யதி |
அஹி꞉ ஏவ அஹே꞉ பாதா³ன் விஜானாதி ந ஸம்ʼஷ²ய꞉ || 5-42-9
அஹம் அபி அஸ்ய பீ⁴தா அஸ்மி ந ஏனம் ஜாநாமி கோ அன்வயம் |
வேத்³மி ராக்ஷஸம் ஏவ ஏனம் காம ரூபிணம் ஆக³தம் || 5-42-10
வைதே³ஹ்யா வசனம் ஷ்²ருத்வா ராக்ஷஸ்யோ வித்³ருதா த்³ருதம் |
ஸ்தி²தா꞉ காஷ்²சித் க³தா꞉ காஷ்²சித் ராவணாய நிவேதி³தும் || 5-42-11
ராவணஸ்ய ஸமீபே து ராக்ஷஸ்யோ விக்ருʼத ஆனனா꞉ |
விரூபம் வானரம் பீ⁴மம் ஆக்²யதும் உபசக்ரமு꞉ || 5-42-12
அஷோ²க வனிகா மத்⁴யே ராஜன் பீ⁴ம வபு꞉ கபி꞉ |
ஸீதயா க்ருʼத ஸம்வாத³꞉ திஷ்ட²தி அமித விக்ரம꞉ || 5-42-13
ந ச தம் ஜானகீ ஸீதா ஹரிம் ஹரிண லோசணா |
அஸ்மாபி⁴꞉ ப³ஹுதா⁴ ப்ருʼஷ்டா நிவேத³யிதும் இச்ச²தி || 5-42-14
வாஸவஸ்ய ப⁴வேத் தூ³தோ தூ³தோ வைஷ்²ரவணஸ்ய வா |
ப்ரேஷிதோ வா அபி ராமேண ஸீதா அன்வேஷண கான்க்ஷயா || 5-42-15
தேன த்வத் பூ⁴த ரூபேண யத் தத் தவ மனோ ஹரம் |
நானா ம்ருʼக³ க³ண ஆகீர்ணம் ப்ரம்ருʼஷ்டம் ப்ரமதா³ வனம் || 5-42-16
ந தத்ர கஷ்²சித் உத்³தே³ஷோ² ய꞉ தேன ந விநாஷி²த꞉ |
யத்ர ஸா ஜானகீ ஸீதா ஸ தேன ந விநாஷி²த꞉ || 5-42-17
ஜானகீ ரக்ஷண அர்த²ம் வா ஷ்²ரமாத் வா ந உபலப்⁴யதே |
அத²வா க꞉ ஷ்²ரம꞉ தஸ்ய ஸா ஏவ தேன அபி⁴ரக்ஷிதா || 5-42-18
சாரு பல்லவ பத்ர ஆட்⁴யம் யம் ஸீதா ஸ்வயம் ஆஸ்தி²தா |
ப்ரவ்ருʼத்³த⁴꞉ ஷி²ம்ʼஷ²பா வ்ருʼக்ஷ꞉ ஸ ச தேன அபி⁴ரக்ஷித꞉ || 5-42-19
தஸ்ய உக்³ர ரூபஸ்ய உக்³ரம் த்வம் த³ண்ட³ம் ஆஜ்ஞாதும் அர்ஹஸி |
ஸீதா ஸம்பா⁴ஷிதா யேன தத் வனம் ச விநாஷி²தம் || 5-42-20
மன꞉ பரிக்³ருʼஹீதாம் தாம் தவ ரக்ஷோ க³ண ஈஷ்²வர |
க꞉ ஸீதாம் அபி⁴பா⁴ஷேத யோ ந ஸ்யாத் த்யக்த ஜீவித꞉ || 5-42-21
ராக்ஷஸீனாம் வச꞉ ஷ்²ருத்வா ராவணோ ராக்ஷஸ ஈஷ்²வர꞉ |
ஹுத அகி³꞉ இவ ஜஜ்வால கோப ஸம்வர்தித ஈக்ஷண꞉ || 5-42-22
தஸ்ய க்ருத்³த⁴ஸ்ய நேத்ராப்⁴யாம் ப்ராபதன்னஸ்ரபி³ந்த³வ꞉ |
தீ³ப்தாப்⁴யாமிவ ஜஜ்வால கோபஸம்ʼவர்திதேக்ஷண꞉ || 5-42-23
ஆத்மன꞉ ஸத்³ருʼஷா²ன் ஷூ²ரான் கிம்கரான் நாம ராக்ஷஸான் |
வ்யாதி³தே³ஷ² மஹாதேஜா நிக்³ரஹ அர்த²ம் ஹனூமத꞉ || 5-42-24
தேஷாம் அஷீ²தி ஸாஹஸ்ரம் கிம்கராணாம் தரஸ்வினாம் |
நிர்யயு꞉ ப⁴வனாத் தஸ்மாத் கூட முத்³க³ர பாணய꞉ || 5-42-25
மஹாஉத³ரா மஹாத³ம்ஷ்ட்ரா கோ⁴ர ரூபா மஹாப³லா꞉ |
யுத்³த⁴ அபி⁴மனஸ꞉ ஸர்வே ஹனூமத் க்³ரஹண உன்முகா²꞉ || 5-42-26
தே கபிம் தம் ஸமாஸாத்³ய தோரணஸ்த²ம் அவஸ்தி²தம் |
அபி⁴பேது꞉ மஹாவேகா³꞉ பதன்கா³ இவ பாவகம் || 5-42-27
தே க³தா³பி⁴꞉ விசித்ராபி⁴꞉ பரிகை⁴꞉ கான்சன அன்க³தை³꞉ |
ஆஜக்⁴னு꞉ வானர ஷ்²ரேஷ்ட²ம் ஷ²ரை꞉ ஆதி³த்ய ஸம்னிபை⁴꞉ || 5-42-28
முத்³க³ரை꞉ பட்டிஸை꞉ ஷூ²லை꞉ ப்ராஸதோமரஷ²க்திபி⁴꞉ |
பரிவார்ய ஹனூமந்தம்ʼ ஸஹஸா தஸ்து²ரக்³ரத꞉ || 5-42-29
ஹனூமான் அபி தேஜஸ்வீ ஶ்ரீமான் பர்வத ஸம்னிப⁴꞉ |
க்ஷிதாவ் ஆவித்⁴ய லான்கூ³ளம் நநாத³ ச மஹாஸ்வனம் || 5-42-30
ஸ பூ⁴த்வா ஸுமஹாகாயோ ஹனுமான் மாருதாத்மஜ꞉ |
த்⁴ருʼஷ்டமாஸ்போ²டயாமாஸ லங்காம் ஷ²ப்³தே³ன பூரயன் || 5-42-31
தஸ்யஸ்போ²டிதஷ²ப்³தே³ன மஹதா ஸானுநாதி³னா |
பேதுர்விஹங்கா³ க³க³நாது³ச்சைஷ்²சேத³மகோ⁴யத் || 5-42-32
ஜயத்யதிப³லோ ராமோ லக்ஷ்மணஷ்²ச மஹாப³ல꞉ |
ராஜா ஜயதி ஸுக்³ரீவோ ராக⁴வேணாபி⁴பாலித꞉ || 5-42-33
தா³ஸோ(அ)ஹம் கோஸலேந்த்³ரஸ்ய ராமஸ்யாக்லிஷ்டகர்மண꞉ |
ஹனுமான் ஷ²த்ருஸைன்யானாம் நிஹந்தா மாருதாத்மஜ꞉ || 5-42-34
ந ராவணஸஹஸ்ரம் மே யுத்³தே⁴ ப்ரதிப³லம்ʼ ப⁴வேத் |
ஷி²லாபி⁴ஸ்து ப்ரஹரத꞉ பாத³பைஷ்²ச ஸஹஸ்ரஷ²꞉ || 5-42-35
அர்த³யித்வா புரீம் லங்காமபி⁴வாத்³ய ச மைதி²லீம் |
ஸம்ருʼத்³தா⁴ர்தோ² க³மிஷ்யாமி மிஷதாம் ஸர்வரக்ஷஸாம் || 5-42-36
தஸ்ய ஸந்நாத³ ஷ²ப்³தே³ன தே அப⁴வன் ப⁴ய ஷ²ன்கிதா꞉ |
த³த்³ருʼஷு²꞉ ச ஹனூமந்தம் ஸந்த்⁴யா மேக⁴ம் இவ உன்னதம் || 5-42-37
ஸ்வாமி ஸந்தே³ஷ² நிஹ்ஷ²ன்கா꞉ தத꞉ தே ராக்ஷஸா꞉ கபிம் |
சித்ரை꞉ ப்ரஹரணை꞉ பீ⁴மை꞉ அபி⁴பேது꞉ தத꞉ தத꞉ || 5-42-38
ஸ தை꞉ பரிவ்ருʼத꞉ ஷூ²ரை꞉ ஸர்வத꞉ ஸ மஹாப³ல꞉ |
ஆஸஸாத³ ஆயஸம் பீ⁴மம் பரிக⁴ம் தோரண ஆஷ்²ரிதம் || 5-42-39
ஸ தம் பரிக⁴ம் ஆதா³ய ஜகா⁴ன ரஜனீ சரான் |
ஸ பன்னக³ம் இவ ஆதா³ய ஸ்பு²ரந்தம் வினதா ஸுத꞉ || 5-42-40
விசசார அம்ப³ரே வீர꞉ பரிக்³ருʼஹ்ய ச மாருதி꞉ |
ஸ ஹத்வா ராக்ஷஸான் வீர꞉ கிம்கரான் மாருத ஆத்மஜ꞉ || 5-42-41
யுத்³த⁴ ஆகான்க்ஷீ புன꞉ வீர꞉ தோரணம் ஸமுபஸ்தி²த꞉ |
தத꞉ தஸ்மாத் ப⁴யான் முக்தா꞉ கதிசித் தத்ர ராக்ஷஸா꞉ || 5-42-42
நிஹதான் கிம்கரான் ஸர்வான் ராவணாய ந்யவேத³யன் |
ஸ ராக்ஷஸானாம் நிஹதம் மஹாப³லம் |
நிஷ²ம்ய ராஜா பரிவ்ருʼத்த லோசன꞉ |
ஸமாதி³தே³ஷ² அப்ரதிமம் பராக்ரமே |
ப்ரஹஸ்த புத்ரம் ஸமரே ஸுது³ர்ஜயம் || 5-42-43
இத்யார்ஷே ஶ்ரீமத்³ராமாயணே ஆதி³காவ்யே ஸுந்த³ரகாண்டே³ த்³விசத்வாரிம்ʼஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
