வால்மீகிராமாயணே ஆதி³காவ்யே பா³லகாண்டே³ ஸப்தம꞉ ஸர்க³꞉
Shlokas in audio recited by Mrs.Ranganayaki, Chennai.
தஸ்யாமாத்யா கு³ணைராஸந்நிக்ஷ்வாகோஸ்து மஹாத்மந꞉ |
மந்த்ரஜ்ஞாஷ்²சேங்கி³தஜ்ஞாஷ்²ச நித்யம் ப்ரியஹிதே ரதா꞉ || 1-7-1
அஷ்டௌ ப³பூ⁴வுர்வீரஸ்ய தஸ்யாமாத்யா யஷ²ஸ்விந꞉ |
ஷு²சயஷ்²சாநுரக்தாஷ்²ச ராஜக்ருத்யேஷு நித்யஷ²꞉ || 1-7-2
த்⁴ருஷ்டிர்ஜயந்தோ விஜயோ ஸுராஷ்ட்ரோ ராஷ்ட்ரவர்த⁴ந꞉ |
அகோபோ த⁴ர்மபாலஷ்²ச ஸுமந்த்ரஷ்²சாஷ்டமோ(அ)ப⁴வத் || 1-7-3
ருத்விஜௌ த்³வாவபி⁴மதௌ தஸ்யாஸ்தாம்ருஷிஸத்தமௌ |
வஷி²ஷ்டோ² வாமதே³வஷ்²ச மந்த்ரிணஷ்²ச ததா²பரே || 1-7-4
ஸுயஜ்ஞோ(அ)ப்யத² ஜாபா³லி꞉ காஷ்²யபோ(அ)ப்யத² கௌ³தம꞉ |
மார்கண்டே³யஸ்து தீ³ர்கா⁴யுஸ்ததா² காத்யாயநோ த்³விஜ꞉ || 1-7-5
ஏதைர்ப்³ரஹ்மர்ஷிபி⁴ர்நித்யம்ருத்விஜஸ்தஸ்ய பௌர்வகா꞉ |
வித்³யாவிநீதா ஹ்ரீமந்த꞉ குஷ²லா நியதேந்த்³ரியா꞉ || 1-7-6
ஷ்²ரீமந்தஷ்²ச மஹாத்மாந꞉ ஷா²ஸ்த்ரஜ்ஞா த்⁴ருட⁴விக்ரமா꞉ |
கீர்திமந்த꞉ ப்ரணிஹிதா யதா²வசநகாரிண꞉ || 1-7-7
தேஜ꞉க்ஷமாயஷ²꞉ப்ராப்தா꞉ ஸ்மிதபூர்வாபி⁴பா⁴ஷிண꞉ |
க்ரோதா⁴த்காமார்த²ஹேதோர்வா ந ப்³ரூயுரந்ருதம் வச꞉ || 1-7-8
தேஷாமவிதி³தம் கிஞ்சித்ஸ்வேஷு நாஸ்தி பரேஷு வா |
க்ரியமாணம் க்ருதம் வாபி சாரேணாபி சிகீர்ஷிதம் || 1-7-9
குஷ²லா வ்யவஹாரேஷு ஸௌஹ்ருதே³ஷு பரீக்ஷிதா꞉ |
ப்ராப்தகாலம் யதா²த³ண்ட³ம் தா⁴ரயேயு꞉ ஸுதேஷ்வபி || 1-7-10
கோஷ²ஸங்க்³ரஹணே யுக்தா ப³லஸ்ய ச பரிக்³ரஹே |
அஹிதம் சாபி புருஷம் ந ஹிம்ஸ்யுரவிதூ³ஷகம் || 1-7-11
வீராஷ்²ச நியதோத்ஸாஹா ராஜஷா²ஸ்த்ரமநுஷ்டி²தா꞉ |
ஷு²சீநாம் ரக்ஷிதாரஷ்²ச நித்யம் விஷயவாஸிநாம் || 1-7-12
ப்³ரஹ்ம க்ஷத்ரமஹிம்ஸந்தஸ்தே கோஷ²ம் ஸமபூரயன் |
ஸுதீக்ஷ்ணத³ண்டா³꞉ ஸம்ப்ரேக்ஷ்ய புருஷஸ்ய ப³லாப³லம் || 1-7-13
ஷு²சீநாமேகபு³த்³தீ⁴நாம் ஸர்வேஷாம் ஸம்ப்ரஜாநதாம் |
நாஸீத்புரே வா ராஷ்ட்ரே வா ம்ருஷாவாதீ³ நர꞉ க்வசித் || 1-7-14
கஷ்²சிந்ந து³ஷ்டஸ்தத்ராஸீத்பரதா³ரரதோ நர꞉ |
ப்ரஷா²ந்தம் ஸர்வமேவாஸீத்³ராஷ்ட்ரம் புரவரம் ச தத் || 1-7-15
ஸுவாஸஸ꞉ ஸுவேஷாஷ்²ச தே ச ஸர்வே ஷு²சிவ்ரதா꞉ |
ஹிதார்த²ம் ச நரேந்த்³ரஸ்ய ஜாக்³ரதோ நயசக்ஷுஷா || 1-7-16
கு³ரோர்கு³ணக்³ருஹீதாஷ்²ச ப்ரக்²யாதாஷ்²ச பராக்ரமே |
விதே³ஷே²ஷ்வபி விஜ்ஞாதா꞉ ஸர்வதோ பு³த்³தி⁴நிஷ்²சயா꞉ || 1-7-17
அபி⁴தோ கு³ணவந்தஷ்²ச ந சாஸன் கு³ணவர்ஜிதா꞉ |
ஸந்தி⁴விக்³ரஹதத்த்வஜ்ஞா꞉ ப்ரக்ருத்யா ஸம்பதா³ந்விதா꞉ | 1-7-18
மந்த்ரஸம்வரணே ஷ²க்தா꞉ ஷ²க்தா꞉ ஸூக்ஷ்மாஸு பு³த்³தி⁴ஷு |
நீதிஷா²ஸ்த்ரவிஷே²ஷஜ்ஞா꞉ ஸததம் ப்ரியவாதி³ந꞉ || 1-7-19
ஈத்³ருஷை²ஸ்தைரமாத்யைஷ்²ச ராஜா த³ஷ²ரதோ²(அ)நக⁴꞉ |
உபபந்நோ கு³ணோபேதைரந்வஷா²ஸத்³வஸுந்த⁴ராம் || 1-7-20
அவேக்ஷமாணஷ்²சாரேண ப்ரஜா த⁴ர்மேண ரக்ஷயன் |
ப்ரஜாநாம் பாலநம் குர்வந்நத⁴ர்மம் பரிவர்ஜயன் || 1-7-21
விஷ்²ருதஸ்த்ரிஷு லோகேஷு வதா³ந்ய꞉ ஸத்யஸங்க³ர꞉ |
ஸ தத்ர புருஷவ்யாக்⁴ர꞉ ஷ²ஷா²ஸ ப்ருதி²வீமிமாம் || 1-7-22
நாத்⁴யக³ச்ச²த்³விஷி²ஷ்டம் வா துல்யம் வா ஷ²த்ருமாத்மந꞉ |
மித்ரவாந்நதஸாமந்த꞉ ப்ரதாபஹதகண்டக꞉ |
ஸ ஷ²ஷா²ஸ ஜக³த்³ராஜா தி³வம் தே³வபதிர்யதா² || 1-7-23
தைர்மந்த்ரிபி⁴ர்மந்த்ரஹிதே நிவிஷ்டை꞉
வ்ருதோ(அ)நுரக்தை꞉ குஷ²லை꞉ ஸமர்தை²꞉ |
ஸ பார்தி²வோ தீ³ப்திமவாப யுக்த꞉
தேஜோமயைர்கோ³பி⁴ரிவோதி³தோ(அ)ர்க꞉ || 1-7-24
இதி வால்மீகிராமாயணே ஆதி³காவ்யே பா³லகாண்டே³ ஸப்தம꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
