வால்மீகிராமாயணே ஆதி³காவ்யே பா³லகாண்டே³ அஷ்டாத³ஷ²꞉ ஸர்க³꞉
Shlokas in audio recited by Mrs.Ranganayaki, Chennai.
நிர்வ்ருத்தே து க்ரதௌ தஸ்மின் ஹயமேதே⁴ மஹாத்மன꞉ |
ப்ரதிக்³ருஹ்ய ஸுரா பா⁴கா³ன் ப்ரதிஜக்³முர்யதா²க³தம் || 1-18-1
ஸமாப்ததீ³க்ஷாநியம꞉ பத்னீக³ணஸமன்வித꞉ |
ப்ரவிவேஷ² புரீம் ராஜா ஸப்⁴ருத்யப³லவாஹன꞉ || 1-18-2
யதா²ர்ஹம் பூஜிதாஸ்தேன ராஜ்ஞா ச ப்ருதி²வீஷ்²வரா꞉ |
முதி³தா꞉ ப்ரயயுர்தே³ஷா²ன் ப்ரணம்ய முனிபுங்க³வம் || 1-18-3
ஷ்²ரீமதாம் க³ச்ச²தாம் தேஷாம் ஸ்வக்³ருஹாணி புராத்தத꞉ |
ப³லானி ராஜ்ஞாம் ஷு²ப்⁴ராணி ப்ரஹ்ருஷ்டானி சகாஷி²ரே || 1-18-4
க³தேஷு ப்ருதி²வீஷே²ஷு ராஜா த³ஷ²ரத²ஸ்ததா³ |
ப்ரவிவேஷ² புரீம் ஷ்²ரீமான் புரஸ்க்ருத்ய த்³விஜோத்தமான் || 1-18-5
ஷா²ந்தயா ப்ரயயௌ ஸார்த⁴ம்ருஷ்யஷ்²ருங்க³꞉ ஸுபூஜித꞉ |
அனுக³ம்யமானோ ராஜ்ஞா ச ஸானுயாத்ரேண தீ⁴மதா || 1-18-6
ஏவம் விஸ்ருஜ்ய தான் ஸர்வான் ராஜா ஸம்பூர்ணமானஸ꞉ |
உவாஸ ஸுகி²தஸ்தத்ர புத்ரோத்பத்திம் விசிந்தயன் || 1-18-7
ததோ யஜ்ஞே ஸமாப்தே து ருதூனாம் ஷட் ஸமத்யயு꞉ |
ததஷ்²ச த்³வாத³ஷே² மாஸே சைத்ரே நாவமிகே திதௌ² || 1-18-8
நக்ஷத்ரே(அ)தி³திதை³வத்யே ஸ்வோச்சஸம்ஸ்தே²ஷு பஞ்சஸு |
க்³ரஹேஷு கர்கடே லக்³னே வாக்பதாவிந்து³னா ஸஹ || 1-18-9
ப்ரோத்³யமானே ஜக³ந்நாத²ம் ஸர்வலோகநமஸ்க்ருதம் |
கௌஸல்யாஜனயத்³ராமம் ஸர்வலக்ஷணஸம்யுதம் || 1-18-10
விஷ்ணோரர்த⁴ம் மஹாபா⁴க³ம் புத்ரமைக்ஷ்வாகுநந்த³னம் |
லோஹிதாக்ஷம் மஹாபா³ஹும் ரக்தௌஷ்ட²ம் து³ந்து³பி⁴ஸ்வனம் || 1-18-11
கௌஸல்யா ஷு²ஷு²பே⁴ தேன புத்ரேணாமிததேஜஸா |
யதா² வரேண தே³வாநாமதி³திர்வஜ்ரபாணினா || 1-18-12
ப⁴ரதோ நாம கைகேய்யாம் ஜஜ்ஞே ஸத்யபராக்ரம꞉ |
ஸாக்ஷாத்³விஷ்ணோஷ்²சதுர்பா⁴க³꞉ ஸர்வை꞉ ஸமுதி³தோ கு³ணை꞉ || 1-18-13
அத² லக்ஷ்மணஷ²த்ருக்⁴னௌ ஸுமித்ராஜனயத் ஸுதௌ |
வீரௌ ஸர்வாஸ்த்ரகுஷ²லௌ விஷ்ணோரர்த⁴ஸமன்விதௌ | 1-18-14
புஷ்யே ஜாதஸ்து ப⁴ரதோ மீனலக்³னே ப்ரஸன்னதீ⁴꞉ |
ஸார்பே ஜாதௌ து ஸௌமித்ரீ குளீரே(அ)ப்⁴யுதி³தே ரவௌ || 1-18-15
ராஜ்ஞ꞉ புத்ரா மஹாத்மானஷ்²சத்வாரோ ஜஜ்ஞிரே ப்ருத²க் |
கு³ணவந்தோ(அ)னுரூபாஷ்²ச ருச்யா ப்ரோஷ்ட²பதோ³பமா꞉ || 1-18-16
ஜகு³꞉ கலம் ச க³ந்த⁴ர்வா நந்ருதுஷ்²சாப்ஸரோக³ணா꞉ |
தே³வது³ந்து³ப⁴யோ நேது³꞉ புஷ்பவ்ருஷ்டிஷ்²ச கா²த்பதத் || 1-18-17
உத்ஸவஷ்²ச மஹானாஸீத³யோத்⁴யாயாம் ஜனாகுல꞉ |
ரத்²யாஷ்²ச ஜனஸம்பா³தா⁴ நடனர்தகஸங்குலா꞉ || 1-18-18
கா³யனைஷ்²ச விராவிண்யோ வாத³னைஷ்²ச ததா²பரை꞉ |
விரேஜுர்விபுலாஸ்தத்ர ஸர்வரத்னஸமன்விதா꞉ || 1-18-19
ப்ரதே³யாம்ஷ்²ச த³தௌ³ ராஜா ஸூதமாக³த⁴வந்தி³னாம் |
ப்³ராஹ்மணேப்⁴யோ த³தௌ³ வித்தம் கோ³த⁴னானி ஸஹஸ்ரஷ²꞉ || 1-18-20
அதீத்யைகாத³ஷா²ஹம் து நாமகர்ம ததா²கரோத் |
ஜ்யேஷ்ட²ம் ராமம் மஹாத்மானம் ப⁴ரதம் கைகயீஸுதம் || 1-18-21
ஸௌமித்ரீ லக்ஷ்மணமிதி ஷ²த்ருக்⁴னமபரம் ததா² |
வஸிஷ்ட²꞉ பரமப்ரீதோ நாமானி குருதே ததா³ || 1-18-22
ப்³ராஹ்மணான் போ⁴ஜயாமாஸ பௌரான் ஜானபதா³னபி |
அத³த³த்³ப்³ராஹ்மணானாம் ச ரத்னௌக⁴மமிதம் ப³ஹு || 1-18-23
தேஷாம் ஜன்மக்ரியாதீ³னி ஸர்வகர்மாண்யகாரயத் |
தேஷாம் கேதுரிவ ஜ்யேஷ்டோ² ராமோ ரதிகர꞉ பிது꞉ |1-18-24
ப³பூ⁴வ பூ⁴யோ பூ⁴தானாம் ஸ்வயம்பூ⁴ரிவ ஸம்மத꞉ |
ஸர்வே வேத³வித³꞉ ஷூ²ரா꞉ ஸர்வே லோகஹிதே ரதா꞉ || 1-18-25
ஸர்வே ஜ்ஞானோபஸம்பன்னா꞉ ஸர்வே ஸமுதி³தா கு³ணை꞉ |
தேஷாமபி மஹாதேஜா ராம꞉ ஸத்யபராக்ரம꞉ || 1-18-26
இஷ்ட꞉ ஸர்வஸ்ய லோகஸ்ய ஷ²ஷா²ங்க இவ நிர்மல꞉ |
க³ஜஸ்கந்தே⁴(அ)ஷ்²வப்ருஷ்டே² ச ரத²சர்யாஸு ஸம்மத꞉ || 1-18-27
த⁴னுர்வேதே³ ச நிரத꞉ பித்ருஷு²ஷ்²ரூஷணே ரத꞉ |
பா³ல்யாத் ப்ரப்⁴ருதி ஸுஸ்னிக்³தோ⁴ லக்ஷ்மணோ லக்ஷ்மிவர்த⁴ன꞉ || 1-18-28
ராமஸ்ய லோகராமஸ்ய ப்⁴ராதுர்ஜ்யேஷ்ட²ஸ்ய நித்யஷ²꞉ |
ஸர்வப்ரியகரஸ்தஸ்ய ராமஸ்யாபி ஷ²ரீரத꞉ || 1-18-29
லக்ஷ்மணோ லக்ஷ்மிஸம்பன்னோ ப³ஹி꞉ப்ராண இவாபர꞉ |
ந ச தேன வினா நித்³ராம் லப⁴தே புருஷோத்தம꞉ || 1-18-30
ம்ருஷ்டமன்னமுபானீதமஷ்²னாதி ந ஹி தம் வினா |
யதா³ ஹி ஹயமாரூடோ⁴ ம்ருக³யாம் யாதி ராக⁴வ꞉ || 1-18-31
ததை³னம் ப்ருஷ்ட²தோ(அ)ப்⁴யேதி ஸ த⁴னு꞉ பரிபாலயன் |
ப⁴ரதஸ்யாபி ஷ²த்ருக்⁴னோ லக்ஷ்மணாவரஜோ ஹி ஸ꞉ || 1-18-32
ப்ராணை꞉ ப்ரியதரோ நித்யம் தஸ்ய சாஸீத்ததா² ப்ரிய꞉ |
ஸ சதுர்பி⁴ர்மஹாபா⁴கை³꞉ புத்ரைர்த³ஷ²ரத²꞉ ப்ரியை꞉ || 1-18-33
ப³பூ⁴வ பரமப்ரீதோ தே³வைரிவ பிதாமஹ꞉ |
தே யதா³ ஜ்ஞானஸம்பன்னா꞉ ஸர்வே ஸமுதி³தா கு³ணை꞉ || 1-18-34
ஹ்ரீமந்த꞉ கீர்திமந்தஷ்²ச ஸர்வஜ்ஞா தீ³ர்க⁴த³ர்ஷி²ன꞉ |
தேஷாமேவம் ப்ரபா⁴வாணாம் ஸர்வேஷாம் தீ³ப்ததேஜஸாம் || 1-18-35
பிதா த³ஷ²ரதோ² ஹ்ருஷ்டோ ப்³ரஹ்மா லோகாதி⁴போ யதா² |
தே சாபி மனுஜவ்யாக்⁴ரா வைதி³காத்⁴யயனே ரதா꞉ || 1-18-36
பித்ருஷு²ஷ்²ரூஷணரதா த⁴னுர்வேதே³ ச நிஷ்டி²தா꞉ |
அத² ராஜா த³ஷ²ரத²ஸ்தேஷாம் தா³ரக்ரியாம் ப்ரதி || 1-18-37
சிந்தயாமாஸ த⁴ர்மாத்மா ஸோபாத்⁴யாய꞉ ஸபா³ந்த⁴வ꞉ |
தஸ்ய சிந்தயமானஸ்ய மந்த்ரி மத்⁴யே மஹாத்மன꞉ || 1-18-38
அப்⁴யாக³ச்ச²ன்மஹாதேஜா விஷ்²வாமித்ரோ மஹாமுனி꞉ |
ஸ ராஜ்ஞோ த³ர்ஷ²னாகாங்க்ஷீ த்³வாராத்⁴யக்ஷானுவாச ஹ || 1-18-39
ஷீ²க்⁴ரமாக்²யாத மாம் ப்ராப்தம் கௌஷி²கம் கா³தி⁴ன꞉ ஸுதம் |
தச்ச்²ருத்வா வசனம் தஸ்ய ராஜ்ஞோ வேஷ்²ம ப்ரது³த்³ருவு꞉ || 1-18-40
ஸம்ப்⁴ராந்தமனஸ꞉ ஸர்வே தேன வாக்யேன சோதி³தா꞉ |
தே க³த்வா ராஜப⁴வனம் விஷ்²வாமித்ரம்ருஷிம் ததா³ || 1-18-41
ப்ராப்தமாவேத³யாமாஸுர்ந்ருபாயேக்ஷ்வாகவே ததா³ |
தேஷாம் தத்³வசனம் ஷ்²ருத்வா ஸபுரோதா⁴꞉ ஸமாஹித꞉ || 1-18-42
ப்ரத்யுஜ்ஜகா³ம ஸம்ஹ்ருஷ்டோ ப்³ரஹ்மாணமிவ வாஸவ꞉ |
தம் த்³ருஷ்ட்வா ஜ்வலிதம் தீ³ப்த்யா தாபஸம் ஸம்ஷி²தவ்ரதம் || 1-18-43
ப்ரஹ்ருஷ்டவத³னோ ராஜா ததோ(அ)ர்க்⁴யமுபஹாரயத் |
ஸ ராஜ்ஞ꞉ ப்ரதிக்³ருஹ்யார்க்⁴யம் ஷா²ஸ்த்ரத்³ருஷ்டேன கர்மணா || 1-18-44
குஷ²லம் சாவ்யயம் சைவ பர்யப்ருச்ச²ன்னராதி⁴பம் |
புரே கோஷே² ஜனபதே³ பா³ந்த⁴வேஷு ஸுஹ்ருத்ஸு ச || 1-18-45
குஷ²லம் கௌஷி²கோ ராஜ்ஞ꞉ பர்யப்ருச்ச²த் ஸுதா⁴ர்மிக꞉ |
அபி தே ஸம்நதா꞉ ஸர்வே ஸாமந்தா ரிபவோ ஜிதா꞉ || 1-18-46
தை³வம் ச மானுஷம் சைவ கர்ம தே ஸாத்⁴வனுஷ்டி²தம் |
வஸிஷ்ட²ம் ச ஸமாக³ம்ய குஷ²லம் முனிபுங்க³வ꞉ || 1-18-47
ருஷீம்ஷ்²ச தான் யதா²ந்யாயம் மஹாபா⁴கா³னுவாச ஹ |
தே ஸர்வே ஹ்ருஷ்டமனஸஸ்தஸ்ய ராஜ்ஞோ நிவேஷ²னம் || 1-18-48
விவிஷு²꞉ பூஜிதாஸ்தேன நிஷேது³ஷ்²ச யதா²ர்ஹத꞉ |
அத² ஹ்ருஷ்டமனா ராஜா விஷ்²வாமித்ரம் மஹாமுனிம் || 1-18-49
உவாச பரமோதா³ரோ ஹ்ருஷ்டஸ்தமபி⁴பூஜயன் |
யதா²ம்ருதஸ்ய ஸம்ப்ராப்திர்யதா² வர்ஷமனூத³கே || 1-18-50
யதா² ஸத்³ருஷ²தா³ரேஷு புத்ரஜன்மாப்ரஜஸ்ய வை |
ப்ரணஷ்டஸ்ய யதா² லாபோ⁴ யதா² ஹர்ஷோ மஹோத³யே || 1-18-51
ததை²வாக³மனம் மன்யே ஸ்வாக³தம் தே மஹாமுனே |
கம் ச தே பரமம் காமம் கரோமி கிமு ஹர்ஷித꞉ || 1-18-52
பாத்ரபூ⁴தோ(அ)ஸி மே ப்³ரஹ்மன் தி³ஷ்ட்யா ப்ராப்தோ(அ)ஸி மானத³ |
அத்³ய மே ஸப²லம் ஜன்ம ஜீவிதம் ச ஸுஜீவிதம் || 1-18-53
யஸ்மாத்³ விப்ரேந்த்³ரமத்³ராக்ஷம் ஸுப்ரபா⁴தா நிஷா² மம |
பூர்வம் ராஜர்ஷிஷ²ப்³தே³ன தபஸா த்³யோதிதப்ரப⁴꞉ || 1-18-54
ப்³ரஹ்மர்ஷித்வமனுப்ராப்த꞉ பூஜ்யோ(அ)ஸி ப³ஹுதா⁴ மயா |
தத³த்³பு⁴தமபூ⁴த் விப்ர பவித்ரம் பரமம் மம || 1-18-55
ஷு²ப⁴க்ஷேத்ரக³தஷ்²சாஹம் தவ ஸந்த³ர்ஷ²னாத் ப்ரபோ⁴ |
ப்³ரூஹி யத் ப்ரார்தி²தம் துப்⁴யம் கார்யமாக³மனம் ப்ரதி || 1-18-56
இச்சா²ம்யனுக்³ருஹீதோ(அ)ஹம் த்வத³ர்த²ம் பரிவ்ருத்³த⁴யே |
கார்யஸ்ய ந விமர்ஷ²ம் ச க³ந்துமர்ஹஸி ஸுவ்ரத || 1-18-57
கர்தா சாஹமஷே²ஷேண தை³வதம் ஹி ப⁴வான் மம |
மம சாயமனுப்ராப்தோ மஹானப்⁴யுத³யோ த்³விஜ |
தவாக³மனஜ꞉ க்ருத்ஸ்னோ த⁴ர்மஷ்²சானுத்தமோ த்³விஜ || 1-18-58
இதி ஹ்ருத³யஸுக²ம் நிஷ²ம்ய வாக்யம்
ஷ்²ருதிஸுக²மாத்மவதா வினீதமுக்தம் |
ப்ரதி²தகு³ணயஷா² கு³ணைர்விஷி²ஷ்ட꞉
பரமருஷி꞉ பரமம் ஜகா³ம ஹர்ஷம் || 1-18-59
இதி வால்மீகிராமாயணே ஆதி³காவ்யே பா³லகாண்டே³ அஷ்டாத³ஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
