வால்மீகிராமாயணே ஆதி³காவ்யே பா³லகாண்டே³ ஸப்தவிம்ஷ²꞉ ஸர்க³꞉
Shlokas in audio recited by Mrs.Ranganayaki, Chennai.
அத² தாம் ரஜனீமுஷ்ய விஷ்²வாமித்ரோ மஹாயஷா²꞉ |
ப்ரஹஸ்ய ராக⁴வம் வாக்யமுவாச மது⁴ராக்ஷரம் || 1-27-1
பரிதுஷ்டோ(அ)ஸ்மி ப⁴த்³ரம் தே ராஜபுத்ர மஹாயஷ²꞉ |
ப்ரீத்யா பரமயா யுக்தோ த³தா³ம்யஸ்த்ராணி ஸர்வஷ²꞉ || 1-27-2
தே³வாஸுரக³ணான் வாபி ஸக³ந்த⁴ர்வோரகா³ன்பு⁴வி |
யைரமித்ரான் ப்ரஸஹ்யாஜௌ வஷீ²க்ருத்ய ஜயிஷ்யஸி || 1-27-3
தானி தி³வ்யானி ப⁴த்³ரம் தே த³தா³ம்யஸ்த்ராணி ஸர்வஷ²꞉ |
த³ண்ட³சக்ரம் மஹத்³தி³வ்யம் தவ தா³ஸ்யாமி ராக⁴வ || 1-27-4
த⁴ர்மசக்ரம் ததோ வீர காலசக்ரம் ததை²வ ச |
விஷ்ணுசக்ரம் ததா²த்யுக்³ரமைந்த்³ரம் சக்ரம் ததை²வ ச || 1-27-5
வஜ்ரமஸ்த்ரம் நரஷ்²ரேஷ்ட² ஷை²வம் ஷூ²லவரம் ததா² |
அஸ்த்ரம் ப்³ரஹ்மஷி²ரஷ்²சைவ ஐஷீகமபி ராக⁴வ || 1-27-6
த³தா³மி தே மஹாபா³ஹோ ப்³ராஹ்மமஸ்த்ரமனுத்தமம் |
க³தே³ த்³வே சைவ காகுத்ஸ்த² மோத³கீ ஷி²க²ரீ ஷு²பே⁴ || 1-27-7
ப்ரதீ³ப்தே நரஷா²ர்தூ³ல ப்ரயச்சா²மி ந்ருபாத்மஜ |
த⁴ர்மபாஷ²மஹம் ராம காலபாஷ²ம் ததை²வ ச || 1-27-8
வாருணம் பாஷ²மஸ்த்ரம் ச த³தா³ம்யஹமனுத்தமம் |
அஷ²னீ த்³வே ப்ரயச்சா²மி ஷு²ஷ்கார்த்³ரே ரகு⁴நந்த³ன || 1-27-9
த³தா³மி சாஸ்த்ரம் பைனாகமஸ்த்ரம் நாராயணம் ததா² |
ஆக்³னேயமஸ்த்ரம் த³யிதம் ஷி²க²ரம் நாம நாமத꞉ || 1-27-10
வாயவ்யம் ப்ரத²மம் நாம த³தா³மி தவ சானக⁴ |
அஸ்த்ரம் ஹயஷி²ரோ நாம க்ரௌஞ்சமஸ்த்ரம் ததை²வ ச || 1-27-11
ஷ²க்தித்³வயம் ச காகுத்ஸ்த² த³தா³மி தவ ராக⁴வ |
கங்காலம் முஸலம் கோ⁴ரம் காபாலமத² கிங்கிணீம் || 1-27-12
வதா⁴ர்த²ம் ரக்ஷஸாம் யானி த³தா³ம்யேதானி ஸர்வஷ²꞉ |
வைத்³யாத⁴ரம் மஹாஸ்த்ரம் ச நந்த³னம் நாம நாமத꞉ || 1-27-13
அஸிரத்னம் மஹாபா³ஹோ த³தா³மி ந்ருவராத்மஜ |
கா³ந்த⁴ர்வமஸ்த்ரம் த³யிதம் மோஹனம் நாம நாமத꞉ || 1-27-14
ப்ரஸ்வாபனம் ப்ரஷ²மனம் த³த்³மி ஸௌம்யம் ச ராக⁴வ |
வர்ஷணம் ஷோ²ஷணம் சைவ ஸந்தாபனவிலாபனே || 1-27-15
மாத³னம் சைவ து³ர்த⁴ர்ஷம் கந்த³ர்பத³யிதம் ததா² |
கா³ந்த⁴ர்வமஸ்த்ரம் த³யிதம் மானவம் நாம நாமத꞉ || 1-27-16
பைஷா²சமஸ்த்ரம் த³யிதம் மோஹனம் நாம நாமத꞉ |
ப்ரதீச்ச² நரஷா²ர்தூ³ல ராஜபுத்ர மஹாயஷ²꞉ || 1-27-17
தாமஸம் நரஷா²ர்தூ³ல ஸௌமனம் ச மஹாப³லம் |
ஸம்வர்தம் சைவ து³ர்த⁴ர்ஷம் மௌஸலம் ச ந்ருபாத்மஜ || 1-27-18
ஸத்யமஸ்த்ரம் மஹாபா³ஹோ ததா² மாயாமயம் பரம் |
ஸௌரம் தேஜ꞉ப்ரப⁴ம் நாம பரதேஜோ(அ)பகர்ஷணம் || 1-27-19
ஸோமாஸ்த்ரம் ஷி²ஷி²ரம் நாம த்வாஷ்ட்ரமஸ்த்ரம் ஸுதா³ருணம் |
தா³ருணம் ச ப⁴க³ஸ்யாபி ஷீ²தேஷுமத² மானவம் || 1-27-20
ஏதான் ராம மஹாபா³ஹோ காமரூபான் மஹாப³லான் |
க்³ருஹாண பரமோதா³ரான் க்ஷிப்ரமேவ ந்ருபாத்மஜ || 1-27-21
ஸ்தி²தஸ்து ப்ராங்முகோ² பூ⁴த்வா முனிவரஸ்ததா³ |
த³தௌ³ ராமாய ஸுப்ரீதோ மந்த்ரக்³ராமமனுத்தமம் || 1-27-22
ஸர்வஸங்க்³ரஹணம் யேஷாம் தை³வதைரபி து³ர்லப⁴ம் |
தான்யஸ்த்ராணி ததா³ விப்ரோ ராக⁴வாய ந்யவேத³யத் ||1-27-23
ஜபதஸ்து முனேஸ்தஸ்ய விஷ்²வாமித்ரஸ்ய தீ⁴மத꞉ |
உபதஸ்து²ர்மஹார்ஹாணி ஸர்வாண்யஸ்த்ராணி ராக⁴வம் || 1-27-24
ஊசுஷ்²ச முதி³தா ராமம் ஸர்வே ப்ராஞ்ஜலயஸ்ததா³ |
இமே ச பரமோதா³ரா꞉ கிங்கராஸ்தவ ராக⁴வ || 1-27-25
யத்³யதி³ச்ச²ஸி ப⁴த்³ரம் தே தத்ஸர்வம் கரவாம வை |
ததோ ராம꞉ ப்ரஸன்னாத்மா தைரித்யுக்தோ மஹாப³லை꞉ || 1-27-26
ப்ரதிக்³ருஹ்ய ச காகுத்ஸ்த²꞉ ஸமாலப்⁴ய ச பாணினா |
மனஸா மே ப⁴விஷ்யத்⁴வமிதி தானப்⁴யசோத³யத் || 1-27-27
தத꞉ ப்ரீதமனா ராமோ விஷ்²வாமித்ரம் மஹாமுனிம் |
அபி⁴வாத்³ய மஹாதேஜா க³மனாயோபசக்ரமே || 1-27-28
இதி வால்மீகிராமாயணே ஆதி³காவ்யே பா³லகாண்டே³ ஸப்தவிம்ஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
